سفير مصر بروما والقنصلة نبيلة مكرم واخرون

press_center

برنامج/ حديث المدينة

التاريخ/ 6/8/2010

التقديم/ مفيد فوزى

الضوف/ السفير اشرف راشد سفير مصر فى روما - نبيلة مكرم - فنصل مصر فى روما

محمد عبد الجبار مستشار سياحى مصرى بروما د: حافظ غانم مدير عام منظمة الناتو

مفيد فوزى : تساءلت وانا فى روما هل لديكتاتور ايطاليا الشهير موسوليني بصمات يحسبها له الشعب الايطالى تساءلت كيف يمكن ان نبرم اتفاقية مع الجانب الايطالى لتخلصنا من البيروقراطية وحين تساءلت فان ايطاليا نفسها غارقة فى البيروقراطية تساءلت كيف امكن للاطفال القصر فى مصر ان يهاجروا الى السواحل الايطالية بعلم الاهل؟ تساءلت ما كلمة السر الحقيقية فى السياحة الايطالية المتوهجة ؟وهذا هو الدليل تساءلت ما نسبة الجوع فى مصر؟ وهل العالم مقدم على مجاعة وما معيار الجوع وهل ينام احد فى مصر جوعان مفيد فوزى من روما يجيب على هذه الاسئلة

فى حديث المدينة

فاصل

مفيد فوزى : سعادة السفير اشرف رشاد لية ساعات الواحد لما بيكون هيجرىحوار مع سفير يتوقع ان كل الاجابات ستكون دبلوماسية تنتمى الى الحياد

مع ان الحياد ممكن وعندى تصور انه المشى فوق صفيح ساخن او على اشواك 000 هل هذا التصور عندى صحيح ؟

السفير اشرف رشاد :اولا انا سعيد جدا ان حضر تك يعنى فرصة اظهر مع حضرتك انهاردة وما حضرتك قلتة يخلينى حريص جدا اتكلم

مفيد فوزى : حريص على ايه

اشرف راشد : الصراحة والوضوح والصبر وانه انا مش اول مرة ا شوف حديث لحضرتك ثق تماما انه ما تتميز به من وضوح وصراحة وذكاء يجعل اى حد يقف امام محاور زيك بالعكس يعتز بهذا الحوار ويكون صادق مع نفسة ومع اللى بيستمع الية كمان

مفيد فوزى : شكرا طيب هذا القصر الذى فية السفارة المصرية فى روما وانت السفير المصرى فى ايطاليا من تفاصيلة او من سيناريو تاريخة اسم موسلينى ويثار بالنسبة لنا هتلر ينتمون الى الديكتاتورية ولكن بعض الناس يقولون ان موسلينى له احيانا ايجابيات فى هذه البلد 00 كيف ترى موسلينى الذى حكم ايطاليا يوما ما حكما قاسيا ؟

اشرف راشد : طبعا هو موسولينى هو الحزب الفاشى لايطاليا وجاء الى الحكم بالانتخابات من خلال الشعب الايطالى ويمكن لو حضرتك تجولت فى بعض الانحاء هتلاقى بعض المبانى الحديثة طبعا فى ظل عهد موسولينى منها مبنى وزارة الخارجية منها استاد رياضى فلازم بردوا نقول ان الفترة دى شهدت دفعة قوية فى مجال

مفيد فوزى : هل فى بقايا للحكم الفاشى

اشرف راشد : لأ اندثرت طبعا

مفيد فوزى : تمام

اشرف راشد : هذا الحزب غير موجود حتى تواجده من الناحية القانونية

مفيد فوزى : هل الفاشية

اشرف راشد : لأ ماننساش ان الحزب الفاشى من الشعوبين وكان فى برضوا قهر زائد برضوا الخطأ الاكبر الحرب العالمية الثانية الى جانب النظام فى المانيا

. مفيد فوزى : هل بنت موسولينى كانت عايشة الى فترة قريبة ؟

اشرف راشد : مازالت عايشة وامضت مرحلة من مراحل البرلمان الايطالى

مفيد فوزى : اليست اسم فكرة موسلينى لانى اعلم ان موسلينى هذا القصر افتكر هاجر الية ثم قبض علية على بابة

