جمال عبد السميع - خبير الشئون البرلمانية والحزبية

نهى توفيق

اعدته للنشر: نهى حمودة

نهى توفيق: مشاهدينا الكرام اهلا بحضراتكم في الوقت الذي كان فيه النظام السابق يسعى الى عرقلة اقامة احزاب جديدة ومن اللافت تماما ان العكس حدث بعد ثورة 25 يناير فوجئنا باكثر من 20 حزبا وافقت عليهم لجنة الاحزاب بل وتم تقديم طلب انشاء احزاب اخرى مصر على مدى تاريخها حتى قبل ثورة 25 يوليو لكن ما يهمنا هو مدى تفاعل الاحزاب مع الشارع المصري مدى قدرة هذه الاحزاب على الشارع المصري مدى التاثير الحقيقي في الحياة الحقيقية هذه الاسئلةواجوبتها نطرحها للنقاش مع ضيفي في الاستوديو جمال عبد السميع خبير الشئون البرلمانية والحزبية اهلا وسهلا معانا استاذ جمال .. في البداية نروح مع مشاهدينا الكرام عشان نشوف تقرير عن الاحزاب ومدى تاثيرها في الشارع المصري ونعود مع الاستاذ جمال

تقرير

مواطن1: يتفقوا على مبادئ ثابتة مش اي حاجة ان كل حزب يبقى متعارض مع حزب تاني وينتقده في مبادئه يعني كل حزب يبقى له مبادئ عشان يظهر في الصورة او يعمل شو اعلاني فينتقده

مواطن2: نشوف التحالفات اللي بيعملوها دلوقت دي ممكن يكون ليها دور مستقبلا ولاية دلوقت الاحزاب لسه ماظهرلهاش اي دور خالص

مواطن3: انتوا بتعملوا ايه لمصلحة الوطن والمواطن نفسي في مليونية لتنظيف القاهرة الكبرى 100 الف بس يخلوها تلمع زي البلور بدل ما تقولوا الزبالة والسلوكيات طب اشتغلوا بقى مش عايزين احزاب كارتونية ولا حزب الكنبة .؟لا.. احنا عايزين حزب يشتغل

مواطنة4: المفروض بيشوفواالمشاكل الموجودة في الشارع يشوفوا مشاكل الطلبة يعني احنا هنا قدام نقابة المحامين يعني الكارنيه بدل ماكان ب1500 بقى ب3050 فالمفروض يعملوا حاجة للطلبة اللي لسه طالعين للمستقبل الناس دي لسه مااشتغلتش هيجيبوا فلوس منين

مواطن4: انا مش شايف ان الاحزاب ليها وجود باستثناء حزب واحد منظم من سنين طويلة يعني جماعة منظمة وشغالة بطريقة منظمة المطلوب المنافسة في الشارع اضعف الايمان اعمل كشك في الشارع واعمل بيه ممارسة حزبية ووعي الناس سياسيا وشوف حقوقهم ايه وواجباتهم ايه واكسب عضوية ونافس وادخل محليات وخليك مع اشعب لاخر خطوة على اساس تخدمه في كل مصالحه في النواحي الاجتماعية بتاعته في النواحي الاقتصادية وعمر البلد ما هتتصلح الا على الاقل 7 او 8 احزاب قوية موجودة في كل القرى هي دي المنافسةالوحيدة اللي نقدر ان احنا ننمي فيه تجربتنا الحزبية وان احنا نافس والاجدر هو اللي يحكم

فاصل

نهى توفيق: شفنا مع حضراتكم التقرير واراء الناس حول الاحزاب المختلفة ومدى تاثيرها ومدى تواجدها في الشارع المصري يعني هناك من قال ان الاحزاب تدعو الى مليونية مثلا لنظافة القاهرة مثلا هناك من يقول احنا محتاجين الاحزاب تدعم فكرة الوظائف او تقدم حلول لفكرة البطالة فيه هناك راي قال ان الاحزاب لا وجود لها على الاطلاق احنا لا نلمس اي وجود ليها في الشارع وهناك من يطالب بفكرة المنافسة وان يكون هناك صراع في الاراء صراع في الحلول لحل المشاكل المختلفة في الشارع وفيه ناس قالت انه ليه ما يكونش فيه احزاب يعني مش مهم العدد الكبير لكن المهم الكيف ليه ما يكونش فيه مثلا خمس احزاب قوية مختلفة موجودة تقدر تساهم في حلول كثيرة في الشارع على اي حال بنطرح هذه الاسئلة وهذا التقرير على حضرتك استاذ جمال حضرتك سمعت معانا تقرير حضرتك على ماقيل من مواطنين في الشارع المصري

