press_center
تقديم : عمرو الليثي
تاريخ الحلقة : 13 /2/ 2009
الضيوف :على الهاتف
الدكتور/ عماد جاد رئيس تحرير مجلة مختارات إسرائيلية
الاستاد /عبد الرحمن بركة وكيل اللجنة الاقتصادية لمجلس الشعب
الكاتب الصحفي/ عضو مجلس نقابة الصحفيين المصريين استاد جمال فهمي
الاستاذ / جمال الشرقاوي مؤرخ
اللواء/ عبد الكريم درويش ضابط الاتصال داخل معسكر التل الكبيرواخرين
عمرو الليثي : مساء الخير ليفني ولا نتيانياهو يا تري مين اللي هيشكل الحكومة الإسرائيلية اللي ج أية ده السؤال اللي بيشغل بال كثير من المحللين السياسيين اليومين دول واللي بيحاولوا يدوروا لهم على إجابة بعد ما ظهرت نتائج الانتخابات التشريعية يوم الثلاثاء اللي فات واللي ظهر بوضوح وفقا لرأي المحللين ان هناك تحول كبير في مزاج المواطن الإسرائيلي ان الشارع في إسرائيل بقي اكثر تطرفا وأكثر ميلا لليمين في الحقيقة أنا مش عارف ليه بحزن وبضحك بخرية في نفس الوقت لما بسمع الكلام ده كأننا رغم كل دروس الماضي والحاضر لسه بنضحك على نفسنا وبنفتكر ان إسرائيل فيها صقور حمائم وان حزب العمل اللي ارتكب زعمائه ابشع المجازر ضد العرب بقي النهاردة رمز من الاعتدال المفقود في الشارع الإسرائيلي والله حجة تتضحك وشر البالية ما يضحك يا خسارة على بعض العرب لما يبقي حزب كاديما اللي أسسه الإرهابي شارون في نظر بعض حكاما العرب هو الأمل وهو رمز الاعتدال والسلام على اي حال المشهد بعد الانتخابات دي بتأكد أن الدماء اللي سالت في غزة في العدوان الأخير ماكنتش كافية علشان تروي ظمأ الصهاينة اللي بقي التنافس بينهم على درجة العداء والعنصرية تجاه العرب هو المحك اللي بيعيشو عليه واللي بيحققوا انتصاراتهم السياسية على حسابه لكن المشكلة اللي بتواجه البعض دلوقتي هو أية مستقبل التهدئة دلوقتي في غزة بعد الانتخابات و أية مستقبل العملية السلمية في المنطقة برمتها إذا كان لسه في أمل في سلام للرد على هدا التساؤل معايا على التليفون الدكتور عماد جاد رئيس تحرير مجلة مختارات إسرائيلية والخبير في مركز الأهرام للدراسات السياسية والاستراتيجية استاد عماد مساء الخير
عماد جاد : مساء النور
عمرو الليثي : كيف تنظر لنتيجة الانتخابات الإسرائيلية هل هناك تحول فعلا في مزاج الناخب الإسرائيلي تجاه اليمين هذه المرة ؟
عماد : يعني بشكل واضح هناك تحول في المجتمع الإسرائيلي ناحية اليمين هناك انحراف أكثر تجاه اليمين يكفي ان ننظر الي نتائج الانتخابات لنري ان الليكود يعني حقق 15 مقعد أكثر من الكنيست السابق أيضا اليمين الأكثر تطرفا وتشددا ممثلا في إسرائيل بيتنا قفز للمرتبة الثالثة مزيح حزب العمل من المرتبة الثالثة الى الرابعة رغم ان كاديما حصل على المرتبة الأولي بفارق واحد عن الليكود الا ان معسكر اليمين ككل حصل علي الأغلبية وهذه إشكالية كبري ليس فقط في فوز معسكر الليكود لكن في حالة الشلل التي يمكن ان تدخل في الانسجة السياسية والأحزاب السياسية الإسرائيلية ولكن تنعكس أيضا او توظف بمعني أدق في التلاعب بكل طرف يتعلق بعملية التسوية او المفاوضات الفترة القادمة
عمرو الليثي : طيب دكتور الى أي مدي تري النتائج دي اللي رفعت اسهم اليمين المتطرف في إسرائيل ممكن تصطدم مع التوجه الجديد لإدارة اوباما في الوصول الى تسوية سلمية بين العرب وبين إسرائيل ؟
