press_center
تقديم : الدكتور / عبد المنعم سعيد
تاريخ الحلقة :6/5/2009
الضيوف :
الأستاذ الدكتور/ محمد أحمد على أستاذ الفيروسات من المركز القومى للبحوث
الدكتور / عبد الهادى مصباح أستاذ فى التحاليل والمناعة
د / عبد المنعم سعيد : مساء الخير .. الأحداث عادةً أنواع بعضها يكون على مستوى العالم وبعضها يكون على مستوى الإقليم كل ما نتحدث عنه وعن حروب وصراعات فى المنطقة تجرى فى إقليمنا فى العادة والأحداث أحيانا تحدث هنا فى مصر بكل إنعكاساتها الإقتصادية والسياسية والإجتماعية لكن أحيانا بعض الأحداث تعبر هذه الخطوط منها مثلا الأزمة الإقتصادية التى طالما ناقشناها فى هذا البرنامج حيث نجد لها إنعكسات إقليمية عالمية مصرية فى ذات الوقت .. آخر الأحداث فى هذا الإطار العابرة للمناطق والعابرة للجغرافيا هى موضوع إنفلونزا الخنازير .
موضوع أنفلونزا الخنازير من الموضوعات الآن فجأة أصبحت تصيف العالم بالرعب والخوف .. هذه التعبيرات الرعب والخوف والكارثة إلى آخر التعبيرات الدرامية الشديدة بنجدها موجودة فى الجرائد والمجلات وفى التليفزيونات والمحطات الفضائية النزويك التى صدرت هذه الإسبوع جاء فيها على الغلاف fear the fu يعنى الخوف من الإنفلونزا the mew age of Pandemics يعنى العصر الجديد للأمراض العالمية أو الأوبئة العالمية .. لاحظ هنا الحديث الشديد عن عالمية الظاهرة أنها ليست مرتبطة ببلد ليس مرتبطة بمنطقة ليست مرتبطة بسياسة الغريب إن إحنا بنجد مجلة مثل الأهرام العربى نجد عليها غلاف مماثل " رعب على الأبواب " العرب فى مرمى إنفلونزا الخنازير طبعا موضوع العرب لأنها الأهرام العربى إنما رعب على الأبواب إستخدام لعبارات كبيرة .
الأهرام فى هذه الإسبوع ايضا تقول نصف سكان العالم سيصابون بإنفلونزا الخنازير فى حالة تحولها إلى وباء .. نفس العنوان إستخدمته جريدة الأحرار إنفلونزا الخنازير تهدد نصف سكان العالم تقريبا هذا العنوان إستخدم أيضا فى الوفد نصف سكان الكرة الأرضية مهددون بالإصابة بإنفلونزا الخنازير .. يعنى بنجد المسألة الجانب العالمى فيها قوى للغاية تهتم بها المنظمات العالمية حتى بنجد نهضة مصر- الصحة هنا يتحدث عن الصحة فى مصر تنتظر إشارة منظمة الصحة العالمية لغلق المنافذ المصرية .
مش بس الحديث عن منظمة الصحة العالمية وإنما حتى بنجد البنوك اليوم إللى هى ملحق فى صحيفة العالم اليوم بيقول البنوك مرعوبة من إنفلونزا الطيور والخنازير – منظمة التجارة العالمية إنفلونزا الخنازير ضربة جديدة للإقتصاد العالمى - فى جريدة العالم اليوم – ربما الشروق وصفت المسألة فى بعدها العالمى البشرية مهددة ولجنة دائمة فى مصر لمواجهة الوباء .. سوف نأتى لمصر حالا ولكن فكرة أن البشرية مهددة بيتكلم عن خطر ربما يبدوا كما لو كان من تلك الأفلام المرعبة التى أحيانا يهجم فيها على كوكب الأرض غزوة كبيرة يعنى يبدأ الناس فى مقاومتها – عندنا فى مصر