يوسف بطرس غالي- وزير المالية

press_center

لميس الحديدى: مساء الخير ورحل عهد العوايد وجاءعهد الضرائب العقارية هذا هو اول موسم لتطبيق الضريبة العقارية فى مصر ضريبة جديدة تضاف الى الضرائب الموجودة, العالم كله عنده ضرايب عقارية موجودة فى الدنيا كلها حوالى 180 دولة اعتقد فى العالم بتطبق هذه الضريبة العقارية لكن الناس خايفة فاضل ايام قاليلة وتنتهى المهلة حوالى 3اسابيع تقريبا وتنتهى المهلة التى حددتها وزارة المالية لى تقديم اقرارات الضريبة العقارية جايبلكم كل الاقرارات اهه النهاردة علشان نتعرف عليها مين اللى لازم يقدم اقرارذالضريبة العقارية؟ مين اللى لازم يدفع الضريبة العقارية؟ ايه الحكاية الضريبة دى عبء جديد بداية جديدة من الحكومة على كاهل المواطن المصرى ايه يعنى مش قادر يدفع هذه السنة صعبة لايمكن ان تؤجل وزارة المالية هذه الضريبة لعام اخر ؟ دول كتير بتاجل ضرايبها ممكن ناجل ولا لا ؟ هل
يمكن اعفاء المسكن الاصلى يعنى انا لوساكن فى بيت هو دا البيت الوحيد اللى ليَ ممكن نعفيه ولا لا ؟ ايه هيحصل لى الايجارات الجديدة ؟ الايجارات المفروشة بيوت الفلاحين كل هذه الاسئلة سنتقدم بها لوزيرالمالية الوزيريوسف بطرس غالى اللى يعنى تفضل مشكورا انه يجلينا النهاردة علشان يشرحلنا بالتفصيل الممل هنعمل ايه هنملى الاقرارازاى ؟ نقدمه ين ؟ ازاى ممكن نتاكد ان اللجنة اللى هتقيم العقاردى مش هتنصب علينا يعنى مش هتغالى فى الارقام ؟ كل هذه الاسئلة سنتقدم بها للدكتور يوسف بطرس غالى وهنساله برضه على مادة امينة رزق فى القانون ؟ ونشوف دلوقتى اراء الشارع مرى حول الضريبة العقارية .
فاصل
مواطن 1: بسمع عنه بس معرفش عن تفاصيله حاجه
مواطن2: القانون اللى قبل ده كان بيعفى المسكن الخاص للممول الواحد بيلتمس انه يعفى المسكن الخاص
مواطن3: مش الحكومة تعمل توعية تعرف الناس ولا الضريبة تنزل على الناس فجاه يعنى
مواطن4: اى واحد عنده ملك يزيد عن 50 الف جنيه عمارة يدفع عليه ضرايب للحكومة
مواطن 5 : والله اذا كان هو بياخد من الناس ذو المركز الكبير علشان يعمل بيها شيىء للبلد يفيد البلد للناس الصغيرين ازن العمليه

مواطن 6: هو انا عندى املاك انا يدوبك باخد مرتبى يدوب باكل الاولاد وبدفع الدروس الخصوصيه بتاعة المدرسين اللى ربنا يعلم بيهم وخلصت
مواطن 7: سمعت عنه بس الحقيقة دا كلام ولا له اى معنى الشعب مش ناقص والناس تعبانه وبعدين قانون الضرايب العقارية ده بيقولك نص مليون جنيه ايه نص مليون جنيه ديه ؟ يعنى ايه نص مليون جنيه ؟ ما هى اى حاجة هتتقدرهيقولك نص مليون جنيه مين اللى بيعمل التقديرات ؟ مين اللى بيعمل الاجراءات السليمة علشان يعمل هذا الكلام ؟
لميس الحديدى: نص مليون جنيه دا هو يعنى هو المفروض اللى يكون عندنا يا دكتور يوسف بطرس غالى
د/يوسف بطرس :اللى معفى
لميس الحديدى: اللى معفى لكن فوق النص مليون لازم يدفع الناس خايفة
د/يوسف بطرس :اه طبعا خايفة اى حاجة جديدة مش مالوفه الناس بتخاف منها فى كل الدول خصوصا الضريبة لان الضريبة بقى قرف وتودى سجن وحكومة مع ان دى ما بتوديش السجن
لميس الحديدى: دى مال بتوديش لكن فيها غرامة غرامة تاخير
د/يوسف بطرس :فيها غرامة لكن دى من الضرايب اللى ما بتوديش السجن ليه ؟ لانه ما بتقدريش تهربى منها العقارواقف قدامك هتوديه فين ؟
لميس الحديدى: صعب نخبيه
د/يوسف بطرس :متقدريش تخبيه فناس كتير بتقول هندفع دى فوق العوايد دى هى العوايد هى دى العوايد بس طورنا العوايد هنسميها العوايد انا يمكن اخطات ان انا سمتها الضريبة العقارية فالاسم
لميس الحديدى: كنت خلتها عوايد
د/يوسف بطرس :هى دى العوايد
لميس الحديدى: طب خلينا بس قبل ما نخش فى التفاصيل وهذه الحخلقة التفاصيل الحقيقه كتيرة جدا
د/يوسف بطرس :بس ما تكنس ممله
لميس الحديدى: لا هتبقى مش ممله لا التفاصيل البسيطه يعنى هل مش ممكن ناجل تطبيق هذه الضريبة سنة ؟ يعنى احنا فى سنة سوده بصراحة
د/يوسف بطرس :احنا فعلا فى سنة سوده الناس اللى سيادتك شفتيهم دلوقتى ولا واحد من دول هيدع حاجه لان ولا
واحد من دول عايش فى عقار بنص مليون جنيه طبعا اخرهم قال طب مين اللى هيقول على النص مليون طب ما هما
الناس بتوع الضرايب اللى هيقولوا على النص مليون دا غير صحيح احنا دلوقتى جايبيين لجنه من جامعة عين شمس من
الاساتذه دلوقتى زى ما انا جبت لحضرتك هنا فى اساليب لى التقيمم العقارى مش واحد بينزل بجلابيه ويقولك العقار ده
بكذا فى اساليب حضاريه وحديثه العالم كله زى ما حضرتك قلتى فيه 180 دولة بيطبقوا الضريبة وال 180 دولة بيمشوا
بالطريقه دى انه بينزل بيقيم العقار وبياخد الضريبة على القيمة سواء القيمة ايجاريه او قيمة العقار بنفسه فبيقم بيقيموا
ازاى فيه اساليب احصائية معروفة فى العالم انا جبت لساعتك كتاب وبتطبق فى كل دول العالم معروفة كيفيه تقييم
مجموعه كبيرة من العقارات من غير بقى ما بنزل على كل عقار واخش جوا وقالوا ورينى البلكونه ومش البلكونه
فالنهاردة بنكون مجموعه من الاحصائيين والمهندسين من كلية هندسة عين شمس مع كلية الاقتصاد والعلوم السياسيه
اللى انا جاى منها مع مجموعه من الخبرا معهد الاحصاء ومع مجموعه من الخبراء فى مركز اتخاذ القرار فى مجلس
الوزرا كلهم مجموعه من الاحصائيين هيركبوا الاساليب الاحصائية اللى هى هتسمحلنا ان احنا نقيم وندى للجان اللى هتنزل
