press_center
عبد اللطيف المناوي: شاهدنا في جبل السكري العمال المصريين وهم يعملون بدأب لاستخراج الذهب وسمعنا بقصة هذا المنجم الذي يعتبر من المناجم القليلة في العالم ذات الاحتياطيات الكبيرة وقيمة احتياطيات تصل لأكثر من 20 مليار دولار. جبل السكري مصدر جديد يضاف إلى قدرات مصر الاقتصادية والاهم من ذلك أن الشواهد على قصة النجاح هذه تدل على أن المستقبل سيكون أفضل
فاصل
عبد اللطيف المناوي: السيدات والسادة أهلا بكم من جديد هذه المرة نتحدث إليكم من مكان يشهد قصة نجاح مصرية أخرى نريد في هذه المرة في هذا الحوار في هذا المكان أن نؤكد على أن الإنسان المصري قادر دائما على أن يستمر في العطاء نريد أن نؤكد على أن مصر قادرة بأبنائها على العطاء الدائم نريد أيضا أن نؤكد أن هذا الوطن قد خلق كي يبقى - يبقى بأيدي أبنائه هذا المكان الذي نحن فيه الآن منجم جبل السكري الذي يشهد الآن خطوة كبيرة في مجال التعدين في مصر والذي يبشر بمستقبل باهر في الحقيقة بالنسبة لمستقبل مصر في مجال التعدين لسنا نتحدث عن حالة فيها قدر من المبالغة يسعدنا ان نرحب بالمهمندس سامح فهمي وزير البترول والثروة المعدنية في مصر وهبدأ معاك في البداية هذا المكان هذا الجزء من الثروة المعدنية في مصر انضم إلى وزارة البترول عام 2004 السؤال هو قبل ما نبدأ تفاصيل الكلام عن دا كيف كان الوضع؟ وما هي الخطة التي وضعتموها؟ ما هي الإستراتيجية العامة عشان تتعاملوا مع هذا المجال؟
م/ سامح فهمي : أرحب طبعا بحضرتك من هذا الموقع الهام وأتمنى إن إحنا ننقل للسادة والسيدات المشاهدين صورة دقيقة عما يتم في هذا المكان طبعا لازم نتقدم بالتهنئة والتقدير للقيادة السياسية على دعمها لهذا المشروع، المشروع دا شهد تطورات كبيرة جدا ومن سنة 1994 وقعت اتفاقية هذا المشروع واخذ وقت في البحث واخذ وقت في الاستكشاف وعندما جاء وقت الحصاد حصل خلاف بين المسئولين وبين الشركة الأجنبية وتعطل الشغل في هذا المكان ، في نهاية 2004 بدأنا بحث هذا الملف لأنه احد الملفات الهامة لأنه كان فيه عملية تحكيم دولي لهذا المنجم بين الشركة الأجنبية وبين الشركة المسئولة عن هذا شركة المساحة الجيولوجية في هذا الوقت فتحنا الملف لقينا إن فيه خلاف قضائي الحمد لله قدرنا إننا نحل الخلاف وقدرنا نلغي التحكيم الدولي ونبدأ بالمشروع كان قدامنا هدف لازم يتحقق ، الثروة المعدنية بصفة عامة في مصر ما اكدتش نجاحها ولها عدد من القصص الناجحة يعني كان أخر إنتاج من الذهب عام 58 وأنتجنا دهب من عام 1902 لغاية عام 58 أنتجنا 7 طن فقط وبالتالي لم يكن نجاح ...
