press_center
مفيد فوزى : قابلت شباب فى فرنساراح يشتغل واستغل فى مهن شديدة الوضاعة قليلة فى الربح ولما سألته بتعمل ايه هنا قال لى باسترزق قلت له بلغت السفارة قال لى لأ قلت له دخلت ببسبور قال لى لأ قلت له السفارة تعرف عنك شئ قال لى لأ قلت له وبعدين قال لى هموت من غير محد حتى يسأل عنى حاجة حاورت شبابا كانوا فى الطريق الى سواحل ايطاليا ثم غرقوا تماما على السواحل الايطالية شباب طائش لم يعرف جيدا معنى الهجرة حاورت شبابا متدنى مسطح فى الثقافة ليس لدية اى فكرة عن اى شئ انه عاشق للموبايل ولل sms ولا شئ سوى ذلك حاورت شبابا جعلنى فى بعض اللحظات افقد الايمان بشباب بلدى خصوصا عندما احكم عن شباب
جولى فى يوم ما خصوصا واننى عشت التجربة تجربة فى جامعة خاصة طلعت الاولى على 41 دولة والثانية جامعة اسيوط شباب الصعايدة الرجالة الجامعة الخاصة قدمت مجموعة من القضايا فى التنمية والولاد قابلوا هذا المجتمع بصعوبة بالغة من المهم فى اى اصلاح فى الدنيا ان لابد من مد جسور الثقة اولا بين الشباب وبين لمجتمعات اذا افتقدت الثقة افتقد الاصلاح وما عاد من الممكن ان يكون هناك اى اصلاح او نمية اتحدث مع شباب مصرى مابين سن 18 وسن 22 شباب مهموم بهموم هذه البلد مهموم هموم مبكرة كان من الممكن ان يقضيها فى اشياء غريبة مثلما يحدث لشباب كثير فى قطاع اكبر من شباب مصر التجربة ترصده عدسات حديث المدينة صوت وصورة
فاصل
مفيد فوزى : دكتورعثمان لطفى انا باتكلم الان من جامعة خاصة على ارض مصر ايه فلسفتك اللى فى ذهن حضرتك اللى هى يعنى ادت الى ما يمكن ان يمسى بالتحام الجامعة بالمجتمع وهو امل ببساطة شديدة جدا حلمى طول العمر انه جامعة اسيوط
مثلا على سبيل المثال تبقى مؤثرة فى المجتمع الصعيدى جامعة المنيا تبقى مؤثرة فى المجتمع جامعة القاهرة تبقى مؤثرة فى المجتمع ايه الفكرة الاساسية من انك انت الجامعة ثارت لها مشروعات تنمية فى داخل المجتمع ؟
د/ عثمان لطفى :اولا الهدف بتاع الجامعة مش ان احنا نكون طلبة وخرجين على مستوى عالى من المهنية والمستوى العلمى وكوادر تخدم البلد انما بالاضافة الى ذلك ان هدفنا ان احنانكون شخصيا ت سوية ناس قادرة او مرطبتة بقضايا بلدهامعندهاش اى مشكلة فيما يتعلق بهويتها وانها ملتحمة بهذه القضايا بحيث ان احنا نشكل شخصيا ت كمان بنكون شخصيات مش بنكون مهنيينوالا تحولنا الى مركز تدريب فامهوش هو الهدف الوحيد طبعا الجامعة ليها التالى مهواش بس نقل المعرفة مهواش نقل المعرفة من خلال البحث العلمى وو الى اخرة انما انا قصدى ان احنا هدفنا الاول هو اللى كون شخصيا ت ناس منفتحة على الاخرين مرتبطة بقضايا بلدهاوتخدمها
مفيد فوزى : كام طالب دخل المسابقة ؟
د/ عثمان لطفى : عندنا 71 طالب شاركوا فى حوالى11مشروع واللى تقدم بيها فى
المسابقة الدولية 7 من هذه المشروعات
مفيد فوزى :ايه الحكم فى هذه المسابقة؟