عماد : المؤكد ان هذه النتائج بقدر ما هي صادمة لمعظم الشباب في العالم العربي هي صادمة أيضا للإدارة الأمريكية لكن الإدارة الأمريكية لن تقدم على أي خطوة باتجاه حتى لو تصورنا شكل حكومة م اليمين واليمين المتطرف في إسرائيل وهو احتمال وهناك احتمال ان تشكل حكومة وحدة وطنية تضم كديما والليكود وربما مع العمل لكن طالما استمر الانقسام الفلسطيني ما بين فتح وحماس وبين الضفة الغربية وغزة خطابين مختلفين برنامجين مختلفين هدا الانقسام سيعفي الحكومة الإسرائيلية من الالتزام مع الإدارة الأمريكية
عمرو الليثي : ده صحيح
عماد : دي تستخدم كمبرر من جانب الحكومة الإسرائيلية بالقول مع من نتفاوض مع المجلس وبالتالي استمرار هدا الانقسام هو الذي سيمنع أي ضغوط أمريكية او يحرج أو يكبل أيدي الإدارة الأمريكية من الضغط على الحكومة الإسرائيلية أيا كان طبيعتها
عمرو الليثي : صحيح بشكر الدكتور عماد جاد الخبير بمركز الدراسات السياسية والاستراتيجية بالأهرام وباكد أننا بالفعل بقينا قدام اختبار حقيقي لأنفسنا اختبار جديد لكيفية تعاملنا مع كيان عنصري استيطاني كيان ميعرفش غير مفهوم القوة لكن يا تري لسه فينا قوة ولسه عندنا استعداد إننا نتحرر من أوهام سلام مش ممكن يتحقق مع هؤلاء الصهاينة أتمني بقي أن إحنا نفوق بسرعة ونعرف حقيقة عدونا وألا فعلينا ننتظر مصير اسود على أي عصابات متطرفة على رأسهم ليبرمان اللي هدد قبل كده باحتلال سيناء وضرب السد العالي من الانتخابات الإسرائيلية الى انتخابات ثانية حصلت النهاردة لكن نتيجتها لسه لم تعلن وده انتخابات ناد قضاه مصر الانتخابات اللي ناس كثير شيفاها أنها أصعب انتخابات بيشهدها النادي في تاريخه الانتخابات المرة دي بتنحصر فيها بين قائمة المستشار هشام جنينة اللي بيرفع شعار استقلال القضاء ونزاهة الانتخابات وقائمة المستشار احمد الزند اللي بيخوض الانتخابات تحت شعار الأحلام والتغيير طبعا زى ما مندخلش في عمل وإحكام القضاء المصري برضو ملناش الحق في الحديث عن تفضيل مرشح على أخر لكن في الحقيقة باتمني ان الانتخابات دي تكون نتيجتها مجلس إدارة يحفظ للقضاء استقلاله ووحدته لان قضاة مصر هيفضلوا من خلال مواقفهم المشرفة في كل القضايا هما السند الحقيقي لينا كشعب ومهما كان حديثنا عن تجاوزات وسلبيات في مجالات كثيرة في حياتنا هيفضل للقضاء ورجاله هم المظلة الأخيرة اللي بتحمي بها من كل التداعيات اللي بنشوفها حولينا موضوعنا الثالث الليلة دي الجدل السنوي الكبير اللي بيسببة التقرير اللي بيقدمة الجهاز المركزي للمحاسبات ورئيسة المستشار جودت الملط عن كل سنة الأداء الاقتصاد للحكومة التقرير السنة دية رغم انه أتكلم عن ايجابيات كثيرة قامت بها الحكومة الدكتور نظيف لكم كان طبيعي انه ينتقد كم التجاوزات اللي كشف عنها فحص الجهاز للحساب الختامي لموازنة الجهاز المحاسبي للدولة وكان طبيعي أيضا ان طالب في تقريره ضرورة الحد من الدين العام الداخلي والخارجي اللي بتمثل أعباءه يعني الفوائد اللي بتدفع عليه أكثر من 20 في المائة من الموازنة العامة وكمان أتكلم التقرير عن الإنفاق الحكومي المبالغ فيه وطالب الحكومة بضرورة وضع حد لهدا البذخ الغير مفهوم لكن الحكومة وزير المالية دكتور بطرس غالي طبعا وزى كل سنه رفضوا