2009051112313087000322

press_center

تقديم :لميس الحديدى

تاريخ الحلقة:4/5/2009

الضيوف:

المستشار مرتضى منصور / وعلى الهاتف الناقد الرياضى ياسر ايوب

ومجموعة من المواطنين

لميس :مساء الخير ، بره فى عواصف والدنيا تراب كتير لكن فى عواصف تانيه فى نادى الزمالك ،اتمنى ان لا تنتقل هذه العواصف الى استوديوهاتنا هنا في ماسبيرو كان المفروض الحلقة دى نقوم بعمل مناظرة بين التلات رؤساء يعنى في الحقيقه مجموعة من المرشحين لنادى الزمالك، الانتخابات يوم 29 مايو يعنى نهاية هذا الشهر، وكان المفروض فى هذه الحلقة ان احنا نعمل مناظرة بين يعنى التلاته المرشحين الرئيسين للرئاسة ،فى مرشحين اخرين لكن احنا اخترنا تلاته بس، لكن وقعت الواقعة وصدر قرار المجلس القومى للرياضة باستبعاد المستشار مرتضى منصور احد اشهر المرشحين لرئاسة نادى الزمالك، وعشان كده قررنا ان يكون ضيفنا النهاردة هو المستشار مرتضى منصور، ايه حكاية المستشار مرتضى منصور ؟ طبعا حكايات كتيرة جدا انتو تابعتونا احنا عملنا حلقات كتيرة جدا فى رمضان وفى اتكلم عن حكايات ومشاكل المستشار مرتضى منصور، هويقول ان له الحق فى الترشيح لرئاسة نادى الزمالك، لكن المجلس القومى للرياضة قال لك لا مالوش حق طبقا لللايحة لايحة الاندية وفتوى اصدرها مجلس الدولة ان من حكم عليه بحكم بات فى جناية مخلة بالشرف لا يحق له الترشيح لرئاسة احد الاندية الرياضيه ،المستشار مرتضى منصور للرد على دا وقال ان دا يعنى مش قانونى، وقام بالفعل برفع قضية ستنظر اعتقد يوم الاحد المقبل اى قبل الانتخابات ،تذكرة سريعة كدا لمشاكل نادى الزمالك وانا اهلوية بس علشان نبتدى نوضح الامور من الاول ،نادى الزمالك فى السنوات الماضية كان بيمر بمشاكل كبيرة جدا المستشار مرتضى منصور كان رئيسا للنادى سنة 2005 لعدة اشهر، خلال هذه الفترة من الرئاسة كان فيه بقى مشاكل مع وزير الشباب والرياضة حينها الدكتور ممدوح البلتاجى حل المجلس واوقف مرتضى منصورثم عاد مرتضى منصور بقرار محكمة، ثم كانت واقعة الحذاء الشهيرة جدا فى مباراة الاهلى والزمالك، ثم حل المجلس مرة اخرى ،ثم قضية مرتضى منصور مع المستشارالراحل سيد نوفل وقضية السب والقذف التى حبس من اجلها المستشار منصور لمدة عام، خرج مرتضى منصور من السجن بيقول يا جماعة هذه قائمتى وعدت لانتقم ،وقرار من المحكمة ايضا باعادته لعضوية نادى الزمالك التى كان شطبها منه او شطبها ممدوح عباس ،الذى شغل منصب رئيس نادى الزمالك يعنى يجيى بالتعين مرة ومش عارفة بايه، يعنى فيه مجموعة كده من الحاجات انا الحقيقة التفاصيل بالنسبة لى خلصت تفاصيل كتيرة جدا مره دا يجيى بالتعين ومرة دا يجيى بحاجات تانية، لكن يبقى مرتضى منصور او المستشار مرتضى منصور مسارا للجدل وتبقى المشاكل داخل القلعة البيضاء داخل نادى الزمالك ،هتودى المشاكل نادى الزمالك فين ؟ هل سنشهد انتخابات امنة ؟يعنى سليمة مفيهاش قضايا ولا داخل نادى الزمالك مرة اخرى فى النفق المظلم ؟ مساء الخير يا سيادة المستشار

