press_center
مفيد فوزى :اقبل الشتاء وتقف انفلونزا الخنازير بجيشها الجرار من الفيروسات على حدود حياتنا لتنفذ ببساطة من جهازمناعتنا جهازالمناعة فى اى انسان هوخط الدفاع لاول ضد هجمة الفيروسات اللى بتتشكل فى خبث لكى تصد المصل واللقاحات ليس امامك من حل لا غذاء سليم وامن ومن هنا بدأ الناس فى بلدى يتحدثون عن مقترحات غذاء تطوع بها بالطبع جنرلات التغذية ولكن الكلمة الفاصلة هنا فى غيبة جهاز مماثل لما هو فى امريكا يحمى الناس من الغذاء الغير امن فى مصر مركزاقليمى لسلامة وجودة المواد الغذائية انه يمثل فى حقيقة لامر دورا اصيلا للجامعات المصرية فى خدمة المجتمع الموضوع اللى باتكلم فيه فى نهاايه لامرهو مرجعية هامة للغذاء السليم معلومات لحضرتكم ليس عندنا اللعاب قوى ولامسلسل مثير ولا اغانى راقصة ولا فيديو كليبات غريبة لا شئ مثير بالمرة افتح استديو تحليل ليس للرياضة ولا للقرى ولكن للغذاء كيف تقاوم انفلونزا الخنازيربغذاء امن كيف تطمن الى ما يدخل فمك التحقيق صوت وصورة فى حديث المدينة
فاصل
مفيد فوزى : دكتورحمدى العيسوى هنا مركزاقليمى لجودة الغذاء واتصورانه مكان اكاديمى فى نهاايه لامركيف تصل معلومات فيه للشارع ؟
د/ حمدى العيسوى:لينا اصال بالمنظمات المدنية وكذلك هيئة الطب البيطرى مدريات الطب البيطرى المختلفة القوات المسلحةكل دى بتتم عن طريق لاتصال بى انا شخصيا عن طريق المركز .
مفيد فوزى :الناس هل المعلومات دى ممكن توصلنى انا ؟
د/ حمدى العيسوى: بالتاكيد فى قصور بعض الشئ لتوصيل المعلومة للمستهلك
مفيد فوزى :ايوا اهوده السؤال يعنى شاعر ان المستهلك معندوش فكرة عنكم
د/ حمدى العيسوى: او مش كلهم يعنى في بنتعاون مع الجمعيات المختلفة
مفيد فوزى : ما انت تتعاون زى ما انت عاوز انما انا باتكلم
د/ حمدى العيسوى: فى الحقيقة ان ممكن بنعمل ندوات ارشادية وتعريفية فى كيفية انتقاء المادة الغذائية الجيدة للاستهلاك ده بيحضرة جزء من المستهلكين
مفيد فوزى : عندنا وعى غذائى فى مصر
د/ حمدى العيسوى: عندنا وعى ولكنه قاصر بعض الشئ
مفيد فوزى : قاصر
د/ حمدى العيسوى: يعنى مش على مستوى كل الفئات المختلفة
مفيد فوزى : مين اللى يقدر للوعى توهجة فى مصر
د/ حمدى العيسوى: اللى يقدر يدى الوعى توهجة الحركة لاعلانية الجيدة
يعنى علشان ادى وعى كامل للمستهلك اللى يقدر يستخدمها يجب انه ينشر هذا الوعى اعلاميا بطريقة جيدة
مفيد فوزى : هل انت عندك جهاز اسمة الفصل الكهربائى يكشف الغش فى المواد الغذائية
د/ حمدى العيسوى: عندى
مفيد فوزى : عبارة عن ايه ؟
د/ حمدى العيسوى: اللى هو LESPICTER OMICA
مفيد فوزى : ده؟
د/ حمدى العيسوى: اللى هو ده
مفيد فوزى :ده الجهاز ده بتحط فية ايه يعنى يعنى فهمنى
د/ حمدى العيسوى: الجهاز بيقدريعين كميات التوكسينات اللى ممكن اللى ممكن تفرز بواسطة الميكروبات المختلفة ممكن يعين عدد الميكروبات المتواجدة فى العينات يعنى اللى هو EROBICREAD COUNT للميكروبات المتواجدة ممكن يكشف عملية الغش بتاع المواد الغذائية