الانتقادات دي وبدأ يشككوا في صلاحيات جهاز المحاسبات اللي وصل الأمر للأسف ان هما يحولوا الموضوع لملاسنات بتصور أن الانتقادات دي ان الهدف منها أن رئيس الجهاز يحصل على مركز حكومي اعلي وان يتولى رئاسة الوزارة طبعا كلام عيب انه يتقال وكأن الحكومة بقت شيفا نفسها فوق النقد وفوق أي مسائله عن الموقف ده ورأي اللجنة الاقتصادية في مجلس الشعب عن تقرير الجهاز المركزي للمحاسبات معنا على التليفون الاستاد عبد الرحمن بركة وكيل اللجنة الاقتصادية لمجلس الشعب استاد عبد الرحمن مساء الخير
عبد الرحمن : مساء النور
عمرو الليثي : أولا عايز اعرف تفسيرك للهجوم الكبير اللي تعرض له المستشار جودت الملط وتقريره للجهاز المركزي للمحاسبات نتيجة انتقاده لأداء حكومة الدكتور نظيف فهل تعرف ان حكومتنا فوق النقد ؟
عبد الرحمن : أولا أنا عايز عني اقدر واقع
عمرو الليثي : أتفضل
عبد الرحمن : ان الاستاد الدكتور جودت الملط رجل محترم ورجل له مكانة وله احترامه وله تقديره داخل مجلس الشعب وداخل الأوساط الموجودة في مصر كلها
عمرو الليثي : وخارجه كمان صحيح مظبوط ؟
عبد الرحمن : ده حقيقة الحاجة الثانية اللي أحب أقولها سيادتك ممكن ان الملاحظات دي تكون هي طبعا كلها محل احترام وتقدير جميع العاملين لكن في الفترات السابقة كان كل واحد يقولك أية إحنا سنري دلك مستقبلا المفروض ان يكون الإجابة على مستوي الحدث لابد أن يتم شرح الموضوع أو الملاحظة بحيث أنها تكون واضحة تمام كان تقارير الجهاز طوال الفترة اللي كانت عن أداء الحكومة كان بتتضمن بعض الأشياء الكبيرة هي مش خافية على الناس وكانت بتطرح الحقائق كلها دي حقائق لازم نقولها لكن يحتاج الى بعض التوضيح من الحكومة ويجب على الحكومة انها ترد عليها في نفس الوقت الحكومة مش فوق النقد مش فوق انها تراجع وميبقاش في أمور يجب متتتابعة
عمرو الليثي : مظبوط مظبوط
عبد الرحمن : فده سيادتك الأمر اللي هو واجب التوضيح
عمرو الليثي : طيب التقرير ده ازاي كلجنة اقتصادية وكأعضاء في مجلس الشعب هتحسبوا الحكومة علية ولا الموضوع هيتقفل ويتحفظ التقرير زى التقارير اللي سبقته في السنوات اللي فاتت
عبد الرحمن : هي المشكلة يا عمرو بيه بقي
عمرو الليثي : بصراحة بقي
عبد الرحمن : ايوه المشكلة أيه ان هذه التقارير اللي بتيجي بمجلس الشعب او بتجلينا إحنا في اللجنة الاقتصادية عن أداء الجهات الاقتصادية بتكون عن سنوات سابقة يعني بتكون مثلا أية إحنا السنة دي 2009 بيجيلك 2007 طيب أنا 2007 هعمل بيها أيه
عمرو الليثي : اللي فات مات يعني ولا أيه
عبد الرحمن : لأ مش اللي فات مات
عمرو الليثي : ام ال بقي أيه
عبد الرحمن : عاوز تقرير يعني جديد علشان اعرف أيه ملاحظات ويقول لي الملاحظات اللي فاتت يا تري هما صوبوا ولا لم يصوبوها ده الشرح اللي هو يعني ممكن أي جهة تخرج منها ما أنت تجيلي 2007 تقولي أنا عدلتها خلاص وصوبت جميع الملاحظات اللي جت في الجهاز المركزي للمحاسبات او المخالفات اللي موجودة فأنا لازم يعني لو أن هذه الأمور اتخذت بجدية أكثر وان كل التقارير السنوية اللي تيجي تكون تقارير سنوية حديثة نستطيع أو يستطيع مجلس الشعب أن يتخذ قرار بشأنها لكن تجيب لي أنا تقارير سنة 2007 طيب أنا هأقول فيه إيه أي واحد