مرتضى منصور: مساء يعنى ههههه

لميس الحديدى : طب مسى على الناس

مرتضى منصور: يعنى سيادتك

لميس الحديدى: انا لازم احكى للناس الحكاية

مرتضى منصور: دا انتى سودتى الدنيا كلها

لميس الحديدى: لا مسودتهاش انا قلت الحكاية دى على حق ربنا

مرتضى منصور: اولا كل سنة وانتى طيبة ومساء الخير كل سنة والسيد الرئيس حسنى مبارك طيب جدا ،هو عيد ميلاده طبعا النهاردة كل سنة وهو طيب يا ريس واتمنى انه يكون بيشوفنا النهاردة لان حضرتك عارفة برنامج اتكلم للناس وللرئيس مبارك

لميس الحديدى: يعنى احنا بنكلم الناس يعنى ،ولو وقت الرئيس مبارك يسمح بقى دى قصة تانية.

مرتضى منصور: والرئيس مبارك علشان يحكم ،الرئيس مبارك حضرتك احنا عملنا حوار قبل كده وانا اول واحد قلت عندما خرجت من اسرى حدثت مكالمة تليفونيه ما بينى وبين سيادته، لان هو راجل محترم وقلبه طيب جدا مش هقول تفاصيل المكالمة لكن جزئية صغيرة لما تحدثت معه عن ايمن نور قالى هخرجه يا مرتضى

لميس الحديدى: قالك هاخرجوا يا مرتضى ؟

مرتضى منصور : وانا قلت الكلام ده ووفا بوعده وخرج ايمن نور بالرغم اللى بيعمله قبل ما يتحبس وبعد ما تحبس، وانا قلت قبل كده يا جماعة ان ايمن نور مش عيان محدش صدقنى كلنا شايفينه طبعا الراجل اللى عمال يلف العالم يسىء لوطنه الرئيس مبارك لانه قلبه طيب جدا خرج قبل الميعاد كان فضله حوالى سنتين انا عايز اقول للريس احكم انت حكم ما بينى وبين المهندس

لميس الحديدى : انتى بدخل ليه الريس فى قضية مش نادى الزمالك دا بينك انت وبين المهندس حسن صقر

مرتضى منصور : لا لا لا على فكرة الرئيس مبارك كان لما التقى بالاخ سمير زاهر بعد بطولة افريقيا قال حلوا مشاكل نادى الزمالك، نادى الزمالك دا نادى كبير وعريق شوفوا مشكلته ايه وحلوها ،لا الرئيس مبارك مهتم بنادى الزمالك زى ما مهتم بكل حاجة رياضية

لميس الحديدى: ايوه بسد ده فيه قضاء بقى وكده

مرتضى منصور: مهو دا مش قضاء

لميس الحديدى: تعالى نتكلم بقى عن القضية ايه المشكلة؟ يعنى ايه الخناقات ايه الخلافات؟

مرتضى منصور: نجيب من الاخر و لامن الاول ؟

لميس الحديدى: لا من الاخر

مرتضى منصور :من الاخر

لميس الحديدى:انت من الاول كنت متوقع الاستبعاد ؟ يعنى انا عايزة اقولك اننا شخصيا كنت متوقعة ده

مرتضى منصور :وانا طبعا كنت متوقع ده

لميس الحديدى:كان عندك مؤشرات لده ؟

مرتضى منصور: لا برغم ان كان فيه اتفاق بينى وبين المهندس حسن صقر فى المجلس القومى للرياضة ان احنا نقفل هذا الملف ملف القضايا

لميس الحديدى:امتى الاتفاق ده ؟

مرتضى منصور:حوالى شهر 8 او 9 اللى فات بعد وقف الانتخابات، حصل بالظبط طبعا انتى حضرتك بداتى ان انا كنت رئيس منتخب فى اكبر جمعية عمومية سنة 2005 ،هذه الجمعية العموميه اختارت مرتضى دكتور كمال درويش مشى وانا جيت ومعايا قائمة الدكتور كمال درويش للاسف الشديد، بدات الخلافات منذ اول يوم الجمعية العموميه هى اللى اختارت فى ناس استقالت ولما أخذت انا حكم المحكمة ورجعت قالوا عايزين نرجع احنا كمان للاسف الشديد، واقاموا دعاوى فى المحكمة عايزين يرجعوا بالرغم انهم كانه استقالوا ،حضرتك بتقولى الدكتورممدوح البلتاجى , الدكتور ممدوح البلتاجى حل مجلسى 21 €5 وانا اشهد ان هذا الرجل رجل محترم جدا ورجل قانون على فكرة دا كان وكيل نيابة ،لكن هو حل المجلس قرفا من اللى شافه اعضاء المجلس اللى كانوا معايا كل يوم يدخلوا المجلس القومى او وزارة الشباب كانت لسه وزارة الشباب اللى عايز يرمى نفسه من الدور ال18 ومن الدور ال16 ومعتصمين ومضربين ،فالراجل جابنى وقاللى يا مرتضى انا عايز احل المشكلة دى انا هحل المجلس وروح المحكمة، وفعلا رحت المحكمة ورجعتنى لما رجعت اللى استقالوا عملوا دعوة وعايزين يرجعوا معايا دا واحد

