قبل «نجم » و «الطلب ».. شاهد يكشف أسرار سنوات «إمام » الأولى

حمد سالم: السادات داس على وشه بالجزمة بسبب «قوقة» كره المشايخ وخلع الجبة والقفطان بعد ما حدث معه فى الجمعية الشرعية هجر القرآن واتجه للمغنى عن طريق شافية أحمد والد الفنان خالد صالح وطد علاقتى بالشيخ إمام كان يقلد أم كلثوم وعبد الوهاب ولحن موشحًا لعبد السميع بيومى رفض الصلح مع نجم بسبب ما حدث فى الجزائر الشيخ إمام تزوج وطلق فى «أبو النمرس».. وخطب وفشل فى القاهرة

في تاريخ الشيخ إمام، لا تزال البدايات غامضة، حكايات متناثرة بين ما روى وما أريد له أن يُروى، ما عاشه بالفعل وما حاول أن يقدمه عنه المثقفون، ما قرر أن يكشفه عن نفسه، وما ظهر في حواراته أنه يريد أن يخبئه.

خلال تسجيل هذه الشهادة، 2012، كانت المهمة الأصعب هي إيجاد شاهد عيان على حياة إمام الأولى، قبل أن يلتقى نجم، ويتحول صوته إلى نشيد للحركة الطلابية بعد هزيمة 1967.

كنا نبحث عن شاهد رأى بالعين، وسمع بالأذن وشارك في صياغة بعض الأحداث، ولم نجد أفضل من عم حمد سالم، موجه التعليم الذى خرج على المعاش، الشيوعي المثقف الذي صادق إمام، بعد أن "فك حلقه"، وترك القرآن ليغني.

أنت والشيخ إمام بلديات، احكيلي شفته فين وعرفته إمتى ؟

عرفته في الأربعينيات في القاهرة مش في "أبو النمرس"، وقتها رحت أتعلم عند الشيخ عثمان سليمان مراد في الأزهر لأني حفظت القرآن في سن مبكرة وكنت بقرأ سورة الجمعة في الجامع فأبويا قال لازم أوديك الأزهر، رحت الأزهر ما عجبنيش نظام الشيخ عثمان لأنه ضربني بالكرباج، خرجت أجيب شقة طعمية، وخدت بعضى ومشيت قلت الله يلعن أبو الشيخ عثمان وسبت الأزهر.

في الوقت ده الشيخ إمام كان بيروحجامع السنية بتاع الشيخ محمود خطاب في المغربلين، فاتقابلت معاه معلقش في ذهني إني أصاحبه إلا سنة ٥٥ تقريبا لما أخويا الشيخ عبد الغنى قالى إجرى إنده للشيخ إمام علشان يتغدى معانا لأنه كان في حاجة إلى العطف، فرحت ناديته من قدام الجامع، وبدأت أعرفه واللى وطد علاقتي بيه الله يرحمه الأستاذ سيد محمود صالح، أبو الفنان خالد صالح، أستاذي وكان بيحبه جدا وأفتكر في يوم كان معاى ٢ جنيه مفيش غيرهم، وقالى اركب يا واد إنت الموتوسيكل ركبت معاه، ورحنا قابلنا الفنان محمد عبد المطلب، وواحدة اسمها إنجى الفقى أو أنجا الفقى، كانت اشتغلت رقاصة وأهلها تبرؤوا منها روحنالهم في السيدة زينب، وبعدين قال لى معاك فلوس ؟ قلت له: معايا ۲ جنيه، ليه ؟ قال لي: أصلى مش معايا إلا جنيه، قلت له ما دول يكفوا، راح واخد منى الفلوس، وطبق إيده وإداهم كلهم للشيخ إمام، قلت له: إنت بتاخد منى الفلوس تديها للشيخ إمام؟، قال لي: يا غبى دا أولى بالرحمة منك.