عبد اللطيف المناوي: بالمقارنة باسعار الذهب في هذا الوقت
م/ سامح فهمي : لدرجة إننا سنة 58 أنتجنا 56 كيلو كانت التكلفة 220 ألف جنيه وأنتجنا السنة دي لوحدها من يناير لغاية دلوقت موجود بعض العقبات أثناء التشغيل والحمد لله أتحلت دلوقت 3.5 طن دهب وفضة قيمتهم حوالي 700 مليون جنيه فطبعا المشروع شكله أتغير جدا
عبد اللطيف المناوي: أنا هبدأ معاك طالما إحنا دخلنا في الحديث عن هذا المشروع أثناء العرض والحديث عن هذا المشروع وما سمعته من كتابات عنه كما سمعت المشروع بدأ سنة 94 تقريبا السؤال هو هل كان محتاج 15 سنة عشان يوصل لبداية الإنتاج لان كما شاهدنا أيضا أول إنتاج كانت في يناير 2010 السؤال هل كنا محتاجين الوقت دا كله عشان نوصل لدا؟
م/ سامح فهمي : لا رأيي الشخصي مكناش محتاجين وكان ممكن لو كان فيه مجموعة الخبراء مع الجهة المسئولة عن هذا المشروع في ذلك الوقت كنا إتحركنا أسرع من كده كتير فاعتقد إن دا كان خطوة هامة في تاريخ صناعة الثروة المعدنية بصفة عامة وصناعة الذهب بصفة خاصة
عبد اللطيف المناوي: طيب إذا اتكلمنا عن هذا المشروع اللي هو قد يبدو في المساحة ليست ضخمة جدا السؤال هنا هذا المشروع إيه هي جدواه الاقتصادية ؟إيه هي الجدوى الاقتصادية لهذا المشروع إحنا متوقعين منه إيه؟ وإحنا كمصريين كأبناء هذا الوطن لينا فيه ايه؟ هناخد منه إيه؟ والأخر الشريك الأجنبي هياخد منه إيه؟
م/ سامح فهمي : المساحة زي ماحضرتك شايف كده هي كبيرة ومش كبيرة بس يمكن الخلاف على مشروع زي دا كان بسبب المساحة أنت طرقت فعلا هنا سؤال مهم جدا كانوا طالبين مساحة معينة كانوا طالبين 5 آلاف كيلو للبحث عن ..
عبد اللطيف المناوي: 5 آلاف كيلو متر مربع؟
م/ سامح فهمي : كيلو متر مربع ..فلما لاقوا الذهب طلبوا ينموا فالجهة المنوطة بها تسند اليها منطقة التنمية طلبت 3 مليون كيلو طبعا الجهة رفضت تماما هذا الكلام وقالت ان الكلام دا ما ينفعش وطلبت التحكيم الدولي عملوا استقصاء هنا لقوا إن اقل منجم في العالم 320 كيلو متر مربع المنطقة هنا 160 كيلو متر مربع والشركة الحمد لله بدأت الحمد لله هذا العمل ، طبعا لا
اخفي عليك سرا إننا عندما بدأنا العمل لم نكن نتوقع هذا النجاح اللي هو راجع للسؤال التاني الجدوى الاقتصادية ليه المشروع دا كان الاحتياطي بتاعه 3 مليون اوقية عندما بدأنا العمل فيه سنة 2005 وكان سعر الذهب ما بين 350 و400 دولار فكان المشروع كله قيمته مليار دولار مليار و2 من عشرة لو شلنا منه استثمارات حوالي 400 مليون دولار كان كل ربحه هيبقى 00 مليون دولار لو شلت مصاريف التشغيل يبقى 200 او 300 مليون دولار
عبد اللطيف المناوي: دا على مدار عمر المشروع اللي هو متوسطه 20، 30 سنة ؟
م/ سامح فهمي : ولم يكن مشروع كبير ..طرأت متغيرات الاحتياطي النهاردة وصل 13 ونص مليون أوقية الذهب وصل 1400 دولار لو شلنا استثمرات 400 مليون دولار وشلنا التكلفة المشروع دا ممكن يحقق يعني في القليل جدا في حدود 20 مليار دولار صافي ربح
