اليوم العشرين من ذو الحجة.. وشهر ذو الحجة هو أحد الأشهر الحرم الأربعة التي هي رجب وذو القعدة وذو الحجة والمحرم؛ فشهر مفرد، وهو رجب، والبقية متتالية، وهي: ذو القعدة وذو الحجة ومحرم.. والظاهر أنها سميت حرمًا؛ لأن الله حرم فيها القتال بين الناس؛ فلهذا قيل لها حرم؛ جمع حرام.. كما قال الله تعالى ": إِنَّ عِدَّةَ الشُّهُورِ عِندَ اللّهِ اثْنَا عَشَرَ شَهْرًا فِي كِتَابِ اللّهِ يَوْمَ خَلَقَ السَّمَاوَات وَالأَرْضَ مِنْهَا أَرْبَعَةٌ حُرم" "التوبة:36]..
وقال تعالى: يَسْأَلُونَكَ عَنِ الشَّهْرِ الْحَرَامِ قِتَالٍ فِيهِ قُلْ قِتَالٌ فِيهِ كَبِيرٌ [البقرة:217]، فدل ذلك على أنه محرم فيها القتال، وذلك من رحمة الله لعباده.. فاللهم اكتب لنا حج بيتك الحرام وزيارة قبر حبيبك المصطفى عليه الصلاة والسلام.. اللهم أمين.. كنت أتمتم بها في نفسي .. فسمعت من يرددها ورائي.. فإذا بصديقي العزيز جالس إلى جواري.. على مائدتي بالمقهى الدبلوماسي.. فانتبهت وقلت له.. انت بقالك كتير قاعد.. فأجابني مبتسما .. انا كنت جاي أسألك عن حاجة.. فلقيتك في ملكوت تاني .. فقلت أسيبك براحتك.. فابتسمت انا الآخر وقلت له.. خيرا.. ماذا عندك..فأجابني وهو يفرك جبينه .. هو إيه حكاية الحكومة الجديدة دي.. هي حكومة سرية.. يعني هو طبيعي اللي بيحصل ده.. وبعدين .. رئيس الوزراء بعد ما يستقيل .. يرجع تاني.. هو الكلام ده مظبوط كده.. فقلت له.. شوف.. حكاية تكليف رئيس الوزراء المستقيل بتشكيل الحكومة الجديدة .. دي مش جديدة في تاريخ الحكومات المصرية.. يعني مثلا .. محمد شريف باشا تولى رئاسة الحكومة المصرية 3 مرات.. وزيه نوبار باشا ورياض باشا ونسيم باشا ويكن باشا.. أما علي ماهر باشا فتولى رئاسة الحكومة 4 مرات.. أما مصطفى النحاس باشا فضرب الرقم القياسي لما تولى رئاسة الحكومة المصرية 5 مرات.. واللي احنا عاصرناه فعليا.. الدكتور كمال الجنزوري تولى رئاسة الحكومة مرتين من يناير 1996 وحتى أكتوبر 1999 والفترة الثانية من ديسمبر 2011 وحتى يوليو 2012..
أما الدكتور مصطفى مدبولي رئيس الوزراء الحالي تولى رئاسة الحكومة من يونيو 2018 حتى يونيو 2024.. وتم قبول استقالته.. ثم تم تكليفه بتشكيل الحكومة الجديدة.. وهي الحكومة اللي كلنا منتظرينها..وهنا قاطعني قائلا.. طيب هم مين الوزراء اللي هيمشوا ومين اللي هيكملوا..فأجبته.. موضوع الحكومة ده حاجة محيرة شوية.. طبعا فيه ناس اللي هم قريبين من صناع القرار بيتسرب لهم بعض المعلومات علشان يروجوا لها بين الناس.. من باب التمهيد للأمر.. يعني بيقولو فيه وزراء كتير هيتغيروا.. طيب هم مين .. ماحدش يعرف.. اللي يقول الوزراء الكبار في السن زي وزير الكهرباء مثلا.. واللي يقولوا لأ.. الوزراء اللي المشاكل في وزاراتهم بقى صعب السكوت عنها.. زي التموين والزراعة والطيران.. وناس تانية بتقول لأ.. اللي هيتغيروا المسئولين عن الاقتصاد زي المالية والتعاون الدولي والتخطيط.. وهلم جرا.. لكن مين اللي هيتغير فعلا.. ماحدش يعرف.. فقال لي متحيرا.. هو احنا عندنا كام وزير.. قلت.. احنا عندنا 30 وزير و2 وزراء دولة.. يعني المجموع 32 .. فقال لي .. وده عدد كبير ولا صغير.. يعني الدول الثانية عندهم زينا كده.. قلت.. هو يبدو ان احنا عندنا العدد كبير شوية.. يعني مثلا فيه 15 وزارة في المانيا.. وفيه 14 وزيرا في أمريكا واليابان.. وفي فرنسا اكتر شوية عندهم 22 وزير في فرنسا 18 وزير و4 وزراء دولة.. فقال لي.. لكن انا عايز اعرف.. هو مين يعني اللي بيختار الوزراء دول.. الريس مثلا هو اللي بيختارهم.. ولا إيه.. فقلت له .. ما المسؤول أعلم من السائل.. ولكن أنا بتصور أنه من المفروض يكون فيه جهة ما مسؤولة عن الموضوع ده سواء في مؤسسة الرئاسة أو في مكان أخر.. لابد يكون عندهم داتا.. معلومات وبيانات يعني عن الشخصيات البارزة في البلد كلها.. سواء من العلماء في الجامعات والمراكز والمعاهد والمؤسسات البحثية .. وأيضا المتميزين في كل المجالات .. في الاقتصاد والتجارة والصناعة والزراعة وغيرهم.. وأكيد عندهم معايير ومقاييس وثوابت بيقيموا الناس المرشحة والمختارة عليها علشان يوصلوا لأفضل ناس يستحقوا تولي الحقائب الحكومية اللي من خلالها بيشوفوا مصالح الشعب كله.. فقال لي صديقي بكل تلقائية وهو يهم بالقيام.. لو ده اللي يحصل .. ده يبقى عندنا أحسن حكومة في الدنيا وكانت عيشيتنا تبقى عنب ولوز اللوز.. أما أنا.. فلم أجد ما أقوله بعده.. وللحديث بقية..
محرر بالموقع الموحد للهيئة الوطنية للإعلام
في ظل ما يشهده العالم من توالي صور القتل، والتهجير، والحصار، واستهداف المدنيين، صار سؤال ثقيل يتردد على ألسنة كثيرين:...
لم يعد الطفل يلتقي العالم من باب المدرسة والشارع والبيت فقط، بل صار يلتقيه أيضا من شاشة صغيرة تحمل المعرفة...
في لحظات التحول الكبرى، لا تقاس قوة الاقتصاد بما يعلن عنه، بل بما لا يزال قادرا على تحقيقه. هناك أرقام...
في بعض العلاقات، لا يكون التعب هو الأكثر إيلاما، بل الإصرار على الاستمرار رغم هذا التعب. قد تجد نفسك تبذل...