مفيد فوزى : احنا نعرف ده ازاى يا دكتورالشخص العادى يعرف ده ازاى يعنى البلاوى دى نعرفها ازاى ؟
د/ حمدى العيسوى: الشخص العادى ما يستطعش التعرف على وسائل غش المادة الغذائية ولكن يمكنة التعرف علىمدى صلاحيتها ظاهريا فقط الشخص العادى بدون اختبارات يمكن ينتقى المادة الغذائية بتاعتة ظاهريا اذا كانت سليمة ظاهريا مفيش عليها اى جروس نمو لبعض الطريات
مفيد فوزى :اعرف ازاى اعرف ده ازاى
د/ حمدى العيسوى: ده معروف للشخص العادى يعنى انا لما اجى اشترى شوية جبنة
مفيد فوزى : افرض افرض ان ده جرجيرانا اعرف ازاى الجرجير ده نظيف ولا مش نظيف ؟
د/ حمدى العيسوى: نظيف بمعنى ايه
مفيد فوزى :اكلة ولا لأ؟
د/ حمدى العيسوى: متكلوش
مفيد فوزى :عليه فطريات ولا لأ؟
د/ حمدى العيسوى: لأ مش هيظهر عليه هو
مفيد فوزى :مش هيظهر يعنى مفيش حاجة ظاهرية بتطلع ؟
د/ حمدى العيسوى: لأ على المواد الغذائية المختلفة لو نمى الميكروب الفطر اللى عندى بيسبب بعض المظاهر الموجودة على المادة الغذائية لان فى بعض انواع من الموادالغذائية اكثر من غيرها عرضة لنمو الميكروبات
مفيد فوزى :اعرف ازاى ؟
د/ حمدى العيسوى: اعرف من شكلها من شكلها يعنى انا لما افتح مثلا فتحة الجبنة النيستو الفويل بتعها الكفرنج بتعها
مفيد فوزى : بيكلم حضرتكم بيقول لكم افتحوا العلبه
د/ حمدى العيسوى: المفروض لاقى نمو للفطريات فى داخل القطع
مفيد فوزى : لأ فهم
د/ حمدى العيسوى: شكل الفطر فية الوان مختلفة شكل الفطربيبقى فارش موجود الميكروب فارش على سطح الجبنة ملون بالوان مختلفة لاقى لونه اخضر لاقى لونه اسود لاقى لونه احمر طبقا لنوع الميكروب امامى على قطعة الجبنة وبالتالى هنا ظاهريا اقدر اعرف اذا كانت صالحة اوغير صالحة الجبنة البيضا اطلع قطعة الجبنة من ا لعلبة فيها بقع حمرا لاقى فيها بقع سودا كل دى حاجات ناتجة عن نمو الفطريات على المادة الغذائية اللى امامى
مفيد فوزى :طبعا هرفضها
د/ حمدى العيسوى: طبعا
مفيد فوزى :هقول للراجل ايه هيقولى ما دام انت فتحتها تخدها
د/ حمدى العيسوى: لأ ما اخذهاش يا مفيد بية لان دى اصلا فاسدة بمعنى ان مظاهر الفساد واضحة عليها
مفيد فوزى :فى رقيب على الحاجات دى
د/ حمدى العيسوى:المفروض ان فية جهات رقابية
مفيد فوزى :ما تستخدمش كلمة المفروض
د/ حمدى العيسوى: ايوا
مفيد فوزى :في رقابة على الحاجات دى ؟
د/ حمدى العيسوى: في رقابة على المواد الغذائية الموجودة او معروضة فى لاسواق
مفيد فوزى : لاسواق مين اللى بيراقب ؟
د/ حمدى العيسوى: اللى بيراقب جهات التموين المختلفة مدريات التموين
مفيد فوزى :اصدك مفتش التموين ؟
د/ حمدى العيسوى: اه ممكن
مفيد فوزى :وده عند جهاز ضبطية ؟
د/ حمدى العيسوى: اه مفتش التموين عندة ضبطية قضائية