عبد اللطيف المناوي: طيب قبل ما نوصل للجزء الخاص بتقسيم النسب يعني إيه الاحتياطي أصبح زيادة يعني أنا افهم ان الذهب يا موجود يا مش موجود بالكمية دي يعني إيه يزيد الاحتياطي الموجود؟
م/ سامح فهمي : الاحتياطي في الأخر لا يعلم كميته إلا الله سبحانه وتعالى لأنه موجود تحت باطن الأرض محدش يعرف لكن إحنا عارفين من قدماء المصريين إن دا احد المناجم اللي فيها دهب بينتج ففيه 120 منجم تقريبا إحنا عارفين لما عملنا تقدير مبدأي أنت لما بتلاقي مجموعة من المساحات بتقول أنت عندك احتياطي قد كده كونك تحفر اكتر انت عايز تعمل ايه هنا ، فيه حاجة مهمة فنية عايز تشيل صخر اللي مفيهوش دهب وتدور على الصخر اللي فيه دهب وتستخدمه هو دا سر الصنعة كلها وبالتالي لازم تاخد عدد كبير من الآبار زي البترول بالظبط ، النهاردة رئيس الشركة الشريك الأجنبي معانا أدى تصريح قالك إحنا طالعين مرحلة تانية وتالتة لانه بعد 3 سنوات يصل الاحتياطي الى 25 مليون أوقية العرق النهاردة تحت الأرض كبير ودا مهم جدا والعرق دا فيه ما بين 5 و10 جرام في الطن بينما الجبل فيه ما بين 1 أو1.5 أو 2 فالتركيز عالي قوي في العرق اللي تحت
عبد اللطيف المناوي: يعني إحنا هنا برضه مفهوم المنجم في الثقافة اللي عندنا المنجم هو منجم تحت الأرض بننزله ولسه انقذوا ناس تحت الارض وفي الصين منجم تحت الأرض إحنا اللي شفناه ان المسالة إحنا بنتعامل فوق سطح الأرض ؟
م/ سامح فهمي : هو هنا عمل combination عمل التكامل إيه اللي خلاك تاخد فوق الأرض أولا تقدم صناعة الحفارات في العالم سمحت بذلك كان الأول لازم تحفر تحت الأرض وتخش في باطن الأرض النهاردة ابتدى يحفر ويطلع العينات ويقدر يحدد ال simulation بتاعه .. نمرة أتنين لو مفيش الآلات المعقدة السريعة القادرة تكنولوجيا النهاردة ما يقدرش يعمل كده وبالتالي لو معندكش الجهاز اللي يحولك هذه المعلومات إلى صورة كاملة لو أنت بتحفر لقيت إن عندك كمان منجم متقدرش تسيبه
عبد اللطيف المناوي: زي العرق؟
م/ سامح فهمي: النهاردة لو داخل على العرق في سطح الأرض وداخل على الجبل بيشيل وصرح النهاردة قالك إحنا متوقعين إن إحنا نوصل ل25 مليون أوقية الذهب خلال 4 سنين هيوصل ل2000 و3000 دولار نقول ألفين دولار بلاش 3 آلاف ..في 25 مليون أوقية بنتكلم عن 50 مليار دولار في منجم واحد شوف مدى الإضافة في الاقتصاد القومي شوف بقى ال400 مليون دولار استثمرا دول ولا حاجة أصبح لا يمثل شئ ولا يمثل عقبة وبالتالي العائد أتحسن قوي ودي نقطة نقولها للسادة المشاهدين برضه مهمة طب ليه وزارة البترول ركزت على الذهب ..؟ فيه 3 مميزات كثروة معدنية أولا ان البنية الأساسية بتاعته رخيصة مش مكلفة يعني المصنع دا كله 400 مليون دولار
عبد اللطيف المناوي: ودا لو قارناه ببير بترول ....
