press_center
مفيد فوزى : انا عندى رغبة اعتذر لحضراتكم عن اشياء كثير فى المجتمع بتعكرصفوالمجتمع انا بعتذرعن المدرس اللى فهم كلام وزير التربية والتعليم غلط وكسردراع تلميذ مريض عمرالوزير ماكان قصدة ان الحزم معناة العنف ضد الولاد اعتذرعن النائب اللى وصف زميلة بالمشبوة وقامت خناقة لفظية من قواميس مشبوهة معرفش الكلام جه منين اعتذر عن النائب اللى هدد محافظ القاهرة بقتلة لانه بينفذ القانون ممكن اعتذر لغايه بكرة عن قبحة المدينة اعتذر عن الناس اللى افتعلوا طوابير العيش والبوتاجاز لانها طوابير كلها طمع ورغبة فى استفحال الثراء مش كلها ابدا طوابير غلابة اعتذر عن الشباب اللى مصدق ان الديمقراطية معناها ان مصرى يفاضل عايش برة 40 سنة مش معانا ما دقش الهم والغم ننط بالبارشوط نفتح قلوبنا نفتح قلوبنا ليه كاراجل جاى البلد يشارك معاها مش ينزل انتخابات سيادية يمكن الناس شرقانة وجوه يمكن اعتذر عن الاعتصامات اللى بتلوى ايدين الحكومة علشان تنفذ رغبتها وبالفعل ده اسلوب ساد فى المجتمع نفسى فى يوم فى امل فى دم جديد يلون الحياة بلون البهجة ممكن ده ممكن قررت اكون قصر مش قصر عظيم ولا واحد من القصور الملكية انما قصرثقافة ينولا عتمة مجتمع بكلمة بغنوة برأسمايه بقصيده بمزيكا وكان قررنا تقديم شئ مبين نسبت الضوء فى قلب العتمة فى حديث المدينة 00 انا على بعد خطواط من قصر ثقافة عين حلوان قصرثقافة عين حلوان يقع فى عين حلوان وهى من اشهر العيون المائية فى حلوان ربما لكثرة الكبريت فيها بيصل افتكر 27% اذن ده مكان معروف بثرائة ربما البيئى ايضا هذا القصر انا قادم له لكى اعرف على وجة التحديد الى اى مدى يلعب دورا فى هذا المجتمع المحيط به وهو عين حلوان مثلة مثل عدد هائل من قصور الثقافة التى تحاول ان تنبش وانا حريص على الكلمة دى ان تنبش فى المجتمع بحثا عن مواهب بحثاعن بشر فى الغناء فى كل حاجة فى الفن فى الرسم فى الشعر ف الكتابة اعتقد ان هذا القصر هو الامل اذا اردنا ان نضيف اليه الثقافة اخر ما نتعلمة واخر ما يستطيع ان يهذب السلوك فلنجرب
فاصل
مفيد فوزى : دكتور احمد مجاهد تعالى نفكر بصوت عالى اليست كلمة قصر ثقافة يعطى انطباعا للشخص الراغب فى انه يدخل هذه المكان يتعلم شئ يحس بشئ يزيل الرهبة بينه وبين المكان ؟
احمد مجاهد : ماهو حضرتك كلمة قصر قد تحدث هذه القطيعة النفسية
مفيد فوزى : تمام
احمد مجاهد :ولكن فى الواقع هى اسمها كده انماهى لا توجد الا فى القرى والنجوع وعلشان كده هذا الهاجس اللغوى مقصور على مستوى التطبيق العملى فى الواقع
مفيد فوزى : يعنى فى القرى الناس تهاب فى المدن طبعا بسيط يعنى التردد عادى ؟
احمد مجاهد :لأ بالعكس بقى هو الصحيح اللى فى القرى هو التردد اكثر على القصر لان هما عارفين اسمه قصر يعنى تفخيما ممكن لنوع الاداء اللى بيعاملة انما فى الاخر هو مكان اقرب للشعبية وفى روح الفة بينة وبين الناس وكل اللى فى المنطقة والمحافظة هما نفسهم اللى بيشتغلوا فيه
مفيد فوزى :هل مديرى هذه القصور فى القرى هما من قلب هذا المكان والبيئة