عمرو الليثي : إذا في تجاوزات يا سيادة النائب تحاسب المتجاوز إذا في فساد تحاسب الفاسد وإذا في إهدار للمال العام تحاسب المسئول عن إهدار المال العام حتى ولو كان ادن أن الوقائع الجنائية لا تسقط بالتقادم إلا بعد مرور خمس سنوات على الأقل
عبد الرحمن : بس دي حضرتك مجرد لسه ملاحظات رآها والجهاز المركزي فمن المفروض أن يتم الرد عليها
عمرو الليثي : تمام
عبد الرحمن : فيجي مندوب الحكومة او المندوب المختص بيقول إحنا ردينا على هذه الملاحظات وتلافينها وعالجنها طبعا الجهاز المركزي المفروض يقول لنا أية اللي تم في هذه الملاحظات إما إذا أسفرت هذه المخالفات أو الملاحظات عن إهدار المال العام فالجهاز المركزي في يحكم انشاءة وبحكم أعماله له الحق أن يحيل المخالفات المالية الجسيمة أو المخالفات المالية الى الجهات
عمرو الليثي : طيب أنا هسألك سؤال أخير يعني أنت النهاردة بتقول الى أن الجهاز المركزي بيكتب ملاحظات والحكومة بترد على الملاحظات طيب ليه بيتم نشر ملاحظات الجهاز المركزي للمحاسبات في الصحف كما لو أنها تقرير واقع قبل رد الحكومة عليها يعني ليه لا تنتظر أولا ينتظر الجهاز المركزي أن هو ينشر ملاحظاته وينقلها للحكومة والحكومة ترد عليها ويطلع في الأخر التقرير النهائي اللي بناء عليه بيم قدام اللجنة الاقتصادية في مجلس الشعب إذا ثبت أي مسئول مخطأ ؟
عبد الرحمن : ده كلام مظبوط وسيادتك يا عمرو بيه التقرير اللي بيقولة السيد رئيس الجهاز أو معالي المستشار جودت الملط بيقوله في مجلس الشعب ده التقرير مبيتضمنش المخالفات إيه هي أو نوعيتها لكن بيقول ملاحظاته العامة على التقارير كلها طبعا ده بيتنشر لان دى جلسة في مجلس الشعب فبناء عليه الحكومة
عمرو الليثي : أنا بتكلم ليه ده بيحصل دلوقتي ليه بيحصلش يعني إحنا بنتكلم على2007 بقالهم يعني سنتين الحكومة متردش خلال السنة والجهاز ليه مش بعت التقرير للحكومة قبل كده
عبد الرحمن : ما بيقول لك البيأنات بيتضمنه تقرير 2008 أن شاء الله يقولوا إيه اللي تم في الملاحظات المفروض أن الجهاز المركزي يعني يبقي التقارير متضمنة رد الحكومة
عبد الرحمن : يبقي في الحالة دي إحنا نستطيع أن إحنا نقررأن هذه الملاحظات ترقي الى مستوي المخالفات المالية الكبرى ويجب أن يحال المسئولين عنها الى جهات التحقيق
عمرو الليثي : تمام بشكر الاستاد عبد الحمن بركة وافتكر أن الموضوع والضجة اللي أثارها التقرير ده هتنتهي بسرعة وهننتظر للسنة اللي ج أية علشان نشوف التقرير الجديد والجدل اللي ممكن يسببه وزى ما بعض الأقلام أتكلم وقالت أن الموضوع بقي كأنه مولد سنوي وكل تقرير وانتم طيبين التقرير الثاني اللي صدر اليومين دول هو تقرير لجنة حم أية الصحافيين الدولية التقرير اللي تم الإعلان عنه من نقابة الصحفيين في مصر رصد العديد من الظواهر الخاصة بالحريات الإعلامية في العديد من الدول العربية واللي أكد انه التقرير للأسف الشديد هناك تراجع حقيق حدث في عام 2008 في حريات الصحافة وفي الأعلام العربي عن أهم ما تضمنه التقرير معايا على التليفون الكاتب الصحفي عضو مجلس نقابة الصحفيين المصريين استاد جمال فهمي مساء الخير
جمال : مساء الخير أهلا وسهلا
عمرو الليثي : أستاذ جمال كلمنا عن أهم ما رصده التقرير السنة دي عن أوضاع الصحفيين في العالم العربي وإيه مظاهر التراجع اللي بيتكلم عنها التقرير ؟