م/ سامح فهمي : لا خلينا نقارنه بمصنع حديد البنية الأساسية مكلفة جدا وقطارات وعربيات وقصص ، النقطة التانية إن العائد منه عالي جدا ان السعر منه عالي جدا اغلى من أي معدن تاني ، السبب التالت والمهم ان المنتج بتاعك بيتنقل بمنتهى البساطة لأنه انت في النهاية بتطلع 100 كيلو ، 200 كيلو بتركب الطيارة التاني عايز وسائل النقل ،، وسائل النقل البحري مكلف جدا في البنية الاساسية .. هذه الصناعة صناعة اقتصادية بطبيعتها
عبد اللطيف المناوي: وإحنا عندنا ؟
م/ سامح فهمي : عندنا هنا 20 منجم الفرق هنا انهم كانوا بيحفروا 30 متر إحنا بنحفر 600 متر وساعات 800 دا الفرق الوحيد
عبد اللطيف المناوي: انا برضه عايز افهم فكرة الـ120 منجم يعني هل دا بيعني واشرحه لي ان الفراعنة وصلوا لهنا ودي مناجم الفراعنة يعني دي مناجم جدودنا الفراعنة وهما طلعوا الذهب من هنا وخدوه وعملوه فيه معابد وعملوا فيه مقابر وتماثيل والأمور دي كلها وفيه 120 منجم تاني إذا كان الفراعنة وصلوا لهنا وعندنا كمية الذهب اللي موجودة دي ليه توقفت المسائل بشكل مفاجئ كبير طول آلاف السنين خليني اسميها وإحنا بنعمل إيه دلوقت عشان نعيد دا؟
م/ سامح فهمي : هي فيه سببين السبب الأول إن الفراعنة كانوا شاطرين قوي فال30 متر اللي حفروهم استفادوا منهم كويس قوي ، اكتر فترة طلع منها دهب كانت فترة الملكة كليوباترا بعد كده إحنا متوقعين نوصل سنة 2012 إن شاء الله 7 طن
عبد اللطيف المناوي: طيب ال120 منجم دول هل انتوا عرفتوا أنهم فراعنة وجدتم حفر ولا فيه خريطة قديمة بتقول ان دي المناطق اللي كانت فيها الفراعنة بيحفروا
م/ سامح فهمي : الخريطة موجودة وإحنا عارفينها
عبد اللطيف المناوي: فيه خريطة ؟
م/ سامح فهمي : اه..وحصلنا عليها وفعلا فيها معلومات مؤكده إن هذه الأماكن موجودة كلها فعلا فكل اللي مطلوب ...
عبد اللطيف المناوي: إن إحنا بنعيد العمل فيها مرة أخرى؟
م/ سامح فهمي : بس علشان تعيد العمل لازم قصة نجاح
عبد اللطيف المناوي: ودي قصة نجاح إحنا شايفين العمل
م/ سامح فهمي : قصة النجاح هنا اكتملت بمعنى ان القيادة السياسية خلال الحكومات المتعاقبة هو الأول نجح انه يخلي منطقة مرسى علم منطقة جذب بنى فيها المشروع الكويتي الكبير وبنى فيها المطار الدولي وانتشرت القرى السياحية طبعا زي ما احنا شايفين اللوكاندات فقدر ينشئ منشآت سياحية وبالتالي قدر ينشئ طرق جيدة جدا ما بقاش النهاردة زي زمان أروح الصحرا أغيب 10 ايام مفيش أي حياة حواليا ..لا ..دا أنا باجي هنا بعد نص ساعة أبقى على الساحل
عبد اللطيف المناوي: يعني انا بقول هنا عشان السادة المشاهدين عشان يعرفوا موقع هذا المكان 25 كيلو متر تقريبا جنوب بورتو غالب وحوالي 400 أو 450 كيلو من الغردقة
م/ سامح فهمي : لا اكتر حوالي 800 كيلو
عبد اللطيف المناوي: إحنا من المطار لهنا خدنا حوالي نص ساعة تقريبا
م/ سامح فهمي : ومن الشاطئ لهنا أو من القرى السياحية لهنا حوالي نص ساعة تقريبا
عبد اللطيف المناوي: وبالتالي يعتبر الاتصال قريب المواصلات قريبة مفيش فيها ..