د/ عثمان لطفى : الحكم اولا المسابقة بتتم على مستويين بتم على مستوى محلى الاول على المستوى المحلى تقدمت 15جامعة خاصة وعامة من جامعات العالم من جامعات مصر
مفيد فوزى :من جامعات مصر ؟
د/ عثمان لطفى :اه هى بتتم فى 41 دولة وكل دولة بتعمل التصفيات او البطولة الدولية
مفيد فوزى : انت هنا فى مصر حصل كام جامعة قلت لى ؟
د/ عثمان لطفى :15 جامعة
مفيد فوزى :15 جامعة اختيرت هذ ه الجامعة الخاصة تمت هذه المسابقة المحلية ولما الجامعة الفرنسية حصلت على المركز الاول وتلتها جامعة اسيوط فى المركزالثانى ووا الى اخرة فا لجنة التحكيم اللى موجوده حتى على المستوى المحلى من كبار رجال الاعمال والكوادر المهنية الكبيرة
مفيد فوزى :ايه مقاييس الاختيار ؟
د/ عثمان لطفى : مقاييس الاختيار متعددة
مفيد فوزى :اهمها؟
د/ عثمان لطفى :اهمها طبعا هو فيه هقول ايه اسلوفن كده لمنظمة سايف بيقول ايه if had for buisnies hard for the work يعنى من ناحية يعنى لمفروض من خلال هذه المشروعات الطلبة يتيحوا فرص اقتصادية لفئات محرومة او مهمشة
وهذه ومش من منطلق خيرى اد ما هو من منطلق تمكين هذه الفئات وان هما يتولوا مصيرهم بنفسهم ويخلقوا الشركات الصغيرة بتاعتهم
مفيد فوزى :هى مشروعات؟
د/ عثمان لطفى : المشروعات الصغيرة بحيث ان هما يعلموهم كيف يديروا المشروعات الصغيرة ادارة رشيدة على اسس اقتصادية سليمة ويعلموهم ازاى يعمل ميزانية ازاى يحسب تكلفة ازاى يحسب ثمن بيع ازاى ووو الى اخرة
مفيد فوزى :الولاد دول من اين جاءتهم هذه المعلومات ؟
د/ عثمان لطفى : يعنى افكار هذه المشروعات
مفيد فوزى : اه
د/ عثمان لطفى : هما نفسهم لارتباطهم بقضايا معينة من اختلاطهم بالمجتمع يعنى مثلا بقضية اولاد الشوارع قضية اللاجئين قضية الناس المصابين بالادز كل دى فئات مهمشة من الثقافة العامة بتاعتهم وارتباطهم بالمجتمع هما عرفوا ان فى هذه مشكلة وان هما يعملوا على حلها المجتمع بتاع الوراق يمكن الطلبة بقى يقولوا لك بالضبط لية اختيار جزيزة الوراق جزيرة الوراق بالرغم من انها قريبة من القاهرة انما معزولة وبالتالى عملية التنمية المتكاملة اللى عملوها فيها ان هما نزلوا مع الناس وعرفوا ايه المشاكل الموجوده وهما بقى يعنى الولاد بدأوا يبتكروا الحلول
مفيد فوزى : معتز احكى لى لما رحت مجتمع زى الوراق مغامراتك هناك ايه ؟
معتز :هى اول حاجة اصعب حاجة فى مشروع الوراق ان انت طالب فى جامعة خاصة جاى هناك فى مجتمع غريب مشافوكش قبل كده ولكن مفهم ان انت جاى تنميهم هل ده حاجة مقنعه فعلا انك انت انت ياطالب ا نت يا للى عندك 20 سنة هل هتقدر تتعامل مع مجتمع تفكير مختلف محو امية عالية مش متقبلين فكرة التغيير وان اللى بيجى من برة يبقى اكيد فى مغامرة معمولة سواء من جهات غير حكومية سواء من الحكومه كل ده يعنى بتلابط مع ا ى حد بيجى من برة لدرجة ان احنا كنا اول ما بننزل كان الناس بتبص على طول اول ما بدأنا المشروع يعنى مجرد احنا ماشيين كانت الناس بتبص اول ما بدأنا من 3 00 4 سنين شكل غريب داخل الجزيرة وبتقعد تبص له كده ايه الكائن الغريب اللى داخل جوا الجزيزة ده الحمد لله قدرنا نوصل السنة دى قدرنا نوصل السنة دى ان هما يعرفونا باسم سايف اللى هما الطلبة لما بدأ يبقى في ثقة ما بينا وما بينهم بدأوا ان هما