احمد مجاهد :ده الحاجة اللى احنا بنحاول نعاملة بشكل رئيسى
مفيد فوزى :علميا ليه ؟
احمد مجاهد : علميا اكثر من سبب اولا ان احنا بنشتغل مع المواطن البسيط وهو اقرب الناس للمواطن البسيط لان كما فى الريف والقرى الثقة الشخصية امر مهم وبيبقى عارف مين مدير القصر ومين الشاعر حتى لو كان شاعر القصر
فهو فى ثقة فيه وبالتالى هو بيكون عنصر جذب للمكان
مفيد فوزى :دى احلام ان يبقى فية بنات من نفس المكان فى القرى فى الصعيد تروح تقعد مع الستات علشان تعرف حكايه الانجاب الذى يتسرسب يتسرسب ويضيف اعدادا للمجتمع هل ده ممكن كان يبقى احد مهامك
احمد مجاهد : ده بالتاكيد احد مهامى لان المؤسسة اللى باشتغل فيها لان الهئية العامة لقصور الثقافة لو لم تكن مسئولة عن الثقافة المغلوطة عندى فى القرى والنجوع هى
مفيد فوزى : عايز اوضح للناس الناس اول ما انت قلت الثقافة المغلوطة .
احمد مجاهد :انا قصدى عن الافكار السائدة الخطأ
مفيد فوزى : ما انت بنتحاول انك انت ......؟
احمد مجاهد :احنا لو احنا مش مسئولين عنها مسئولين عن اصلاحها
مفيد فوزى :عندك قصور ثقافة فى الحتت اللى فيها الولاد اللى بيسافروا ويموتوا على سواحل اوروبا ؟
احمد مجاهد :عندى بس هى المسالة بتاعت قصورالثقافة عندن 549 موقع مش كله قصور ما نملكة فيها من قصور6 4 فقط لان القصر بيبقى مساحتة كبيرة ويبقى فية مسرح مقفول له مقومات
مفيد فوزى :ايوا يعنى لو انت قصر ثقافة من هذه الاماكن اللى هى افتكر فى الدقهليه والغربية اللى الولاد فيها بيجمعوا الفلوس تحت سيطرة سماسرة ويفلسع عارف يعنى ايه يفلسع؟
احمد مجاهد :عندى عندى عارف
مفيد فوزى : يعنى ايه ؟
احمد مجاهد : يعنى فى الاخر ياخذ الفلوس ويمشى ويموت
مفيد فوزى : والثانى يموت هل ممكن ان قصر الثقافة فى هذا المكان توعيتة تبقى ازاى يعنى يعنى حسسنى بالامل ؟
احمد مجاهد : هقول لحضرتك
مفيد فوزى :عارف ليه يا دكتور؟
احمد مجاهد : اه اه اتفضل
مفيد فوزى : لانى ما اعتقدش ان وزير الداخليه هيبعت رجالة مديرالامن هيروح يجيب ناس كده ويقول لهم ده غلط يا جماعة يا جماعة بلدكم اهم طب قول لى ازاى؟
احمد مجاهد :متفق مع حضرتك تماما ده لازم يتعمل بطريق بديل انا علشان اقنعة بعدم السفر مااقدرش اقنة بندوة بعدم السفر حتى لو جبت له اساتذة علم الاجتماع
مفيد فوزى : جميل خلينا نعرف خلينى اردد معاك ؟
احمد مجاهد : اقناعة لا بايجاد البديل
مفيد فوزى :ندوات ملهاش قيمة
احمد مجاهد :بالضبط لابد من ايجاد البديل اقول له احنا هندى لك بديل تشتغل فيه فى كذا وده اللى ممكن يخليه يبقى امن لو
مفيد فوزى : انا متفق مثلا مع المحافظ ان فى مشروع من المشاريع محتاجة عيال محتاجة رجالة محتاجة ايدى عاملة
احمد مجاهد : دى نقطة النقطة الثانية بنعمل برامج كمبيوتر للطلبة بندربهم على الكمبيوتر
مفيد فوزى : علشان خاطر بيروح حتة ويبقى الاساس يقولوا له ايه تتعلم كمبيوتر ولا ؟
احمد مجاهد :بالضبط بالضبط ولغة انجليزية مجانا وباباشر هذه التجربة
مفيد فوزى : انت عاوز تقول مجالات ملهاش قيمة ولو جبت اعظم علماء النفس فيها .