قيمة تاشيريه نقولوا الاحصاءات بتاعتنا بتقول ان المنطقة دى المتر فيها بكذا دى بتعتمد مش بس على تقييم بالعين كده
بتعتمد على مبيعات فعليه فى التلت اربع سنين اللى قبل النهاردة
لميس الحديدى: قد تكون هناك مبالغه يا دكتور
د/يوسف بطرس :مفيش مبالغه لان الاساليب دى بتضمن انه دا اسلوب احصائى ما بقدرش اخش فيه يعنى دا بديله المداة
الخام وهو بيطلعلى قيمة ما بعلبش فيه
لميس الحديدى:بس هتشتغلوا على القيمة السوقيه
د/يوسف بطرس :اه طبعا
لميس الحديدى: طب ما هو انا القيمة السوقيه انا ذنبى ايه انا اشتريت هذا العقار ب100 الف جنيه هو قيمته السوقية
زادت وكبرت بقت نص مليون
د/يوسف بطرس :مازال معفى 300 الف مازال معفى
لميس الحديدى: ايوه حتى لو زاد عن نص مليون جنيه انا لا ببيعه ولا بشتريه انا عايشه فيه
د/يوسف بطرس :دا صحيح لكن النص مليون ده دا جاى من ايه ؟ من تنمية شاملة بتحصل فى المجتمع من نشاط
اقتصادى بيحصل فى المجتمع كلنا شركاء فيه فدا اسلوب لمشاركة الممول بمبلغ معين انا ممكن اربطه بى دخل زى
ضريبة الدخل ممكن اربطه بحاجة تانيه زمان كان بيربطوه بعدد الشبابيك اللى موجود فى فرنسا مثلا فى القرن ال 17 و
ال 18 كانه بيربطوه بعدد الشبابيك اللى حوالين البيت عندك 5 شبابيك تدفعلى ضريبة كذا فده اسلوب علشان نخلى
المواطن القادر يساهم فى موارد الدولة بحيث ان احنا نقدر نصرف على غير القادر النهاردة 95,5% من اسر مصر مش
خاضعه للضريبة
لميس الحديدى: ليه بتقول كده ؟ ليه يعنى جبت من حضرتك هذا التقدير ؟
د/يوسف بطرس :المسح السكانى بيمسح مناطق كتيرة قوى بيعد الناس وسكانه فين ؟ ومين اللى عنده حنفية ومين اللى
معندوهوش حنفيه ؟ مين اللى عنده بيته بطوب لبن ومش بطوب لبن ؟ يعنى بيجيب بيانات ضخمة جدا من ضمن هذه
البيانات الابحاث اللى عملناها لما كنا بنحط هذه الارقام بينت ان الجزء الاكبر من الغالبية المصريه عايشه فى بيوت اقل من
نص مليون فحتى لحد مليون لو تبصى حتى فى القانون بناءا على طلب النواب فى مجلس الشعب الجدول اللى بيقولك كل
قيمة بتدفع كام لحد مليون جنيه هيدفع فى الشهر 55جنيه يعنى 660 جنيه فى السنة فى حد عايش فى مليون جنيه ما
يقدرش يدفه 660 جنيه؟
لميس الحديدى: لا بيقدر يدفع طبعا انا هاجى للجدول ده وعندى صور كده هوريها لحضرتك وكل الكلام ده لكن تانى
ارجع هل هذا عام ازمة اقتصاديه فى امريكا مثلا عملوا رديت رجعوا الضرايب للناس
د/يوسف بطرس :بس ما رجعوش الضريبة العقارية
لميس الحديدى: بس رجعوا الضرايب التانيه
د/يوسف بطرس :اللى هى بتاثر على النشاط الاقتصادى دى ما بتاثرش على النشاط الاقتصادى
لميس الحديدى:ايوه بس الناس مش قادرة تدفع
د/يوسف بطرس :اللى بيدفعوا دول قادرين
لميس الحديدى: ليه ما ناجلش لسنة تانية ما هو القادرين دول يقولك ما انا بشغل ناس ما انا بوظف ناس ما انا
د/يوسف بطرس :القادرين النهاردة اللى نقدر نساهم بيه علشان ما ندخلش البلد فى مشكلة اكبر انا النهاردة بقترض 100
مليار فى السنة كنت من سنة بقترض 70 ال 100 مليار دى ابنك وابنى هيدفعوها ديون لو قدرت من 100 اقترض 99
بدل من 100 شيلت من على كاهل ولادنا احنا وانا اتمنى اشيل الضرايب كلها وما خدش حاجة اولا لحاجتين 1: اتنازل
عن دخل اضطر استلفه عندنا دعم وعندنا تعليم ومش مكفى فهخفض مصروف مش هقدر اخفض الايراد نزل قناة
السويس نزلت لى 23 ، 27 % الضرايب نازلة 27 % فاحنا قلنا ماشى هنعدى المنطقه دى وهنستلفها بس هنستلفهم
دى حاجة
لميس الحديدى: اه ومنقدر نكمل كده على طول
د/يوسف بطرس :منقدرش لانى اللى هيدفعهم ابنى وابنك وقت ما هيجوا يدفعوا هيبقى عندهم فلوس داخله معظمها جاى
بتدخم على الدين طب هيصرف ايه ؟ التانى كل الدول وسعت العجز واحنا وسعنا العجز احنا كان العجز 6,9 وسعناه لى 8
لميس الحديدى: هيزيد لى 10
د/يوسف بطرس :لا 10 لا هيزحلق شوية ربنا يستر الكلام ده انا مضطر انى انا ازنق على نفسى واحاول اجيب بقدر
الامكان اقدر اجيبه من غير ما زود الطين بله وافرمل الاقتصاد اكتر ليه ؟ لانى خايف اللى هيحصل كمان سنة اتنين او
تلاته
لميس الحديدى: هناك راى اخر يقول انا بدفع الضريبة دى فى دول اخرى مقابل خدمات مقابل شارع مرصوف مستشفى
بتعملهالى الدولة مدرسه بتعملهالى بصراحة يعنى المواطن يشعر انه لا يحصل على هذه الخدمات بالقدر الملائم فانا حاسه
انى انا كل شوية بتقولى هتدفعى ضريبة جديدة وانا هقولك حاضر هدفع الضريبة وانا شايفه الضريبة دى لا احصل على
هذه الخدمات بالجوده خلينى علشان اكون دقيقه بالجوده
اللى مطلوبه يعنى
د/يوسف بطرس :انا معاكى دا صحيح لكن المراحل بتطور انا مقدرش اقارن الطرق والكبارى بتاعتى النهاردة فى دولة
ناميه متوسط دخل الفرد فيها تقريبا 3 تلاف دولار
مع الطرق والكبارى فى امريكا متوسط دخل الفرد فيها 40 الف دولار ولاحتى فى دولة انا لما اقارن نفسى بدول اللى فى
مستوايا انا نجد ان احنا ماشيت بالمؤشرات اللى هى على ادنا صحيح مش جيده والتعليم ناقص حاجات والصحة ناقصة
حاجات لكن بنطور فيها يعنى عاوزة تقوليلى ان حالنا اقتصادنا النهاردة زى حالنا الاقتصادى فى 2003 لا اتحسن بس ما
تحسنش بالشكل اللى احنا عايزينه وما بحسنش بالقدر اللى انا عايزة اديه للمواطن لكن بحسن على حلافك بمد رجليا
لميس الحديدى:متوقع تاخد كام من الضريبة دى؟
د/يوسف بطرس :محدش عارف لان لحد النهاردة القانون القديم العوايد اولا كان سعره 46%