الموضوع أخذ أبعاد لا تقل قوى عما هى موجودة عليه على المستوى العالمى .. السيد صفوت الشريف الأمين العام للحزب الوطنى ورئيس مجلس الشورى قال "قضية الخنازير أمن قومى وليس لها أبعاد سياسية أو دينية " يعنى كلمة إستخدام الأمن القومى فى الحقيقة كلمة عادةً لا تستخدم إلا فى الأمور القريبة أو المماثلة للحروب لأنها هى التى تهدد الأمن أو البقاء المصرى الشروق صحيفة الشروق قالت "الصحة " نقلا عن وزارة الصحة نعمل وكأن مصر فى حالة حرب يعنى الأمن القومى الحرب كلها تؤدى إلى ما قالت به المصرى اليوم الفيروس العنيد يكثف هجوم والقاهرة توسع دائرة الإشتباه – تعبيرات أيضا أمنية بنتكلم عن هجوم توسيع دائرة الإشتباه – الأهرام بتقول مصر فى مواجهة أزمة إنفلونزا الخنازير – المستشفيات تلعن حالة الطوارئ – حالة الطوارئ دائما مرتبطة بحالات الحرب – ماذا نفعل مع إنفلونزا الخنازير كما حدث مع إنفلونزا الطيور من قبل بنجد إنه الموضوع يدخل فى دائرة السياسة المصرية – السياسة اليومية – كيف يؤثر ذلك علينا – كيف يؤثر على إقتصادنا – كيف حتى يؤثر على علاقاتنا الخارجية .. الوزير محمد رشيد قال " تداعيات الأزمة المالية مازالت مستمرة " ديه واحدة عن الأزمة الإقتصادية - وتحول الإنفلونزا يقصد إنفلونزا الخنازير إلى وباء عالمى يزيد حدتها يعنى بقة المصيبة مصيبتين زى ما بيقولوا يعنى .. جوه جرائد المعارضة لابد وإن يكون الموضوع أيضا من الموضوعات التى تؤدى إلى هجوم على الحكومة تؤدى أيضا إلى نوع من التداخل مع السياسة الداخلية حسب وجهة نظر كل صحيفة – جريدة الدستور بتقول ضغوط أمريكية لوقف ذبح خنازير مصر – العربى الناصرى بتقول " بيزينيس " الخنازير فى مصر .. يعنى كل الجرائد تقريبا سواء بتتحدث عن السياسة المصرية – السياسة الخارجية الأوضاع العالمية بنجد الموضوع هو موضوع إهتمام كبير كله قاعد زى ما يقولو على أطراف أصابعه رغم تأكيدات يعنى الأخبار بتقول مصر خالية من إنفلونزا الخنازير ولا صحة للشائعات لكن رغم ذلك بنجد تعبيرات كبيرة كلها تنم عن إحساس كبير من القلق خاصةً وقد إتبعت الحكومة فكرة أن لابد من ذبح الخنازير إللى موجودة فى مصر – بعض الجرائد بتقول إن دا يسبب أزمة عالمية – البعض الآخر بيقول إنه حتى دخل فى السياسات المصرية الداخلية فى حديث للأستاذ عادل حمودة فى مقال فى الفجر قال إنفلونزا الفتنة الطائفية فى مصر .. الخنازير سابقا! .
الموضوع إذا موجود ومُثار وحاد ودرامى وأحيانا تراجيدى على المستوى العالمى على المستوى الإقليمى على المستوى المصرى الداخلى .. موضوع إنفلونزا الخنازير سوف يون موضوعنا فى هذه الحلقة ويسعدنا أن يكون معنا فيها الأستاذ الدكتور محمد أحمد على أستاذ الفيروسات من المركز القومى للبحوث ورئيس فريق الأنفلونزا فى المركز والدكتور عبد الهادى مصباح وهو أستاذ فى التحاليل والمناعة .. قبل أن نلتقى بضيفينا تعالوا نستمع إلى هذا التقرير .