لميس الحديدى: عايزين نعدى بس المرحلة دى لان دى مرحلة طويلة قوى

مرتضى منصور: انا هقول لحضرتك خلصنا من دى

لميس الحديدى:دا 9 سنين كده او 4 سنين يعنى

مرتضى منصور:2005

لميس الحديدى:طيب 4 سنين

مرتضى منصور: نيجى بعد كده انا رجعت وكان معايا 4 من مجلس الادارة اللى بقوا معايا اللى هو محمد السكرى وخالد لطيف ونرمين البيطار وايمن حمص والمستشار محمود عبد الله دول اللى تبقوا معايا اللايحة بتقول، كان المهندس حسن صقر جه فى الوقت دوا رئيس المجلس القومى للرياضة ،اللايحة بتقول لما 10 ، 11 المجلس كله يستقيل ويفضل واحد يتعين لغايه اقرب جمعيه عمومية الناس تنتخب ،لو فاضل واحد بس الواحد دا يقعد لغاية ما ينتخبولوا بقيت المجلس دا اللايحة اللى كانت موجوده ،وقد كان انا رحت قابلت المهندس حسن صقر فى مكتبه وحضرهذا اللقاء الاستاذ سيد حسين لبيب عضو المجلس القومى للرياضة والمستشار رضا عبد المعطى و اللواء محمد السكرى وخالد لطيف انا بقول اسمائهم واحنا مودجودين ،انا طلبت منه قلت له من حقك تعين اى حد لكن واجب على حضرتك تاخد راى بقى المره دى علشان دى تعيين والناس دى هتشتغل معايا ،علشان المرة اللى فاتت انتوا قاعدتوا تقولوا الجمعية العموميه اختارت غلط المهم جاب مجموعة

لميس الحديدى: عدى بس علشان الوقت

مرتضى منصور: جاب مجموعة ضدى كانت فى الانتخابات ضدى ضدى، اختارهم كده نقاهم وهما صحابه نقى 8 ضدى ، اول جلسة اول جلسة انا مش عايز مشاكل بيقولوا مرتضى بيعمل مشاكل حصل خلاف مشيت قلتلهم اتفضلوا اقعدوا انا ماشى دا اللى حصل بالضبط ،المهندس حسن صقر لما عين الاستاذ ممدوح عباس اولاعلشان تحلى مجلس وتعينى مجلس فى شرط لازم يبقى فيه مخالفات، الجهاز المركزى للمحاسبات قال معنديش ولا مخالفة هو نفسه وعندك التقرير حضرتك رئيس الشباب والرياضة معنديش ولا مخالفة لاول مرة يتحل مجلس بدون مخالفات، جاب بقى ممدوح عباس 4 مرات عينوا 4 مرات شطبنى الاخ ممدوح عباس هو اتعين يوم 98

