press_center
مفيد فوزى : الفنان فاروق حسنى وزيرثقافة مصر يتساءل الناس ببساطة لماذا الانفاق السهل على اكاديمية الفنون فى روما ويقال ببساطة ايضا اليست مستشفيات الدولة الديكوراكثراحياجا ؟
فاروق حسنى : هو الحقيقة المقولة دى دائما يقولوا نعيش الاول الثقافة الاول المستشفيات الاول اوالثقافة الاول كل حاجة الاول يعنى ايه ده بعد ده يعنى ايه ده قبل ده الكل لو يشتغل فى شغلة هيجيب نتيجة بدل الشغل انا ارى الاكاديمية المصرية جوا مصر ده شرف كبير جدا لكل المصريين 17 اكاديمية بالعالم كلة فى مدينة روما
مفيد فوزى : فى الاكاديمية فى روما؟
فاروق حسنى : اولا موقع الاكاديمية المصرية فى روما اولا فى موقع جيزيرفنبى فى منطقة احنا لو شفنا صرفنا ايه وثمن الارض ايه ثمن الارض اضعاف من اللى احنا صرفناة موقع الاكاديمية كرمز لعلم مصرى فى قلب روما وسط 17 او 16 اكاديمية اخرى فى دول محترمة كان نعرف قيمة الاكاديمية كان الشرق كلة مفيش له اكاديميتين المصرية واليابانية اما الصين كل الدول حتى المانيا فا احنا انهاردة لما بنقول اكاديمية الفنون فى روما ده شئ مهم جدا اذا كان فى العشرينات كان الملك فؤاد ادرى بدة وقفل الاكاديمية انهاردة احنا فى 2000 وبنتكلم عن انها بتنفع او ما بنتفعش دى مسالة الحقيقة يجب ان احنا ننظر نظرة تحضرية ونظرة واعية الى كل الاشكال بدل ما نطالب الناس وما نطلبش وما نعملش نطالب اللى مابيعملش يعمل كفايه نقولة على نفس الظروف
مفيد فوزى : انت على المستوى الصحى كلمنى فى الاولويات ان صح هذا المعنى عندك المستشفى ولا المسرح ؟
فاروق حسنى: اولا مفيش شك هقولك المستشفى انما ماهو الحياة نفسها لازم تبقى موجوده المستشفى فى علة وفى مرض وفى وفى زى اللى مش عيان ايضا محتاج الى شئ
مفيد فوزى : نعم
فاروق حسنى : الشئ ده من الثقافة فبالتالى انا ضد ان انا اقارن الموضوع لا يجب ان نقارن
فاروق حسنى : يجب ان كل من له حس فى المعنى العام ان يعمل ان يعمل للمجتمع
مفيد فوزى : اناعايز اقول لك انه من المهم جدا الناس تعرف ايه القيمة المعنوية المضافة من وجود سرح ثقافى زى الاكاديمية ؟
فاروق حسنى : هقول لحضرتك
مفيد فوزى : اتفضل
فاروق حسنى : اولا التعليم شئ والثقافة شئ والتربية شئ الثقافة بتجمع بين التربية والتعليم والحياة انت انهارده لما تيجى تقول الابداع والابتكار اللى هو علامة من علامات الاوطان يعنى الوطن بتدركة من ابداعاتة الفراعنة سابوا لنا ثقافة والحضارات اللى مرت وهى كانت الصين اوالاسلامية سابوا لنا ثقافة فدى السمة اللى احنا بنتعايش بيها امام العالم فالاكاديمية انهارده احنا بنقول احنا محتاجين من مبدعين ان هما يثروا الحياة الثقافيه والحياة العامة من فنون وابداعات ترتقى بنفوس الاشخاص ترتقى بتربيتهم وسلوكهم الاجتماعى انت لما تيجى كل سنة تزرع 12 - 14 متخصص ابداعى متخصص سواء كان مسرح اوسينما
