press_center
مفيد فوزى :
بلغوة داب قلبى داب وداب دوبونى الغمزتين مين يامن لك مين المطرب الفنان احد رموز الزمن الجميل ماهر العطاروسؤال اين هو الان ؟ فى حديث المدينة ..
الفنان ماهر العطار : زمن اه خمسين سنة
اخر مرة جاءت لك كاميرات ايه ؟
الفنان ماهر العطار : 20 سنه
ياه حاسس باية والكاميرات دى شغالة؟
الفنان ماهر العطار : فرحان
بتشوف ايه بتشوف تليفزيون ؟
الفنان ماهر العطار : هو انا عندى شغلانة غيرة
بتشوف عمرو دياب ؟
الفنان ماهر العطار : اه
ايه رايك فى عمرو
الفنان ماهر العطار : كويس مطرب
الاغانى
الفنان ماهر العطار : فى اغانى كويسة
وتامر حسنى انت عمراوى والا تمراوى ؟ مرة برنامج فى التليفزيون قال كدة قال انت عمراوى والا تمراوى ؟
الفنان ماهر العطار : انا الاثنين لا عمراوى ولا تمراوى اه احب محمد منير محمد ثروت هانى شاكر اصوات كويسة اه طبعا
وستات مطربات ؟
الفنان ماهر العطار : لالا
ستات
الفنان ماهر العطار : انغام كويسة
انغام
لكن مش هيفاء وهبى
الفنان ماهر العطار : هيفاء وهبى بترقص
طب واصالة
الفنان ماهر العطار : لآ ده صوت هايل
وديانا حداد
الفنان ماهر العطار : مش قوى احبها عشان خطرك
لالالا العفو مش عشان خاطرى عشان صوتها جبلى
الفنان ماهر العطار : عارف بتفكرنى بمين من جيلنا
بسميرة توفيق الفرس ده حلوة الفرس دى لما توصف امراة مطربة انها فرس تبقى اكيد عظيمة
المزيكا حالتها اية وانت شاهد على كل هذا الزمن
الفنان ماهر العطار : مفيش مزيكا زى الاول كانت سهلة زى احمد فؤاد حسن صلاح عرام لية كان فى فرق موسيقية دلوقتى المطربين هما اللى بعملوا فرق
المطربين بيعلموا فرق
انت خرجت امتى من هذه الساحة لية خرجت السؤال هل للصوت عمر
الفنان ماهر العطار : لآ عبد الوهاب وام كلثوم غنوا وكانوا كبار
ايوا انت ايه اللى منعك ان مشوارك يستمر؟
الفنان ماهر العطار : زهقت
اناعايز افهم ليه
الفنان ماهر العطار : مفيش ملحنين زى زمان كل الملحنين الكبار ماتوا
بقيت لوحدك كدة زى الفرع الجاف
مفيش حد هيغزيك
الفنان ماهر العطار : ايوا
يعنى هو جزء من سعادة عبد الحليم حافظ ان كان حوالية هذه الكوكبة
الفنان ماهر العطار : اه كبعا هما دول اللى سندوة رفعوه كان حبيبى قوى يحبنى واحبة جدا كل يوم كنت عندة فى البيت اقعد العب كوتشينة
وعلاقتك ايه بمحرم فؤاد
الفنان ماهر العطار : بردوا الله يرحمة
وفريد الاطرش؟
الفنان ماهر العطار : يا سلام بروح بردوا عندة
انت لو ماكنتش اشتغلت كثير فى السينما كان زمانك استمريت هل صحيح السينما زى ما بيقولوا خدتك لحم ورميتك عظم
الفنان ماهر العطار : انا عملت ست افلام
بس اشتغلت افلام مع سامية جمال
الفنان ماهر العطار : اه سامية جمال وتحية كاريوكا
هو انت كنت شقى
الفنان ماهر العطار : كنت شقى قوى اه اه
الشقاوة دى من الشهرة
الفنان ماهر العطار : اه من الشهرة
الشهرة صرفت كثير فلوس
الفنان ماهر العطار : اه اه طبعا
كنت بتصرفها فى ايه ؟
الفنان ماهر العطار : يعنى الشرب واللعب كوتشينا وبتاع
محدش كان بينبهك ؟
انت فاكر ان انا مرة شفت عبد الحليم حافظ فى بيت محرم فؤاد مش ناسيها ابدا وكان عبد الحليم بيلعب كوتشينة
فا الله يرحمة سمير البندارى قال له قوم روح علشان انت عندك شغل بكرة فا استهبل فا جاب كوباية مية ورشها علية
على وشة ما انساش دى ابدا وتقبلها عبد الحليم بدرجة من التسامح كان فى وجود الموجى
الفنان ماهر العطار : وانا كنت موجود ومحرم