م/ سامح فهمي : العاملين يقدروا ينزلوا يقضوا اجازات النقطة التانية في المنجم دا أنت شغلت ما بين 3 آلاف عامل مباشر وغير مباشر لو انت كل منجم شغلت فيه حوالي 3 آلاف أو 4 آلاف هيساهموا في حل مشكلة البطالة
عبد اللطيف المناوي: طيب المنجم اللي احنا فيه دلوقت هو منجم واحد من كام منجم؟
م/ سامح فهمي : حوالي 120 ما بين أيام الفراعنة وما بين 40 اكتشفتهم هيئة الثروة المعدنية مؤخرا
عبد اللطيف المناوي: احنا بنتكلم عن متوسط 1260 منجم دهب في مصر ودا بيعتبر المشروع الاول ...
م/ سامح فهمي : هنا أنتج أول سبيكة سنة 2009 بس هنا مش بينتج بأساليب كيماوية بيرش عليها كيماويات وياخد الذهب هنا الطريقة العالمية المتقدمة وشفت مستوى المعدات عامل ازاي
عبد اللطيف المناوي: طبعا وضح بالفعل هذا ...كنت بتتكلم عن انه سنة 2012 فيه مستوى أخر من الاحتياطي أو من كمية الإنتاج إيه التصور للمكان اللي حاصل اللي إحنا فيه دلوقت
م/ سامح فهمي : هو المفروض السنة دي ننتج 200 ألف وقيه كان حصل بعض مشاكل في محطة الكهربا بتاعتهم عدت الحمد لله فهننتج حوالي 60 ألف او 70 ألف أوقية السنة اللي جاية هنبقى 300 الف وقيه السنة اللي بعديها 500 ألف وقيه أو 600 ألف هنحاول نوصل ل600 ألف وقيه إنما ممكن نشتغل 20 سنة مريح بهذا المستوى ويمكن شفنا الجزء بتاع الصب بتاع الذهب محدش يقدر متخيل الذهب بيطلع ازاي في الأخر أنا كنت متخيل العمال المصرين بيجيبوا الذهب وبيحطوه شئ مبهر لكل العاملين في الموقع وما تنساش إن الشركة الأجنبية صاحبها استرالي لكن قدر يقنع ابنه انه يحب مصر وييجي يشتغل هنا 15 سنة وخلاص أصبح مقيم في مصر.
عبد اللطيف المناوي: وعانى من الجوانب الصعبة جوانب إدارية معقدة وأمور التحكيم كما ذكرت .. طيب إيه طبيعة العلاقة بين وزارة البترول وبين الشركة هل إحنا شركا بقد إيه نسبتنا قد إيه؟
م/ سامح فهمي : الشركة شروطها كما يلي 3% إتاوة كل سنة للإنتاج
عبد اللطيف المناوي: من أي منتج
م/ سامح فهمي : أي قطعة دهب تنتج عليها رسم إتاوة 3% بعد كده أول 3 سنين يسترد منهم الشريك الاستثمارات التي أنفقها لأننا لم ننفق شيئا
عبد اللطيف المناوي: يعني 3 سنين مساحة زمنية ولا ...