مفيد فوزى:ايه هى المعلومات اللى بيحضرها الدارسين هناك ؟
فاروق حسنى : طبعا كلهم يعنى مهارات ابداعية مسرح اوسينما او فنون تشكيلية او ثقافه عامه تقعد تحس انك بتعمل هناك مدينة فاضلة بيتفرغوا بيتفرغوا بعد سنتين متفرغين بيناموا ويقوموا مع بعض فابيقعدوا يعلموا بعض المعمارى هيعمل التشكيلى والتشكيلى هيعلم الاديب والاديب هيعلم المؤرخ وبتحصل فى النهايه بتيجلى لك محصله 12 - 14 شخص لما يبدع هيكون بيبدع فى روما هيأثر فيهم طبعا لما انت بتنتج حاله ثقافيه حاله مهياش مجتمعية مطلوبة علشان المستشفى تتعمل كويس عشان الرصيف يبقى كويس كل حاجة تبقى عظيمة ورائعة
مفيد فوزى : من فضلك انت شغلت يوما موقع رئيس الاكاديمية فى روما ولابد انك انت لسنوات طويلة ؟
فاروق حسنى : انا الحقيقة قعدت فى الاكاديمية 9 سنوات 5 سنوات رئيسا للاكاديمية كان فى قبل كده الاستاذ صالح عاشور يعنى مدير للاكاديمية وانا كنت المساعد له
مفيد فوزى : هذا السرح الجميل انت ايام ما كنت مسئول عن الاكاديمية كنت بتعمل ايه ؟
فاروق حسنى : هقولك انا كنت باحلم له بالجوائز اللى هى مكنتش موجودة وطلع قانون وزير الاقتصاد والتجارة كان بهدف يعيشوا الفترة دى ده واحد رقم 2 - يكون المبنى والفحوى لان ف منافسات الاكاديمية انهارده تبقى لمه عدد عظيم جدا لمصر باقامة هذه المدينة الساحرة وانا انا كنت بحلم بمتحف حقيقى بيظهرالحضارة المصرية متكاملة اسلامية وده يبقى متحف فى روما يجمع حضارات متاقبة رائعة وعظيمه ومنتقاه باحلم يكون عندى متحف من فن مصرالحديث المعاصريسمى مصر الحديثه معناها فن القرن العشرين يبدأ بمجموعة من الرعيل الاول مختار ومحمود سعيد وراغب عياد ومحمد حسن وكل هؤلاء الكبار العلماء ومتابعة الحضارة التشكيلية فى مصريبقوا موجودين على جدران الاكاديمية هنا ده برضه ان كان فى شئ يبعد عن اى اكاديمية اخرى هنا مجموعة الملك فاروق بيسموها اجيبت مان يعنى الخاص بمصر
فاروق حسنى : فى الثلاثينات كان فى مجموعة فى منتهى الجمال دى كانت مجموعة صح من الاعمال الفنية النادره يعنى فرعونية لكن معمولة بروح انهارده
مفيد فوزى : دى عبارة عن ايه يا افندم ؟
فاروق حسنى : يعنى مثلا سيدة بتعزف هارد على جدران المقابر بتعزف هارد لكن ده بقى جسدها بشكل كامل متكامل كأنة واحده فرعونية امامنا كمثال وماسكة العظم بعض القطع ماسكين المشاعل ده بالشكل ده دى هتعمل طعم خاص جدا للاكاديمية المبنى الاول ده كان مبنى انا كنت باتكسف منه لما اكون قاعد مع مديرى الاكاديميات الاخرى مع مثقفين كبار اوكذا او كذا انا كنت عاوز اقول ايه واحده ليست جميلة ولكن مخها جميل لكن كل همى ان انا اقدم ثقافة مصربشكل رائع جدا علشان تخطى على الشكل العام
