قبل الوقوع في فخ نصابي "السوشيال ميديا"..إقرأ هذا التحقيق

طرق جديدة للنصب الإلكتروني تستغل الظروف الاقتصادية الصعبة وترفع شعار مسابقة كبرى على قناة فضائية شهيرة للايقاع بالضحايا الحالمين بجوائز "الفانوس السحري" عبر منصات "السوشيال ميديا" ولا يقتصر الأمر على ذلك بل هناك من يزعم أن لديه فرصة عمل مربحة للنصب مستغلا حاجة الشباب والسيدات للعمل وبحثهم عن عمل من الببت على الانترنت أو فرصة سفر للخارج .

شيك بقيمة 250,000 دولار أمريكي

ورغم التحذيرات،وقع كثيرون في الفخ وخسروا "تحويشة العمر".. ومن أمثلة طرق النصب المغرية عبر السوشيال ميديا ..رسالة وصلتني على فيسبوك : "ألف مبروك يا Honda أصبح من نصيبك الآن شيك بقيمة 250,000 دولار امريكي ..يمكنك استلام المبلغ عن طريق حوالة بريدية والتي تحمل رقم 16824643283778
برجاء ادخال رقم الهاتف في أسرع وقت ليتم التواصل معك خلال اليوم من الساعه 7-5 مساء.. بعد أن تسجل الرقم تستطيع أن تذهب برقم الحوالة الى البنك وصرف الجائزة
https://asdddd2020.blogspot.com/
❌❌آخر فرصة لك للتسجيل وسيتم اختيار رابح اخر مكانك
مسابقة الحلم المقدمة من قناة ... تهانينا أنت رابح الشيك اليوم اضغط هنا للاستلام ".

وبالطبع وصلت نفس الرسالة لكثيرين غيري، وتعقيبا عليها ..قالت د.غادة خريبه أستاذ مساعد الذكاء الاصطناعي بجامعة النيل لموقع أخبار مصر إنه في مثل هذه المواقف تكون الوقاية خير من العلاج.

وحذرت من فتح أي رابط من شخص مجهول، أو رسائل عن جوائز أو الرسائل التي تطلب ادخال رقم الفيزا.

وحثت على تغيير الباسورد لحساب لمواقع التواصل الاجتماعي كل فترة بحيث تتكون كلمة السر من 12 حرف مختلفين و رموز و أرقام وعدم إعطاء أي حد رقم الحساب أو معلومات شخصية عبر الهاتف أو عبر وسائل التواصل الاجتماعي.

ونبهت أستاذ مساعد الذكاء الاصطناعي لعدم دخول أي موقع تسوق ببيانات الفيزا إلا إذا كان الموقع يبدأ ب https ونستخدم فيزا الانترنت بمبالغ محدودة.

وأضافت أنه في زمن الذكاء الاصطناعي و الصور و الفيديو المولد بخوارزميات الذكاء الاصطناعي ننصح دائما بعدم نشر صور مباشرة للوجه بدقة عالية على مواقع التواصل الاجتماعي للجميع لأن نشرها يسهل تركيبها و انتاج صور و فيديوهات مفبركة.

ظاهرة عالمية

ويرى د.عادل عامر دكتور القانون العام ومدير مركز المصريين للدراسات السياسية والقانونية والاقتصادية أن ظاهرة النصب على "الانترنت والسوشيال ميديا " ليست مرتبطة بدولة أو مجتمع معين وانما هي ظاهرة عالمية ولذلك تتابع مؤسسات الدول والمجتمعات هذه الظاهرة وترصد تأثير المؤثربن على الأسر والأفراد .

وأضاف أنه من الملاحظ في الأونة الاخيرة تزايد جرائم النصب عبر شبكات الانترنت والسوشيال ميديا وتنوعها بين النصب والابتزاز وترويج إدعاءات أو تسويق منتجات على صفحات وهمية حيث أشارت الإحصائيات لتزايد جرائم النصب على شبكات التواصل الاجتماعي من 43% عام 2018 الى 63% عام 2022 وذلك بالاعتماد على الفيس والواتس آب والانستجرام .