مفيد فوزى : اتكونت ازاى ؟
معتز : الثقة دى اتكونت لما بدأنا نبدأ
مفيد فوزى :عارف ليه بسألك علشان خاطر لما يكون فيه مثلا شباب بتروح مجتمع
من اجل محو الامية او شباب تروح مجتمع لانعاش فكرة تنظيم الاسرة او بنات بتروح مجتمع صعيدى تتكلم مع ستات قرية اذا ما حصلتش ثقة يصبح الكلام من طرف واحد فاهم يعنى ايه يصبح الكلام من طرف واحد يعنى ايه؟
معتز: يعنى لو ما حسش ان انت صادق فى الكلام اللى انت بتقولة مش هيتقبلك يعنى بتكلم نفسك
مفيد فوزى : انت بقى حصل ايه ؟
احمد كريم : احنا اكون ثقة اول حاجة كنا بننزل طلبة يعنى مالقوش اى حاجة يعنى ما بننزلش بكاميرات ناس كثيرة بتنزل علشان تصور المجتمع
مفيد فوزى : انتوا ما كنتوش بتصوروا ولا شئ انتوا كنتوا نازلين تشتغلوا؟
احمد كريم : بالضبط دى اول حاجة بنت ثقة بينا احناناس جايه تشتغل مش ناس جايه تأخذ صورتين تنزلها فى الاعلام نعمل عليها ضجة نبقى الناس تشاور علينا تقول الناس اللى عملت مشاريع الوراق اهم كنا بننزل علشان فيه حاجة من جوانا هى اللى بتودينا الجزيزة فالناس قدرت تصدقنا بسرعة متعبناش فى الموضوع ده
مفيد فوزى :هنا قولى ايه الصعوبات اللى انت قابلتيها لما نزلتى فى مجتمع بيتعامل مع بسطاء شكلكوا بالنسبة لهم غريب؟
معتز :اول صعوبة قابلناها ان احنا فعلا شكلنا غريب فكان الناس بيحسوا فى التعامل ان احنا مش زيهم فما كانوا بيجوا يتكلموا كانوا دائما فى الاول بيحطوا حدود كثير علشان يتكلموا معانا مكنوش بيبقوا عايزين كل حاجة
مفيد فوزى : قولى يعنى ايه حدود؟
معتز : يعنى مثلا مش عايزين يقولوا لنا مشاكلهم بسهولة مش عارفين احنا مين بالضبط وعايزين نعمل ايه فاكرين مثلا ان احنا جايين عايزين مثلا ان احنا نعمل لهم مشاكل مع الدولة ومشاكل بيحاولوا ان هما يتفادوها كانوا فاكرين ان احنا مثلا هنوقعهم فى الكلام او هناخذ منهم كلام معين نعمل لهم به مشاكل فكان مش عارفين دائما الكلام اللى هيقولوة ده هو احنا هنعمل بيه ايه كانوا دائما حذرين فى الكلام بتعهم
مفيد فوزى: حذرين يعنى ايه يعنى انت كنت بتواجهى الحظر؟
معتز : بالضبط محمد انت قدرتوا ازاى تكسبوهم
محمد :والله احنا اول ما زى ما قالتة هنا احنا قعدنا سنة كاملة ما بنعملش فيها مشاريع على اد ما احنا نكسب ثقتهم
مفيد فوزى : سنة سنة؟