م/ سامح فهمي : لا مساحة زمنية كحد أقصى ..بعد كده نشوف مصاريف التشغيل إيه نشيلها ونقسم العقود 50% و50%
عبد اللطيف المناوي: طيب المتوقع في الحالة دي انه يغطي المصاريف بتاعته امتى ؟
م/ سامح فهمي : متوقعين إن إحنا نغطيها خلال السنة الجاية إن شاء الله
عبد اللطيف المناوي: دا معناه إن إحنا نستطيع إننا ندخل بشكل مباشر؟
م/ سامح فهمي : في 2012 إن شاء الله
عبد اللطيف المناوي: لكن أنا سمعتك النهاردة بتتكلم في مفاوضات مع الشركة من اجل التقسيم مباشرة ..على أي أساس؟
م/ سامح فهمي : هذه القصة قصة متميزة دايما نقول الفراعنة كانوا شاطرين لا الحمد لله المصريين شاطرين طول عمرهم بنعمل ايه دلوقت ..؟ لم تتوج هذه القصة بالنجاح الكامل إلا إذا دخلنا إيرادات الى خزانة الدولة وبالتالي أنا أتكلمت مع الشركة الأجنبية النهاردة قلت له أنت الاتفاقية بتقول كذا لكن لو طلبت معايا ان احنا نقسم بدري هحافظ لك على أموالك .. هي الأموال كلها كانت عبارة عن أيه ..؟ تدفق نقدي نخصمه من القيمة الحالية وكل واحد ياخد نصيبه دون أن أؤثر على أرباحك مع إعادة توزيع للنسبة بس أنا من يناير هو معندوش مانع ، دي فكرة ان انا عايز ابتدي ادخل لخزانة الدولة فلوس السنة الجاية بدل ما ادخل سنة 2012 /2013 دا الفرق الوحيد
عبد اللطيف المناوي: خليني اعمل مقارنة بين شكل التعاقد بين وزارة البترول وبين الشركة الاجنبية حتى لو كان صاحبها مصري ولكن شركة خاصة ، ايه المقارنة بين شكل التعاقد اللي بيحصل دا وبين اشكال التعاقد في دول العالم مع هذه الاعمال؟
م/ سامح فهمي : هما الحقيقة مش راضيين عن الشروط دي وبيقولوا ان الشروط دي بالنسبة لهم صعبة جدا وطلبوا كتير ان إحنا نغيرها وإحنا رفضنا نغيرها وجبنا البنك الدولي والمستشار بتاعه وعملنا قانون جديد للثروة المعدنية وبعثناه لمجلس الوزرا ومجلس الدولة راجع لنا هذا القانون مع البنك الدولي وقدمناه ..هما شايفين ان النسبة بتاعتنا كبيرة قوي
عبد اللطيف المناوي: ال50%؟
م/ سامح فهمي : أنا رأيي الشخصي أنا فخور إن إحنا صمدنا ..ليه بقى..؟ النهاردة بعد الذهب محدش بيقول النسبة دي كبيرة خلاص فبالتالي دا ادى قوة تفاوضية انا لو كنت اتفاوضت على النسبة دي من 3 سنين مكنتش هعرف اتفاوض
عبد اللطيف المناوي: والعرف العالمي في هذا بيكون إيه؟
م/ سامح فهمي : الدولة بتكون من 20 ل30% وصاحب المصنع من 70 ل80
عبد اللطيف المناوي: طيب عند عملية الصب اللي بتحصل النهاردة اللي إحنا شفناها من شوية إيه اللي بيحصل بعد كده هل دا بيعتبر خلاص إحنا انتهينا من الإجراء دا ولاّ فيه إجراء تاني؟
م/ سامح فهمي : انا بس ببارك للقيادة المصرية وللشعب المصري النهاردة أنتجت اكبر سبيكة 20 كيلو هي اكبر سبيكة أنتجت في هذا المكان السبيكة رقم 138 وزنها 20 كيلو جرام هيحصل ايه دلقوت فيه عربية جاية تاخد السبيكة دي لو بصيت جوه الاوضة بتوع مصلحة الموازين كانوا بيشوفوا النهاردة السبيكة وبيراجعوا الإجراءات بتاعتها عشان بس تعرف ان كل نقطة دهب بتتراجع
عبد اللطيف المناوي: وفيه 28 كاميرا موجودة بتصور جوه وبتسجل كل حاجة؟
م/ سامح فهمي : وحتى التراب اللي بيطير من الذهب وبيقع على الارض بيلموه وبيخش يتصهر تاني في الصهرة اللي جاية والصهرة بتتعمل كل أسبوع يعني حتى صاحب المصنع تحس انه فخور
عبد اللطيف المناوي: صحيح أنا اتكلمت معاه حاسس بالسعادة وبيتكلم عن ان حجر 10 جرام ازاي نتعامل معاه بشكل مختلف يعني فيه حالة سعادة
م/ سامح فهمي : الثقافة اتوجدت لازم نكون فخورين ولازم نشعر بالثقة وفي مصر وولادها
عبد اللطيف المناوي: طب السبيكة دي راحت العربية بعد الرقابة واللي حاصل دا بتروح على ...