أ.جمال عبد السميع: والله التقرير يكفي تماما من انا ولا غيري ممكن يوصله اخر راي اتقال انا بعتبره راي موضوعي جدا ودقيق جدا انه اذا كان اي حزب معندوش مقدرة على تكوين او انشاء او ايجاد مقر في كل قرية او في كل حي من احياء المدن وفي كل قرية من قرى مصر هذا الحزب عليه ان يتحالف مع الاحزاب الاخرى اللي هي الكيانات الصغيرة ويكونوا فيما بينهم اذا كان فيه تقارب في الفكر يكونوا مع بعض حزب كبير او فكر كبير زي التحالفات اللي حصلت علشان يبقى فيه تواجد اما ان تكتفي الاحزاب هي معظم الاحزاب اتي انشات بعد 25 يناير معظمها انشات اضطرارا حتى يستطيع عدد محدود جدا فيها ان لم يكن شخص رئيس الحزب او مؤسس الحزب انه لاقي فرصة يعمل قايمة يبقى هو في راس القايمة عشان يدخل الانتخابات ويضمن المنجاح الى حد كبير جدا طبقا للانتظام الانتخابي اللي اتعمل اللي هو الكبير قوي 4 او 5 محافظات ودا كان امر مستحيل

نهى توفيق:يعني محطة لدخول الانتخابات

أ.جمال عبد السميع:دا منتهى الطموح اما انه حزب يبقى عنده طموح تشكيل حكومة ويتبادل السلطة مع الحزب الحالي دا مش موجود الا مع اتنين تلاتة وهما معروفين بالاسم حزب الوفد وحزب التجمع ومعروف حجم عضويتهم القديمة لكن حتى الاحزاب القديمة يعاب عليها انها استمرأت عنده ميديا عشرة على عشرة مش عند حد تاني وعنده زخم

نهى توفيق:يعني ايه استقر الوضع بمعنى ايه

أ.جمال عبد السميع:بمعنى انه مالقاش حد يستنهضه بالحركة يعني انا عاوزه انه يبقى ديناميكي والديناميكية دي تقتضي زي ما الاخ الرائع قال.... الناس دي على فكرة مش معلومة اسماء قال كلام واقعي جدا وكلام عقلاني جدا بيقول على الاحزاب الجديدة ان تحذو حذو الحزب الكبير اللي على السلطة الان .. ايه اللي عمله الحزب..؟ عمل حاجات بعيدة جدا عن الاذهان على فكرة انا عايز اقول ان الحزب دا خلى ناسه يدخلوا في تزويق البلد .. هي ايه اهم حاجة تقلق الاسرة غنية او فقيرة او حضرية او ريفية جواز البنت وشغل الولد واستقرار الاسرة

نهى توفيق:المشاكل الاجتماعية مشاكل الاسرة المصرية

أ.جمال عبد السميع:ناهيك عن الجانب الاجتماعي في اكل العيش وفي جانب الصحة ان شالله مستوصف هما طالما حاسين ان هما محتكرين هذه الخدمة خلاص وهما مش هيحسنو الخدمة الا اذا كان هناك منافسين اخرين والاحزاب لهم انصار مش بالضرورة انهم يكونوا اعضاء في الحزب وتخليهم يقدموا خدمة مجانية او منخفضة التكاليف ينافسوا بيها الطرف الاخر اعمل حركة انما تتصور ان الاحزاب هي نهاية مطافك

نهى توفيق:فيه احزاب حضرتك ذكرتها ليها كيان مادي قوي تقدر تعمل مؤتمرات وهي منظمة في حد ذاتها وعندها مشاريع وعندها خطط حتى لو كانت استاتيكية وانما هي ديناميكية فيما يتعلق بالدخول في مشاكل الاجتماعية للاسرة لكن هي على الاقل عندها كيان مادي قوي ثابت ؟؟ طيب الاحزاب التانية التي تريد ان تستنهضها من اين ناتي بالمركز المادي القوي