مفيد فوزى: حضرتك بتفضل الست الجميلة اكثر ولا الست المثقفة ؟ سؤال هامشى
فاروق حسنى : احبها جميلة ومثقفة انا طماع
مفيد فوزى : انا مش قادر اقول طماع00
فاروق حسنى : المهم بقى دلوقتى بقى جميل مجدى جدا واصيل جدا ازاى يعنى بقى سبق عمارة حديثة شاب مصرى الحقيقة حاتم السعيد هو اللى قام بعملية التطويرالمعمارى وعلى الوجهه كتابات فرعونية كتابات جميلة جدا لهامعنى اب بينصح ابنه بيقول له ايه اياك بمعنى لا تنغر بمنجازاتك ولا بد ان تسمع نصائح العالم والجاهل كى تتقدم مكتوبه بالهيروغليفى بالشكل ده الشكل ده فى حد ذاتة شئ جميل
مفيد فوزى:عايزاعرف ايه المناقشات بماانك كاتم اسراراللى حصلت مع السيد رئيس الدولة لما ؟
فاروق حسنى: اولا سيادة الريس هو دفعنى انه ادانى 2 مليون دولار كنت باكلمة فقلت له عايزك تتطمن قالى خلاص هدى لك فا طبعا سيادة الريس ما بيحبش يبعزق الفلوس فا قلت له قال لى لأ هما اثنين مليون فا اخذت 2 مليون وقالى خذ مليون اهو علشان تكمل الاكاديمية اللى انت عايزهم فاحنا حطينا عليهم برضه من صندوق التمويل اكثرمن 6 مليون انهارده انت بتعمل شئ لازم تعمله كله لان انا ما اعرفش الحقيقة انصاف الحلول لابد تبقى الاكاديمية كما يجب بالفلوس اعمل بيها شئ اخر فسيادة الريس اتكلم معايا طبعا بس عن تفاصيل التفاصيل
مفيد فوزى : طبعا
فاروق حسنى:ايه النشاط هيتم ازاى هتفتتح امتى بالضبط ولازم تعمل مضبوط جدا ياما يعملها مشكلة
مفيد فوزى :هل انت راضى ونسبة الرضا اد ايه عن اكاديمية الفنون فى مصربالهرم ؟
فاروق حسنى : هو الحقيقة امنياتى بها لم تتحقق بالكامل
مفيد فوزى : بالكامل اه
فاروق حسنى:اولا انت تعرف احنا استلمنا 4 معاهد ست معاهد قصدى وانا اضفت لهم 4 معاهد وفى نفس الوقت كان فى ارض خلف الاكاديمية يعنى كانت بتزرع فاكهه ورغم كده انا نسبت 25 فدان كان الدكتورفوزى كامل قال الارض دى لازم نستغلها واستغلينا الارض فى معاهد وامكانيات للاكاديمية طبعا انا اتمنى ان الاكاديمية دى تبقى احسن جامعة فنية كاملة المعالم ودى طبعا تعتمد على المواهب والتدريس الابداع وأشياء كثيره جدا وبعدين فيها زى التعليم ولذلك انا باتمنى ان الاكاديمية يبقى فيها اساتذه على مستوى عالى جدا فيها دار تعلن بان مستقبل مصرفيها موسيقيين ومخرجين والمبدعين والنقاد فا ده عمل عظيم جدا كى يخلق انسان يساهم فى الحضارة المصرية الحديثة بشكل مؤثر
مفيد فوزى : هقول لحضرتك حاجة مره سالت وزير الثقافة لازم اخرج عنها من اجلة اقدر اخرج والا لأ
فاروق حسنى : اه طبعا
مفيد فوزى: هقولك سر يعنى .