لميس الحديدى: ماكناش بندفعه عايز الحقيقه يعنى
د/يوسف بطرس :لا فيه ناس بتدفع وناس ما بتدفعش وحاجات كده غير صحيحة وغير دقيقه فمحدش عارف حصل طفرة
فى العمران المجتمع من حقه انه الطفرة فى العمران العمران اللى هو من القادر ياخد منه حته علشان يساهم على اللى هو
مش قادر احنا قلنا هنعفى العقار اللى بنصف مليون لو اشرحلك بقى طريقة الاعفاء هتبين السؤال اللى هو عاوزين نعفى
لميس الحديدى: قبل طريقة الاعفا مين اللى لازم يعنى دولوقتى حضرتك بتقول فى مهله لى اخر الشهر علشان نقدم
الاقرارات دى نعمل ايه يعنى ؟
د/يوسف بطرس :الاقرار هتلاقيه فى مامورية الضرايب احنا عندنا كتيب بيبين عناونها
لميس الحديدى: مامورات الضرايب العقارية ولا ماموريات الضرايب العاديه ؟
د/يوسف بطرس :لا لا لا ماموريات الضرايب العقارية احنا عندنا كتيب بيتوزع عندنا كام نسخة هنوزع منه فى الغرف
التجاريه
لميس الحديدى: او ممكن تنزلهلنا على التليفزيون برضه زى اعلانات يعنى زى
د/يوسف بطرس :حطناه فى الجرايد بعناوين الماموريات فى اى ماموريه موجود حتى على النت هتلاقى الاقرار موجود
على النت
لميس الحديدى: مين اللى يروح كل الناس ؟
د/يوسف بطرس :اى حد مالك عقار يروح
لميس الحديدى: بما فيه اللى حضرتك بتقول اقل من نص مليون جنيه ؟
د/يوسف بطرس :لانه تقديم العقار ما يعنيش ان هو هيدفع تقديم الاقرار ما يعنيش انه هيدفع مجرد حصر لازم ابقى عارف
فين العقارات ؟
لميس الحديدى: بدل ما انتم بتقوموا بحصر الثروة العقارية
د/يوسف بطرس :احنا بنحصرها حته حته لكن هتاخد وقت فا الافيد ان صاحب العقار يجى يقولى انا عندى شقه فى الحته
الفلانيه فى الدور الفلانى
لميس الحديدى: اول حاجة ان كل الناس من يملك عقار عقار اللى هو ايه ؟
د/يوسف بطرس :شقه او مبنى
لميس الحديدى:او كشك؟ مكتوب هنا كشك يعنى مكتوب هنا منزل فيلا شقه كشك عوامة منشاه تجاريه او صناعية ايا
كانت مادة بناءه طوب احمر خشب حديد الى اخره
د/يوسف بطرس :الكشك دا مش هيدفع بس ابقى عارف ان فيه كشك
لميس الحديدى: للحصر فيه ناس بتخاف قوى من الحصر اه ابتدوا يدوروا علينا
د/يوسف بطرس :شوفى القانون ده بيحارب فى معظم الدول اللى طبقته من الطبقة اللى هتدفع الطبقه اللى هتدفع احنا
رفعنا سقف الاعفاء قوى يعنى فاضل اللى هيدفعوا الساكن فى نص مليون وطالع وحتى لحد مليون هيدفع 660 جنيه اللى
ساكن فى مليون وطالع
لميس الحديدى: ما النص مليون وطالع هى دى الطبقة المتوسطه يا دكتور
د/يوسف بطرس :لا الطبقة المتوسطة لو تبصى من 200 الف لى نص مليون وحتى لحد مليون لما يدينى 55 جنيه فى
الشهر كتير ؟ فنرجع تانى
لميس الحديدى: احنا دلوقتى هنقدم القرار لكل من يملك عقار سعره انت مش عارف سعره
د/يوسف بطرس :الاقرار بيقولك ان كنت ماجره حط القيمة الايجاريه مش عارفها ما تحطش
لميس الحديدى:طيب جميل هنشوف نمازج يا دكتور من الاقرارات يعنى نموزج نوعى الوحده فيلا مزدوجه ممكن نحط
نمازج ارارات لو سمحت على الكاميرا لا هى كده مش باينه قوى يعنى فيه نمازج مختلفه من الاقرارات بيقولك فيلا
مزدوجه فيلا منفصله غرفه بالسطوح بدروم يغعنى هو الواحد لازم يملى كل هذه الاشياء قولى بقى هندفع كام اشرحلى
كده نموزج هندفع كام ؟
د/يوسف بطرس :شوفى على حسب قيمة العقار نفترض انه المصلحة ناس امينه وهتقيملك قيمة العقار بقيمته السوقية
بتاعة الارض لحد نص مليون مس هتدفعى حاجة عند نص مليون بالظبط هتدفعى 30 جنيه فى الشهر وفيه جدول مرفق
بالقانون انا انا ما بالفش لحد مليون جنيه هتدفعى 660 جنيه فى السنة يعنى 55 جنيه فى الشهر لو قيمة العقار مليون
جنيه شوفى بقى يعنى حاولى تتصورى الواحد عايش فى عقار قيمته مليون جنيه شكله ايه العقار ؟ انا لما بروح شبر فى
الدايره عندى فى شبرا ما فيش حد بيقرب من 200 الف ناهيك بقى بنتكلم فى مليون جنيه
لميس الحديدى:طب ايه قصة الوحده التامه وغير التامه يعنى ايه وحده تامه ؟
د/يوسف بطرس :تامه يعنى قابله للسكنه
لميس الحديدى: يعنى ايه قابله للسكنه ؟
د/يوسف بطرس :انتهت يعنى من مرافقها
لميس الحديدى: يعنى المرافق دخلت ومتشطبه والكلام ده كله طب لو واحد عنده بيت او شقه ولسه ما تشطبطش او ما
دخلتهاش الكهربا والكلام ده كله
د/يوسف بطرس :لو غير قابله للسكنه انا مش هاخد اى حاجه القانون بيعرف دى بدقه ولايحته بتعرفها بدقه لو مش قابله
للسكن يعنى متقدريش تسكنى فيها مش هتدفع ضريبة لازم تبقى قابله للسكنه طبعا لو قلنا مفيهاش مرافق هتلاقى كل اللى
عندهم شقق راحوا شايلين عداد الكهربا
لميس الحديدى: واحده صاحبتى قالتالى امبارح هشيل عداد الكهربا
د/يوسف بطرس :هتلاقى الجميع شال الحنفيات فهى لما تبقى قابله للسكنه يعنى ممكن تسكنى فيها صحيح لو مش
متشطبه هتبقى قيمتها الايجاريه اقل مما ما بتتشطب لو مش متشطبه خالص لكن برضه قابله للسكنه هتبقى قيمتها
الايجاريه تلت المتشطبه كل ماشى بنسبه وتناسب
لميس الحديدى: طب وماذا عن الوحدات الغير مسجله
د/يوسف بطرس :لا انا مهيمنيش مسجلة او مش مسجله مدام شايفها قدامى خلاص دى من جمال الضريبة دى
لميس الحديدى: جمالها بالنسبه لحضرتك
د/يوسف بطرس :جمالها بالنسبه لانها متقدريش تهربى منها ولذلك مفيهاش حكم سجن لان هتهربى تروحى فين ؟ العقار
قدامى
لميس الحديدى: فيها غرامة؟
د/يوسف بطرس : فيها غرامه
لميس الحديدى: من كام لى كام يا دكتور ؟