احمد مجاهد :فيها بس ما بتحلش
مفيد فوزى : ما بتحلش ايه اعلام حنجورى فيها ما بنحبش
احمد مجاهد : الحل فى ايجاد البديل
مفيد فوزى:الحل فى ايجاد البديل فى التواصل ماذا يحسب لانس الفقى وقد شغل موقعك يوما ما؟
احمد مجاهد :التواصل الاعلامى
مفيد فوزى :التواصل فى هذه المؤسسة ؟
احمد مجاهد :اه لأ الحقيقة الوزير انس الفقى كان فى هذه المؤسسة
مفيد فوزى : لأ مكنش وزير اه كان انس الفقى رئيس قصور الثقافة ماذا يحسب له
احمد مجاهد :يعنى يحسب له لو حسبت له حاجة واحدة بس يحسب له ان هو عمل عربيات القوافل الثقافية وهى عربيات مهيبة جدا ضخمة تضم مسارح و تضم سينما و تضم اجهزة و تطوف بالاماكن التى ليس بها قصور او بيوت ثقافة
مفيد فوزى : من اهم انجازاته ؟
احمد مجاهد :من اهم انجازاته
مفيد فوزى : ما العائق الرئيسى امامك هل هو المال او تصطدم بجمود فكرى ؟
احمد مجاهد : العائق الرئيسى متعدد نمرة واحد الناس اتنين المال ميزانية الهيئة 225 مليون المخصص منها للنشاط 27 مليون فقط
مفيد فوزى : اتنين ؟
احمد مجاهد : اتنين التخصص
مفيد فوزى : بمعنى ؟
احمد مجاهد : بمعنى ان الناس اللى عندى نقص فى الكوادر
مفيد فوزى : نقص الكوادر ؟
احمد مجاهد : و يكفى ان تعلم ان الهيئة للقصور الثقافة فيها 10 الاف موظف معين و لكن عندنا 5 الاف موظف و الاخر اكتر من 50 % من هؤلاء الموظفين جميعا من حملة المؤهلات المتوسطة فكانوا لا يستطيعون تشكيل ثقاقة المواطنة
مفيد فوزى : ان شايفك يتقرأ كلام فى العلم هو انت فى مدرسة متردد على قصر الثقافة انت عارف انت فين ؟
طالب : قصر الثقافة
مفيد فوزى : اه ايه اللى جابك النهاردة ؟
طالب : علشان اقرأ كتب و استفيد
مفيد فوزى : اسألك سؤال و لو معرفتش السؤال قصده ايه قول لى انا مش فاهم تفتكر احنا فى حياتنا محتاجين اكتر الى العالم ولا للأديب ؟
طالب : العالم
مفيد فوزى : ليه ؟
طالب : علشان هو اللى بيخترع الحاجات اللى احنا بنستفيد منها فى حياتنا
مفيد فوزى : طب و الاديب هو الاديب ده خلاص راحت عليه الله امال ايه ؟
طالب : برضه كويس بس انا شايف ان العالم اهم
مفيد فوزى : اذا انت عندك موبايل ؟
طالب : ايوه ايوه
مفيد فوزى : و بتستخدمه فى ايه ؟
طالب : بكلم ناس
مفيد فوزى : بتكلم ناس مين اصحابك ؟
طالب : والدى و والدتى و اصحابى
مفيد فوزى : يعنى انت جايبه لك علشان لو بتكون فى نادى ولا حاجة يقدر يطلبك؟
طالب : اه مظبوط
مفيد فوزى : مظبوط ايه اللى جابك هذا المكان ؟
طالب : للقراءة و للاستفادة