فاروق حسنى : بس بالراحة يعنى
مفيد فوزى : بالراحة انا كنت اظن ان السيد رئيس الدولة جزء من اهتمامة الكبيرهو للرياضة والكورة بتشجيع ثم اكتشفت انه ايضا لديه هذا الاهتمام بالفن فانا لما شفت الصور اللى فيها وشفت الماكيت بتاع الاكاديمية فى روما حسيت برغبه فى ان يبقى فى مكان قائم كانه علم قصر ثقافى مصرى هل انا صحيح فى هذا ؟
فاروق حسنى : هو طبعا انا هقول لك حاجة يعنى تلفت النظريعنى سيادة الرئيس جه وشاف انه خالص من الاكاديمية تقريبا 80%ناقص 20% بس فدى كلها حاجات صغيرة جدا انما كل الشكل العام هو كل المسائل يعنى حتى المسرح الحديث كان موجود بصورة مبهرة مبهرة جدا هو سألنى هتفتحت امتى فاديت له التاريخ فا يقال شهرونصف او شهرين ويرجع مرة اخرى علشان يفتح الاكاديمية اعتقد ان دى تؤكد المعنى تؤكد المعنى دى وتدى لك الاحساس بان رئيس الدولة متابعك بشكل مرادف ولابد ان تكون على نفس المستوى
مفيد فوزى:تسمح لى ان انا اسأ ل فى بعض حاجات النسائيات ان صحت العبارة هل الاقرب الى قلبك صوفيا لورين والا كلوديا كاردينالى ؟ وكلاهما كانت نجوم نبؤة ولعلها لا تزال نبؤة
فاروق حسنى : هو انت بتسألنى عن السيدات ولا بتسألنى عن الدول
مفيد فوزى : علشان كده انت قلت ايه بعض النسائيات مش الضرورة بمعنى ست لأ بما انك عشت فى روما ؟
فاروق حسنى : انا بسالك انت قصدك يعنى ايطاليا ولا فرنسا ؟
مفيد فوزى: لأ ايطاليا انا حبيت اعرف صوفيا لورين ام كلوديا كاردينالى ؟
فاروق حسنى : لأ صوفيا لورين
مفيد فوزى: صوفيا لورين ليه؟
فاروق حسنى: اولا فيها روح شرقية والادواراللى قامت بيها ادوار قوية جدا واتذكر الارزالمر والاشياء دية ايضا لانها الى الان متماسكة ومعتنية بنفسها اعتناء لازالت جميلة لازالت حاضرة لازالت مؤثرة وانا قرأتها بشكل شخصى لانها كانت بتحضرمعارضى ايام انا ما كنت
مفيد فوزى: رئيس الوزراء البريطانى وبعض هزلياتة او بعض نسائياته كيف تراها وهل من حق المسئول مثل رئيس الوزراء الايطالى وقد صار حديث العالم فيما يتعلق بغرامياته هل تعتقد انه من حق المسئول الكبير ان تكون له مثل هذا النوع من الغراميات ؟
فاروق حسنى:الحقيقة شوف هوالكلام فى الموضوع ده شائك جدا انما شخصية جلستونى شخصيتة تعمل ده برغم ما هل هو مقصرفى شغله كرئيس وزراء وملتفت لهذا فقط وانا شخصيا بليسكونى شخصية مرحة جدا او ممكن يكون كل اللى بيعمله ده بمرح وليس بفعل حقيقى ولذلك هولما انت تحب تعرف شخصية بلسكونى هيخليك تتخيل ممكن يصدر منه ايه بس متقدمين الايطاليين هما عارفين والايطاليين نفسهم هما عندهم روح الدعابة هو مداعب يعنى اوقات لما اكون مع الرئيس مداعب ودائما يعنى يقول كلمات يعنى باسمة وضاحكة يعنى بهزار
مفيد فوزى : هل كنتوا مبسوطين من كلينتون ايام نزواتة الاولى ؟
فاروق حسنى : لأ هو مع بليسكونى ما وصلش لده
مفيد فوزى : العامل الايطالى حضرتك طبعا تشعر بيه ايه رايه فى ده؟
فاروق حسنى: ولا حاجة هو طبعا لا يشعر بده هو ما يهتمش بالكلام ده ولا يهتم ولا بالصحافة ولاولا ولاحاجة هو لم يهتز لم يهتز
مفيد فوزى: اجمل ذكرى لك فى اكاديمية الفنون فى روما؟