م/ سامح فهمي : على المطار ومن المطار على انجلترا فيه هناك وتدخل معمل التكرير بتاع السبايك هتخرج الفضة لوحدها والذهب لوحده دا بيتعمل سبيكة 99 والفضة بيتعمل سبيكة فضة بقيمته
عبد اللطيف المناوي: وبعد كده بترجع السبيكة دي؟
م/ سامح فهمي : في المرحلة دي هو بيسترد فلوسه هو بيبيعها وبيسترد فلوسه
عبد اللطيف المناوي: اللي هو صاحب الشركة إنما بتكلم في المرحلة التانية
م/ سامح فهمي : في المرحلة التانية قدامنا بديلين بديل ان البنك المركز ي ولما استضفت أنا مجلس الوزرا اللجنة اللي السيد المحافظ البنك المركزي ..تجيب جزء من الذهب دا يدخل كسبايك من الاحتياطي المصري يعني هنطلب الذهب بتاعنا يبقى سبايك عشان نديه للبنك المركزي او لو مش محتاجين نستخدم هذا الأسلوب فيه وسيلة أخرى زي الأوراق المالية والسندات وعملات وفي الحالة دي يبقى إحنا هنبيع دهبنا
عبد اللطيف المناوي: والبنك المركزي هتبيعوله بسعر تاني؟
م/ سامح فهمي : لا الذهب دهبهم يعني
عبد اللطيف المناوي: هنا السؤال من الواضح إن فكر سبيكة الذهب اللي بتطلع بحوالي 93% وبتسافر وبتروح على معامل في بريطانيا وبيعاد صهرها مرة تانية ثم يتم استخلاص الفضة ثم يعاد في المستقبل اما بيعها لصالحنا أو عودتها لينا أكيد المسالة دي مكلفة في التأمين مكلفة في التصنيع في الخارج السؤال هنا امتى نعمل عملية إن الموضوع يكون حلقة مكتملة هنا مصنع متكامل ليه مانكملش دا بحيث ان المصنع يقوم بالدور دا بحيث ان السبيكة تخرج معتمدة نهائيا 99.9 ؟
م/ سامح فهمي : إحنا النهاردة عندنا 9 اتفاقيات دهب لو ال9 اتفاقيات دول دخلوا في مرحلة المعالجة زي دي دا هياخد له من 3 إلى 4 سنين على الأقل أو 5 سنين نقدر ننشئ معمل التكرير هنا يعمل السبايك بتاعتنا واقدر أخد كل السبايك اللي جاية من أفريقيا واعملها معايرة هنا وهناك بديل أخر إن إحنا ننشئ صناعة المشغولات الذهب في مرسى علم أنشئ صناعة كاملة الصناعة دي كانت موجودة في مصر وتقلصت النهاردة مع الحاسبات الآلية الكمبيوتر والأساليب الآلية في ال design "التصميم" اقدر أجيب أعظم الشركات العالمية هنا تشتغل في مصر والعمالة بتاعتي من غير ما اعمل العملية دي ..السبيكة هاخدها اسيحها وافصل الذهب عن الفضة بدل ما اعمل سبيكة واسيحها من جديد
عبد اللطيف المناوي: هل دي مسألة تحتاج مستثمر وهل بتحتاج كفاءة غير طبيعية ولاّ محتاجة قرار؟
م/ سامح فهمي : التلاتة ..