بدأنا نروح أنا والسيد أفندى صالحللشيخ إمام، وكان بيجيبه هنا في فيللا في آخر البلد بتاعة واحد اسمه محمود عبد المجيد هلال كنا نسهر ونسمعه وفى سنة ٥٦، أخويا الشيخ عبد الغنى قارئ قرآن، كان سهران عند محمد بيه قرني في الصف، وجاله واحد من المعادي علشان يسهر عنده (يقرأ القرآن طوال ليالي رمضان)، قال له: أنا ما بسهرش في رمضان، هاجيبلك واحد أحلى منى بس عيبه إنه بيشرب حشيش قال له فين هو ؟ قال له: هاجيبه، بس أول ما يخش ما تتكلمش خالص، وقال لى إجرى هات الشيخ إمام جبت الشيخ إمام قال له: يا سيدنا عاوز أسمع آخر الأنبياء " إن الذين سبقت لهم منا الحسنى أولئك عنها مبعدون" قرأ، فالراجل بتاع المعادى من انسجامه قال بأعلى صوت الله، فالشيخ إمام قال صدق الله العظيم، أخويا عرض عليه الأمر: يا إمام الراجل ده عايز يسهرك وهايديك مبلغ كويس في رمضان، قال له: أنا معنديش لبس مشيخة، قال له: هاديك جبة وكاكولة وقفطانين وأربع شيلان وعمة وطربوشين تروح بيهم الشيخ إمام قال: "لا عمامة بعد اليوم" قال له دا هايديك ۳۰ جنيها، قال له: ولو ألف، اسمع يا أستاذ أنا بشرب حشيش ورفض الشيخ عبد الغني قال له: أنت فقرى والجوع أولى بيك، قال له: يا سيدنا حرام عليا أقرأ قرآن وأشرب حشيش قال له يا سيدي بطل هو لازم تشرب نيلة، قال: لا، لازم أشرب النيلة ده.

بدأت بعد كده أروحله لوحدى وأجيبه هنا كنت باخده وأروح "نزلة الأشطر" أو "الحرانية" عند عبد المجيد رضوان أو أروح الهرم عند أحمد الشامي، أو أروح مزرعة سفير العراق في أبو صير، عند واحد صاحبی اسمه حسنی عبد العزيز الفقى، كنت باخده وأروحأماكن بعيد علشان الناس ما تجيش لأن كانت الناس تشوفه هنا في البلد أبقى أنا جايبه علشان أسمعه أبص ألقى البيت اتملا ناس، وفى يوم من الأيام عديت اللى جايين رغم إن انا مقلتش لحد خالص، لقيتهم حوالى ٤٥ خدتهم وطلعت فوق السطح، ألاقى ناس جت بعديهم يخبطوا على الباب، وكل دقيقه أقول لمراتى اعملى شای اعملی، قالتلی إيه الحكاية؟، هو إمام ييجى والناس تیجی وراه

في الوقت دا كان بيغني لمين؟

كان بيقلد عبد الوهاب وأم كلثوم، مكنش لسه التقى بأحمد فؤاد نجم، كان بيغني "عندما يأتى المساء" و"يا وابور قل لي رايح على فين"، وأما أطلب منه يغنى الفريد الأطرش عشان بحبه، يقول لي: لا، حبه لنفسك مش ها قلد إلا دول.

وعشان الظروف كانت معاكسة معاه ماليا، وأنا مرتبي مبيكفيش أخدته ورحت بيه قهوة واحد اسمه عيد حماد هو يغنى وأنا ألم من جماعه زمايلنا، كل واحد ٥ صاغ، ألم اتنين جنيه ونص ثلاثة أربعة وأقول له: خد، يقول لي: ما تدورلي على زكى صالح يجيبلي قرش حشيش اقوله: إحنا جبنا الفلوس بطلوع الروح، وإنت تقولى جيبلي حشيش، يقول لي: يا أخي إنت مالك.

بعديها ساب القهاوى واتقابل مع نجم وقبل نجم أفتكر إنه اشتكى لأخويا مرة من الشيخ عبد السميع بيومي. لأنه لحتله موشح "مولايا كسبت رحمة الناس عليك، وإداء : جنيه بس فالشيخ إمام زعل، والشيخ عبد السميع كان ليه ولد اسمه کامل ترزی مؤدب جدا وراجل قال له: خدهم وخلاص يا إمام واعتبر إنك ما لحنتش ولا هيتش خدهم و سكت.