الغرامة والحبس

وأوضح د.عامر أن المادة 25 من قانون مكافحة الجريمة الالكترونية بمصر أدانت فتيات لنشر محتوى مرئي ترفيهي للاعتداء على قيم الأسرة المصرية وتنص المادة المادة (25):"يعاقب بالحبس مدة لاتقل عن ستة أشهر، وبغرامة لاتقل عن خمسين ألف جنيه ولا تجاوز مائة ألف جنيه، أو باحدى هاتين العقوبتين، كل من اعتدى على أى من المبادئ أو القيم الاسرية فى المجتمع المصرى، أو انتهك حرمة الحياه الخاصة أو ارسل بكثافة العديد من الرسائل الاليكترونية لشخص معين دون موافقته، أو منح بيانات إلى نظام أو موقع اليكترونى لترويج السلع أو الخدمات دون موافقته أو بالقيام بالنشر عن طريق الشبكة المعلوماتية أو باحدى وسائل تقنية المعلومات، لمعلومات أو اخبار أو صور وما فى حكمها، تنتهك خصوصية أى شخص دون رضاه، سواء كانت المعلومات المنشورة صحيحة ام غير صحيحة."

ونصح من يتعرض للنصب بضرورة إبلاغ مباحث الانترنت ومقرها في العباسية ولها مكاتب في المحافظات مع الاحتفاظ بالجهاز وأدلة الجريمة من صور وفيديوهات ومحادثات.

فرصة عمل بقطر

رسالة ثانية تعزف على وتر الحاجة إلى العمل : عااااجل ..دولة قطر تعلن عن حاجتها لـ 70 ألف موظف وموظفة للعمل في المنشآت والمرافق الحكومية والخاصة في البلد . الرواتب تتراوح بين 3000$ إلى 5000$ دولار / شهرياً وتوفر للمقبولين تذاكر سفر من بلدانهم الى قطر ومسكن بشرط أن لا يزيد عمر المتقدم للوظيفة عن 50 عاما كل الخبرات والمؤهلات مطلوبة .. للراغبين بالتقدم للفرص المتاحة سجل اسمك وعمرك وهاتفك من المنصة التالية وسيتم التواصل معك فوراً :
https://rerl.me/qatar

تسويق أون لاين

قصة نصب اخرى رواها بعض الشباب بكلماتهم:" تبدأ بشخص يكلمك من رقم خارج مصر على الواتساب و غالبا بالإنجليزي و يقول إنه من شركة دعاية و تسويق و يعرض عليك شغل أونلاين ممكن تعمله من تليفونك بجانب شغلك ولن يكلفك أى حاجة و هو إنك تعمل لايك لفيديو على الإنستجرام أو اليوتيب و تبعت سكرين شوت بالكلام و مع كل لايك تعملها هتأخذ 20 جنيه و ممكن يحقق لك دخل من ألف إلى 5000 جنيه في اليوم ،فطبعا هتقول "وماله نجرب و نشوف مش هنخسر حاجة.. وفعلا يبعتلك 2 لينك لفيديوهين تعملهم لايك و تبعت السكرين شوت ويقولك تمام أنت كدا ليك 40 جنيه و يطلب منك تضيف حد على برنامج الTelegram بيبعتلك اللينك الخاص به وهيتابع معاك عشان يصرفلك فلوسك.

طبعا هتضيف هذا الشخص على ال Telegram ويقولك إعمل كمان لايك واحدة لفيديو على الإنستجرام أو اليوتيوب و إبعت السكرين شوت ليصل المبلغ 60 جنيه و يعرف يحولك الفلوس و فعلا تعمل و يطلب منك الإسم و رقم المحفظة الإلكترونية عشان يحولك الفلوس و فعلا بيحولك ال 60 جنيه.. طبعا تبدأ تقول الموضوع شكله حلو و ممكن نعمل منه فلوس حلوة و أدينا بنسلى وقتنا و 60 على 60 يعمل مبلغ.ويبدأ يضيفك فى Channel على الTelegram وينزل فيها الTasks كل 20 دقيقة و طبعا إنك تتفرج على فيديو و تعمل لايك و تبعت السكرين شوت و تبدأ تجمع فلوس و تقول الدنيا هتضحكلك و فعلا كل ما تكمل 60جنيه يعني كل 3 Task يحولك الفلوس."