فاصل " تقرير "
مرة أخرى يجد العالم نفسه على مقربة من إنتشار وباءٍ عالمى يعيد الى الذاكرة معاناة العالم من أوبئةٍ سابقة خلال القرن الماضى وبداية هذا القرن بدءا بالإنفلونزا الإسبانية عام 1918 ومرورا بالكوليرا والفيولا والسالس وإنتهاء بإنفلوانزا الطيور 2006 فقبل 10 أيام صحى العالم على كارثة إنفلونزا الخنازير التى تصاعدت فى المكسيك بصرعة مزهلة وإنتشرت إلى دولٍ أخرى بما يهدد بإمكانية التحول إلى وباءٍ عالمى إلى الدرجة التى دفعت منظمة الصحة العالمية لرفع حالة التأهب لمواجهة إنتشار الفيرس المسبب لإنفلونزا الخنازير إلى الدرجة الخامسة أى قبل درجة واحدة من إعلان حالة الوباء العالمى وهو الأمر الذى تسبب فى إنتشار الرعب فى مختلف أنحاء العالم رغم أن إصابة البشر بمرض إنفلونزا الخنازير فى حد ذاته ليس بالجديد إذا عرف العالم أول إصابةً بشرية بهذا المرض فى عام 1976 وتوفى بعض المصابين بالمرض آن ذاك كما عاود المرض الظهور مرة أخرى فى العام قبل الماضى دون أن يحدث الرعب الموجود حاليا حيث تصاعدت أعداد الإصابات والوفيات فى ظل الموجة الحالية من المرض فزاد عدد الوفيات فى المكسيك التى شهدت بداية إنتشار المرض عن 150 حالة وزاد عدد الإصابات عن 1500 حالة .. كما إنتشر المرض إلى دولٍ أخرى مثل الولايات المتحدة وكندا وإسبانيا وبريطانيا وإسرائيل ووسط حالة الرعب من إنتشار المرض إستبقت العديد من الدول منظمة الصحة العالمية وإتخذت الكثير من الإجراءات الوقائية للحماية من وصول المرض إليها ففرضت الحكومة المكسيكية إجراءات صارمة لمواجهة المرض منا إغلاق كافة المدارس والحد من التجمعات العامة والدخول إلى المواقع الأثرية ومنع مطاعم العاصمة من تقديم المأكولات أما اليابان وكوستاليكا فقد إعلانتا حالة التأهب القصوى لمواجهة المرض وأعلن الرئيس الأمريكى باراك أوباما أن الولايات المتحدة ستقوم بكل ما يجب للقيام به للسيطرة على إنفلونزا الخنازير واصفا الوضع على إنه بالغ الخطورة وناشد الكونجرز بتخصيص 1,5 مليار دولا لتعزيز الولايات المتحدة على مواجهة إنتشار الفيرس كما قامت فرنسا بتشكيل خليةٍ لإدارة الأزمات ولمواجهة المخاطر المحتملة عند إنتقال المرض إليها وعقد وزراء الصحة بدول الإتحاد الإوربى أجتماعا طارئا فى نهاية الشهر الماضى لتقييم الوضع وتنسيق الجهود لمواجهة المرض لماذا تكرر ظهور الأوبئة فى السنوات الأخيرة ؟ وما هو الإختلاف بين أنفلونزا الخنازير وبين الأنواع السابقة من التهديدات الصحية التى تعرض لها العالم كالأبيولا وسارس وإنفلونزا الطيور وما هى العوامل التى تساعد على إنتشار إنفلونزا الخنازير ؟ وهل تكفى الإجراءات المتخذة حالية لمواجهة إنتشار المرض ؟ وما مدى كفاية الإجراءات التى إتخذتها مصر لمواجهة إحتمال إنتقال المرض إليها ؟
هذه هى أهم التساؤلات التى تناقشها تلك الحلقة من برنامج وراء الأحداث .
فاصل
د / عبد المنعم سعيد : دكتورمحمد – دكتورعبد الهادى أهلا بكم معانا فى البرنامج أول مرة نشرف بحضوركم معانا .. هأبتدى مع الدكتور عبد الهادى إحنا كمواطنين عاديين ما إحناش دكاترة عادةً في أنفلونزا إللى هى بتيجى لنا فى الشتاء كل واحد عارف إنه فيه كام دواء بيأخذهم عشان يستريح منهم – في أنفلونزا ثانية غلسة بتاعة الصيف إللى هى يقولك جاءت عشان الناس عرقت حاجات زى كده دا مستوى الثقافة العامة أما الحديث عن إنفلونزا مميتة يقول لك إنفلونزا الطيور الألفلونزا الآسيوية سارس قبل كده ودلوقت إنفلونزا الخنازير إيه الفرق بين هذه النوع من الأنفلونزا والأنفلونزا إللى إحنا كنا نعرفها قبل كده فى السابق ؟
د / عبد الهادى مصباح : بسم الله الرحمن الرحيم أنا طبعا سعيد بحضرتك الإنفلونزا دا فيروس بيصيب الدنيا من حوالى 3 آلاف سنه يعنى على الجدران بتاعة المعابد معظمها فيها أعراض لإصابات الإنفلونزا لكن الفيرس لم يعد إلا فى الثلاثينات من القرن الماضى .
د / عبد المنعم سعيد : إصابات إيه يعنى ناس عيانه موجودة ؟
د / عبد الهادى مصباح : الأعراض بتاعة الأنفلونزا نفسها موجودة من زمان يعنى نفس الأعراض بتاعة فيرس الأنفلونزا – الجزئية الخاصة بالإنفلونزا إن هى فيرس بيتميز بإن له مقدرة رهيبة جدا على التحور وإنه من خلال هذا التحور كل سنة يتحور بشكل معين بحيث إن التطعيم إللى بأديه أو إللى بأصنعه عشان خاطر يحمى الجهاز المناعى بتاعى لازم أصنعه سنه بسنه يعنى أفضل 6 شهور ألم فى السلالات ديه .