طالب : علشان اقرأ يعنى
مفيد فوزى : كلمنى كده عادى كده ؟
طالب : علشان اقرأ الكتب
مفيد فوزى : علشان ايه هتفيدك بأيه الكتب ؟
طالب : معلومات يعنى معلومات جديدة
مفيد فوزى : المدرسة انت فى مدرسة ايه ؟
طالب : امجاد
مفيد فوزى : لما تسمع ان الوزير قال انه لازم الحزم و انه لازم يبقى مثلا احيانا لما تعمل عمل غلط تضرب انت عمرك اتضربت فى البيت ؟
طالب : اه بتضرب
مفيد فوزى : فى البيت ؟
طالب : فى البيت بتضرب
مفيد فوزى : على وشك ؟
طالب : لا مبتضربش كتير على وشى مش كتير على وشى
مفيد فوزى : يعنى ايه مش كتير يعنى بتضرب على وشك ؟
طالب : اه
مفيد فوزى : انت قوللى بقى عملت ايه غلطة خلتك تنضرب على وشك ؟
طالب : علشان مش بنام ساعات
مفيد فوزى : مش بتنام بتعمل ايه امال ؟
طالب : بلعب
مفيد فوزى : بتلعب فين ؟
طالب : فى البيت
مفيد فوزى : امال بتنام الساعة كام ؟
طالب : متأخر الساعة 2 او 3
مفيد فوزى : 2 او 3 ؟
مفيد فوزى : انت عندك كام سنة ظ
طالب : 12
مفيد فوزى : اه طبعا عندك كمبيوتر فى البيت ؟
طالب : اه عندى
مفيد فوزى : بتفتح النت ؟
مفيد فوزى : بتتفرج على ايه ؟
طالب : انا بلعب
مفيد فوزى : بتلعب على النت ؟
طالب : اه اه
مفيد فوزى : عندك Play Station ؟
طالب : لا
مفيد فوزى : بتلعب على النت للساعة 3 ؟
مفيد فوزى : انت عارف انا بنام و انا قدك الساعة كام ؟
طالب : كام مش عارف
مفيد فوزى : 9 ..9
طالب : 9 الصبح
مفيد فوزى : 9 الصبح 9 بليل ما هو طبعا نت جيلك لازم يقول 9 الصبح طبعا انت متخيل انى انا طول الليل سهران ل 6 صباحا و دخلت السرير 9 يا جيل .
مفيد فوزى : ممكن تيجى تانى قصر الثقافة ده ؟
طالب : اه طبعا
طالب : عشان مميز و فيه كتب و علوم و ثقافة
مفيد فوزى : اه ليه الكورة واخد ة مجال فى المجتمع انت كروى ؟
مفيد فوزى : بتشجع ايه ؟
محرر بالموقع الموحد للهيئة الوطنية للإعلام
دعا الشيخ إسلام محمد ضيف الله عضو مركز الأزهر العالمي للفتوى الالكترونية إلى التفكر في خلق الله سبحانه وتعالى، مستدلاً...
تناول الشيخ إبراهيم جاد الكريم عضو مركز الأزهر العالمي للفتوى الالكترونية خلق التواضع، مؤكداً أنه من الأخلاق الإسلامية الرفيعة التي...
وجه الشيخ محمود عويس محمود عضو مركز الأزهر العالمي للفتوى الإلكترونية رسالة هامة للمسلمين حول الاستمرارية في العبادة بعد انقضاء...
وصف الشيخ السيد عرفة عضو مركز الأزهر العالمي للفتوى الإلكترونية ليلة العيد بأنها "ليلة الجائزة" وواحدة من أجمل الليالي التي...