فاروق حسنى: هو فى ذكريات جميلة جدا الحقيقة هو ذكريات كنت بستقبل فيها كل اصدقائى يعنى يعنى كان بيجنى شادى عبد السلام كان بيجى يوسف شاهين كان بيجى عادل حموده كمال بدر جمال كامل سياتك كل اللى كانوا يعنى ايه مجيئهم بيخلق حياة رائعة كان بيعمل الاكاديمية من غير هؤلاء فا انا كنت باستدعى كل اصدقائى الاول وبعض كبار الفنانين فى كل مناحى الحياة احمد بهاء الدين كان بيجينى دوما انيس عوض كان بيجينى دوما كذا مرة وجمال الغيطانى عايز اقول ايه انه من يستفحل الان يستفحل الاكادمة كان يأتى وده كان بيدى حاجة من الجمال والشموخ لهذا المبنى الرائع انا طبعا ذكرياتى مفيش شك انا كنت تعس قبل كده قعدت مدة طويلة مع الايطاليين فلى ذكريات مع الد/ مراد صديقى يجينى بصفة مستمرة كبارالفنانيين والمفكرين اغلبهم كانوا اصدقائى جدا دائما عندى فى البيت فدى كلها نسسيج من ذكريات وما تنساش ان انا عايزاقول ايه يعنى عملية ان انت سجلت كفنان دائم فى روما ان اكبرنقاد دائمين فى ايطاليا كتبوا عنى وشجعونى وبالتالى لي ذكريات جميلة جدا وعظيمة
مفيد فوزى : عارف ان انا ما انساش اوما اعملش اوما انساش صديق لك فى السياسة اسمه الدكتورعاطف صدقى تتكلم عنه؟
فاروق حسنى : الدكتورعاطف صدقى ده شخصية اولا للاسف الشعب معرفهوش هو ما بيهنش نفسه هو رجل اولا رجل الدعابه جميلة دمة خفيف جدا اثنين انا اتعلمت منه كثيراولا ان هو الصدق مع نفسه ومع الاخربشكل حاسم ورجل يعمل سواء كان مطلوب منه العمل او مش مطلوب وعنده رجل يعنى انا اقول لك ايه زى ما بتقول كده يحب الاجتماعيات يحب الخروج يحب الاستمتاع بالحياة يحب حاجات كثير جدا لكن فى شرة بينغمس انغماس شديد جدا
مفيد فوزى :على اى حال لابد ان نتحدث عن رجل اهتم بالسياسة وكانت له بصمة ولابد ان استأذنك فى الذهاب الان الى فرنا وبيذى روما انا بلمس مسلة مصرية جديدة عند مدينة الدرال السبعه وال13 مسلة مصرية مزروعة فى قلب هذه العاصمة اتحدث اليكم من روما عاصمة ايطاليا باحثا عن هذه المسلة الجديدة الشهيرة بالاكاديمية المصرية بروما والتى عاشت ميلادا جديدا قد بلغت الاكاديمية المصرية والفنون فى روما من العمر 80 سنة وسوف يزورها رئيس مصرمبارك فى الايام القادمة وقد اكتمل بهاؤها الثقافى على واجهة الاكاديمية المصرية والكائنة فى روما نصيحة كتبت بلغة الفراعنة من ايام بتاح حتب - حاكم المدينة الى والده ترجمتها بالعربية لا تفتخر بمعرفتك ولا تعتز بماتعمله استشر الجاهل كما تستشيرالحكيم مفيد فوزى يحيكم من روما والتحقيق صوت وصورة فى حديث المدينة *
مفيد فوزى:دكتور اشرف رضا رئيس الاكاديمية وصلنا روما واديك واخدنا بالعربية الى الطريق الى الاكاديمية واحنا داخلين على حدائق بركيزى - ايه الفكرة يمكن المشاهد يحب يعرف حدائق بركيزى
د/ اشرف رضا:حدائق بركيزى 00 مجموعة كبيرة من الحديقة بتمثل تقريبا ثلث مساحة منطقة وسط البلد ومسماة على احد الامراء السابقين وكان اسمة بروجزى وكان ابن اخو البابا ملك روما قيادى المخلوقان ال 17وكان فيها قصر الخاص بيه بيحمل مقتنيات عديدة جدا لانه كان من اكثر عشاق الفنون فا القصربيحمل كل الاعمال الفنية واللوحات التى اقتناها خلال حياته واصبح متحف بورجيزى يمكن هو المبنى الوحيد داخل حديقة فيلا بورجيزى