د/يوسف بطرس : مش فاكر موجودة فى القانون وبعدين فيه غرامة على التاخير يعنى تجيبى الفلوس متاخره فيه سعر
الخصم بتاع البنك المركزى زائد ال 2% بتدفعيهم غرامة تاخير علشان احافظ على القيمة لانه متاح للمول انه يطعن مش
عاجبه القيمة انتم نصابين عندنا لجان طعن مكونه زى اللجان الطعن اللى فى الضرايب على الدخل معجبوش قرار لجنة
الطعن ممكن يروح محكمة
لميس الحديدى: طب هرجع تانى لطريقة التقييم مثلا بعض المساكن فى المناطق الشعبيه شبرا وفى بولاق والحتت دى
سعر المتر بقى غالى جدا يمكن اغلى فى اماكن جديدة
د/يوسف بطرس : دا سعر التحويل انا باخد لما بنعمل المسح الاحصائى بناخد سعر بيع الوحده للسكن للاستخدام هو
السعر غالى ليه ؟ انى انا اهد اللى عليها واطلع بى حاجة فيها 30 دور لا انا عاوز اعرف سعر دى زى ما هى
لميس الحديدى:لما اجى ابيعها
د/يوسف بطرس : لا لما اجى ابيعها زى ما هى وهتعد زى ما هى فانا باخد اسعار بيع وشرا للوحدات اللى موجودة قدامى
ما بخدش ان واحد هياخد 2000 متر ويهد تلت تدوار ويبنى برج 40 دور او 20 دور ما دى هيبقى سعر المتر فيها
بلاوى لها طرق احصائية بحيث انه الاماكن اللى بيبقى فيها سعر المتر قاتل هو قاتل لانه هيحولها لى حاجة اكثر قيمة لكن
لو قلتليه خليها تلت تدوار ما تدفعش لانه ما بيعرفش ياخد فيها المتر اللى هو عايزه ده هى بتتعمل على هذا الاساس فباخد
اسعار فعليه لمده 3 ، 4 سنين بنربط الاسعار دى بمواصفات للعقار بطريقة احصائيه
لميس الحديدى: يعنى بمعنى العقار مثلا فى مكان متميز فى شارع واسع
د/يوسف بطرس : يعنى مثلا الشارع 6 متر نشوف قيمة العقار كام ؟ الشارع 12 متر نشوف قيمة العقار بيع فعلى ما
بقدرش انا بروح لسماسرة وبتاع احنا عندنا شبكة بيعرفوا العقار ده بكام
لميس الحديدى: يعنى انا اقدر اطعن كممول
د/يوسف بطرس :وعندك لجنة محايده فيها مستشار وناس من وزارة الاسكان وناس من الاهالى
لميس الحديدى:الطعن ده هياخد وقت طويل ؟
د/يوسف بطرس :لا فى ساعتها فى ساعتها طبعا على حسب كمية الطعون يعنى لو كل الناس طعنت بس معتقدش يعنى ان
هطعن على ضريبة 50 جنيه فى الشهر
لميس الحديدى: طيب قضية المسكن الحقيقى قضية المسكن الاصلى انا اسكن هذا المسكن وهو مسكنى الوحيد وفيه دول
زى ما كنا بنتتكلم قبل البرنامج فى دول بتعفى هذا المسكن وانا دا بيتى الوحيد
د/يوسف بطرس : دا بيبقى جزء من المنظومة ضريبة الدخل بتاعتهم بياخدوها بطريقة تانيه هشرحهالك دلوقتى نقارن
سيادتك ساكنه فى قصر حمام سباحة جنينه 5 فدادين غزلان بتتنطط فى الجنينه ودا بيتى اسرتك وعايشه انتى فيه انا
عايش فى عشه اوضتين وعفشية ميه هتقوليلى لما اعفى بيت الاسرة بتاعك زى ما انا اعفى بيت الاسرة بتاعى ؟ مش
عدل هنفرض سيادتك عند 4 بيوت كل واحد اقل من نص مليون وانا عندى بيت واحد اقل من نص مليون الاعفا اللى
خدتيها اكبر منى خدتيه 4 مرات لكن الاعفا انا مدهولك بالطريقه دى ليه ؟ وناس قالت وبيتناقش فى مجلس الشعب انا
مدهولك لان البيت ابو نص مليون ده هيسكن فيه طبقة معينه من الشعب لو انا اعفتلك اول واحد بس وقلتلك ادفعى على
الباقى انتى هتحملى الضريبة دى للى ساكن فيه واللى ساكن فيه هو دا اللى عاوز اعفيه فانا بدال ما اعفى بيت واحد لكل
اسرة ومببقاش عارف القيمة انا اعفيت بيت قيمته نص مليون ان شا الله يكون عندك 10 بيوت مدام بنص مليون يبقى
انتى بتخاطبى طبقةانا عالوز اعفيها فايا كان العدد هعفيلك ابو نص مليون ادى بيت الاسرة عايزة تعفى بيت الاسرة اقعدى
فى بيت بنص مليون او اقل يعنى مش شرط نص مليون بنص مليون او اقل نيجى مثلا لشركات التنمية العقارية اللى ابتدت
تظهر دلوقتى وبتعمل مساكن شعبيه بى الالفات هعفيله اول نص مليون والباقى هاخد عليه ضريبة شقق 70 متر الواحدة
ب 150 الف لكن لان انا اعفيت اول واحده وخدت على الباقى اللى داخل فيها هيبقى يدفع فانا اعفيت كل عقار بنص
مليون حتى لو عندك 20 منهم ال 20 هيسكن فيه ناس انا عاوز اعفيهم
لميس الحديدى: طب هتعمل ايه فى البيوت فى القرى والارياف وكده ؟
د/يوسف بطرس : ولا حاجة هتوصل لى نص مليون وبعدين القانون بيعفى الملحقات اللى مستخدمة لى استغلال الزراعه
جرن معرفش مين كل المبانى المعمولة للاستغلال الزراعى الزراعة نادر قوى لما تلاقى قصر من القدام بتاعه ضخمة دا
هيدفع امتى ؟ وهيدفع مبلغ هايف لكن البيوت الناس العاديه اللى الناس عايشه فيها
لميس الحديدى: طب ماذا عن الايجارات الجديدة يعنى؟ يعنى البيوت ذات الايجارات الجديدة مين اللى بيدفع المستاجر ام
المالك
د/يوسف بطرس : على المالك فى جميع الاحوال المالك بقى اللى مزنوق فى بيت ايجارات قديمة محدده بالقانون ما
بخدش منهم معفى لان دا القانون فارض عليه انه ما يقدرش يستغل العقار ده لازم ياخد ال 3ولا 5 جنيه اللى بياخدهم
بقاله 40 سنة العمارة كلها بيجيب 20 جنيه ما بخدش منه ومعفى بنص القانون لحد ما يتفك العقار لما مثلا واحد يموت
ملوش ورثة وبتاع الشقة تطلع وتبقى ايجار جديد وقتها اقوله هات ضريبة عقاريه لكن طول ما هى قاعده فيها ناس احنا
عندنا تقريبا مليون ونص عقارات بالمنظر ده بتدفع 3 جنيه و 54 جنيه دا مش خاضع للضريبة وده تلاقى ناس كتيرة
اللى خاضعه النهاردة العوايد هيجلها جواب ابتداءا من اول يناير انها معفيه لانى قبل كده ما كنش فيه اعفا كان فيه نص
اوضه 3 متر كلام كده غريب فى القانون القديم النهاردة فى عقارات كتير بتدفع عوايد قيمتها اقل من نص مليون دا هيجله
