press_center
سحر ناجى :علشان نفتح الحوار بين الشباب المصرى و الشباب الالمانى حول الازمة المالية العالمية وان كانت بدأت فى الولايات المتحدة الامريكية بأزمة رهون عقارية الا ان تأثيرها كان كبيرعلى مختلف دول العالم نتيجة للتداخلات المالية الدولية , احنا النهاردة هنحاول نتعمق فى تداعيتها اكتر من خلال الشباب انفسهم يعنى المشكلات اللى سببتها لهم الازمة المالية العالمية هما حياتهم الشخصية اتأثرت بيها ازاى هل يختلف الامرمن دولة الى اخرى هل هذه الازمة يتوقعوا لها استمرارية ايه هتكون تداعيتها اكترو اكتر من رؤيتهم هما خلينا نبدأ حوارنا و ارحب بكل ضيوفى من الشباب المشارك نبدأ بميا , الازمة المالية الاقتصادية او العالمية اثرت فيكى فى ايه ؟
ميا : انا لم تتأثر حياتى بأى شكل من الاشكال لهذا السبب
سحر ناجى :وضعك لا اتحسن ولا نزل ولا بقى زى ما هو ؟
ميا : لا لأننى لا امتلك اسهم و لا سندات مالية و لا شئ من هذا القبيل
سحر ناجى :شريف بالنسبة لك انت اتأثرت بالازمة المالية العالمية ولا لأ و هل شايف فعلا ان في ازمة ؟
شريف : الفكرة نفسها ان انا دلوقتى مش حاسس ان انا اتأثرت بيها اوى بس فى نفس الوقت انا طالب ولسة مخرجتش لسوق العمل فمش قادراحدد هل انا فعلا متأثرتش بيها ولا هل لما اتخرج هتأثر بيها و احس بيها و حاجة كمان ان احنا عايشين فى مستوى معين او انا مثلا عايش فى مستوى معين الازمة لما بتيجى ممكن تأثرعلى مستوى عالى جدا بشكل مختلف ممكن تأثرعلى المستوى القليل اوى بشكل مختلف تانى و على المستوى اللى انا فيه كمان ممكن تأثر بشكل مختلف فلسة انا دلوقتى مش قادر احدد بالظبط
سحر ناجى :واضح اوى انك للمشاهدين انك طالب اقتصاد وبالتالى اكيد الازمة المالية العالمية رؤيتك ليها مختلفة عن رؤيتنا , هو لما جه المانيا زار مؤسسات مالية مؤسسات معنية بالعلاقات التجارية عشان يتعرف على تأثير الازمة على المستويات المختلفة , خلينا نروح نشوف معاه فى التقريرايه انطباعاته و نرجع تانى نتناقش
فاصل
شريف : انا شريف طالب اقتصاد بجامعة القاهرة جيت النهاردة برلين عشان اعرف تأثيرالازمة الاقتصادية على الشباب و ازاى بيتعاملوا معاها هنا اول حاجة فكرت فيها ان احنا نروح بورصة برلين و نشوف الشغل فيها عامل ازاى يلا بينا فى بورصة برلين قابلت اليكس و اتكلم معايا عن بورصة برلين و قالى انه فيها تمانين شركة قالى ان بورصة .... هى المؤثرة اكتر على المانيا من البورصة بتاعت برلين سألته عن الشباب ايه وضعهم من الازمة الاقتصادية قالى انهم من سن 25 واقل اتأثروا جدا بالازمة لدرجة انهم دلوقتى مباءوش موجودين خالص مباءوش مستثمرين تماما فى البورصة بعد ما اخيرا عرفت ازاى بورصة برلين شغالة و النظام فيها عامل ازاى كان موضوع مفيد جدا ليا يلا بينا نكمل
شريف : رحت جامعة برلين قابلت فلورين طالب اقتصاد زيى اتكلمت معاه عن تأثير الازمة الاقتصادية عليه قالى انه هو دلوقتى متأثرش بيها اوى لأنه مش بيدفع اقساط جامعة بس متخوف انه لما يتخرج ميلاقيش فرص عمل اتكلمت معاه كمان انه هو عايش لوحده فبيشتغل عشان يصرف على دراسته على النقيض ان انا عايش مع اهلى فهما اللى بيصرفوا على دراستى قالى كمان ان فيه مكان اسمه غرفة التجارة العربية الالمانية فحسيت ان المكان ده ممكن يفيدنا جدا فى معرفة تأثير الازمة الاقتصادية على الشباب
شريف : رحت انا و فلورين لغرفة التجارة و الصناعة الالمانية العربية قابلنا مستر ..... اتكلمنا معاه عن اثرالازمة الاقتصادية على العلاقات العربية الالمانية قالنا ان العلاقات العربية الالمانية الصادرات من ناحية المانيا للدول العربية متأثرتش كتيربس الصادرات العربية للدول الالمانية اتأثرت قالنا ان المانيا دايما بتعمل منتديات للتعليم و التدريب المهنى بحيث ان هى تطورمن دور الشباب و تسهل لهم فرص عمل كتيرو فى نفس الوقت تساعد على تنشيط الاقتصاد يلا بينا نكمل , بعد كده قابلت كارول بتشتغل فى شركة انتاج