مريم أمين تعود  للتليفزيون المصري من جديد من خلال بوابة "من ماسبيرو"

في مشهد مؤثر داخل مبنى ماسبيرو، لم تتمالك الإعلامية مريم أمين دموعها وهي تعود إلى شاشة التلفزيون المصري من خلال برنامج "من ماسبيرو"، معبرة عن صعوبة التعبير عن فرحتها.

وقالت مريم، وسط تأثر شديد للإعلامية القديرة سناء منصور : "مش عارفة أقول ولا كلمة حقيقي ما كنتش عارفة إن حضرتك هتقدميني بالكلام الحلو ده، سعيدة ومتشرفة".

وأضافت: "المشاعر بقت مختلطة بين الرجوع، وبين أستاذتي اللي أنا ابتديت معاها وتحت إيديها واختارتني، ودائمًا تكون راصدة كل الحقيقة، ولما بنعمل حاجة حلوة أول ما بتشوفنا بنفس الحضن ده بيحصل".

وأكدت أن عودتها تعني "راجعة البيت هنا، راجعة ماسبيرو، راجعة للجمهور اللي كبرنا واللي له فضل علينا، وما كانش حد يعرفنا خالص لولا ماسبيرو، لولا الشاشات بتاعة المبنى الكريم العظيم الكبير ده، والفضائية المصرية".

وتوجهت بالتحية إلى الإعلامية الكبيرة سناء منصور، واصفة إياها بأنها "أستاذتنا كلنا، مش عايزة أقول مكتشفة النجوم، مكتشفة المذيعين، مكتشفة الصحفيين المميزين، مكتشفة المطربين الكبار، عملاقة، وأم وصديقة وكل حاجة حلوة".

واختتمت: "النهاردة لو ليا شرف إني راجعة تاني، أنا الشرف شرفين، إن والدتي في مجال الإعلام هي اللي بتستقبلني. " ووجهت حدسثها للمشاهدي ن قائلة:" أهلاً بكم مشاهدينا الكرام، كونوا معانا وتابعونا، ودائمًا هنكون معاكم من هنا .. من ماسبيرو".