روتين العناية بالشعر الكيرلي: 1- غسيل الشعر مرة في الاسبوع:في بنات كتير هيشوفوا ان غسل الشعر مرة في الاسبوع قليل.. لكن هو ده المناسب اكتر للشعر الكيرلي لانه لو غسلتيه
روتين العناية بالشعر الكيرلي:
1- غسيل الشعر مرة في الاسبوع:في بنات كتير هيشوفوا ان غسل الشعر مرة في الاسبوع قليل.. لكن هو ده المناسب اكتر للشعر الكيرلي لانه لو غسلتيه اكتر من مرة خلال الاسبوع ممكن ينشف ويبقى هايش وخشن، بالاضافة ان ممكن يحصل تهيج في فروة الراس او يسبب قشرة الشعر وكمان لو قدرتي تقعدي اكتر من الاسبوع يعني تغسليه كل من 2 – 3 اسابيع هيبقى افضل كمان لان ده اكيد بيكون صعب شوية عشان الشعر هيزيت اوي وهيبقى محتاج يتغسل اكيد.
لما تيجي تغسلي شعرك بالشامبو ركزي اكتر على الجذور وممكن تسرحيه بمشط خشب سنانة واسعة لحد الاطراف لكن الجذور هي اهم منطقة المفروض نركز عليها الشامبو عشان هينضف اي زيوت او تراكمات في فروة الراس.
2- استخدام البلسم:البلسم مهم جدا عشان نحافظ على ترطيب الشعر ونحافظ عليه ناعم وبيلمع وخالي من اي تشابك, ومش هتحتاجي كمية اكتر من حجم العنبة للشعر كله, وبمجرد ما تحطيه هتلاقي انك بتقدري تمشي صوابعك بين خصلات الشعر بسهولة والبلسم المفروض تستخدميه في كل مرة تغسلي فيها شعرك.
ولما تيجي تحطي البلسم ركزي اكتر على وسط واطراف الشعر وابعدي عن الجذور لان لو البلسم جيه عند جذور الشعر مجرد ما هينشف هتلاقي الشعر ملزق في بعضه ودهني وشكله مش حلو.
3- كريم بعد غسيل الشعر:بعد غسل الشعر بالشامبو والبلسم هنيجي للخطوة اللي بعد الغسيل وهي استخدام كريم تصفيف الشعر بعد الغسيل، هيساعد على تغذية شعرك وهيحافظ على شكل الكيرلي.
محرر بالموقع الموحد للهيئة الوطنية للإعلام
نظّم المجلس القومي للمرأة جلسة نقاشية بعنوان "حوار حول دور المرأة الأفريقية في تحقيق العدالة الشاملة"، وذلك ضمن فعاليات احتفالية...
افتتحت الدكتورة سحر السنباطي، رئيسة المجلس القومي للطفولة والأمومة، واللواء الدكتور مصطفى الببلاوي، محافظ قنا، فرع المجلس القومي للطفولة والأمومة...
قام مركز بحوث الصحراء، بتنفيذ برنامج تدريبي لدعم المرأة السيوية.
التقت رئيسة المجلس القومي للمرأة المستشارة أمل عمار، اليوم الجمعة، السفير دومينيك جوه، سفير جمهورية سنغافورة لدى جمهورية مصر العربية،...