جمال : يعني الحقيقة التقرير فيما يخص المنطقة العربية رصد يعني مجموعة من الانتهاكات في الواقع هي استمرار أن هي السابقة يعني العراق ما زالت تتصدر القائمة رغم تراجع العدد عدد السنوات السابقة مازالت العراف بسبب الاحتلال الأمريكي تتصدر القائمة يليها مباشرة فلسطين بسبب العدوان الإسرائيلي المستمر والهمجية والوحشية اللي بتتعامل بها إسرائيل ده على صعيد الحقائق إما بقي باقي أوجه الانتهاكات هي الملاحظات البوليسية والخط ولضرب وما يتعرض له المدونون في مصر بالتحديد التقرير رصد كل هذه الانتهاكات وفي مصر طبعا بطبيعة الحال باعتبارها يعني البلد العربي الأكبر فيها مساحة واسعة ومعقولة وده ليس تميزا لها بقدر بأهميتها وأهمية يني الحراك الذي يجري فيه والمقاومة التي تتم فيها أيضا يعني هذه التقارير الدولية تعلن بيلفت نظرها تهتم أكثر بالبلدان التي فيها مقاومة العدوان على حرية الصحافة ونحن في مصر لدينا مقاومة لدينا عدوان على حرية الأعلام والصحافة واهم ما ذكره هذه التقرير على هدا السبيل هو يعني وثيقة ما يسمي ضوابط البث الفضائي والإعلامي مصر للأسف الشديد يعني قدمتها لكن في بقي الملاحظة القضائية بالصحافيين سنة قوانين مرفوضة من المجتمع المصري كله
عمرو الليثي : طيب استاد جمال أيه رأيك في الكلام اللي بيتقال أن التقرير افتقد للمصداقية انه ركز على دول معينة وتغاضي تمام عن ذكر دول معروفة بعدم وجود أي حرية للصحافة من أساسه عنها ؟
جمال : هذه اللجنة وهي لجنة غير حكومية وهي مستقلة تماما ولا تقبل تمويلا من أي حكومة هي معنية كما اسمها يشير الى الانتهاكات التي يتعرض لها يعني مش من وظيفتها تصنيف دول الى دول يعني أكثر سوءا أو سيئة فقط الى اخرة التصنيفات لكن بطبية الحال هناك في منطقتنا العربية هناك دول اشد سوءا مما ورد للدول التي وردت في التقرير وصناع التقرير يعدوا هذا الغياب الى أنهم هذه المجتمعات مغلقة تماما وبعضها لا يوجد فيها صحافة أصلا حتي تتعرض للانتهاكات وبالتالي يعني لم يكونوا يستطيعون حتي في بعض الحالات أنهم يوصلوا يخفقوا في انتهاكات معينة حتي أنهم يضمنوهم في تقريرهم بطريقة فيها مصداقية يعني هو لازم يحقق هو لازم يتصل بالسلطات ولازم يتحقق من أكثر من مصدر لكن وجهة نظر معقولة تقول انه لابد من الإشارة الى هذه الدول
عمرو الليثي : الى هذه صحيح بشكر الكاتب الصحفي جمال فهمي وافتكر أننا كصحفيين وإعلاميين هتفضل الحرية بالنسبة لنا هي أهم مطالبان وهي سبيلنا لأداء عمل متميز موضوعنا الأساس الليلة دي هو حديث عن ذكريات مجيدة ذكريات تمثل بالنسبة لنا صفحة ناصعة من تاريخنا ونضالنا من اجل الحرية حديثنا الليلة دي عن ذكري 25 يناير 1952 وموقف الشرطة المصرية وكلاهما مع المقاومة الشعبية للدفاع عن الكرامة الوطنية لكن بعد الفاصل
فاصل
عمرو الليثي : على مدار التاريخ أو منذ نشأة جهاز الأمن كان التلاحم بين الشرطة والشعب هو السمة التي برزت تلك العلاقة بين الجابين وظل الجانبين يدافعان عن استغلال الوطن وحريته ضد الحكم الأجنبي قبل ثورة عرابي وبعدها وفي مواجهة القوات الانجليزية إبان ثورة 1919 حتي أصبحت الشرطة العدو الرئيس للاحتلال عندما أصبحت جزء من كفاح المقاومة والسلاح المصري في مواجهة القواعد الانجليزية في يناير 1952