مفيد فوزى : يعنى يروح يقول للراجل طلع لى كل القرف ده من هنا شيلة؟
د/ حمدى العيسوى: المفروض يشيلة والمفروض ينحفظ عليه والمفروض ان الحاجات اللى مضى عليها استهلاك او ميعاد لاستهلاك بتاعها يتوقف عرضها فى المكان
مفيد فوزى :ستيتة وام عبد الهادى والست زينب بتاعت الجرجير تعرف الكلام ده تعرف اللو ن لاحمر واللون لاخضر واللون لاصفراللى على الجبنة
د/ حمدى العيسوى: اه تعرفة اه
مفيد فوزى :تعرفهم؟
د/ حمدى العيسوى: هى عارفة قطعة الجبنه اللى ممكن تكون سليمة معليهاش اى مظاهر الفساد وتقدر تتعرف على المادة الغذائية الفاسدة من شكلها حضرتك
مفيد فوزى : دكتورعادل سعودى عاوزك تقول للناس اايهلامراض المختلفةاو الفساد اللى بيحصل فى لالبان
د/ عادل سعودى :انا هقول لحضرتك
مفيد فوزى : متقلش لحضرتى قول للناس
د/ عادل سعودى: لاول علشان نتكلم عن الفساد ينقسم او ما يضر لانسان بينقسم الى ثلاث حلات بيسموها اخطار طبيعية اخطار كيميائية اخطار بكتربولوجية او بيلوجيكل يعنى لاخطار البيولوجية اللى هى الميكروبات التى تسبب فى امراض كثير جدا بتنتقل عن طريق لالبان ومنتجاتها الى لانسان اللى هو السل والحمى الملطية والحمى القرموزية التيفود البرا تيفود امراض عديدة جدا
مفيد فوزى : كل ده بيجى لحظة ؟
د/ عادل سعودى : احتما ل
مفيد فوزى : احتمال برضه
د/ عادل سعودى : اه طالما لانسان او الحيوان مريض ونقل الميكروب الى الاكل
مفيد فوزى : هو هو المعهد ده اسمة المعهد لاقليمى لجرد الغذاء ولا اسمعة معمل لاحتملات لجودة الغذاء
د/ عادل سعودى : الميكروبات احتمال وجودها انما فى كل غذاء فى حاجة اسمها CRETICAL CONTROL يعنى انا مراتى بتجيب لاكل من السوق فيه تلوث من جميع الجهات اايه النقطة اللى بتحكمنى وما بتخلنيش امرض ان انا فية CRETICAL CONTROL نقطة تحكم اللى هى الطبيعة اللى هى النار اللى هى الطهى دى موجودة
مفيد فوزى :يعنى دكتورعادل انا اما اجيب الشاى واحطة كدة ادامى وانا من الناس اللى ما بيعرفوش يدخلوا المطبخ ومرة حاولت ان انا اغلى شوية لبن فار وكان هيحرق الدنيا هل انا لو اخذت من الثلاجة يا دكتورعادل اللبن البارد اللى طلع من الثلاجة وحطتة على الشاى مش للاف مثلى ملايين هل ده غلط
د/ عادل سعودى : اصل اللبن اصل اللبن ايه جاى من شركة ولا من راجل
مفيد فوزى : لأ انا قصدك الراجل اللى شايل القسط
د/ عادل سعودى:ايوا
مفيد فوزى : لأ
د/ عادل سعودى:جيبة من عادى يبقى خلاص مفيش اى حاجة لان الشركة هنا حتى لو لبن
مفيد فوزى : من الثلاجة
د/ عادل سعودى : اه مفيش اى حاجة
مفيد فوزى : مش بالضرورة لان حضرتك قلت الحرارة مهمة
د/ عادل سعودى : لان هو عندة فى الشركة معاملة حراريا
مفيد فوزى : الناس الناس اذا الراجل بيخبط ويقول لببببببن
د/ عادل سعودى:يبقى لازم يتغلى لازم
مفيد فوزى : ليه
د/ عادل سعودى : لانه فيه ميكروبات جايبة من بقرة قد تكون مريضة وقد تكون لانسان اللى حلب ايدة مش نظيفة فدى فى احتملات وجود ميكروب فلازم اعمل كنترول