محمد : سنة كاملة قعدنا ان احنا ما بنعملش فيها مشاريع فى جزيرة الوراق بنتعرف على الناس هناك الناس هناك مجتمع يمكن هى جزيزة بمعنى كلمة جزيزة مجتمع مقفول فا احنا كنا بننزل معاهم نتكلم معاهم نعرفهم اكثر نقرب منهم نشوف مشاكلهم فى خلال سنة قدرنا حطينا ايدينا على مشاكل كثيرة جدا ونزلنا يعنى بعد السنة اللى احنا فيها وصينا على الناس عملنا خمس مشاريع لخمس مشاكل رئيسية فقدرنا ان احنا بالخمس مشاريع دى بعد ما عملناهم خضنا كل الحدود وكل السدود يعنى بقينا احنا منهم يعنى احنا بقينا خلاص بننزل هناك هما يمكن ما يعرفوش اسمينا كشخصيا ت بس هتكون منظمة يعنى اول لما بننزل هناك الناس بتقول هما دول الناس بتوع سايف هما عارفنا كم شكلنا
مفيد فوزى : كنت بتقعدى على الارض وتشريى معاهم شاى اسود؟
ليما حسنين :كنا بنقعد على الارض ونصلى معاهم وقت الصلاة كانوا بيورونا مشاكلهم
مفيد فوزى : بتشربى شاى اسود ؟
ليما حسنين : لآ ماشربتش شاى اسود
مفيد فوزى : اوى تكونى طلبتى نسكافيه؟
ليما حسنين :لأ ما طلبتش نس كافيه لكن
مفيد فوزى :نظريتى تمام.
ليما حسنين : لأ خالص لأ لأ ما طلبتش حاجة هناك فى الاول مكنوش معانا كويسين قوى
مفيد فوزى : ازاى يعنى ازاى مكنوش معاكم كويسين ؟
ليما حسنين :دول زى ما قلت لحضرتك مكنوش عارفين احنا عايزين ايه يعنى فى الاخر بقينا بنتعامل زى الاهل زى الاصحاب يعنى يعنى خلاص هناك الحاجة ماجدة بتبقى عارفانا كويس بنروح بتسألنا بنسألها عن اودها عارفين الناس هناك كويس قوى ونخرج نعمل معاهم واجب
مفيد فوزى : يعنى انتوا كنتوا بتسألوهم على ولادهم وكده بالتقارب؟
ليما حسنين : اه
مفيد فوزى : كنتوا بتسالوهم عن ولادهم والحاجات دى؟
ليما حسنين : اه الضبط
مفيد فوزى : للتقارب بتحولى انك تخلقى جسر للتفاهم ؟
ليما حسنين :كنا بنقعد نتصور معاهم ونقعد نوريهم صورهم وان احنا خلاص بقينا زى اصحاب يعنى احنا بنحاول نساعدكوا علشان احنا جايين علشان لخدمة ولخدمة المجتمع ده
مفيد فوزى :الاستاذة فاطمة سرى لفت نظرى فى نتائج المسابقة ان هذه الجامعة الخاصة طلعت الاولى وجامعة اسيوط رقم2 فسرى لى ازاى مش جامعة القاهرة
مش جامعة الاسكندرية جامعة اسيوط فسرى لى المعنى ده ازاى ؟
فاطمة سرى :الحقيقة هما طلبة جامعة اسيوط رغم ان ما عندهمش الموارد المتاحة طبعا للجامعات الخاصة الطلبة حابين جدا ان هما يبقى ليهم دور ايجابى ويحاولوا ان هما يحلوا مشاكل المجتمع
مفيد فوزى : سؤال خاص؟
فاطمة سرى :ايوه
مفيد فوزى :هل الطالب بتاع جامعة اسيوط طلبة اسيطة صعايدة ؟
فاطمة سرى :صعايدة
مفيد فوزى : ولا وافدين وبيشتغلوا؟
فاطمة سرى : كلهم من اسيوط مقيمين بمحافظة اسيوط
مفيد فوزى : انت عارفة المعلومة دى ؟
فاطمة سرى : انا عارفهم كلهم طبعا يعنى طبعا اغلبهم طبعا اعرفهم
مفيد فوزى : فى جامعة خاصة زى دى او فى جامعة اسيوط او اى جامعة ازاى اختاروا المهارات اللى ممكن تنزل تشتغل فى ده واللى بيشتغل فى هذا العمل زى ما كان بيحكى لى دكتورعثمان لازم يكونوا ولاد عندهم صلابة شخصية وقوة وفهم واحتمال ما يبقوش يعنى
فاطمة سرى : صح هو ده حقيقى طبعا
مفيد فوزى: ما يبقاش عندهم هشاشة يعنى .