د / عبد المنعم سعيد : ما علهش هنييجى لحكاية العلاج ديه بس قول لنا على الفيرس إيه الفرق ما بين الفيرس المميت الجديد دا - الآسيوية مميتة الطيور ناس منها ماتت وآدى الخنازير نوعية الفيرس – هو الفيرس دا عبارة عن إيه ؟ يعنى دوده بتخش ؟
د / عبد الهادى مصباح : لأ الفيرس عبارة عن كائن دقيق جدا وطبعا الدكتور ممكن يقوله أحسن منِّى لكن هو كائن دقيق جدا عبارة عن حامض نووى يحيط به غلاف روتينى وله أدوات بيغزو بها الجسم – فيروس الإنفلونزا له أدوات نوعين "هيم أجليتمى" إللى بيرمزوا له بالرمز إتش وان والثانى " نيورا ميلى ديف " إللى هو بيرمزوا له بالرمز إن هيم أجليتمى وظيفته إنه ينقل العدوى من كائن إلى آخر يعنى سواء من إنسان إلى إنسان أو من حيوان إلى إنسان أو من الخنزير إلى الإنسان أو العكس النيورا ميلى ديف أول ما يحصل ولاحظ النقطة ديه إنه ديه عدوى تنافسية يعنى ما تجيش عن طريق أكل ولا شرب ولا غيره – فالعدو التنافسية أو ما تحصل إن تلتقط الأغشية المخاطية للجهاز التنفسى .
د / عبد المنعم سعيد : هنييجى لميكانيكا العدوى بعد شويه .
د / عبد الهادى مصباح : حضرتك عايز الأعراض ؟
د / عبد المنعم سعيد : أنا عايز لا الأعراض ولا الميكانيكا أنا عايز أعرف إيه الفرق ما بين الأنفلونزا إللى أحنا كنا نعرفها إللى نأخذ لها حبايتين فنخف وديه الأعراض إللى بتموت إللى هى إسمها آسوية أو طيور أو كدا .. هل فى نوعية الفيرس ؟
د / عبد الهادى مصباح : آه بيتغير التركيب الجينى للفيرس نفسه ما أنا كنت هأشرح لحضرتك .
د / عبد المنعم سعيد : آه خلينا فى الفيرس .
د / عبد الهادى مصباح : ما أنا بأقول لحضرتك أنا كنت هأكمل الجزئية ديه إنه لما بيحصل كل سنة تغير وبناءً عليه بنغير التطعيم كل كذا عقد يحصل تغير جذرى يعنى الفيرس يغير بطاقته الشخصية أو هويته الجينية – الفيرس إللى موجود دلوقت مكون من أربع أنواع فيروسات 2 منهم من الخنازير وواحدة من الطيور وواحدة من البشر h1n1إللى موجود حاليا غير h1n1 إللى جه فى الوباء 18 و19 اللى موجود الآن الجهاز المناعى بتاعنا ما يعرفهوش بناءاً عليه بينتقل بسرعة ما فيش أجسام مضادة ما فيش لقاح واقى لكن فيه علاج متاح إللى هو بيشتغل على الفيروس .
د / عبد المنعم سعيد : الجهاز المناعى دا حضرتك جسم الإنسان دا مبرمج لمقاومة حاجات معينة ؟
د / عبد الهادى مصباح : الجهاز المناعى فيه حاجه إسمها خلايا الذاكرة – خلايا الذاكرة لو عيينا كل سنه بتيجى لنا إنفلونزا فالإنفلونزا لما بتيجى بيطلع الجسم ليها أجسام مضادة السنة إللى جايه بتغير سنة من تكوينها لكن فيه جزء من الأجسام المضادة القديمة بيدى حماية حزئية ما هواش جديد تماما على الجهاز المناعى صحيح بنأخذ التطعيم لكن ماهواش جديد تماما لكن لما يغير تكوينه الجينى بيبقى فى الحالة ديه جديد تماما على الجهاز المناعى فحسب بقى كفائة الجهاز المناعى هيقابله ازَّاى هو دا إللى بيحصل عشان كده هتلاقى إن مثلا فى المكسيك فيه وفيات كتير أمريكا ما فيش وفيات .
د / عبد المنعم سعيد : يعنى إنت حضرتك بتقول هنا المميت جايه من مسألة ..