جواب فى اول يناير يقولوا العقار بتاعك فى الحتة الفلانيه فى الشارع الفلانى فى الدور الفلانى معفى لا يستحق عليه
ضرايب وهنبتدى ندفع الجوابات دى تجدى احنا عملنا مسح سريع للحتت اللى لا يمكن يطلع منها حاجة هتلاقى حتت فى
مصر الجديدة
لميس الحديدى: فى مصر الجديدة ؟
د/يوسف بطرس : اه فى عمارات الشقه فيها 200 ، 300 الف
لميس الحديدى: انا عارفه ان فيه تليفونات انا عايزة الدكتور بس يشرحلنا هنا وبعدها على طول هناخد التليفونات
د/يوسف بطرس : دى طريقة التقييم انا قلت زمان لما كنا بنشرح التقييم انه بنقسم الجمهورية لى مناطق ا ، ب ، ج ، د
،ث ونقسم كل منطقه الى حتت مناقطة مناطق راقيه مناطق اقل رقى دا عملناه فى منطقة الشيخ زايد تجدى ساعتك
المناطق متقسمه الوان كل واحده لها طابع خاص بيها هتجدى قيمة المتر هنا والقيمة الايجاريه هنا غير هنا والقيمة هنا
غير هنا
لميس الحديدى:ادينا مثلا يا دكتور
د/يوسف بطرس : يعنى المنطقة واحد شقق المتر فيها متوسط سعر المتر المربع فيها 2000 جنيه فيه مناطق تانيه
منطقه 9 الزرقا دى المتر فيها 4300 بين هنا وهنا ما يجيش كيلو وبين هنا وهنا ما يجيش 100 متر
لميس الحديدى:ولكن القيمة بتختلف
د/يوسف بطرس : بتختلف لانه البيئة بتختلف هنا انا معرفش المنطقه دى بالذات لكن تلاقى هنا الشوارع واسعه
لميس الحديدى: ممكن تلاقيها هنا فلل وتلاقى
د/يوسف بطرس : وسطها منطقة عشوائيه
لميس الحديدى:والقاهرة كلها كده والجيزة كلها كده
د/يوسف بطرس :بالظبط هل هاجى على العشوائية واقله دا معفى والفلل هتدفع اللى جنبيه هلاقى عمارات فيها شقق
الشقق ب 400 الف 450 هتبقى معفيه فاحنا مقسمين الجمهوريه بالكامل الحتت اللى بنخشها بالتقسيمة دى وكل حته
ليها احصاء بنحسب بيها بعيده عن اى تقدير شخصى
لميس الحديدى: هو دا المهم لانى بصراحة يا دكتور الناس قلقانه من التقييم
د/يوسف بطرس :عندهم حق دى 6 اكتوبر شوفى الاماكن جنب بعض حته على الشارع لها طبيعه معينة ورا لها طبيعه
تانيه بتدى على مناطق عشوائيه لها طبيعه نمرة 6 فكل واحده بتبقى متجانسه لو متجانسه فى شارع واحد هتلاقى
الشارع لون تانى يعنى مثلا الحته الصغيرة دى
لميس الحديدى:وبالتالى التقييم كله كل المنطقة الواحده بيبقى زى بعض
د/يوسف بطرس : بيبقى شكلهم واحد بيبقوا زى بعض
لميس الحديدى: بس ممكن زى ما حضرتك قلت حته على شارع واسع على شارع جانبى على شارع مش عارفه ايه

د/يوسف بطرس : فى المنطقة الواحده بيبقى فيه درجات
لميس الحديدى:قد يختلف التقييم داخل المنطقه الواحده
د/يوسف بطرس :اه طبعا داخل المنطقة الواحده مثل اللى على وش الشارع الشارع دا واسع ونضيف هيبقى له قيمه اللى
على حارة هيبقى ليه قيمه احتمال كبير اللى بيدى على حارة قيمته ما تستحملش لان البيع والشرا فيه بيبقى ب300 الف
ب 400 الاف خلاص اللى فوق هيقولى دا بمليون جنيه لانه بيطل على معرفش ايه فى ايه وما بخدش انا مره اخرى انا
باخد بيع فعلى تاريخى لمده 3 ، 4 سنين قبليها
لميس الحديدى:البيع الفعلى ده حضرتك بتاخد 10 بقى يعنى مثلا البيت دا بقى قيمته 700 الاف جنيه مثلا حضرتك بتقيم
انا هدفع قد ايه 10% من القيمة الايجاريه يا دكتور
د/يوسف بطرس : شوفى الجدول اهو احنا سهلنا على الناس الجدول جزء من القانون يبص انا بيتى 700 الف هدفع
282 جنيه فى السنة محطوط فى الجدول
لميس الحديدى:طب مليون مثلا ؟
د/يوسف بطرس :مليون هتدفعى 660 جنيه فى السنة مليون ونص هتدفعى 1292 جنيه فى السنة يعنى 107 جنيه فى
الشهر
لميس الحديدى: طب هتعمل ايه فى السواحل بقى وفى مارينا
د/يوسف بطرس :كله القيم اهه على حسب القيمة فى الساحل الشمالى فى حتت ب 5 مليون و10 مليون سيادتك عارفها
وفى حتت ما تجبش ال 100 الف عشش كده على البحر العشش مش هتدفع
لميس الحديدى: واللى عنده اكتر من عقار يا دكتور
د/يوسف بطرس : يحطهم وعملنا اقرار
لميس الحديدى:بس ما بندفعش قيم متزايده لاكتر من عقار ؟
د/يوسف بطرس :لا كل عقار بيتحسب بمعرفته فيه اقرار ضريبى حاطط مجال 10 عقارات
لميس الحديدى:فى مجمع فى اقرار واحد
د/يوسف بطرس :فى مجمع واحد ممكن احط 10 عقارات وحطينا صفحة للعقارات اللى بالمشاع لان فيه حاجات كتير
بالمشاع تلاقى عيله وارثة بيت وفيه 50 وريث يسجل ان انا بملك البيت ده بالمشاع والملاك التانيين اهم ممكن يعمل
حاجتين يا اما يدفع عن حصته هو او يدفع عن كل الباقيين وهو يتفاهم معاهم ويقسموا هما مع بعض او لو ما بيكلموش
بعض مثلا بيبقوا متخناقين ومتخاصمين بيقول انا ادفع عن حصتى
لميس الحديدى: والباقى يدفع طب واللى عنده شقق مفروشه والشقق دفع عنها اوردى ضريبة دخل
د/يوسف بطرس :ماهى دخل مش عقار
لميس الحديدى: هيدفع دخل وعقار ؟
د/يوسف بطرس : ممكن يطرح العقارى من الدخل الوعاء اللى بيدفع عليه الدخل ممكن يطرح منه الضريبة العقارية
الضريبة تكلفه انت دخلك من الشقه هتطرحى منها التكاليف من ضمن التكاليف الضريبة العقارية التكاليف اللى بحطها فى
ضريبة الدخل هى الضريبة العقارية
لميس الحديدى: جميل لا دى كلها معلومات جميله جدا طب منخافش الى حد ما ما نخفش طيب انا عندى برضه صورة هنا
مش عايزة اقول يعنى دا بقى للقادرين شوية
د/يوسف بطرس :اه شوفى بقى القادر ده
لميس الحديدى:مش قادرين قوى يعنى دى فيلا تقريبا بى
د/يوسف بطرس :كل دا مش قادرين قوى دا انا نص الدايرة تسكن هنا