وتابعوا :" بين كل 3 Task بيدخل نوع جديد من ال Tasks و هو Investment Task عبارة عن إنك تعمل إيداع بمبلغ بسيط يبدا من 300 جنيه مثلا و نسبة الربح عليه 30% بعد ما تعمل Task بسيط .. في الأول هتقول لا.. فيبدأ يقلل الفلوس على كل تاسك لـ 10 جنيه و 5 جنيه بحجة أنك لا تشارك فى ال Investment Task.. فتبدأ تقول "يا عم ما نجرب 300 جنيه مش هنخسر كتير و أهو أنا كدا كدا بكسب من وراهم"، وفعلا تشارك بالمبلغ عن طريق إنك تقول لهم ممكن أشترك و يرسلوا لك رقم محفظة إلكترونية تحول عليه الـ 300 جنيه و يطلب منك تسجل فى موقع معين و تعمل خطوة بسيطة و فعلا تخلص و يحولك الفلوس بفايدة 30% يعنى الـ 300 جنيه يزيدوا لـ380 فى أقل من 10 دقائق و ترجع تكمل Tasks المشاهدات و اللايك و تقول "ما نجرب تانى بـ 300 تانيين و أهو الدنيا شكلها جد و الموضوع حلو بس هيقولك للأسف مفيش اللى بـ 300 واللى بعده بـ 1000 و برضة مكسب 30% هيرتفع وفعلا يخليك تحط 1000 و بعدين يقولك زود كمان 800 و عليهم ربح 30% يعنى 1040 يعني الإجمالي2340هتقول ماشى و مالو مش هنخسر كتير و تحول فلوسك و فعلا يرجعولك الفلوس بالربح ".

ثم تدخل مستوى أعلى يقولك "لأ دا مفيش غير اللى ب 5000و برضة عليهم ربح بس 60% يعنى 8000 هتقول تمام و يلا نكمل ما كسبنا قبل كدا كذا مرة و الدنيا أمان".وتبدأ هنا "النصباية" هيقولك كمل عليه 8000 بربح 60% فتقول تمام و تحط فلوس و يقولك كمان مرة عايزين فلوس أكتر عشان تاخد دول و دول بالربح بتاعهم فتبدأ تقولهم مش معايا يقولك لازم تكمل يا هتخسر اللى حطيته فتبدأ تحاول تتصرف و تحط المطلوب عشان تكمل و تاخد فلوسك و بالربح و يبدأ يدخل في دوامة وكل ما تحط يقولك هات تانى و مبالغ رهيبة 60 ألف و أكتر و يقولك" كمل وهتاخد فلوسك و أنت على أمل إنك تاخد اللى حطيتة بالأرباح الرهيبة أو حتى تكمل عشان بس تاخد اللى دفعته و يفضل يطلب أكتر و أكتر و أكتر و أنت تحاول تتصرف و تستلف و تداين عشان بس عايز ترجع فلوسك حتى من غير الأرباح لكن للأسف مفيش حاجة هترجع و خلاص هتقول:" مش معايا هيقولك لو مكملتش المطلوب هتخسر كله" و فعلا لن يبقى أمامك غير حل من إثنين تكمل سلف و تتصرف على أمل إنهم صادقين و ترجع فلوسك إما تستسلم و تضيع كل حاجة و فعلا يكونوا نصبوا عليك و أنت لا حول لك و لا قوة."

وطبعا الناس الضحايا تحاول تتواصل مع أرقام من حولت عليهم الفلوس لكن للأسف كله يكون مغلقا و أرقام مجهولة و بلا أي أمل.

عصابات من مختلف الجنسيات

وهنا علق المستشار القانوني عماد عبد المقصود المحامي بالنقض، قائلا للموقع إن مثل هذه الوقائع تمثل نوعا من التحايل للنصب الإلكتروني قائلا إن كل حضارة لها ضحايا ومثلما توجد ايحابيات للسوشيال ميديا هناك سلبيات.

وأوضح أن بعض الجرائم عابرة للقارات ويتورط بها أشخاص من جنسيات مختلفة ولا يتم افتضاح أمرهم إلا بعد الايقاع بآلاف الضحايا وعادة يستغلون احتياج الشباب والسيدات للعمل ويستقطبونهم في البداية بالمغريات لاستدراج آخرين ثم يختفون فجأة بعد الاستيلاء على ثروة كبيرة.

ولفت إلى أن المجرم أو "الهاكرز" يكون لديه بيانات عن المستهدفين ويحاول اختراق حساباتهم لكنه يطلب أرقام تليفونات للخداع وللتمكن من أسرار اخرى للدخول على الموبايلات مؤكدا ضرورة الابلاغ حتى لو لم تقع الجريمة لأنها تعتبر شروع في نصب وعقوبتها تصل للحبس.