تقرير :
لعبت الشرطة المصرية دورا كبيرا ومهما فالحركة الوطنية المصرية على مدار تاريخها فعندما رفضت مصر الإنذار البريطاني في مايو من عام 1882 استمرت 28 بارجة حربية نصب نيرانها على المقاومة بينما ظل المصريون شعبا وجيشا وشرطة يواجهون القنابل بصدورهم دفاعا عن ترابهم الوطني وظل الجيش والشرطة جسدا وتنظيما واحدا وظلت ثورة المصريين تشتغل ضد الحكم الأجنبي وهم يخوضون معركة التحرير وقد اكتملت هذه الصورة عندما انضمت الى عرابي في ميدان عابدين قوة المستحفظين أي الشرطة المصرية بقيادة إلقائي مقام ابراهيم فوزي وبرز دور الشرطة المصرية أثناء الثورة الشعبية في عام 1919 بقيادة سعد زغلول عندما اندفع المصريون للمطالبة بحق بلادهم في الاستقلال فتصدت لهم القوة العسكرية البريطانية وأصدرت أوامرها بتجديد رجال الأمن من أسلحتهم ولن يتوقف تدفق الدم الوطني في عروق الشرطة المصرية ففي حرب عام 48 قدمت الشرطة تضحيات كبيرة لدعم المجهود الحربي وحماية ظهر القوات المصرية في فلسطين وقامت بكافة إعمال المخابرات ومع اشتغال المقاومة ضد الاحتلال البريطاني على القناة أصبحت الشرطة المصرية هي العدو الأول للاحتلال بعد ان أصبح السلاح الوطني لحرمان القواعد البريطانية من العمالة المصرية وكان قرار الاحتلال هو نزع سلاح الشرطة المصرية وفي سلسلة من المواجهات المسلحة مع قوات الاحتلال قدمت الشرطة المصرية عشرات الشهداء وهكذا كانت الشرطة المصرية على امتداد الحروب التي خاضتها مصر من حرب 56 عندما انخرطت في صفوف المقاومة الى حرب أكتوبر عام 73 عندما كانت عنصرا أساسيا في إعداد الدولة للحرب كانت سندا وسدا منيعا لحماية الجبهة الداخلية وتستمر الشرطة المصرية في بذل المزيد من دماء أبناءها فدائنا لتراب مصر وحماية أمنها
عمرو الليثي : في عام 1950 كانت مصر في حالة سياسية مليئة بالصراعات فقد جاءت حكومة الوفد الى السلطة على غير رغبة الملك فاروق ودخل رئيس الوزراء النحاس باشا في مفاوضات مع الانجليز عن مصر واستمر لمدة 20 شهرا لكنها لم تسفر عن شيء ولذلك قرر النحاس باشا إلغاء معاهدة 36 ولم يكن الملك فاروق راضيا عن إلغاء المعاهدة
أ/ جمال الشرقاوي مؤرخ : الملك فاروق مكنش راضي عن إلغاء المعاهدة وحاول بقرد الإمكان انه يعطلها وفعلا أرسل وهو في أوروبا الصيف يعني للنحاس باشا قال له وقف ما تمشيش في الحكاية دي لكن النحاس باشا إصر ورجع الملك فاروق فنصحه البعض قلولوا هتقول له لقه هيصر على موقفة يبقي أنت موقفك أمام الشعب سيء جدا خلي يلغيها كويس ويتحمل هو النتيجة
عمرو الليثي : بإلغاء معاهدة 36 أصبح الوجود الانجليزي في منطقة القناة احتلال غير مشروع وأدرك الشعب المصري انه ليم يحصل على حريته إلا عن طريق الكفاح المسلح وبدء المطالبة والعمال المثقفون وجميع فئات الشعب للذهاب الى منطقة القناة لمقاومة الاحتلال الانجليزي
سعد زغلول مناضل مصري : جهة عزيز المصري راح فتح للكتائب التحرير ورحت لعزيز المصري خدت بندقية ألماني سليمة كويسة بدل اللي كنا بنأخذها كان وجيه أباظة يجيب بنادق من الحراميه يدوب الواحد يضرب تتسد الماسورة جاب لينا من وزير الداخلية فؤاد سراج الدين خدنا وجيه أباظة وراحت وزارة الداخلية من فؤاد سراج الدين مش بس كده فوجئت ب 2 جين وباعتهم سراج الدين ضباط شباب بوليس بس برنجي نشان وبدأت بشائر الانجليز سابو القاهرة والإسكندرية وراحوا القناة قعدوا في القناة فلما قعدوا في القناة أنا وعزيز المصري قال لقة انتو تعملوا كتيبة ووراهم في القناة عبر الترعة متخليهمش يعملوا قلق على الأقل قلق بالليل علشان ميحسوش المعسكرات