اشرف راشد : اذا اذنت لى القصر كان احد مقار ملك ايطاليا فى نهاية 45 عام 45 جاء موسولينى يقدم استقالتة وكان الملك مقيما فى هذا القصر

مفيد فوزى : هذا المكان

اشرف راشد : فى هذا المكان وانا خارج من مبنى القصر بعد استقالتة اخذت منة ملاحظات تم القبض علية ووضعوة فى عربية اسعاف ونقلوة الى شمال

قصة معروفة وظل معتقل الى ان جاء الالمان مكنش لسة الحرب انتهت وانقذوه من اعتقالة او من مكان احتجازة ونقلوة المانيا ثم عاد بعد ان

انتهت الحرب العالمية وتم اعدامة ودى قصة معروفة فشهد هذا القصر استقالت موسلينى والملك الثالث والقبض علية ثم ترحيلة ثم بقية القصة

مفيد فوزى : هذا القصر له تاريخ سعادة السفير ننتقل من التاريخ القديم الى الحديث من فترة افتكر فى مايو 2010 جاء الرئيس مبارك الى ايطاليا وحدث لقاء بين الجانين وحدثت 34 اتفاقية واظن ان 34 اتفاقية يدلل على ان العلاقة المصرية الايطالية بالغة الثراء الا انى توقفت عند نقطة حيوية ارجو رايك فيها الصريحة احد هذه النقاط هى اننا سوف نستفيد من تجربة ايطاليا فى الحرب على البيروقراطية فى مصر هل ترى ان النمط الايطالى فى الادارة خالى من البيروقراطية ؟

اشرف راشد : بالعكس انا هحاول اقول لحضرتك الجزء الاخير وبعدين ارجع شوية لمقابلة السيد الرئيس برئيس الوزراء انافى بعض الجوانب باشعر ان هما البيروقراطية من مصر لكن هما عندهم تجربة ناجحة فى مجال ما يسمى بالحكومة الالكترونية و هوتسهيل الخدمات للمواطنين فى تأديتها

من خلال استخدام الاجهزة التكنولوجية البطاقات الحاجات اللى زى كده فى جانب نستطيع ان نستفيد من الحكومة الايطالية فية اللى هو جانب الخدمات وتادية هذه الخدمات بسرعة عن طريق استخدام التكنولوجى بتاع الانترنت والكمبيوتر والحاجات دى

مفيد فوزى : قلت عبارة مهمة انهم هنا فى النمط الايطالى ليسوا بهذه الروعة فى البيروقراطية بل بالعكس هما غارقون فى البيروقراطية انا احيانا باحس يا سيادة السفير واسمح لى بيتقالى انه فى المطار روما فى انتظار الحقائب هناك شبه لكاعة ايطالية

اشرف راشد : يعنى اتمنى مفيش جانب فية كده انما حضرتك فى بعض الجوانب الايجابية وهناك بعض الجوانب بردوا اللى محتاجة هماعرفنها وبيحسنوا فيها ما تنساش كما ن انهم بينتموا لثقافة احنا بردوا هى دقة من الالمان مثلا

مفيد فوزى : اللذين يرممون هنا الفتيات الايطاليات ؟ اللذين يرممون القصر هل تستشعر هذا اللكاعة ؟

اشرف راشد : يعنى صراحة لأ يعنى من خلال تجربتى خلال العام والنصف الماضى ترميم هذا القصر الحقيقة المتميزين فى اعمال الترميم التى تجرى حاليا هما الفتيات اللى هما يعن بيشتغلوا على كل قطعة صغيرة

مفيد فوزى : هل كلهم ايطاليات

اشرف راشد : كلهم ايطاليات 00 زيارات السيد الرئيس لايطاليا اطارات عديدة ولكن هناك اطار وضعة السيد الرئيس مع رئيس الوزراء بيرليسكونى 000 فى عام 2008 نقل العلاقة الى علاقة استراتيجية بمعنى ان تكون هناك لقاءات بين الحكومة المصرية والجانب المصرى تركز على العلاقة الثنائية