لميس الحديدى: مثلا يعنى مش قصر قوى انا مش عايزة دا مثلا هيدفع كام
د/يوسف بطرس :الاعلان بيقول ب 900 الاف ال 900 الف هيدفع 534 فى السنة كل المولد ده على دى
لميس الحديدى:مش معقوله يعنى قليل
د/يوسف بطرس :قليل دا انتى لسه بتقولى الحقونا هنموت
لميس الحديدى:لا يعنى دا عنده شجرتين وحاجات كده
د/يوسف بطرس : دى ب 900 الف وشجرتين وتلاقى فيه بسين مستخبى فى حته
لميس الحديدى:بتعدوا الحمامات كمان
د/يوسف بطرس : البيت كله بتقيم دا بيتباع ده يعنى مش محتاج حتى اقدره ب 889 الف يعنى 900 الف دا هو هيدفع
534 جنيه كم مصرى ساكن فى ده ؟
لميس الحديدى: عدد قليل قوى طب ناخد تليفونات بقى كتيره جدا سهام من القاهره اتفضلى يا سهام
سهام:ايوه سلام عليكم من فضلك انا اتبع مامورية ضرايب الزتون وبعدين رحت اقدم الاقرار على ان الشقه دى انا ساكنه
فيها من 9 سنين قاللى عليكى 500 عوايد بغرامة عوايد و 500 نظافه فى اربع سنين قلتلوا مال الحكومة بتاخد مننا
نضافة قالى دا من 2006 فعليكى بقى 4 سنين عليكى بقى 500 جنيه نضافه
د/يوسف بطرس : 500 جنيه نضافه ؟ متدفعيش النضافة
سهام:وال500 التانيين عوايد وغرامة عوايد انا مجاليش حاجة علشان ادفع غرامة عوايد
لميس الحديدى: فعلا عندنا عوايد لسه بتجلينا
سهام:انا انا مفيش حاجة جاتلى رسمى علشسان ادفع غرامة تاخير
لميس الحديدى:سمعناكى يا سهام شكرا يا سهام اسمعى الوزير
د/يوسف بطرس :القانون بيقول استمر فى دفع اللى انت بتدفعه لحد ما نجيلك بالجديد
لميس الحديدى: احنا هندفع صحيح امتى يا دكتور ؟
د/يوسف بطرس :لحد ما اجيلك انا لازم احصر 30 مليون عقار فانتى بتقوليلى الحقنا من الضريبة الضريبة مش كلها
هتطبق بكره لسه على بال من نقيم
لميس الحديدى: يعنى سنة مثلا
د/يوسف بطرس :اكتر لا فيه ناس هيبقى قدرنا نقيمها هنجيلها بدرى اللاى عنده هيدفع اه طبعا مش هروح اضيع وقتى
فى حتت مش هطلع منها بحاجه فدول لما اجيله هقله من هنا ورايح بطل تدفع اللى انت كنت بتتدفعه وخش على الجديد
الناس اللى انا عارف هتتعفى يعنى زى ما كنت قلت لساعتك فى شهر يناير هيجى جوابات لى الالافات مؤلفة من الملاك فى
القاهرة فى مناطق عارفين ان مفيش حاجه فيها بتعدى النص مليون هيجيله جواب من الاول هيقله انت معفى
لميس الحديدى:جواب الاعفا ده هيبقى سعاده بالنسبه لناس كتير
د/يوسف بطرس :هيجى يقولك انت معفى مش ها نيجى ناحيتك بس قدملى الاقرار وقتها علشان احصرك لكن هيجيله
جواي هيقله من الاول احنا عارفينك معفى
لميس الحديدى: طب الصيانه يا دكتور هتسحبوها ازاى يعنى ؟
د/يوسف بطرس : الصيانه متشاله من القيمة الايجاريه الضريبة 10% على القيمة الايجاريه لكن بنشيل من القيمة
الايجاريه 3% علشان الصيانه
لميس الحديدى: احنا بندفع بالفعل 7% مين معانا ؟عطيه من بنى سويف اتفضل يا عطيه
د/يوسف بطرس :انا هشوف حكاية النضافه دى
لميس الحديدى: لا نضافه مش هندفع ثوانى يا عطيه خليك معانا معلش
د/يوسف بطرس :لا هقول لساعدك مصلحة الضرايب العقارية تذكرى زمان من سنة زمان من سنة وشوية الموظفين قالوا
عاوزين ننضم للماليه وعاوزين نمشى من المحليات وبتاع كانه تبع المحليات وكانه بيلموا حاجات تانيه بالاضافه الى
الضريبة العقارية منها رسوم نضافه رسوم حدائق حاجة اسمها رسم البوبى
لميس الحديدى: ايه رسم الكلب ده؟
د/يوسف بطرس : انت عارفه لما يبقى عندك كلب لازم تدفعى رسم فيه قانون فى حته بيقول لازم تدفعى رسم على الكلب
لاز ترخصيه مش بيبقى عنده ميداليا كده حوالين رقبته
لميس الحديدى: الدولة بتدفعنى رسم للكلب
د/يوسف بطرس : مش تبعى فكانه بيلموا الحاجات دى غالبا اللى بيقلها عليه دى كان رسم محليات نضافه للمحليات
بيحصلوا لحساب المحليات
لميس الحديدى:دلوقتى النضافه على الكهربا وانا بقول للنهاس ما تدفعوش النضافه اللى على الكهربا بنحرض الناس
عطية اتفضل يا عطية
عطيه:مساء الخير يا استاذة لميس
لميس الحديدى:عندك كلب يا عطية ولا ايه ؟
عطيه:لا الحمد الله معندناش مساء الخير يا سعاد الوزير
د/يوسف بطرس : اهلا
عطيه:القرى بتبقى ساعتك غالبية المنازل فيها ورثة وكده وملهاش عقود فانا لما اروح اقدم الاقرار بتاعى بيقولى ادينى
صورة العقد وادينى صورة البطاقه
د/يوسف بطرس :لا شوف هو له عندك الاقرار وتملى الاقرار وتحط الرقم القومى لا تديله البطاقه و لاصورة عقد ولا اى
حاجة تدى الاقرار بعد كده لما نيجى نفحص ونيجى نبص هنبقى نقولك ورينا صورة عقد او غيره انت ليك المصلحة طبعا
مش ممكن هتطور بين يوم وليله وهتاخد وقت والناس بعض العاملين فى المصلحة صحيح ناس كويسين وعارفين لكن
النظام جديد واحنا واخدين على انه نطلب ورق هات العقد وهات معرفش مين وهات صورة ايه وشهاد الميلاد لمجرد انى
انا احمى نفسى وقسيمة الطلاق الى اخره هما لهم عندك الاقرار املى الاقرار وحط القسم صح حط الرقم القومى صح
العنوان صح وبس قالك الباقى قله موجودين عندى لما تحتاجهم ابقى تعال خدهم
لميس الحديدى:جميل عبد المنعم من القاهرة اتفضل يا استاذ عبد المنعم
عبد المنعم: مساء الخير
لميس الحديدى:مساء النور على صوتك من فضلك
عبد المنعم:ايوه انا مع حضرتك بالنسبه للدكتور يوسف انا بقول يعنى الحقيقه يعنى الظروف غير مواتيه لى
د/يوسف بطرس :انت ساكن فين يا استاذ عبد المنعم ؟
عبد المنعم:انا ساكن فى المعادى
د/يوسف بطرس :فى اى حته فى المعادى ؟
عبد المنعم:فى معادى السرايات