عمرو الليثي : في ذلك الوقت ضبط البوليس قاهريين قرروا السفر الى القناة للاشتراك في العمليات الفدائية وكان من بينهم اليوزباشي صلاح ذو الفقار واليوزباشي صلاح دسوقي واليوزباشي مصطفي رفعت
مصطفي رفعت : إحنا مش اقل من دول رحنا كتبين طلب لمدير الكلية ان إحنا عاوزين نروح نتب العساكر وازاى نخليهم يأمنوا الهجوم بتاع القوات البريطانية فقال اية اللي انتو عوزينة ما أنت قعدين هنا كويسين اية اللي يوديكوا القناة والضرب وبتا قلنا والله يعني علشان برضو العساكر نلتحم بهم وإحنا في ضباط في الكلية نعرف النظام وافق ورفع طلبنا لفؤاد باشا حاجة غريبة جدا فؤاد باشا تقول اية أوافق فرحنا كان ممنوع السفر لمنطقة القناة علشان نروح منطقة القناة لازم نأخذ تصريح من الجيش الانجليزي شوف أنت مصري لكن متقدرش تروح الإسماعيلية أو بور سعيد أو أي حتة من دول لازم تأخذ تصريح من الجيش الانجليزي المهم خدنا الطائرة ونزلنا في مطار الجميل وخدنا مركب ورحنا على الإسماعيلية
عمرو الليثي : والتف الشعب المصري بجميع فئاته حول قرار حكومته بإلغاء المعاهدة واضرب العمال المصريون في المعسكرات البريطانية عن العمل بدافع وطنيتهم كما امتنع الموردون المصريون عن توريد الأغذية للقوات البريطانية مما أجبرهم ذلك على جلب احتياجاتهم من الخارج وكبدهم ذك خسائر فادحة
مصطفي رفعت : العمال بتوع هيئة القناة اضربوا وسابوا المعسكرات كان بيأخذوا يوميات هائلة حوالي 20ألف 30ألف عامل سابوا العملية دي إما كترت القتل عاوز أقول والوحشية بتاع العساكر الانجليز
عمرو الليثي : انطلقت المقاومة من كتائب الفدائيين ضد القوات البريطانية فبدأو يهاجمون المعسكرات ويشعلون النار فيها
غريب درويش ( شزام) : أو عملية قمت بها كان في شارع محمد على تاني مرة ضربناهم في منطقة القرش ثالث مرة ضربناهم في مطار أبو صوير
سعد زغلول : كان وجيه أباظة هو القائد بتاعنا المباشر قال انتو في بطن الجسر ومع المواصلات كل ما تفوت عربيات انجليز بتنقل المعسكرات الانجليزية التل الكبير والقصاصين وأبو صوير فضربنا فيهم نضربهم ونستخبي في بطن الجسر بعد كده مطره من الرصاص بس كل واحد اية مستخبي في الحفرة بتاعته كان الرصاص كتير ومحدش أصيب مننا وبعدين كل واحد نزل من الحفرة اللي في الجسر لغاية معرف ومنه لغاية
مصطفي رفعت : وابتدينا نتصل بالفدائيين كان الفدائيين بيشتغلوا كل واحد في حته ده بيضرب في حتة وده في حته دي نظمنا بقه العملية
عمرو الليثي : كان في عشوائية يافندم
مصطفي رفعت : كان في عشوائية برافو عليك إحنا نظمنا العملية اما تنظم العملية يبقي في الحصيلة بتاعتنا يبقي أكثر وأكثر فالانجليز اتجننوا أولا يعني كان في كل ليليه لازم لدرجة ان القيادة البريطانية أدت ان ممنوع أي تحركات في الإسماعيلية إلا إذا كان خمسة إفراد أو أكثر لان لما بيمشو عسكري لوحدة ده بيتوكل على الله على الترعة الإسماعيلية عدل
عمرو الليثي : مع التنسيق بين الضباط والهجمات الشعبية أصبحت الهجمات الشعبية أكثر تنظيما وشراسة وبدأت القوات البريطانية تتكبد خسائر فادحة