يعنى مش بس بنيجى نتكلم فى موضوعات تتعلق بقضايا سياسية سواء كانت اقليمية لكن التركيز على الانتقال بالعلاقة المصرية الايطالية الى مستوى ارقى من العلاقات وبالتالى ده انعكس على الاتفاقيات اللى انا باشعر انه بيلفت النظر للعالم اكثر كمان مش المضمون اللى بتسعى الية اللقاء اللى اصبح دلوقتى على مستوى رئيس الجمهورية ومستوى رئيس ا لوزراء بيجمع الرئيسين ولكن ايضا عدد كبير من الوزراء بيتناول العلاقات الثنائية بمختلف جوانبها

مفيد فوزى : الرئيس الايطالى ايه رؤيتك؟ رئيس الجمهورية ؟

اشرف راشد : رئيس الجمهورية رمز الدولة بحكم الدستور 00 ولكن ليس له سلطات تنفيذية بمعنى ان النظام فى ايطاليا نظام برلمانى السلطة التنفيذية بيد رئيس الوزراء اما رئيس الجمهورية وهو منتخب من البرلمان ومش بانتخابات عامة فدة رمز للدولة و هوحكم بين السلطات بحكم الدستور ويمثل ايطاليا فى العديد من الدبلوماسيات ولكن السلطة التنفيذية ليست

مفيد فوزى : الشارع الايطالى ربما خمس نوعيات شرطة تمام ومش عايزاقف عند تفسيرهم عايز اقف عند نقطة واحدة شرطة المالية فا باسأل باقول يعنى شرطة المالية دى بتعمل ايه ؟ قال لى دى لما واحد حضرتك داخل يشترى حاجة وانت خارج ماهو فى احتمال ما يكنش عملت الفاتورة افتكرت الدكتور يوسف بطرس خصوصا ان والدتة هنافى روما شرطة المالية دى هل هى مستحدثة فى ايطاليا

اشرف راشد : لأ هو بقالها فترة وسبب وجودها مرحلة شهدت فيها ايطاليا متنافسات وبالتالى انشأت هذه الشرطة اللى هى تابعة لوزارة المالية ولكن ايضا بتديرها وزارة الداخلية والغرض منهاهو كل ما يتعلق بالمال سواء كانت رشوة او تهرب من الضرائب او نحوذلك وهى ذى ما حضرتك قلت بالضبط هذه التجربة قد تستحق ان الانسان ينظر فيها

مفيد فوزى : هل نقدر نستفيد منها ؟

اشرف راشد : اذا اقتضى الامر طبعا اعتقد انه زى ما قلت لحضرتك ان الظروف اللى نشأت اقتضت فى هذه المرحلة من ايطاليا انشائها انا عايز اقول نجحت وليها وضعها هى الخطوات اللى بتاخذها هى محاربة الفساد والهروب من الضرائب

مفيد فوزى : سؤال كيف يحاربون هنا الفساد ؟

اشرف راشد : بيكون الدافع التهرب من الضرائب مانقدرش نقول ان الفساد ما بيحدث فى اى مجتمع بيحصل بتحدث قضايا ولكن فى قانون وفى شرطة يعنى هى بتستطيع انها تتابع مثل هذه الحالات وفى النهاية اللى بيثبت انه ارتكب جريمة من هذا النوع بيقدم للمحاكمة وزى ما بيقولوا الكل سواسية امام القضاء سواء

مفيد فوزى : درجة الحرارة هنا حتى لو30 -31 - 32 ممكن تبقى مهولة علشان خاطر الرطوبة درجة الحرارة السياسية اد ايه فى ايطاليا ؟

اشرف راشد : ايطاليا طبعا يعنى فيها جو سياسى نشط للغاية

مفيد فوزى :فى رطوبة ؟

اشرف راشد :لأ فى حرارة طبعا هو نظام قائم على الاحزاب الحكومة مكونة من حزب رئيسى وحزب مأتلف معاه

وفى تنافس وفى تناور يعنى رئيس الوزراء الحالى بيرلسكونى دى ثالث وزارة يشكلها واحيانا حتى رؤية الحزب الواحد فى اختلاف فى الاراء وتفاوت وكدة بالمناسبة دى كانت فترة طويلة من عدم استقرار الحكومات لاتقعد فترة طويلة يعنى تقعد سنة سنة ونص احيانا يمكن من اكثر الحكومات استقرارا رغم كل بردوا اللى انت بتسمعة العالم هى بردوا موجوده وفعاله وبيرئسها رئيس الوزراء بليسكونى