د/يوسف بطرس : لايمكن هتدفع حاجة من دى
عبد المنعم:ما انا عارف انى مش هدفع
د/يوسف بطرس :خلاص
عبد المنعم:انا بدفع دعم مستتر وضرايب مستتره بان انا ماجر شقة قيمتها نص مليون 600 الف او حاجة وماجرها ب
16 جنيه بقالى 40 سنة بعمل الحكاية دى
د/يوسف بطرس : ماجرها لحد ولا انت اللى ماجرها ؟
عبد المنعم:لا انا ماجرها انا عندى عمارة سكنية حضرتك
د/يوسف بطرس :لا دى معفيه خالص
عبد المنعم:انا عارف انها معفيه ما انت حضرتك مستنى شقه تفضى منها علشان تروح جاى تقولى اول ما تفضى انا
هاجى احاسبك مع انك انت المفروض تبصلى انا كمالك عقار قديم مستحمل دعم للحكومة وللدولة علشان استقرار الاوضاع
وبعدين مسنى لما شقه تفضى علشان تروح تقولى ادفع عليها ضريبة خت بال حضرتك ليه ؟ مش دا حرام برضه؟
د/يوسف بطرس :دا صحيح انت عندك مظالم لكن المظلمه دى ارث تاريخى
لميس الحديدى:بس هو معاه حق لان هو فى النهايه فى اسر مثلا عندها عقارات كتيرة جدا راجل عنده عمارة وما
بيخدش منها حاجه فمبيصدق لما شقه تفضى علشان يقدر يبيعها يعيش منها
د/يوسف بطرس :ماشى ماشى مفيش مشكله الارث ده ارث طويل انا معاه ومعاه حق فيه ظلم بين على ناس كتيرة قوى
ودى فترة كانت متقلبه بنحاول نفكها بقدر الامكان مقدرش اوقف كل الاصلاحات علشان فيه ناس اتظلمت نعالجها بطريقة
تانيه
لميس الحديدى:حسين من حلوان اتفضل يا استاذ حسين
حسين: الو سلامو عليكم
لميس الحديدى: وعليكم السلام
حسين:ازى حضرتك
لميس الحديدى:اهلا وسهلا
حسين:ازيك يا سياد الوزير
د/يوسف بطرس : ازيك يا حسين
حسين:حضرتك انا ساكن فى القاهرة الجديدة فى اسكان مبارك للشباب
د/يوسف بطرس : لا برضه مش هنيجى ناحيتك
حسين:ما هى سيادتك احنا معناش عقود احنا معانا جوابات
د/يوسف بطرس :سيبك من العقود والجوابات الحته اللى انت ساكن فيها لا يمكن تبقى اكتر من نص مليون
حسين:ما هى هيجى عليها زمن هتبقى بنص مليون
د/يوسف بطرس : امتى ده؟
حسين:يعنى كمان كام سنة كده 20 ، 30 سنة
د/يوسف بطرس :كمان 20 ، 30 سنة اكون انا وانت مشينا يا حسين
لميس الحديدى: يا حسين يا حسين ارحمنى ارحمنى يا حسين قلقان على 30 سنة احنا مش عارفين بكره فى ايه هنسال
سياد الوزير بقى عن وضع الاقتصاد بعد كده اميره من الجيزة اتفضلى يا اميرة
اميرة:سلامو عليكم
لميس الحديدى: وعليكم السلام
اميرة:لو سمحت احنا عندنا بيت فى حدايق حلوان 12 شقه واحنا 3 ورثه والدتى وانا واخويا احنا جبنا الورق بس مش
عارفين نعمل بيه ايه ؟
د/يوسف بطرس : جالك الاقرار يعنى ؟
اميرة:احنا جبنا الورق من مصلحة الضرايب
د/يوسف بطرس :شوفى سيادتك فى اقرار هيبقى متاح بس ما كنش متداول فى كل الماموريات
اميرة:يعنى زى الاقرار اللى مع المدام ده
لميس الحديدى:الاقرار اللى معايا
د/يوسف بطرس :لا فيه اقرار تانى واخد فى الاعتبار الملكيه بالمشاع هتحددى فيه تقولى ان العقار بتاعى مملوك بالمشاع
والملاك التانيين معايا اخويا واسمه كذا ووالدتى واسمها كذا وتشوفى اذا كنتى عايزة تدفعى الضريبة نيابة عنهم
وتحاسبيهم فيما بعد او تدفعى حصتك فى تلت العقار تلت الضريبة فى الاقرار الاقرار ده هيبقى متداول فى الماموريات
بكثافة اكتر كمان يمكن اسبوع سيادتك يمكن لو تعدى على الماموريه تانى كمان اسبوع هتلاقى الاقرار الواخد فى الاعتبار
الملكيه بالمشاع
لميس الحديدى: انا معايا مديحة ثانيه واحده يا مديحة انا عايز اسئل حضرتك اثر هذا على القانون على فتح الشقق
المقفولة ناس كتير بتشترى شقق
د/يوسف بطرس : احنا عاملين حسابنا عندنا تقييم ان فيه تقريبا مليون ونص عقار شقق جاهزة للسكنه مقفوله
لميس الحديدى: دى مقفوله ليه اما مثلا بشترى لابنى واقفلها
د/يوسف بطرس :الشقه لو كان قيمتها اكتر من نص مليون تقريبا تبت المليون ونص اكترمن نص مليون لما هيلاقى فيه
عداد شغال وبيدفع 500 ، 600 جنيه هياجرها اللى حصل فى كل الدول اللى دخلت فى هذا النوع من الضرايب ان لقينا
الايجارات راحت نازله بعد شوية لانه اللى عنده شقه وبيدفع عليها 500 ، 600 جنيه فى السنة هيقولك طب اجيب ايجار
منها ادفع
لميس الحديدى:بس العكس احنا متخيلين ان الايجارات هتغلى لان ازاى بقى لما هدفع الضريبة هروح محملاها على
المستاجر
د/يوسف بطرس : اللى فوق النص مليون اللى تحت بيقوم فاتح الشقة وبينزلها فعندك اتجاه انه بيحمل الضريبة لما يبقى
عندى عقار بمليون جنيه هتاجريه بام فى السنة 10 تلاف طيب الضريبة على المليون جنيه 600 جنيه فمش هتحسى بيها
ال10 تلاف هتبقى 10 تلاف و 600 اللى يدفع 10 تلاف يدفع 10 تلاف و 600 لكن اللى بيحصل بقى ان فيه عرض
عقارات جديدة كانت مقفوله بتنزل فى السوق فالاتجاه ان فيه سنة بتطلع فى اتجاه تانى ان زياد المعروض بينزل الايجارات
الاتنين فى معظم الاحيان بيوزنوا بعض على حسب قد ايه بينزل السوق وقد ايه بتطلع الطلعه اللى هتطلعها دى مش من
النوع اللى هتخلى الايجارات تولع
لميس الحديدى: بخاف انا من الطلعه دى يا دكتور الحاجات عندنا بتطلع ما بتنزلش
د/يوسف بطرس :دى مش هتنزل طبعا لكن الطلعه دى مهياش بالضخامة اللى هى يا خبر نضخض منها
لميس الحديدى: مديحة من المعادى اتفضلى يا مديحة
مديحة:ايوه من فضلك انا عاوزه اطلع بس من موضوع العقارات دى دلوقتى
د/يوسف بطرس :ايوه يا مدام مديحة برافو عليكى نطلع لى حاجة تانيه
مديحة:لا بس انا هقول لحضرتك على حاجة مهمة قوى حضرتك دلوقتى وزير الاقتصاد وحضرتك كلمتنا على انك انت