لميس الحديدى:شطب عضويتك ؟

مرتضى منصور: شطب عضويتى

لميس الحديدى: والمحكمة رجعتلك حقك ؟

مرتضى منصور: شطب عضويتى والمحكمة يوم 18 2006 اعادت عضويتى

لميس الحديدى: لكن هل اعادت لك حقك فيه ان تترشح فيه الانتخابات ؟

مرتضى منصور: انا هكمل لحضرتك اخر قرار اتخذ ضدى فى قانون الرياضة ولايحة الرياضة حضرتك قلتى انه اتجمد نشاط موضوع الجزمة خد فيه براءة فى اول درجة والاستئناف ،المحكمة رجعتنى تانى قالت دى قصة وهميه دا ادى واحد اتنين اتحليت مرتين ورجعت، يعنى العقوبات اللى فى القانون قد ايه؟ الحل والتجميد والشطب حلنى ورجعت جمدنى ورجعت اخر حاجة شطبنى 18 خد حكم ان انا ارجع 19 اتحبست فى قضية سيد نوفل ،عشان نخلص بقى قانون العقوبات نخلص منه خالص يروح يترمى فى سجن طره، ومصر كلها عارفة انى انا لا شتمت سيد نوفل والكلام ده قلته وهو عايش ،قلت للسيد المستشار لو حضرتك فعلا انا شتمتك مصحف ربنا واعمل مداخلة زى ما قلت فى المحكمة واعمل مداخلة وقول انى انا شتمتك وشتمت فراشك وعيد العقوبة من اول وجديد

لميس الحديدى: ما خلاص بقى رحم الله الجميع

مرتضى منصور ما انا لازم هقول لحضرتك حاجة كان عايش لم يتدخل وماقلشى انى انا شتمته

لميس الحديدى: ايه بقى المشكله دلوقتى؟ اللايحة بتقول انه لايحق لك ان تترشح وانت فى صحيفة سوابقك حكم بات فيه جريمة مخلة بالشرف اللايحة بتقول كده هنعمل فيها ايه هنغيرها ازاى ؟

مرتضى منصور : يعنى ايه هى دى مخلة بالشرف؟

لميس الحديدى: انتى مش اتحبست ؟ ايوه اسمها كده هى جريمة مخلة بالشرف مدام اتحبست فيها

مرتضى منصور:يا فندم ما كل الصحفيين عندهم سب وقذف سب وقذف

لميس الحديدى: سب وقذف دى مش جريمة مخلة بالشرف ؟ بالذات لو كانت لى هيئة قضائيه يعنى

مرتضى منصور:لا لا لااولا محصلش قذف فى القضية ومصر كلها عارفة الفيلم ده كله فيلم وهمى واقسم بالله العظيم فيلم وهمى ومترتب ومتفق عليه

لميس الحديدى:متلفق فى النهاية ؟

مرتضى منصور:متقاطعنيش عشان الناس بس تاخد جملة مفيدة مننا بس، دلوقتى حضرتك انا اتحبست يوم 19 علشان ادعاء انى انا شتمت السيد نوفل خلاص، طب يوم 6 اكتوبر لما السيد الرئيس المحترم امر بالعفو اللى قضوا نص المده وانا منهم مطلعتش ليه ؟ والعفو بتاعى اتشال اللى شال اسمى من العفو هو اللى لفقلى قضية بتاعة المستشار سيد نوفل علشان نجيب من الاخر

لميس الحديدى: ليه مرفعتش قضية رد اعتبار؟

مرتضى منصور: يا فندم رد اعتبار فى سب وقذف

لميس الحديدى: ايوه بس دا بغير فى صحيفة

مرتضى منصور: بص حضرتك علشان تبقى عارفة خلينا بقى فى القانون قانون ممارسة الحقوق السياسية وقانون العاملين المدنيين فى الدولة وقانون الاندية مش اللايحة بتقول ان الجرايم المخلة بالشرف اللى حضرتك ما تبقيش فيها لا عضو مجلس شعب ولاعضو مجلس شورى ولا عضو مجلس ادارة نادى ،هى بقى الحكم فى جناية ايا كان الدعارة السرقة التزوير الاومار كل ده مفهاش حضرتك سب وقذف الكلام ده مش موجود

لميس الحديدى: طبقا للقانون قضية سب وقذف ليست قضية انا بسالك؟

مرتضى منصور:دا كلام نهائى مفيش فيه هزار وعشان كده انا خد حكم رجعت لما شطبنى الاخ ممدوح وانا بره خد حكم يوم 19 اتحبست وانا جوا فى محبسى راح شطبنى تانى خلاص ،مش مشكله مش هى دى القضية دلوقتى مع علشان بقول يا ريس فى بلد فى قانون فالمهم شطبنى رفعت دعوة فى المحكمة ،فالمحكمة قالت اللى انا قلته لحضرتك دلوقتى السيد المستشار محمد قشطة وايد الحكم من الادارية العليا المستشارمنير جويفة والمستشار سامى الصبان ودايرته المحترمة قالوا الاتى اللى انا قلتهولك دلوقتى مفيش حاجة اسمها واحد مواطن ماشى