لحن لمين بقى قبل ما يقابل نجم ؟

عمل مولای کتبت رحمة الناس عليك، للشيخ عبد السميع بيومي، وعمل للشيخ عبد الغني أخويا "سلامي على طيبة سلامي على الحرم"، معرفش الباقي

وبعدها اشتغل مع نجم لغاية ما سافروا الجزائر وحصلت الفضايح اللي انتوا سمعتوا عنها، وإن نجم لهف الفلوس وصاحب رقاصة وكل الشيخ إمام والشيخ إمام حلف انه لا يقابل نجم ولا يكلمه، وحاولت أصالحهم قال لي : لا صلح لا، ورفض، ومن يومها لم أرنجم رغم إنه قبلها كان بيجيني باستمرار

الشيخ إمام كان زعلان من والده

ليه ؟

أبوه الله يرحمه كان يقول "الواد كفر وحل حلقه، لأنه ساب القرآن واتجه العلني، وعم محمد عيسى كان بيبيع شيلان وكان يمشى يقول: اللي عايز يعمل راجل الشال بخمسة صالح، وكان عضوا في الجمعية الشرعية، وكان يحب المتدينين جدا، قلما الشيخ إمام هجر القرآن واتجه للمغنى عن طريق شافية أحمد، قال والله ما هو داخل البيت تاني ومدخلش البيت نهائي

كان بيضربه ؟

معرفش اللي أعرفه إنه كان كارهه.

هو قاطع أبوه فترة طويلة ؟

بيجى ٢٠ سنة، لأن الشيخ محمود خطاب رئيس الجمعية الشرعية في القاهرة. غضب عليه، ومدام غضب عليه، يبقى خرج من رحمة الله.

بس المتداول أن الجمعية الشرعية

هي اللي مشته، بعد ما ظبطوه بيسمع الشيخ محمد رفعت في الراديو والراديو وقتها كان بدعة وحراما ؟

معرفش الحكاية دي اللي أعرفه أنه كان بينام في جامع السنية، وكان ميالا الناحية الفنية فكان بيتهم ويعني. قسمته الشيخ وقاله انت ماشي في الماني وسايب القرآن

هو تقريبا قلع الجبة والقفطان سنة ١٩٤٥، ليه قلع الجبة والقفطان؟

هو فيه جانب مخزى شوية، كان سبب كرهه للجماعة المحفظين، إنه حصل بينه و بين مدرس الله يرحمه اسمه الشيخ فضل عباس حاجة مش مظبوطة، حاول يغتصبه، فكره المشايخ وكره الدنيا والدين.

ولبس أفندي؟

ابس أفندي، وليس الوشاح بتاع كوبا. كان في الآخر يبلك بيه.

اتجوز الشيخ أمام هنا يا عم حمد في أبو النمرس، عشان نجم قال انجوز وإمام قال في مذكراته انه متجوزش؟

اتجوز بس فشل، ما عمرتش معاد وخطب برضه في مصر وباظت الجوازة. ما أعرفش ليه، رغم إن أخوها كان مع الشيخ إمام على طول والقدى مرة معانا، لكن ما فتحتش الخطبة.

هو الشيخ إمام بطل الحشيش سنه

الأمش سنة ٧٦، هو بطل الحشيش يمكن سنة ٨٨ عشان انا بطلت سنة ٧٣ ولما جالي، قال لي: هاتلي حشيش قلت له أنا يشرب بيرة لو عاوز بحر بيرة أسقيك. قال لي: ماشي، فجبتله البيرة، قال لي: ده ما يفتيش عن ده فخدته ورحت "نزلة الأشطر عند واحد اسمه عاشور الخولي في مزرعة فراخ، وسقيته حشيش

هو كان شايف الحشيش حرام ولا حلال؟

بيقولك منزلش بيه نص هاتلي نص من القرآن حزم الحشيش، تدور على نص بلفظه مفيش، لكن إذا خدنا بالقياس والإجماع عن الأئمة، وقلنا ما كان کثیره مسكر فقلیله حرام، الحشيش من المحرمات.

إنت في الغنا بقى بتحب تسمعه إيه؟

أنا أحب أسمع الشيخ إمام لو قال ريان يا فجل.

ليه ؟

لأن صوته فيه قوة نادرة، يعنى إمام ساعة ما كان يقول " يا شغالين يا محرومین یا مسلسلين رجلين وراس مفيش خلاص غير بالقنابل والرصاص يا تجهزوا جيش الخلاص / يا تقولوا على العالم خلاص خلاص ، كان صوته قوى جدا بالرغم من إنه كانت بنيته فعيلة.