ايوا بالضبط الزمن اللى انا باقول علية الزمن الجميل انت فى تقديرك مين
الفنان ماهر العطار : عبد الوهاب وعبد الحليم وفريد الاطرش والتلبانى وماهر وعبد المطلب والعزبى
كل الاسماء دى
الفنان ماهر العطار : طبعا
لما بتشوف اصوات طلعة على الشاشة
الفنان ماهر العطار : اه بس يكافحوا ويعملوا حاجة كويسة احمد ابنى منهم
كنت عايز بقى اسالك عن احمد احمد كا انسان وانجاب لك هل انت دفعت باحمد كان بيشتغل بيزنس فى حاجة معينة
الفنان ماهر العطار : فى امريكا
فى امريكا لما سافر هل احمد انت فرضت علية انه يشتغل فى الطرب
الفنان ماهر العطار : لا احمد هو بيحب الغنا وادائة كويس
مفيد فوزى : امال ازاى ما اخدش مكانة مع انه شاب وصغير ووسيم
الفنان ماهر العطار : لسة شوية
مفيد فوزى : احمد العطار اخذت ايه من والدك
احمد العطار : اخذت حاجات كثير جدا القبول وحب الناس وحتة صغننه من خامة صوته ده اللى الناس بتقولة لى
مفيد فوزى : زى ايه قول لى كدة مين يامن لك مين
احمد العطار : مين يامن لك مين وانت عنيك حلوين مين يامن لك مين وانت عنيك حلوين جايز وانت شاغلنى تشغل ناس تانين مين يامن لك مين وانت عنيك حلوين مين يامن لك مين
مفيد فوزى : صوتك جميل يا احمد مشكلتك ايه مشكلتك مع الاذاعة
احمد العطار : لآ لآ خالص بالعكس انا فى الاذاعة يعنى معتمد بعد ما خضت اكثر من اختبار طبعا هما كانوا الاول بيقولوا لى انت نجحت علشان الواسطة وبتاع لكن كانت مشكلتى ان انا مضيت مع اكثر من شركة انتاج كبار بدون ذكر اسماء وانا اتعرضت من خلال انتاج كان بابا عملة لى كانت اغنية لوحدها كانت اغنية فيديو كليب كان بيعلم الموضوع ده قناة فضائية واحدة بس كان اول البوم ليا
مفيد فوزى : تفتكر الاحتكار ده مفيد
احمد العطار : لا ضرنى جدا لدرجة ان انا علشان انتقل من شركة تعثرت لشركة تانى بقيت اروح اعارة زى لعيب الكورة ياخذونى لفترة وبعدين امضى للشركة الثانية اروح لها بعد ما اخلص
مفيد فوزى : انت عندك كام سنة دلوقتى ؟
احمد العطار : لية بس كدة تكبرنى يعنى هههههههه
مفيد فوزى : لآ لازم اعر ف
احمد العطار : عندى 33 سنه
مفيد فوزى : مش مصدق
احمد العطار : ما انا علشان كدة مش عايز اقول لك هههههه
مفيد فوزى : انت عديت الثلاثين ؟
احمد العطار : اه اصل لما عرفت ان انت تزوجت سارة المذيعة الجميلة دى قلت ياربى ايه اللى يخلى شاب عندة 22 سنة يتزوج بنت عندها 22 سنة فا دلوقتى لما عرفت ان عندك 33 سنة يعنى انت دلوقتى بقيت واعى وفاهم انت متزوج قريب
احمد العطار : يعنى بقالى سنة وثلاث شهور
مفيد فوزى : ومش عايز تجيب اولاد ؟
احمد العطار : والله لسة ما حصلش نصيب
مفيد فوزى : انت ايه العوائق اللى كانت واقفة فى طريقك انت كا مطرب شاب ؟
احمد العطار : والله هقول لحضرتك انا بدايتى كانت 2004 شاب يعنى بدات اول تعارف ما بين الجمهورعرفنى سنة 2002 والاغنية اللى كان سنجل كانت اغنية اسمها كل ما اقول وكانت اغنية فيدو كليب كانت قناة فضائية واحدة هى اللى بتذيع الاغلانى بعد كدة فى 2004 نزلت اول البوم ليا وانتشر الحمد لله جامد جدا وبعدين رحت حفلات وغنيت فى كل حتة فى مصر يمكن فى اقاليم لفيت كل المحافظات وانتشرت والحمد لله بعد الالبوم ده مضيت مع شركة ثانية وحصل تعثر حصلت خلافات مابينى وما بينهم وبعدين مع ذلك بقيت اقدم اغانى سنجل يعنى بقت الاغنية الواحدة علشان افضل متواجد والحمد لله بقيت ليا جمهور الحمد لله بيحبنى بيشوفنى فى الافراح وبيحضر لى فى الحفلات اللى باشتغل فيها بالذات حفلات الجامعات والمدارس