لميس الحديدى: امال ايه الفتوى اللى طلعت؟

مرتضى منصور: ما هقول لحضرتك انا مواطن حضرتك ماشيه فى الشارع خلاص بتسوقى العربية زوج حضرتك راح مكلمك بسرعة فى الموبايل فى مشكلة عنده راح مكلمك فحضرتك غصبا عنك فى حاجة مهمة رحت رده امين شرطة راح عملك محضر، فيها حبس 24 ساعة حضرتك بقيت مخلة بالشرف ولا تبقى عضوة مجلس شعب ولا شورى ولا عضو مجلس ادارة نادى؟

لميس الحديدى:هل انت دلوقتى من حقك قانونا ان انت تترشح لمجلس الشعب ؟

مرتضى منصور: يا فندم دى المحكمة قالت الكلام ده انا معايا حكم اداري

لميس الحديدى: الفتوى بقى اشرحلى اكيد مش جايبنها من حته مش من مجلس الدولة دى؟

مرتضى منصور: لا اولا هو زى ما قال فى برنامج القاهرة اليوم زميلنا المحامى الاستاذ منتصر قال ان هو الاستاذ حسن صقر لما اتكلم عن الفتوى قال دى صادرة من ادارة رياسة الجمهورية عشان يوحى للناس

لميس الحديدى: لا مفيش حاجة اسمها ادارة رياسة الجمهورية

مرتضى منصور:لا هى فعلا ادارة الفتوى دلوقتى

لميس الحديدى:لا هى كلها تابعة لمجلس الدولة

مرتضى منصور :لا هى كلها تابعة لمجلس الدولة بس هى حضرتك فتوى رياسة الجمهورية ورئاسة الوزرا والانديه واحدة،فهوعلشان يوحى للناس ان راس النظام مش عايز مرتضى والرئيس مبارك راجل محترم

لميس الحديدى: انا عايزة اسالك سؤال هى الفتوى دى حكم قانونى يعنى ؟ بمعنى يجب ان تاخذ بيها بجد عايزة افهم يعنى؟

مرتضى منصور: حضرتك لما بتقعدى قاعدة كده مثلا مع صحباتك وحاجات كده يعنى واحدة تقولليها انتى هتفتى دى فتوى دى راى بس خلينا بقى فى الفتوى بعد اذن حضرتك

لميس الحديدى: يعنى يمكن ان ياخذ بيها او لا ياخذ بيها راى استشارى

مرتضى منصور:يا فندم نفس المستشار الذى اصدر هذه الفتوى بنفسه هو نفسه باسمه عمل فتوى من 3 تشهر ،قال ممنوع تتعمل انتخابات نادى الزمالك فى غير شهور او اشهر 7 و 8 و 9 ولو اتعملت قبل 7و 8 و9 تبقى باطله ،الاستاذ حسن صقر راح عاملها فى 5 وراح واخد الفتوى دى رميها

لميس الحديدى: علشان اوضح للناس بس قصدك ايه ان الفتوى يمكن ان ياخذ بها ويمكن ان

مرتضى منصور : يا فندم دا حكم محكمة اداريه عليا ادى واحد، اتنين حضرتك باب الترشيح, المهندس حسن صقر طلع فى صحيفة المساء وقال انا ماليش دعوة اللى بعت يسال عن الفتوى دا مدير الشباب والرياضة بالجيزة لان هو المختص ،لا بعد اذن حضرتك السيد الاستاذ المهندس رئيس المجلس القومى للرياضة ايماءا الى كتابكم يبقى مين اللى بعت يسال فى الفتوى؟ المهندس حسن صقر يعنى عارفة بيضلل ويخدع

لميس الحديدى: اشرحلى القصة بقى دى ؟احنا اتقابلنا كذا مرة وعملنا كذا حلقة ايه بقى مشكلتك مع حسن صقر؟يعنى حقيقى عايزة اوصل فين الخلاف فين المشكلة هو الراجل يعنى هيستاصدك كده لله فى لله يا استاذ مرتضى؟