كنت موجود وقت الاعتقالات؟

ما أنا انفصلت من شغلی ۲ سنين و ۷ أشهر لاتهامي بالشيوعية، وما كنت في يوم من الأيام شيوعيا، بس كنت أحب أقرأ في كل التيارات الفكرية والسياسية، أشوف هما يبهدقوا لإيه أو اتجاهاتهم إيه إلا أن جاني زميل الله يرحمه مات شهيدا في ٦٧ اسمه عبد الواحد عثمان، وجندلي في الحزب الشيوعي، وكنت ياسمع بقى إن الشيوعيين بيدوا فلوس، والاستعمار كان بيروج إن الشيوعي بيتجوز اخته. قلت أما أشوف الكلام ده صح ولا غلط وفي يوم من أيام شهر رمضان رحت عند دكتور عبد الرحمن أليس في إمبابة. القيت واحد اسمه محمد عزت حسین طبيب لقيته بياكل، فسألته هو إحنا في شهر إيه ؟، قال لي كبر، قلت له اکین وقطعت صلتى بالجماعة دول، لكن المباحث شالتلي الموضوع ده حتى بعد ما قطعت صلتي بيهم.

إمام شيوعي؟

الشيخ إمام كان وطني، لكن في الوقت ده، كان اللي يقول إن الحاكم أخطأ في كذا والسياسة الحكومية في كذا. پیلی شیوعی، اتهامات جزافية من غير أساس

كان عنيدا الشيخ إمام؟

بقولك رفض يشتغل في رمضان عند واحد ها يوكله ويسقيه ويبسطه ويديله ۲۰ جنيه، ودا كان مبلغ كبير وقتها وكان مش لاقي ياكل، رفض، كان عنيد جدا.

كنت بتشوفه بعد الاعتقالات؟

اه طبعا، كنت بروحله ويعمل الواجب كنت أروح أصحيه من النوم، أحمد فؤاد يقول لي: إحنا مكلناش زهاد بقالنا يومين، تعالى نحود على أبو شقرة، أو ولد اسمه محمد كان بيشتغل عند أبو هاشم وفتح محل نيفة، نروح بس الشيخ إمام كان بيقعد باليومين من غير أكل، يعنى عنده صلابة، وكان ياكل في اليوم وجبة واحدة الضهر بس هي الفطار والغدا والعشاء

عم حمد مفيش وقت من الأوقات بمنطق الصداقة طلبت منه إنه يتوقف عن الاتجاه ده في الغنا علشان السجن

والبهدلة ؟

بالعكس، أنا كنت بحيى فيه المفقود في جيلي اللي كنا فاقدينه الحرية والشجاعة في اللفظ، هو لما يقول الحمد لله ولا حول / مصر الدولة غرقانة في الكدب علاوله / والشعب احساس"، مكانش حد يقدر يقول الحمد الله خبطنا تحت بطاطنا يا محلى راجعة ظباطنا من خط النار" غير الشيخ إمام.

أما يقول: " يا آخرة صبرى يا شيخ أيوب ولامتى الحريبات مغلوب / الوقت ضباب والدنيا غروب / والديب على الباب والباب موروب والأرض براح وإن داسها الذل تضيق بالناس والخضرة تموت ويعربد فيها البوم أجناس يازنود الناس الشغالة / ملعونة الراحة في خط النار / النصر عروسة يارجالة لكن مرهونة بالإصرار والحرب الحرب الحرب ولا غير الحرب سبيل والضرب الضرب الضرب على ناصية كل ذليل والموت والعار لعدو الدار/ فليحيا كفاحالشعب".

مين كان يقدر يغني كده في مصر غير الشيخ إمام

القوة دي اكتسبها منين؟

البناء النفسي أو البناء الروحي، ربنا سبحانه وتعالى بيقول ونفس وما سواها" هي نفسه طبعت هكذا، طبعت على الثورية والحرية والفداء لمصر مهموش الجوع مهموش المعتقلات بيحكيلي مرة إنه بعد ما غنى "قوقة المجنون أبو برقوقة وزبيبة غش وملزوقة والنكتة كمان إنه حلنجي والعالم فاهمه ومغلوقة، الرئيس السادات جايه وقال له: أنا قوقة يا إمام، ورقده قدامه وداس على وشه بالجزمة، قال لي: أنا قلت في جمال عبد الناصر اللي فيه الخمر، قلت فيه حاجات كتين اعتقلني بس ماداسش على وشي بالجزمة خلقة ربنا.