مصطفي رفعت : ابتدي بقي التعاون معاهم وابتدينا بقي نتكلم لأ النهاردة هنروح هنا نروح هنا مجموعة مش زى زمان أفراد لأ نروح مجموعة والمجموعة بقي أكثر فاعلية خسائر الانجليز بقي زادت على الأخر
الفدائي محمد خليفة الشهير بشزام : كان مصطفي رفعت بتاع الشرطة يساعدنا كل ما أرحله يحط الفلوس في جيبي ويقول جدع يا شزام جدع أنا معاك إحنا معاك كلنا في أي وقت أي وقت يحصل حاجة هننقذك منهم
عمرو الليثي : ازدادت العمليات الفدائية وانتشرت لتشمل بورسعيد والسويس وامتدت الى المعسكر البريطاني في التل الكبير في ذلك الوقت كان اليوزباشي عبد الكريم درويش ضابط الاتصال داخل المعسكر بيساعد الفدائيين في عمليا كثيرة
اللواء/ عبد الكريم درويش ضابط الاتصال داخل معسكر التل الكبير : جالي تليفون اذكر حادثتين قريبتين الى ذهني الو أنا وجيه أباظة عاوز اية يا وجيه أهلا بيك وحشتني قال عاوز نلتقي في مركز أبو حماد روحت المركز أهلا قال لي والله أنا معايا مجموعة من الفدائيين أنا ضابط شرطة قائد سلاح الطيران المصري والمجموعة اللي معاه طلبة جامعية جيين عاوزين نعمل حاجة جوه المعسكر حاجة يعني طبعا معروف عملية فدائية أول شيء تطلبة منك مأوي فكلمت احد العمد طبعا بواسطة المأمور ونائب المأمور كان أسمة اليوزباشي على الحديدي عمده بلد من البلاد قولنا له عاوزين دار فضية أتفضلوا روحنا الدار نظيفة ونزل في هذه المجموعة كانوا في عربية بيك اب بك المعدات اللي معهم ودخلوا قعدوا في الدار دي قلت له وبعدين قال هتيجي نتكلم بالليل بالقصعة لغم يعني محطوته فيه مواد ناسفة وساعة توقيت جوه المعسكر جاهز في الوقت العين تقابلنا في عربيتي ان العربية الجيب وأنا اللي كنت سائقها ومعنا وجيه أباظة وثلاثة أفراد من هذه المجموعة ودخلنا جوه المعسكر الوقت المناسب أخذتهم إلي السينما اللي بيجتمع فيه الضباط والجنود أوقات التسلية والترويح وبهدوء تام لازم أقول لحضرتك ان من ضمن المتآمرين معنا والمعاونين لنا موظفين وعمال مصريين اشتغلوا في السينما الأولاد حطوا اللغم وجهزوه تمام تمام رجعنا الوقت المناسب انفجر اللغم في السينما ثاني يوم الساعة 12 الظهر جاء لي مدير البوليس الحربي الانجليزي قال إحنا عاوزين نطلع بره المعسكر علشان هنعمل عمل فدائي مش فدائي مواجهة مسلحة
عمرو الليثي : هم طالبين من البوليس المصري ان هو يؤمنهم علشان يقضوا على الفدائيين المصريين
عبد الكريم درويش : لازم اطلع معهم بحكم الاتفاقية هو ميقدرش بعد نقطة التفتيش العباسية
عمرو الليثي : نقطة تفتيش انه يتجاوزها ؟
عبد الكريم درويش : انه يتجاوزها إلا بصحبة البوليس المصري كلمت وجيه أباظة قلت له يا وجيه اخلع قالي قلت من غير ما تقول ليه هنقعد مع بعض هنتقابل واحكي لك لكن دلوقتي طهر العزبة اللي فيها الرجالة بتوعك وبالفعل خرجن
محرر بالموقع الموحد للهيئة الوطنية للإعلام
هل تعرف القصة وراء تسمية يوم التروية بهذا الاسم؟
يوم عرفة ليس فقط للحجاج.. إليك خريطة العبادات لغير الحجاج في أفضل أيام العام.
في رحاب البيت العتيق.. كيف سار الأنبياء عليهم السلام؟ ومن هو النبي الذي رآه النبي ﷺ يجهر بالتلبية في "وادي...
كيف يحول الحج المسلم إلى عبد رباني مستسلم لخالقه؟