د / عبد الهادى مصباح : الديروجينى الجزرى .
د / عبد المنعم سعيد : إللى هوالجسم مش مستعد يقابله بينما الفيرس هو هو بيتحول بيتغير لكن مفيش فيه مادة سامة زيادة يعنى ؟
د / عبد الهادى مصباح : لأ هو قدرته على – يعنى هو جيش أخذ سلاح إنت مش عارفه فبدأ يغزو وإنت لسه – يعنى زى الصواريخ كده بيدى لك الصاروخ وإنت ما عندكش مضاد للصواريخ فلو جبت المضاد للصواريخ هتقدر توقفه.
د / عبد المنعم سعيد :طيب خلينا بقى نشوف مع دكتور محمد أحمد على الموضوع بتاع الصواريخ بتاعة الفيرس هل هناالفيرس بيرتبط بمناخ معين ؟ يعنى بتلاحظنا مثلا موضوع الآسيوية ديه بدأت فى الدول الآسيوية وبعدين جيه بيسموها سارس أظن أو حاجه .
أ. د/ محمد أحمد على : هوسارس بس ديه عيله ثانيه خالص .
د / عبد المنعم سعيد : عيله ثانية غير الآسيوية .
أ. د/ محمد أحمد على : غير عيلة الأنفلوانزا – الأنفلونزا عيله إسمها أورس ماكس وريدى فاميلى دا إسمها اللاتينى إنما السارس دا عيلة الكرونا فايرس إللى هى الفيروسات التاجية ودا كان فيروس جديد ودخل
د / عبد المنعم سعيد : حضرتك بس بشويش علينا إحنا مش طلبه فى كلية الطب واحده واحده عشان الناس تعرف – إنما كل دا إسمه فيروسات وكلها فايروسات إنفلونزا ؟
أ. د/ محمد أحمد على : لأ الإنفلونزا إنفلونزا والسارس له فيروسات ثانية هو التارجيت واحد الجهاز التنفسى إنما دا ليه تركيب وله صفات وله سلوك ودا ليه صفات وتركيب وسلوك مختلفة – هو أنا بس كنت عايز أوضح بعد إذن حضرتك .
د / عبد المنعم سعيد : طيب حضرتك إدينا تعريف لكلمة أنفلوانزا إيه المقصود بها ؟
أ. د/ محمد أحمد على : هى جايه من إسم لاتينى معناها فلوب رشح .
د / عبد المنعم سعيد : رشح ما يصيب الإنسان بالرشح .
أ. د/ محمد أحمد على : بالظبط وديه كانت البداية .. هو دائما حالات الوفيات مرتبطة بسلالات جديدة آه الإنسان زى ما قال د. عبد الهادى عنده أجسام مناعية – أجسام مناعية ديه بتمسك فى الميكروب اللى داخل بنظرية زى القفل والمفتاح فبيتكون المفتاح إللى هو الأجسام المضادة ديه حسب القفل إللى موجود.. فتخيل حضرتك أنا عمَّال أتعرض لمسببات مرضية والجسم بيعمل لها المفاتيح فجأة إتعرضت لحاجه جديدة فالجديدة ديه لا عندى واخد لقاح ضدها ولا عندى أى ذاكرة بالشكل دا فبيحصل نسبة الوفيات – نسبة الوفيات إللى بتبقى فى أول مرحلة الإصابة لحاد ما نبتدى نتعرف على الفايروس ونبتدى يتعمل له أجسام مضادة - لقاحات توفر الحماية للإنسان .
د / عبد المنعم سعيد : فى الحقيقة إنتوا الإثنين أول حاجه دلوقت صححتوا مفهوم مهم لى أنا شخصيا وأعتقد أيضا للمشاهدين إن لما بنقول إن حاجه مميتة هى ليست راجعة لقدرة الفيروس نفسه الجديدة وإنما هى قدرة الإنسان للتعامل معاها .
أ. د/ محمد أحمد على : الظبط .
د / عبد المنعم سعيد : هل يا دكتور إنتوا من ناحية فى المركز القومى بتقدروا تشوفوا هذه الفيروسات ؟
أ. د/ محمد أحمد على : إحنا بنشتغل بقالنا 25 سنه فى الفيروسات بندرس سلوكها بندرس العوائل إللى بتصيبها وبندرس خطوات تطورها وتكاثرها داخل الخلايا الحقيقية وبالنسبة للإنفلونزا ديه كانت من العائلات إللى دراستها ممتعة فعلا حجم التغير فيها ضخم حجم التطور فى التركيب الجينى سريع فقدرنا نعمل فيها شغل كبير .