أ.جمال عبد السميع:انا عايز اني ليس بالضرورة اني يبقى عندي ماديات عشان اعمل حاجة دا فيه نواب مكانوش عندهم الحد الادنى لحركة والناس دي مكانتش بتنجح الا باسمها على فكرة احط بين قوسين كده حاجة هي خارج الموضوع لكن هي في صلب الموضوع في الاخر خالص هدق كل الاحزاب بتقول عليه هو البرلمان وبعضهم هدف اخر اقل اللي هو انه صاحب السلطة لكن فيه بعضهم واكثرهم هو نهاية مطافه كرسي البرلمان فيه ناس معروف النهاردة ان الغالبية العظمى من الشعب المصري يختار او ينتخب البرلمان ليس على اساس حزب اطلاقا وليس على اساس فكري بالمرة وواهم من يتصور ان الاغلبية التي حققها في البرلمان السابق تحققت لان اصحاب هذه الكثرة انتخبوا لان الستات الكتير اللي في الريف اللي حملوا على العربيات الكارو والكلام دا كله دا غير صحيح دا بالعكس دا سكان جاردن سيتي والزمالك ومصر الجديدة المسالة غير متعلقة بهذا المسالة يستطيع النائب ان يضمن نجاحه تماما عن اداؤه اشخصي يروح اي قرية يشوف من هو اميز العناصر البشرية اللي فيها ضمه اليك مش لازم يملا الاستمارة وبعدين نشاط الاحزاب دي محتاج حاجة تنجز حركته جرنان ينطق بلسانه لما يبقى كل قرية فيها اتنين تلاتة فيها فقط كفاية دول هيبقوا من عائلات مختلفة هيبقوا دول نواة

نهى توفيق:طيب اسمحلي هتوقف عند نقطة اني ازاي اقدر اجمع 3 او 4 احزاب مع بعض ونخلق منهم حزب فاعل لكن معانا على الهاتف المستشار محمد مبارك من حزب العدل والمساواة اهلا بحضرتك استاذ محمد

المستشار محمد مبارك- الامين العام للحزب العربي للعدل والمساواة: اهلا بحضرتك واهلا بضيفك الكريم ..

نهى توفيق:استاذ محمد بنتكلم عن فكرة الاحزاب وعن تواجدها في الشارع المصري ولا هي مرحلة لدخول البرلمان ودخول الانتخابات حضرتك شايف الاحزاب الحالية وضعها ايه هل هي فاعلة ام غير فاعلة ومحتاجة الى خطة عمل

المستشار محمد مبارك- الامين العام للحزب العربي للعدل والمساواة:والله الحزب كلنا عارفين انه مجموعة بتتبنى رؤى معينة بيحاولوا يحققوها بهدف اوصول الى مخاطبة الحكومة

نهى توفيق:وهل دا بيحصل

المستشار محمد مبارك- الامين العام للحزب العربي للعدل والمساواة:لا الكلام دا دورها تمثيلي بمعنى انها واجهة ديكورية عشان نقول ان هناك نظام ديموقراطي ولكن في مصر وحضرتك عارفة وكل الناس عارفين ان الاحزاب في مصر متفرقة الهوى

نهى توفيق:ودا بيجعلها هشة

المستشار محمد مبارك- الامين العام للحزب العربي للعدل والمساواة:فيه حاجة اه مفيش وجود على الارض اكثر م الاحزاب.. الاحزاب معلش فيه احزاب ماتلاقيهاش الا في الاجتماعات لا حد يعرفها لا في المدن ولا في القرى ولا الصحاري ومحدش يسمع عنها فعل الاحزاب هو دا المهم ولكن اغلب الاحزاب ما بتحاولش تنزل على ارض الواقع وتشوف المواطنين وايه احتياجاتهم والمفترض انه ينزل لاي قرية ويعرف ويصحى ويرشح ويشوف ويحكي مفيش الكلام الا من بعض الاحزاب

نهى توفيق:طيب ليه من وجهة نظرك

المستشار محمد مبارك- الامين العام للحزب العربي للعدل والمساواة:والله احنا لا نشكك في الاخوة في الاحزاب الاخرى ولكن كلهم لازم يعرفوا ان احنا في مرحلة انتقالية ولازم طل الاحزاب يبقى لها دور فعال في الحياة الاجتماعية والسياسية لانه دور الحزب دور سياسي في الاصل فالمفترض انه دور لا هو يوزع انابيب ولا يدي سكر ولا كذا دا هو دوره السياسي تعريف المواطن البسيط بمعنى الديموقراطية علشان يماسها في الحياة السياسية

نهى توفيق:بس حضرتك جبت الاجابة في اول كلامك قلت لي انه الاحزاب اللي موجودة دلوقت المفروض انها تشارك السلطة لكن دا ما ببيحصلش