بتعمل ضرايب وبتقلنا ان مواردنا بتقل مورد قناة السويس بيقل وما الى ذلك ليه حضرتك بقى ما بتبصش للحاجات اللى هى
اللى احنا بنستفيد منها زى الزراعة احنا بلد زراعى ليه ما بتمولش الزراعة ؟ علشان نكتفى محليا او حضرتك بص
للصناعة الحاجات البسيطة اللى احنا بنستوردها ليه حضرتك ما بتبصش لى دى نقوم احنا ننمى نفسنا
د/يوسف بطرس :انا ببص انا عينيا للناس دى انا حاطط برنامج 4 مليار جنيه لى تنمية كل القطاعات اللى ممكن تصدر لى
بره وحاطين برنامج تانى 2 مليار جنيه لتنمية الصناعه منها تدريب منها مناطق صناعيه ومنها مناطق تجاريه علشان
ننمى التجارة داخل مصر فموجود بس مره اخرى على قد لحافك مد رجليك
لميس الحديدى: يعنى دى قصة طويلة شوية يا استاذة مديحة ومحتاجه قاعده اخرى ومجموعه من الوزراء مع السيد
وزير المالية معانا وليد استنى شوية يا وليد الهيئات الحكوميه ؟
د/يوسف بطرس :لا ما بتدفعش
لميس الحديدى: والجوامع و الكنايس ؟
د/يوسف بطرس :كل دور العباده ما بتدفعش
لميس الحديدى:طب انا خايفة بقى من السياحة السياحة بقى ممكن يضغطوا على حضرتك ويقولولك انت هتبوظلنا الدنيا
والسياح احنا كده العبء زياده
د/يوسف بطرس :انت عمرك شوفتى من يوم ما جيت انا وزير ماليه حد ضغط ونفعت ؟
لميس الحديدى: لا ولا احنا ولا حد وليد من القاهرة اتفضل يا وليد
وليد:سلامو عليكم
لميس الحديدى: وعليكم السلام
وليد:انا بسال سياد الوزير اللى عنده شقه ساكن فيها قيمتها 500 الف يعنى تعب لحد ما جاب الشقه دى يدفع منين
ضرايبها ؟ يعنى هو اساسا مثقل باعباء يعنى عايش بالعافيه ازاى يدفع ضرايب الحكومة ؟
د/يوسف بطرس :هتدفع 30 جنيه فى السنة
لميس الحديدى: يعنى بكام يا وليد مثلا ؟
د/يوسف بطرس :500 الف يعنى 30 جنيه فى السنة يعنى علبتين سجاير انا ما بدخنش لكن يعنى كرتونتين سجاير
لميس الحديدى:عبد العزيز من القاهرة اتفضل يا عبد العزيز
عبد العزيز: سلامو عليكم
لميس الحديدى: وعليكم السلام
عبد العزيز: يا دكتور انا ارجوك انك تسمعنى وتدينى الوقت بس
د/يوسف بطرس :انا سامعك اهوه
عبد العزيز: الله يخليك ونطلع من موضوع الضرايب ده فى تصريح لحضرتك قلت فيه 80 % من دخل البلد بيروح لى
20% من المواطنين 20 % من الدخل بيرح لى 80 %
د/يوسف بطرس :انا مقلتش الحته دى انا
عبد العزيز: بلاش التصريح ده فيه تصريح تانى لحضرتك برضه بتقول
د/يوسف بطرس :التصريحات دى بتجيبها من عندك ولا انا قايلها فعلا؟
عبد العزيز: لا حضرتك انا متابع حضرتك جدا وبيعجبنى كلام حضرتك التصريح ده كان للدكتور احمد درويش وزير
التنميه الاداريه
د/يوسف بطرس :ايوه دى قصة تانيه كلموا هو
عبد العزيز: اسمحلى بس ما هى كل الامور الاقتصادية مرتبطة ببعضها يعنى الست مديحة اللى اتكلمت دلوقتى بتقول ليه
ما تدعمش الفلاحين ؟ حضرتك لو دعمت الانتاج احسن من دعم الاستهلاك ليه ما نتجهش الاتجاه ده ؟ ليه ما تكنش
الضرايب دى فى ابسط صورة زى تطبيق القانون اللى هو الكسب الغير مشروع فى عهد الرئيس عبد الناصر كان ال 100
مليون المليون ده كان فى 100 واحد فى مصر النهاردة النهاردة فى كام ملياردير فى مصر النهاردة ؟
لميس الحديدى: ماشى يا عبد العزيز يعنى هو بس دخل مجموعة اشياء فى بعضها هى فكرة دعم الانتاج بدلا من دعم
الاستهلاك
د/يوسف بطرس :بندعم الانتاج دعم الصادرات 4 مليار 1,6 منهم يعنى 40% رايح للزراعه دعم الانتاج يعنى لما باجى
بدعم التصدير بدعم المنتج ما بدعمش المستهلك بدعم المنتج علشان يقدر يخفض من تكلفته علشان يقدر يصدر فى
الخارج لما بدى دعم لى مدخلات الانتاج دعم الطاقه ما هو دعم للانتاج لما بيخش على المصانع دعم انتاج الفلوس اللى
بنصرفها فى البنية الاساسيه للمناطق الصناعيه ما هو دعم انتاج البنيه الاساسيه للمناطق التجاريه اللى احنا بنحاول
نوسعها علشان ندخل السوبر ماركت الكبيرة اللى عندها ميزه انها بتخفض الاسعار وبتخليها بتستقر اكتر متعدتش تتنطط
كده كتير
لميس الحديدى: توقعاتك يعنى احنا فى نهاية 2009 توقعات وزير المالية المصرى لى السنة الجايه ؟
د/يوسف بطرس :شوفى العالم فى الخارج لسه ما طلعش بطريقة واضحة من الازمة اللى هو فيها فيه مؤشرات ايجابيه
اللى كمان بيقل ب 5% بقى بيقل 2% حاجات قلبت الى موجب ابتدى العالم يفوق لكن مفيش حد بيراهن على انه طلع من
الازمة طول ما العالم فى الازمة دى احنا بالتبعيه الاسواق مقفول فى وشنا المستثمر ما بيستثمرش اللى كان بيجبلى 13
مليار من الخارج ما بيجيش مش لان انا وحش لان هو ما قررش يستثمر لانه مش عارف هيحط منتجه فين ؟ طول ما
العالم بيلق كده انا ابقى بلق انا املى انه السنادى نقفلها على 5% واكتر لكن انا مربوط بالاقتصاد بتاعنا بيعملوا والاقتصاد
ده جيش محلى متقدريش تقولى هنعمل كذا ونعملها فيه 80 مليون مصرى مشتركين فى تشغيله لة مزاجهم مش نافع
مش هيشتغلوا مهما الحكومة قالت ومهما الحكومة عملت فانا توقعى انه هنجيب 5% السنادى
لميس الحديدى: والسنة الجايه ؟
د/يوسف بطرس :السنة الجايه على حسب هيحصل ايه بره لو فاقوا وابتدوا يطلعوا فى 2010 ويفوقوا السنة الجاية
هبتدى ارجع بقى للى كنت فيه ال7 وبعد ال 7 كمان سنتين مثلا نبتدى نخش على 8 لانى انا الصرف اللى بصرفوا
النهاردة بصرفه فى بنيه اساسيه بوسع طرق بوسع موانى بزود كهربا بزود صرف صحى كل ده بيساعد على الانتاج
بيخلى الكفاءة اعلى يعنى مثلا لما احط صرف صحى فى م