د / عبد المنعم سعيد : إحنا هنيجى للشغل المصرى فى الجزء الثالث من الحلقة ديه إنما أنا عايز أركز فى النقطة ديه من ناحية تقدم العلم الأدوات هل أصبح العلم زى ما إنت كنت بتتكلم عن السلوك يعنى معناها التكاثر معناها الغذاء إلى آخره هل كان من الممكن إن إحنا نعرف انفلونزا الطيور وأنفلونزا الخنازير بشكل الأدفينس زى ما بيقولوا أو قبل ما تحدث ؟
أ. د/ محمد أحمد على : لأ قبل ما تحدث بيبقى مجرد توقعات إن الفيرس بيتغير ديه عيلة قدرتها على إحداث طفرات فيها عالية جدا فتغير الفيروس دا بيحصل وبيحصل من فترة كبيرة إنما توقع إيه ممكن يأخذ الشكل الجديد لأن كل تغير لو زاد عن نسبة معينة بيحدث تغير فى السلوك الفيروسى ودا إللى حصل عندنا فى مصر فى أنفلونزا الطيور لما حصل تغيير السلالة من 2006 إلى 2007 لى 2008 لى2009 دول كانوا أربع سلالات فيهم أختلافات على المستوى الجينى وإنعكس دا على الأعراض على الثروة الداجنة وطول مدة الإصابة .
د / عبد المنعم سعيد :إيه الفرق بين إنفلونزا الطيور وإنفلونزا الخنازير من الناحية البيولوجية ؟
أ. د/ محمد أحمد على : ببساطة الأول هو دا إتش فايف ودا إتش ون – فالإتش دا الفيروس لو أخذنا ببساطة تركيبه هو عبارة عن حامض نووى يعنى بنسمع عن نقول بصمة الدى إن إيه – الدى إن إيه دا شفرة لكل صفات الكائن فالفيروس فيه الدى إن إيه بس هو فى صورة آر إن إيه بيتكون من 8 أشرطة كل شريط بيحمل صفات معينة للفيروس وكلها بتصب فى إن الفيروس دا عايز يكون نفسه يعنى عايز يكون فيروسات جديدة شكله هى ديه سلوك كل الكائنات الحية إنها عايزه تعمل نسخ منها ما بيفكرش إن الخلية إللى بيصبها ديه هتعيى هتتدمر مش هى ديه كانت القضية هى قضيته إنه يعمل نسخ زيه الـ 8 أشرطة دول إللى بيحملوا صفات الفيروس وجدوا إن أكثر تغيير بيحصل بين الفيروسات وبعضيها ما هم لازم يصنفوهم لقوه موجود فى جينين إثنين الهيماجلوتينين ونيوراميلديوس فراحوا واخدين الإثنين جين دول لتصنيف الفيروسات .
د / عبد المنعم سعيد : لأن هم دول إللى بيتغيروا ؟
أ. د/ محمد أحمد على : بالظبط التغيير الجذرى .. الجينين دول بقوا أى فيروس أنفلونزا لازم يبقوا إتش وإن وجدوا إن الإتش دا ممكن يوصل إلى 16 شكل .
د / عبد المنعم سعيد : هل دا بسبب إنه عشان كدا بيسموها إن وان إتش وان ؟
أ. د/ محمد أحمد على : بالظبط .. هو دا تصنيفه ولقوا إن الإن ليه 9 أشكال فيه تباديل وتوافيق بيتكون من الفيروسات إللى بنسمع عنها ديه فإنفلونزا الطيور مختلفة عن إنفلوانزا الخنازير.
د / عبد المنعم سعيد : لكن أنا سؤالى كان ليه أنفلونزا الخنازير ظهرت فى المكسيس وبعضها سماها انفلونزا المكسيكية هل هى مرتبطة بظروف بيئية معينة
أ. د/ محمد أحمد على : هو الإسبانش إنفلونزا إللى هى الأنفلوانزا الإسبانية سنة 1918 و 19 ظهرت برضه فى الميكسيك فديه هى زى ما إحنا عارفين إن الخنزير ده بوتقة خلط لفيروسات الإنفلونزا .