المستشار محمد مبارك- الامين العام للحزب العربي للعدل والمساواة:طبعا واحنا هدفنا انه يبقى يه احزاب قوية ولازم زي ما ضيفك الكريم قال لا يمنع انه فيه حزب او اتننين يتبنوا اجتماع معين او ان هما ينزلوا في انتخابات او تحت راية معينة تحت لواء واحد واحنا عايزين ننسى التفرقة بين الاحزاب دا ليبرالي دا وسطي دا اسشتراكي دا اسلامي هذا التصنيف النفترض انه نمتنع عن حياتنا السياسية لاننا كلنا احزاب مصرية وكل اللي فيها مصريون والتفرقة بين احزاب اسلامية واحزاب ليبرالية كل هذه التفرقة كل هذه ضد الحياة الديموقراطية

نهى توفيق:حضرتك الامين العام للحزب العربي للعدل والمساواة .. استراتيجية الحزب في هذه الفترة احنا في مرحلة صعبة بتمر بيها مصر في مرحلة استنهاض لهمم واستنهاض لشعب ولعناصر كثيرة في الوطن حضرتك بتعملوا ايه وايه خطتكم لتنميةمصر

المستشار محمد مبارك- الامين العام للحزب العربي للعدل والمساواة:الحزب العربي للعدل والمساواة دا الذراع السياسي للقبائل العربية في مصر وحضرتك زي ما انت عارفة ان القبائل العربية في مصر واغلب القبائل ابدوية الفترة اللي فاتت كل الحكم العسكري اللي فات كلهم كانوا ممنوعين من ممارسة السياسة وحتى في الوظائف العامة وجت ثورة 25 يناير كانت اكبر فرصة لنا ان احنا نؤسس الحزب العربي للعدل والمساواة والقبائل العربية في المحافظات الحدودية معانا اللي هي الجزء الاصيل اللي بنرتكز عليه في برنامجنا السياسي سواء في مطروح او شمال او جنوب سينا او البحر الاحمر او الوادي الجديد وكل القبائل العربية انت عارفة ان احنا نزلنا وشاركنا في الانتخابات اللي فاتت والحمد لله على الرغم انها كانت اول عمل سياسي للقبائل العربية لكن ربنا وفقنا وحتى جبنا مراكز متقدمة في الاصوات اللي حققناها في الدوائر

نهى توفيق:شكرا ليك سيادة المستشار ونتمنى وجودك معهانا قريبا في الناس والاحزاب .. استاذ جمال سعت معانا هذه المداخلة تعليقك على ماقيل

أ.جمال عبد السميع: هو بساطة شديدة جدا سيادة المستشار بيتكلم عن ناحية نموذجية افلاطونية رومانسية .. صحيح ان دور الحزب تثقيف سياسي وتوعية سياسية دا صحيح وما يجب ان يكون لكن الذي صعد ونمى تواجد حزب الحرية والعدالة انه كله خدمي في خدمي لا يستطيع احد ان يناقشه هو بيقول " اللي تغلبه العبه" فمفيش حاجة اسمها الناس اللي في الريف مالهاش علاقة انت عايزني انتخبك هتعملي ايه يعني اديني الخلاصة يعني الكورة اجوان مفيش فيها حاجة اسمها ثقفني سياسيا .. طب بعد 5 دقايق اناهفتكر ايه احنا في كلية الاقتصاد والعلوم السياسية كان الدكتور بعد ما يخلص المحاضرة تلت ارباعهم كانوا بيسالوا الدكتور كان بيقول ايه .. اللي عايز يعمل حاجة لازم يسعى ويتحرك ويروح .. فيه نظام رائع جدا بتعمله بعض القرى ولو كل القرى حذوها هيبقى فيه اتصال رائع بين الاحزاب وبينهم فيه كل قرية حد اقصى عدد العائلات من 15 الى 20 عيلة وكل عيلة ليها اجتماع مثلا الخميس من اول كل شهر عربي بيعملوا اجتماع عيلة وصندوق عشان يغروا ابناء العيلة دي على الحاجة الى ابناء اي عيلة اخرى لوعملنا مجلس عائلات هذا المجلس يضم 3 او 5 من كل عيلة الخمسة دول في عدد عائلات وهما دةول من خلاهم نعيد بقى صياغة القرية بلاش حكاية تفتيت البيت الواحد اللي 5 افراد فيه اصحاب 5 اراء وبعدين من خلال هذه الرؤى قدامنا مثلا 20 مرشح تعالوا يا ابناء القريةة تعالوا شوفوا مين اكفأ العناصر وهنقف معاه مش مين اللي هيدفع