فاطمة سرى : طبعا هو كلام حضرتك مضبوط لان هما لو احد ابتدى ودخل مع الفريق
فى الجامعة ما بيكملش وبينسحب من الجامعة على طول ودائما هما الطلبة عايزين يفوزوا فى المسابقة فدائما الطلبة اللى ما بيكونش عندهم مهارات القيادية والاتصالية والصلابة
مفيد فوزى : ينسحب ؟
فاطمة سرى :هو لوحدة بينسحب
مفيد فوزى : قولى بيختاروهم ازاى؟
فاطمة سرى : هما بيعملوا زى انتخابات هقول لحضرتك مثلا بيعملوا لهم زى انترفيو فى الاول بيسألوا يحب لو انت مت سؤال
مفيد فوزى :ايه !
فاطمة سرى : مت
مفيد فوزى : مت ؟
مفيد فوزى : يعنى توفيت الى رحمة الله ؟
فاطمة سرى :توفيت الى رحمة الله
فاطمة سرى : تحب الناس تفتكرك وهما بيكرهوك ولا ما يفتكروش خالص
مفيد فوزى : هقول السؤال ثانى تحب الناس يفتكروك وهما بيكرهوك ولا ما يفتكروش خالص ؟
فاطمة سرى : لو قال لأ ما يفتكرونيش خالص دة بيبقى معندوش مهارات قيادية مش عايز يبقى قائد مش عايز يسيب بصمة فى المجتمع انما لو قال انا اسيب بصمة واحاول ان انا
مفيد فوزى :حتى لو كنت مكروه؟
فاطمة سرى :حتى لو كنت مكروه ده على فكرة ده من ضمن الاسئلة اللى وصلت لى
الحقيقة مش متذكرة اسئلة ثانية بس فيه اسئلة كثير جدا
مفيد فوزى : اشمعنى السؤال ده ؟
فاطمة سرى :علشان عجبنى جدا يعنى انا سألت نفسى السؤال د ه برضه يعنى انا اخترت ان انا برضه الناس تكرهنى لكن اسيب بصمة يعنى اسمى ما يبقاش
مفيد فوزى : او لا يذكرون الانسان نهائيا
فاطمة سرى :اه لأ طبعا لأ طبعا
مفيد فوزى : محدش يتمنى يعنى ؟
فاطمة سرى : محدش يذكره
مفيد فوزى : يبقى كان وانتهى
فاطمة سرى : مسبش اى بصمة فى الحياة
مفيد فوزى : يعنى هذه المهارات اختيارها هل فعلا يعنى بيحدث انسحابات ؟
فاطمة سرى : اه انسحابات كثير
مفيد فوزى : بيحدث؟
محرر بالموقع الموحد للهيئة الوطنية للإعلام
أكد الشيخ إبراهيم جاد الكريم عضو مركز الازهر العالمي للفتوى الالكترونية أن مقومات المجتمع وصلاحه يقاسان بأخلاق أبنائه.
كشف الدكتور هشام عبد اللطيف عبد الحليم، الأستاذ المساعد بالمركز القومي للبحوث،في لقاء خاص ببرنامج "صحتك في ماسبيرو" المذاع عبر...
في حلقة جديدة من برنامج "رقائق الإيمان" المذاع عبر موقع "أخبار مصر"، استعرضت الأستاذة ميادة منير، عضو مركز الأزهر العالمي...
أكد الشيخ إسلام محمد ضيف الله، عضو مركز الأزهر العالمي للفتوى الإلكترونية، على العظمة والمكانة الخاصة التي توليها الشريعة الإسلامية...