مفيد فوزى : لا سيبك من حكاايه كنترول دى
مفيد فوزى :الناس عايزة تفهم ببساطة
مفيد فوزى : يا دكتورعادل انت مش بتكلم هو انت بتكلم وزير لاسكان ولا وزير الصحة
د/ عادل سعودى:يعنى فى نقطة تحكم فى الميكروبات اللى هى الطهى طالما انا باطهى الغذاء كويس تأكد ان الميكروبات كلها ماتت
مفيد فوزى :اللبن يعيش كام يوم فى الثلاجة
د/ عادل سعودى:بعد تسخينة يقعد 5 6 7 ايام
مفيد فوزى : اكثر من كدة لأ
د/ عادل سعودى:لأ
مفيد فوزى :الله يعنى زجاجة اللبن بعد 5 6 ايام
د/ عادل سعودى:على حسب برضه هل هى مبسطرة مستخدمة بدرجة حرارة اعلى ما انواع التسخين المعالجة الحرارية مختلفة
مفيد فوزى :يا دكتور
د/ عادل سعودى:اه مختلفة ما هنا الوعى بقى ان لازم لانسان يقرأ يعنى انا اروح اشترى علبة اقرأ تاريخ لانتاج ايه وتاريخ الصلاحية ايه
مفيد فوزى : حضرتك فى تقديرك الشخصى انه كل الناس اللى بيشتغلوا فى لالبان من غير ما اذكر لاسماء بيقولوا تاريخ لانتاج وبعدين بيقولوا صالحة لمدة سنة
د/ عادل سعودى:المبستر 3 ايام من تاريخ لانتاج
مفيد فوزى : اعرف ازاى بالسخونه يعنى بالتسخين ؟
د/ عادل سعودى:اول حاجة ظاهرة بتظهر تلاقى اللبن قطع حتى ساعات احنا نجيبة من الراجل اللى هو على باب الشقة باستخدام لبن خام وحطيتة على النار راح قاطع منى ده معناه انه فية ميكروبات كثيرة بتنتج حامض اسمة اللكتيك اسيد او حامض اللكتيك ده بيروح فاسد اللبن بيروح مقطع البروتين بتاعة زى ما بنيجى نعمل الزبادى بس الزبادى احنا ميكروبات احنا بنحطها احنا عارفينها ومفيدة
مفيد فوزى :ايه اهمية الزبادى بالنسبة للناس تفهمة ؟
د/ عادل سعودى:بيهدى المعدة وبيضيع لالام وكدة ده من زمان جدا معروف ان الزبادى بيعالج وما يسمى تقلبات المعده ولالام وكده هو مفيد جدا لان فيه كمان دلوقتى بكتريا بيسموها بطاعة الحياة او بيسموها هى بكتيريا مفيدة جدا وطلعت فى كبسولات
مفيد فوزى : في اجبان جبنة مضافة ليها الفورمالين ؟
د/ عادل سعودى:اه هى دى بقى للاسف
مفيد فوزى :انا اعرفها ازاى الفورمالين ؟
د/ عادل سعودى:هو في اختبارات بتتكشف فى المعمل عن اضافة الفورمالين
محرر بالموقع الموحد للهيئة الوطنية للإعلام
أكد الشيخ إبراهيم جاد الكريم عضو مركز الازهر العالمي للفتوى الالكترونية أن مقومات المجتمع وصلاحه يقاسان بأخلاق أبنائه.
كشف الدكتور هشام عبد اللطيف عبد الحليم، الأستاذ المساعد بالمركز القومي للبحوث،في لقاء خاص ببرنامج "صحتك في ماسبيرو" المذاع عبر...
في حلقة جديدة من برنامج "رقائق الإيمان" المذاع عبر موقع "أخبار مصر"، استعرضت الأستاذة ميادة منير، عضو مركز الأزهر العالمي...
أكد الشيخ إسلام محمد ضيف الله، عضو مركز الأزهر العالمي للفتوى الإلكترونية، على العظمة والمكانة الخاصة التي توليها الشريعة الإسلامية...