فاصل

مفيد فوزى :مهم جدا ان انا فى بعض الاحيان احكى شئ يمكن صاحبة مشاركنى لانه مش بالضرورة انه يحكى عن تجربة مش شرط لازم اقول لكم انه القنصلة المستشارة نبيلة مكرم فى يوم من الايام بلغت السفارة خبر انه 30 شاب غرقوا وماتوا على السواحل الايطالية ايه اللى حصل ان المستشارة نبيلة مكرم رأت انها تروح بنفسها الى السواحل

الايطالية علشان تروح لازم تركب طيارة وتركب قطار وتركب

عبارة وتركب ايضا سيارة علشان توصل يمكن اليوم كلة راح

وهى السيدة والزوجة والام ايضا لا طفال ليه عملت ده لانه الحب الكامن فى القلب لمصر ليس كلاما يقال وليس تجليات شاعر ولا اوصاف طبيب ولكنة سلوك مصرى تشعر ان 30 شاب تصدقوا فى يوم من الايام السماسرة مش قادر اشتم علشان خاطر ده التليفزيون مش قادر اشتم السماسرة اللىضحكوا عليهم وقدروا ان هما ينزلوا البحر ويروحوا يموتوا على السواحل الايطالية عبر الهجرة غير الشرعية

التى بح صوت الدولة تريد انها تأخذ منها موقف والشباب يوعى

ياترى انهاردة ايه المستشارة نبيلة مكرم عمرك ما بتحكى هذه القصة انا كنت احكيها للناس ايه الحافز الشخصى اللى خلاكى تقطعى الطريق ده كلة وانت عفوا سيدة

نبيلة مكرم : يعنى اول لما الواحد بيشعر انه مصريين فى مأذق

مفيد فوزى :فى محنة

نبيلة مكرم : محنة فى غرق وفى جثث وفى اسر فى مصر مش عارفة اولادها فين الاهالى بقى يعنى كفيل ان هو يخلى اى حد يتحرك

خاصة وان هو يعنى مسئول عن المصريين المتواجدين ان هو يعنى يتحرك بسرعة علشان يبلغ مصرباللى حصل بالضبط بيشوف اذا كان يقدر يقدم اى مساعدة للناس اللى هى نجيت من الحادثة دى وفى نفس الوقت يعرف اية اللى حصل

مفيد فوزى :ما الذى جرى الان فى الهجرة غير الشرعية هل لازالت هناك تتحرك

نبيلة مكرم : الحادثة حضرتك اللى حصلت حصلت فى 2007 واحنا دلوقتى فى 2010 الهجرة غير الشرعية ايوا

مفيد فوزى :احكى اد ايه

نبيلة مكرم : يعنى ممكن نقول مثلا يعنى بنسبة 60%

مفيد فوزى :60% قولى ايه الدوافع اللى ما تزال حية عند الشباب فى مصر علشان يهاجر

نبيلة مكرم : الشباب بيصدق اى حاجة بتتقال له وبيقى عايز ان هو

مفيد فوزى :بيصدق السماسرة

نبيلة مكرم : بيصدق السماسرة وان الحلم للهجرة وانه الحلم لتكوين ثروة طائلة يقدر ان هو يعمل بيها

مفيد فوزى : حضرتك قعدتى مع شبابى مهاجر

نبيلة مكرم : اه

مفيد فوزى :بيقولوا لك ايه ؟

نبيلة مكرم : هو يعنى اكثر حاجة ضايقتنى وكمان ضايقت سيادة السفير ان لما كنا قعدنا هنا معاهم كانوا بينكروا الوسيلة الدبلوماسية وطبعا دى كانت المأساة الكبرى

مفيد فوزى :بينكروا

نبيلة مكرم : الوسيلة الدبلوماسية علشان يقدروا ان هما يقعدوا فى البلدوبيفتكروا ان هايتم ترحيلهم من البلد انما قصصهم كلها انه عايزين طبعا مستقبل افضل عايزين فلوس اكثر فرص العمل