عبد اللطيف المناوي: كفاءة اقتصادية قدرة اقتصادية ؟
م/ سامح فهمي : عايزة استثمار وعايزة شجاعة قرار مشروع هتستنى الزباين تجيلك انك تكسب والحاجة التالتة انه فيه برضه النواحي الفنية إني عاوز أوصل اني اقدر افصل الذهب عن الفضة تماما يعني بحيث إن الذهب يبقى دهب والفضة تبقى فضة
عبد اللطيف المناوي: لكن فكرة وجود الصناعة دي مرتبطة بزيادة عدد المناجم؟
م/ سامح فهمي : لو اشتغل مستثمر على منجم واحد هيبقى مكلف لان المدخلات هتبقى قليلة بالنسبة له
عبد اللطيف المناوي: اتفاقيات التنقيب عن البترول مين بياخد قرارها انتوا بتاخدوا قرارها ولاّ مجلس الشعب بياخد قرارها ولاّ قرار من رئيس الجمهورية ولا من مجلس الوزرا إيه هي القواعد المنظمة؟
م/ سامح فهمي : كله مع بعضه .. الموضوع بيبدأ انك أنت بتطرح مناطق عندك في مزايدات وفيها شروط عامة ييجي شريك اللي بيرسى عليه المنطقة يقولك إن الشرط دا عاجبني لا دا مش عاجبني دا نعدله يقدم بعض النسب للربح يحط شروط فيه شروط ديناميكية فيه شروط ثابتة إذا اتفقنا بناخد القرار دا من هيئة البترول أو من هيئة الثروة المعدنية بعد كده بيروح للمجلس إذا اقره بيبعته للوزير ، الوزير بياخده إلى جهتين مجلس الوزرا ومجلس الدولة ، مجلس الوزرا كجهة تنفيذية تعتمد ومجلس الدولة بيراجع التشريع بعد ما يخلصه مجلس الوزرا ومجلس الدولة ييجي الورق دا للوزارة ثم يرجع لهيئة الصناعة والطاقة ثم يعرض على مجلس الشورى ثم مجلس الشورى العام ثم يذهب إلى مجلس الشعب ثم إلى الجلسة العامة بعد دا كله يوضع في صورة قانون ويصل إلى السيد الرئيس ثم يصدر القانون بعد ذلك
عبد اللطيف المناوي: القانون بيكون اتفاقية؟
م/ سامح فهمي : بيكون اتفاقية
عبد اللطيف المناوي: يعني المسألة مركبة؟
م/ سامح فهمي : مركبة جدا وفيها درجة من الشفافية وفيها درجة كبيرة من المراجعة المستمرة بحيث انك تؤمن نفسكم انه تطلع بأحسن قرار
عبد اللطيف المناوي: إحنا وصلنا ل9 اتفاقيات محتاج قد إيه وقت عشان نبدأ نشتغل؟
م/ سامح فهمي : أنا شايف إن بتوع الإمارات متحمسين جدا وفيه شركة روسي مع شركة سوداني متحمسين جدا برضه يعين لاحظ انه لما حد بيطلع كله بيشجع كله
عبد اللطيف المناوي: أكيد
م/ سامح فهمي : المشروع عايز جرأة .يعني حنشغل مشروع مش عايز جرأة هو بينتج دهب بس عامل لغاية دلوقت 70 كيلو ، 80 كيلو
عبد اللطيف المناوي: لأنه بيستخدم أساليب بدائية والمغام
محرر بالموقع الموحد للهيئة الوطنية للإعلام
وصف الشيخ السيد عرفة عضو مركز الأزهر العالمي للفتوى الإلكترونية ليلة العيد بأنها "ليلة الجائزة" وواحدة من أجمل الليالي التي...
تحدث الشيخ عبد الله سلامة عضو مركز الأزهر العالمي للفتوى الإلكترونية، عبر فيديو ببرنامج "زاد الصائم" على موقع أخبار مصر،...
تحدثت الدكتورة ضحى عبده محمد استاذ التغذية والكيمياء الحيوية بالمركز القومي للبحوث في برنامج "صحتك في ماسبيرو" على موقع أخبار...
استعرض الشيخ عبد الله سلامة عضو مركز الأزهر العالمي للفتوى الإلكترونية المنح والعطايا الإلهية المختصة بشهر رمضان، عبر فيديو ببرنامج...