د / عبد المنعم سعيد :يعنى فيه ناس بتسأل بتقول إن الصين أكبر بلد فى العالم فيها خنازير ليه ما ظهرش الوباء هناك وظهر فى المكسيك ؟
أ. د/ محمد أحمد على : هى فرصة الخلط كانت متوفرة فى المكسيك أكثر أنا ما عنديش فكرة هما بيربوا إزّاى سلوكيات الناس إيه ؟ إيه أنواع الإنفلونزا البشرية إللى ظهرت – أنواع إنفلونزا الطيور إللى كانت متواجدة بالقرب من المزارع لأن الفيروس زى ما قال الدكتور عبد الهادى هو مكون من أربع أنواع من الإنفلونزا إنفلونزا بشرى وإنفلونزا الطيور وإنفلونزا الخنازير فيه جنين بالكامل من إنفلونزا الطيور .
د / عبد المنعم سعيد : طيب سؤال كان فيه حاجه إسمها جنون البقر هل دا له علاقة بموضوع الفيروس ولا ما لوش ؟
أ. د/ محمد أحمد على : لأ دا نوع من البروتين حاجه تانيه خالص .
د / عبد المنعم سعيد : البروتين ده حاجه تانيه طيب قبل ما نقفل الفقرة ديه أنا عايز أسأل إشمعنى النهارده د. عبد الهادى إشمعنى النهارده عندنا الحديث عن كل هذه الأمراض بشكل دورى يعنى خلال الـ4 – 5 سنين اللى فاتوا على الأقل فيه عندنا 3 مرات بقينا نشوف ناس بأقنعة والمطارات يحطوا حاجه فى ودان الناس عشان يشوفوا الحرارة بتاعتهم إلى آخره هل دا راجع لإن فيه حاجات جديدة يعنى فيه أوبئة جديدة طالعه وهذه الأوبئة أصبحت أكثر قدرة على الإنتشار أم إن إحنا بس بقينا نعرف أكثر وبقى عندنا إعلام أكثر وإن المسألة كانت موجودة طول الوقت .
د / عبد الهادى مصباح : لأ هو الإثنين يعنى ما تنساش حضرتك دلوقت إنه فيه دراسات كتيرة بتتعمل فى الهندسة الوراثية والجينات على الحرب والأسلحة البيولوجية يعنى علشان تغيير التكوين الجينى لبعض البكتريا لإستخدامها كسلاح بايولوجى ديه أحد الحاجات إللى بتغير خالص من التكوين – نمرة إثنين إنه .
د / عبد المنعم سعيد : يعنى إنت حضرتك مع المدرسة إللى كانت بعض الأفلام السينمائية بتقول إنه الحاجات ديه موجودة فى المعامل ؟
د / عبد الهادى مصباح : لأ أنا مش مع التآمرية لكن - لا نستبعدها ما نقدرش نستبعد ده يعنى لا نقدر نأكدها ولا نقدر نستبعدها – النقدة الثانية إللى بأقولها هى إنه كان الأول مثلا الأنفلونزا الوسيلة الوحيدة إللى حضرتك ممكن تنتقل أو تنتشر عن طريق الطيور المهاجرة النهارده حضرتك بتنتقل ما بين 3 قارات فى يوم واحد يعنى لو ركبت من أمريكا نزلت ترانزيت فى إنجلترا جيت مصر نقلت العدوى فى 3 قارات يقى سهولة إنتقال العدوى من خلال البنى آدم نفسه – نمره 3 عندك .
د / عبد المنعم سعيد : بس كويس إن الخنازير ما بتطيرش .
د / عبد الهادى مصباح : لأ البنى آدم الخنازير دلوقت بتتنقل عن طريق البنى آدم يعنى الخنازير خلاص دورها إنتهى .
د / عبد المنعم سعيد : هو بنى آدم أخذها من خنزير راح وداها كندا .
د / عبد الهادى مصباح : آيوه بالظبط كده .. يعنى عشان برضه أقرب جزئية الخنزير ديه زى ما تفضل د. محمد وقال هى جزئية إنه لو جبت سحة 3 ألوان إنفلونزا البشر وإنفلونزا الطيور وإنفلونزا الخنازير نفترض إن السبحة ديه 8 زى الـ 8 جينات فتفرطهم وتحطهم مع بعض وعايز تعملهم ثانى 3 سبح فتخليهم الأصفر يخش على الأحمر ديه الطفرة إللى بتحصل .
د / عبد المنعم سعيد :طيب معلهش أنا مضطر أوقف حضرتك وهنرجع نسأل نفس السؤال للدكتور محمد نلتقى بعد فاصل .