مفيد فوزى: ليه الاكاديمية المصرية جاءت فى هذا الموقع فى حديقة بورجيزى ؟
د/ اشرف رضا: الاكاديمية المصرية اساسا لم تكن لك تبدأ فى هذا الموقع المصرية ابتدأت فى احد القصور من ميدان فيينا بجوار قصر بورجيزى لمدة عام من 29 الى 30 ثم انتقلت بعد كده سنه 1930 الى قصر الخلو فى طوكيو اما قصر الالليزية فى المنطقة التاريخية فى القصرالقديم فى منتهى الروعة
مفيد فوزى : كتب على تمثال الراحل العظيم احمد شوقى وكأن التراث المصرى القديم يحيط بهذا المكان
د/ اشرف رضا : طبعا بالطبع لان الميدان احمد شوقى وتقيما هنا فى هذا المكان بجوارموقع الاكاديمية المصرية الموجودة هنا فى حديقة بوكيزى الموجودة هنا فى فيلا بوكيزى او فى شارع اوميرواللى بيحوى كل اكاديميات الفنون الدولية هنا اكاديمية بلجيكا واكاديمية روماينا والنمسا والدنمارك وسويسرا
مفيد فوزى : اقدم اكاديمية هنا ايه ؟
د/ اشرف رضا : اقدم اكاديمية هنا فى روما اكاديمية فرنسا اكاديمية فرنسا بريطانيا واسبانيا
مفيد فوزى : كام اكاديمية هنا فى ال17 هل كلهم فى منطقة بوركيزى ؟
د/ اشرف رضا : 85% فى منطقة بوكيزى والباقى حول منطقة بوكيزى
مفيد فوزى : ايدنى فكرة حول تأصيل وجود اكاديمية للفنون فى روما من المهم يا دكتوراشرف الناس تعرف معلومات عن صروح مصية ثقافيه خارج الوطن
د/ اشرف رضا : الاكاديمية المصرية فى روما ولا اكاديمية الفنون فى مصر ؟
مفيد فوزى : لأ فى روما
د/ اشرف رضا : صاحب الفكرة كان الفنان الرائع راغب عياد
مفيد فوزى : راغب عياد ؟
د/ اشرف رضا : اه راغب عياد
مفيد فوزى : جاءت ازاى ؟
د/ اشرف رضا : هى الحقيقة لها قصة ممتعة جدا يعنى ان لما تخرج الفنان الراحل راغب عياد هو واخيه فى الفنون الفنان يوسف كهل اللى سنة 1911 لانهم كانوا الرعيل الاول لكلية الفنون الجميلة اللى انشأت سنة 1908 تخرجوا الجدير بالذكر انك انت
مفيد فوزى : فى كلية الفنون الجميلة ؟
د/ اشرف رضا : بالضبط
مفيد فوزى : فى ايه ؟
د/ اشرف رضا : العمارة الداخلية
مفيد فوزى : العمارة الداخلية هل لاجل هذا اخترت لهذا المكان الجميل ؟
د/ اشرف رضا : ربما من بعض الاسباب الهامة فا بعد ما اتخرجوا بحثوا ان هما هما كانوا عاشقين
مفيد فوزى : سافرا الى روما ؟
د/ اشرف رضا :سافرا الى روما لأ هما مكنش عندهم التمويل الكافى لان هما يسافروا الى اوروبا فا اتفقوا فيما بينهم ان هما يعملوا حاجة اسمها اللعبة التبادلية
مفيد فوزى :كويس
محرر بالموقع الموحد للهيئة الوطنية للإعلام
تحدث الشيخ عبد الله سلامة عضو مركز الأزهر العالمي للفتوى الإلكترونية، عبر فيديو ببرنامج "زاد الصائم" على موقع أخبار مصر،...
تحدثت الدكتورة ضحى عبده محمد استاذ التغذية والكيمياء الحيوية بالمركز القومي للبحوث في برنامج "صحتك في ماسبيرو" على موقع أخبار...
استعرض الشيخ عبد الله سلامة عضو مركز الأزهر العالمي للفتوى الإلكترونية المنح والعطايا الإلهية المختصة بشهر رمضان، عبر فيديو ببرنامج...
وجهت الأستاذة الدكتورة ماجدة سليمان، رئيسة قسم التغذية بالمركز القومي للبحوث، عبر برنامج "صحتك في ماسبيرو" على موقع أخبار مصر،...