مرتضى منصور: لا مش لله فى لله

لميس الحديدى: يعنى هيكرهك كده كراهية لوحدها ؟

مرتضى منصور: مفيش حاجة من غير سبب حضرتك بس لان الفتوى دى مهمة جدا حضرتك دا فتح باب الترشيح يوم 13 هيتفقل الساعة 11 حضرتك بعد قفل باب الترشيح ممكن قبل قفل باب الترشيح بياخد الورق كله مجلس الادارة والدكتورمحمد عامر ومجلسة المحترم بيقعدوا يراجعوا الورق دا كله، وبعدين ياخدوه يودوه مديرية الشباب والرياضة ومن مديرية الشباب والرياضة بياخدوه يودوه لحسن صقر

لميس الحديدى: فين السؤال اجابة السؤال؟

مرتضى منصور: اكمل لحضرتك

لميس الحديدى: اتفضل

مرتضى منصور: يوم 18 قبل قفل باب الترشيح والورق لسه فى النادى المهندس حسن صقر بعت يسال فى الفتوى، هو حضرتك قفل باب الترشيح كان بدا؟

لميس الحديدى: احنا خلاص دلوقتى اقتنعنا والمحكمة اتنورت ان فيه حاجة كده مش مريحة ماشى، يعنى انا بقولك اهو انا لميس بقولك ان فيه حاجة مش مريحة ،ايه المشكلة بقى ؟ما هو مش ممكن يكون مستاصدك كده اكيد هو يرى ان مصلحة النادى تعنى غياب مرتضى منصور افرض مثلا وهو رئيس المجلس القومى للرياضة حقه

مرتضى منصور: لا مش حقه فى بلد فيها قانون وفيها دستور

لميس الحديدى : من حقه طالما يرى ذلك

مرتضى منصور: لا لا مش من حقه دا كلام مش مظبوط ، بس قبل ما اقولك هو اللى بينى وبينه ايه ان الحكم الموجه ليا ايه سب وقذف انا عايز اقول تانى 90 % من الصحفيين عندهم هذه الجريمة خلاص

لميس الحديدى: الحمد الله معنديش انا سب وقذف

مرتضى منصور: ربنا يبعدك عنها طيب نموذج للجريمة المخلة بالشرف هى خيانة الامانة دا نموذج، يعنى رقم واحد فى الجنح المخلة بالشرف خيانة الامانة ،حكم باسم الشعب محكمة جنح اكتوبر الجلسة العلنية المنعقدة فى 6€6 برياسة المستشار عبد العظيم على رئيس المحكمة والسيد الاستاذ محمد حرمانى مش مشكلة القضية رقم681 سنة 2006 جنح تانى اكتوبر ضد حسن محمد عزت صقر اللى هو المهندس حسن صقر حبسه 3 سنوات لانه ارتكب جريمة خيانة امانة، انا بقول للدكتور احمد نظيف سيبك بقى انه راح استطلح مع الراجل واداله فلوسه وكان وزير

لميس الحديدى : دى خيانه امانه مع مين يعنى

مرتضى منصور:اهو مع مواطن خد 3 سنين

لميس الحديدى : ممكن بس ترفعوا شويه

مرتضى منصور: اهو الحكم كله اهو باسمه 3 سنين دا هى دى المخلة بالشرف دى المخلة بقى بالشرف يا مهندس حسن لو حضرتك عايز تطبق القانون تقدم استقالتك بكره الصبح

لميس الحديدى: اه بس مش تم التصالح انا بتكلم معاك؟

مرتضى منصور: يعنى حضرتك لو انا سرقت نهبت مليار من البنوك مثلا

لميس الحديدى: يعنى دى قضية بين اتنين وتم التصالح

مرتضى منصور: يعنى الجريمة وقعت ولا ما وقعتش وقعت خلاص يبقى حضرتك دى المخلة بالشرف ودى اللى تقول حسن السمعة والسلوك او

لميس الحديدى: ومازال رئيسا للمجلس القومى للرياضة

مرتضى منصور: دى علامة استفهام حضرتك شوفى حضرتك بقى بتشربى ميه اهو

لميس الحديدى: بشرب بس علشان ابلع ريقى الحلقة مش هتعدى

مرتضى منصور : تبلعى ريقك حضرتك بتسالينى

لميس الحديدى: اه بيكرهك ليه بقى ؟

مرتضى منصور: المهندس حسن صقر كان نازل على موقع النايب مع الدكتور كمال درويش فى قايمته وانا كنت ضد الدكتور كمال درويش فى انتخابات 2005 وانا كنت بقى ضد الدكتور كمال فى ال