نهى توفيق:والله انا اتصور انه يكون اكثر تاثيرا

أ.جمال عبد السميع:والاكثر رقيا وابناء القرية يحطوا رجل على رجل قدام اي مرشح والمرشح يجي عندهم دون ان يكون لهه فضل عليهم لكن اليا المرشح ينزل يدفع الفلوس محدش ليه عنده حاجة بعد كده خلاص انا خدت فلوسي مايش دعوة .. انا عايز من خلال برنامجك الرائع استاذة نهى احذر تحذير خطير جدا من اعادة انتاج النظام الانتخابي السابق لانه هذا انظام هو اسوا النظم الانتخابية اللي بتقطع العلاقة تماما بين النائب وبين الناخبين بمجرد انتخابه ليس للنائب عنده اي شئ اصل مش هو اللي جابني انت عارفة مين اللي جابه الحزب اللي رشحه وتمثيله ايه في القايمة الاول او التاني او التالت .. لا يستطيع احد انه يطلب منه اي خدمة

نهى توفيق:دا بيتعلق بقانون الحزاب استاذ جمال

أ.جمال عبد السميع:قانون الانتخاب.. وقانون الاحزاب كمان المفروض انه فلتكون عدد الاحزاب اللي موجودة مئات العدد في الاخر خالص لن يبقى الا القوي القادر على التواجد في الشارع انا عايز اقول انه الحزب بالاخطار زي الصحيفة بالاخطار عايز يبقى الحزب بالاخطار ليه بقى لانه انت دلوقت بتسخ مبدا خطير جدا وهوشراء ذمم الناس عشان يعملولك توكيلات في الشهر العقاري لازم تدفع له فلوس مفيش حاجة دلوقت اسمها ببلاش او بلا مقابل يعني خلينا نقول خلينا نرتقي بعقول الناس بلاش نعودهم على قاعدة خطيرة جدا انه كل شئ له مقابل .. وحكاية اني عرفت كده اذن فليبق الناس على ماهم عليه من فقر وجهل ومرض لان هاما ال3 عناصر دول هما اللي هيضمنوا لنا الاغلبية

نهى توفيق:صحيح

أ.جمال عبد السميع:يعني احنا بنتكلم عن منتهى الاسلام ونمارس منتهى الحرمانية

نهى توفيق:رايك في انه يكون كيانات متداخلة اي عدد من الاحزاب يتداخلوا مع بعض لوجود حزب قوي فاعل مشارك في السلطة حضرتك شايف دا مكن ولا الاحزاب عندنا في مصر متعددة الهوى ولا زي ما سيادة المستشار قال

أ.جمال عبد السميع:لا هو دا ممكن بس بشرط انه يتنازل زعماء هذه الاحزاب عن غريزة العظمة من يجلس اين دول كلهم قادة ودي الميزة في الاخرين شمال شمال يمين يمين

نهى توفيق:صحيح.. السؤال التاني حضرتك شايف الكم الكبير من لاحزاب دا هل يمكن ان يكون فيه شئ منظم او قانون ينظم عمل الاحزاب

أ.جمال عبد السميع:لا انا ضد اي قانون خليهم موجودين لغاية ما هتلاقي وحدهم يتلاشوا ولا يبقى الا من هو قادر بالفعل على مخاطبة الناس ولغة مشتركة مع الناس

نهى توفيق:فيه احزاب بتقوم على اساس ديني اسلامي او مسيحي حضرتك شايف دا خطوة على طريق الانقسام ولا خطوة على طريق صحي ديموقراطي

أ.جمال عبد السميع:اي حزب على اساس ديني هو اساءة للدين واهدار للدين واستخدام للدين في غير محله ونربأ بالدين ان يكون داخل لعبة اصلا لعبة قذرة

نهى توفيق:شكرا استاذ جمال عبد السميع خبير الشئون البرلمانية والحزبية شكرا على وجودك معانا وعلى هذا الطرح القيم واتمنى وجود حضرتم معانا اكتر من مرة للاستزادة مشاهدينا الكرام في النهاية احنا كشعب يعيش على هذا الارض محتاج لحراك سياسي حقيقي من قبل هذه الاحزاب محتاجين لكيانات تتنافس وتتصارع للوصول نحو افضل الحلول وكم كبير من المشاكل بنعاني منها يعني اتمنى ان الاحزاب يكون ليها فكر مختلف بعد ثورة 25 يناير شكرا لحضراتكم والى حلقىة قادمة باذن الله من الناس والاحزاب