مفيد فوزى : فى الافراح
احمد العطار : انا كنت لسة فى فرح مفيش قبل رمضان وكان فية راقصة وكان فيه فرح جميل يعنى
مفيد فوزى : حد مشهرو ؟
احمد العطار : لآ مش مشهور او مش عارف يعنى بالضبط الاسم
مفيد فوزى : بدات مطرب ايه مطرب شاب؟
احمد العطار : مطرب شعبى بينقوة علشان يبقى فى الشعبى بيجبوه يعنى انا والراقصة فا بيبقى 3 الوان مختلفين
مفيد فوزى : قول لى يا احمد واحد معجب بيك يعنى معرفش الشباب يعنى مفيش ملهوش سلطنة مثل ما كان زمانا زمن ماهر العطار وعبد الحليم حافظ ومحرم فؤاد ليه ليه السلطنه دى مش موجوده ؟
احمد العطار : هقول لحضرتك انا اول ما بدأت بدأت الاول فى المجال انا كنت بره بادرس مجال رجال الاعمال فى امريكا بادرس بيزنس قعدت هناك
مفيد فوزى : فى امريكا ؟
احمد العطار : اه
مفيد فوزى : قعدت هناك اد ايه
احمد العطار : قعدت 7 سنين
مفيد فوزى : فى امريكا
مفيد فوزى : اغرتك بايه اديتك ايه ؟
احمد العطار : اتعلمت حاجات كثير جدا هناك ان انا دخلت الاول مدارس عسكرية وبعدين دخلت مدارس عادية اللى عنا المدارس العامة وبعدين دخلت الجامعة هناك واستفدت هناك انا كنت هنا للاسف يعنى فى مداس بس ماكنتش باعرف اتكلم انجليزى
بسبب التعليم كان هنا كان ضعيف شوية وانا كان امنية حياتى ان انا اسافر برة وكتر خير بابا وماما
مفيد فوزى : طبعا ماما وبابا اكيد ساعدوك؟
احمد العطار : اه وصرفوا كثير قوى قوى على موضوع السفر ده ان انا كان نفسى اخوض تجربة جديدة واجرب واشوف العالم واشوف الدنيا واتعلم دخلت كذا مدرسة
مفيد فوزى : الكلام ده افادك فى ادارة حياتك ؟
احمد العطار : والله هقول بحضرتك هو بس هو مش بالضبط انا كنت ممكن يعنى كنت صغير قوى يعنى كان سنى مهووس بامريكا مهووس وسافرت اوروبا مع بابا بس كنت مهووس بامريكا وكنت رايح مش هدفى ان انا
مفيد فوزى : شفت عبد الحليم؟
احمد العطار : لآ هو ميت تقريبا فى السنه اللى انا اتولدت فيها
مفيد فوزى : كده بتشوفة فى التليفزيون؟
احمد العطار : طبعا باحس ان هو بيخش قلوب الناس جدا وانا باحبة جدا وبعدين من كتر بابا حكاوية عنه وعلاقاتهم ببعض بردوا باحس ان هو قريب منه وان هو حته مننا وكلنا بنغنى له وكلنا اتكلمنا على اغانية
مفيد فوزى : مش ملاحظ ان هما كتروا قوى
احمد العطار : لآ هو فى الحقيقة هما كثروا احنا كنا فى الاول اربعة انا كنت فى بداية المطربيين الشباب كنا 4 كان تامر حسنى وشرين
وهيثم شاكر واحمدالعطار خالد سليم فقط مفش شباب
مفيد فوزى : خالد سليم من جيلك؟
احمد العطار : بدأ قبلى
مفيد فوزى : بدأ قبلك
مفيد فوزى : جميل وهو صديق العليلة وصاحب والدتى وصوت جميل طبعا
محرر بالموقع الموحد للهيئة الوطنية للإعلام
تحدث الشيخ عبد الله سلامة عضو مركز الأزهر العالمي للفتوى الإلكترونية، عبر فيديو ببرنامج "زاد الصائم" على موقع أخبار مصر،...
تحدثت الدكتورة ضحى عبده محمد استاذ التغذية والكيمياء الحيوية بالمركز القومي للبحوث في برنامج "صحتك في ماسبيرو" على موقع أخبار...
استعرض الشيخ عبد الله سلامة عضو مركز الأزهر العالمي للفتوى الإلكترونية المنح والعطايا الإلهية المختصة بشهر رمضان، عبر فيديو ببرنامج...
وجهت الأستاذة الدكتورة ماجدة سليمان، رئيسة قسم التغذية بالمركز القومي للبحوث، عبر برنامج "صحتك في ماسبيرو" على موقع أخبار مصر،...