إنفلونزا الخنازير هى مرض تنفسى يتفشى فى مزارع الخنازير ويســببه فيرس أنفلونزا من النوع "A " التى يتكون جينيا من جينات 4 سلالات هى إنفلونزا الطيور بأمريكا الشمالية وإنفلونزا الخنازير بأمريكا الشمالية والإنفلونزا الموسمية البشرية وإنفلونزا الخنازير فى آسيا وأوربا ويعرف فيرز إنفلونزا الخنازير بإسم " H1 – N1 " وتنتقل إنفلونزا الخنازير فيما بين الخنازير ويمكن أن تنتقل منها إلى الإنسان إلا أن الخطورة تتزايد عندما تضيف فيروسان إنفلونزا من أنواع مختلفة للخنازير حيث يؤدى إختلاط هذه الفيروسات داخل الخنزير إلى ظهور فيروسات خليطة جديدة وينتقل المرض فيما بين البشر خلال الجهاز التنفسى عن طريق إفرازات الرشح أو العطس أو السعال أو الكحة أو من خلال السلام على شخص آخر يده ملوثة بالفيرس وتظهر أعراض المرض على الإنسان مثل السعال وإرتفاع درجة الحرارة والإحساس بالتعب والإجهاد وصعوبة التنفس خلال إسبوع من إصابته بالمرض .
د / عبد المنعم سعيد : مرة أخرى مع وباء إنفلونزا الخنازير والأستاذ الدكتور محمد أحمد على والدكتور عبد الهادى مصباح, دكتور محمد كنا بنتكلم على إنتشار المرض فى العالم وظاهرة .. هل نقدر نقول حاجه إسمها عولمة الأمراض الآن زى ما بنتكلم عن عولمة التجارة عولمة الإستثمار عولمة العملة ؟
أ. د/ محمد أحمد على : هى بتتعولم غصب عننا – هو إنتشار الأوبئة دا طبعا من فترة كبيرة يعنى تخيل حضرتك فى خلال 70سنه فاتوا إيه الفيروسات إللى ظهرت إللى ظهرت على مستوى العالم مجموعة الإلتهاب الكبدى حوالى 7 أنواع من الفيروسات – بعد كده الإيدز ظهر دار فيروس جديد والإيبوله والصارس وبعد كده لقينا سلوكيات بعض الفيروسات إتغيرت يعنى فيروسات كنا عارفين إن هى بتتنقل بين الحيوانات فقط لقيناها إنتقلت للإنسان .
د / عبد المنعم سعيد :هل فيها جانب زى ما بيقولوا أكسيليتور أومعجل بالموضوع دا هل مسألة الإحتباس الحرارى هل لها علاقة بمسألة التحولات التى تجرى على الفيرس؟
أ. د/ محمد أحمد على : ياريت الإحتباس الحرارى دا يسخن الفيرس ما يعيش فى حرارة إلا داخل العائل بس إنما ما يتحملهاش فى الظروف البيئية لمدد طويلة .
د / عبد المنعم سعيد : يعنى لو سخنا العالم شوية الفيروسات .. والإنسان كمان.
أ. د/ محمد أحمد على : هو حضرتك لو بصينا أولا .
د / عبد المنعم سعيد : لأ بس في نقطة حضرتك مهمة يعنى قلت إن الأوبئة إبتدت تبقى موجودة أكثر بينما إحنا فى التاريخ البشرى يعنى أولا سكان العالم بيزيدوا رغم إن كان فيه زمان بنلاقى فترات الطاعون مثلا كأمراض وأوبئة كانت بتأثر فى تطور عدد السكان فى العالم فهل هنا هأسألك السبأ ما بين الصحة والمرض أنا أخذت منك إنطباع وأرجوا إن أنا أكون مخطئ إن المرض بيسبأ دلوقت .
محرر بالموقع الموحد للهيئة الوطنية للإعلام
تناول الشيخ إبراهيم جاد الكريم عضو مركز الأزهر العالمي للفتوى الالكترونية خلق التواضع، مؤكداً أنه من الأخلاق الإسلامية الرفيعة التي...
وجه الشيخ محمود عويس محمود عضو مركز الأزهر العالمي للفتوى الإلكترونية رسالة هامة للمسلمين حول الاستمرارية في العبادة بعد انقضاء...
وصف الشيخ السيد عرفة عضو مركز الأزهر العالمي للفتوى الإلكترونية ليلة العيد بأنها "ليلة الجائزة" وواحدة من أجمل الليالي التي...
تحدث الشيخ عبد الله سلامة عضو مركز الأزهر العالمي للفتوى الإلكترونية، عبر فيديو ببرنامج "زاد الصائم" على موقع أخبار مصر،...