الشيخ إمام سكت أو توقف عن الإبداع تقريبا في آخر ١٥ سنة، ليه؟

توقف بعد انفصاله عن أحمد نجم، لأنهم بعد ما رجعوا من فرنسا بدأت الشكوك الدب في قلبيهما، الشيخ إمام رأى إن أحمد فؤاد الحرف وضيع الفلوس، في كره نجم على فكرة نجم له عيال كتار ما يعرفهومش، ما يعرفش إلا بتاعة الفيوم لأنه كان بيتجوز في كل حتة. كان مزواج

الشيخ إمام كان يستطيع التعاون مع شعراء آخرين غير نجم ؟

أحمد فؤاد نجم له اتجاه نادر مفيش حد بيخوضه البحر بتاعه مفيش حد بيغنيه، بالإضافة إن الشيخ إمام في آخر أيامه الذاكرة بتاعته تعبت في مرة أخدت معاي عبد الله خاطر عشان يسجل معاه حاجات، لقيته بيتوه بيجيب الجديد في القديم والقديم في الجديد، كان تعبان نفسيا، وأحيانا كان بيغلط في الاسم، بقيت أسلم عليه يقول مين؟ أقول له: نهارك أزرق مينا. كان بيتوه علشان كده ملجاش الشعراء آخرين.

الشيخ إمام اتظلم في حياته؟

طبعا، ماخدش فرصته اللي بيقول "يا تسمعوني يا ما تسمعونيش" مقفوله واللي قالت "يا أما القمر على الباب سقفولها، إنما هو كان بيقول كلام دسم ذا معنى وإيقاظ للشعب ومع ذلك ما اخدش حظه.

تابعت ۲۵ يناير تفسيرك إيه للاحتفاء بيه في هذه الأجواء؟

هما بيحتموا بيه، لأنهم عارفين إن محبين الشيخ إمام في كل حتة، من أمريكا الجنوبية إلى أواسط أوروبا ومن نهاية غرب إفريقيا إلى شرقها، وبعدين الجماعة دول مش توار دول عواطلية كل يوم عاوزين يغيروا وزير، وعايزين المحافظ بالانتخاب، طلبات فارغة.

الشيخ إمام ثائر؟

الشيخ إمام كان منقذ كان يؤذن في الناس لأخذ الحقوق

حضرتله حفلات في السبعينيات وقت الحركة الطلابية ؟

لا، لأني في الوقت ده كنت متراقب كنت مدرس في العياط وكنت بنزل "مزغونة" في البدرشين بدرس فيها. أشترى الجرنان ابو قرشين صاغ ده يبعتوا ورايا مخبر وقالولي إنت في اليوم الفلاني بتعمل كذا الساعة كذا. ورحت وزعت منشورات في محاولة لشيل محمد نجيب في العياط، فكنت أبعد عن حركة الطلبة.

انت رحت الجزائر واشتغلت فيها. الناس هناك تعرف الشيخ إمام؟

مرة وأنا يغني للشيخ إمام بالليل، ولد ماشي من تحت الشباك سمعني، فنظر على الباب قلت مین؟ قال: افتحالمزلاج، أنا فكرت ولی امر طالب ضربته وجاي يتخانق قوم مسكت السكينة وفتحت الباب، قال لي: بالله عليك يا شيخ إنت تغنى للشيخ إمام، قلت نعم. قال لي: في خاطرك في خاطرك أقعد معاك، وقعد معايا أغنيله للشيخ إمام.

بيحبوه؟

بيحبوه وبيحبوا إسماعيل ياسين ويوسف وهبي، فيه زميل ليا قالي أنا اعتقلت علشان يوسف وهبي لما جه ومثل "رصاصة في القلب"، الفرنسيين قالوله رصاصة في قلب مين؟، تقصد الفرنسيين؟ وخدوه.

تفسيرك إيه أن الشيخ إمام مش مشهور في مصر؟

لا مؤاخذه اللي ميعرفش الشيخ إمام جاهل، الشيخ إمام فنان أصيل ومحترم. ولو ربنا سبحانه وتعالى أمد في عمره ١٠ سنوات أخرى، كان عمل جيل اسمه جيل الشيخ إمام