فى المونتاج قالتلى ان هى متمسكة جدا بالشغل ده عشان دولوقتى صعب جدا تلاقى فرص عمل بعد الازمة الاقتصادية قالت لى كمان انهم اتأثروا بالازمة الاقتصادية عن طريق ان عدد الطلبات اللى كانت بتجيلهم على الشغل قلت جدا و فى نفس الوقت بعد الازمة الاقتصادية بطلوا يعملوا تعيين لأى شباب تانيين قالتلى كمان ان اهم حاجة لازم الواحد يعملها لمواجهة المشكلة ديه ان الواحد يتمسك بشغله و يحاول يمسك فيه بقدر الامكان انا من رأيي ان هى عندها حق اهم حاجة الواحد يفضل مركز جدا لحد ما تبدأ تلاقى الحلول اللى هى احنا فيها , يلا بينا نكمل
شريف : رحت انا و كارول نقابل اميليا كنت عايزاروح المول كنت عايز اعرف الموضوع اكتر عن الناس كلها لاقيت الموضوع لسة عادى لأن الناس زحمة جدا و الناس بتشترى و الموضوع عادى , بعد اليوم الطويل ده بعد ما جمعت معلومات من كذا حتة اقدر اقول ان الموضوع مأثرش اوى على الشباب بس هما بقوا واعيين اوى بالموضوع و فاهمينه كويس وفى الاخر هاروح بقى اكمل بقيت اليوم يلا
سحر ناجى :رجعنا مرة تانية اوديت شريف زى ما شوفنا بعد ما جمع معلومات كتير عن تأثير الازمة المالية العالمية على الشباب فى المانيا قال مقدرش اقول ان الشباب اتأثروا بيها بدرجة و لكن هما على درجة كبيرة اوى من الوعى بيها هل ده حقيقى ولا لأ؟
ميا : اعتقد بالفعل اننا فى المانيا لدينا معلومات كثيرة وتكتب الصحف حول هذا الموضوع كثيرا ولكننا لا نلاحظ هذا بشكل شخصى نرى التقاريرفى التليفزيون ولكننا لن نصب من هذه الازمة
سحر ناجى :شريف انت ليه شفت ان الشباب الالمانى عندة وعى او بالازمة المالية هل فى مصر معندهمش وعى بنفس الدرجة؟
شريف :الفكرة نفسها اه انا او لما اتكلمت مع فلورين حسيت هو ادانى معلومات انا ماكنتش متوقع ان هوهيقولها لى لقيته عارف حاجات كثيرجدا
سحر ناجى :زى ايه ؟
شريف :عن عارف البداية كلها بدات ازاى عارف ان هو الموضوع لسة مش مأثر عليه هنا قوى بس مأثر فى ناس برة فبيفكر هيعمل ايه المرةالجاية لو خرج بره برلين هيشوف الحياة عمله ازاى على عكس فى مصر,مصر كثير قوى من الناس اللى انا اعرفهم ممكن يكونوا سمعوها بس ما يعرفوش هى ايه
سحر ناجى :بس خلى بالك فلورين طالب اقتصاد زيك
شريف اه اه
سحر ناجى : فا انتوا الاثنين على دراية بالموضوع يعنى عن الناس العادية عن الطلاب العاديين فى مستويات ثانية والا ايه يا فلورين ؟
فلورين :انا اعتقد ان الطلبة لم يتأثروا بهذه الازمة بشكل كبيراى انها لم تلمسهم بشكل حقيقى وهذا ينطبق علي وعلى الطلبة الاخرين وكلننا نفكركثيرا فيما نفعله بعد نهاية الدراسة والحصول على العمل اى انه فرص المتخرجين او خريجى الجامعات لا تبدو جيدة كما قيل سابقا ايضا ان الازمة فى بداياتها ولكن التأثيرات الكبيرة لازالت على الابواب
سحر ناجى : مايا هل اقدر اقول ان الشباب الالمانى لو كان عنده زى ما شريف لاحظ وعى بالازمة المالية ده لانه هو اللى بيصرف على دراستة وبيصرف على معيشته مش زى معظم الشباب المصرى اللى اهلة هما اللى بيصرفوا على دراسته وهما اللى بيصرفوا على معيشته علشان كده مش حاسس بيها قوى ؟
مايا : طبعا دى حاجة احنا عندنا الشباب بيبتدى ممكن يعرف قيمة الفلوس ويبتدى يعرف هو بيجبها ازاى لما بيطلع من الشغل شريف قال هومتأثرش بالازمة هو مش حاسس بيها لان هو لسة طالب انا بشتغل لأ انا حسبت بيها فى فرق
سحر ناجى : حسيتى بيها ازاى؟
مايا :فى بطالة مفيش شغل كثير فيه مرتبات ما بتزيدش فاللى بيشتغل غيراللى لسة طالب اللى اهلة بيصرفوا عليه غيراللى بدأ خلاص يخرج لسوق العمل ويشو ف الدنيا عمله ازاى فى مصر ممكن يكون فعلا الشبا ب اللى على مستوى الطلبة يكونوا مش عارفين قوى بس لأ الناس اللى اكبرمن مرحلة الدراسة لأ فاهمين ووعيين جدا بالازمة طبعا
سحر ناجى : طب كارو برضه بتشتغل يمكن فى مجال مختلف عن مجالك هل فعلا حسيتى بأثارها عن طلاب الجامعات ؟
كارو: تجربتى شخصية فى الفصل الدراسى عندما كنا جميعا فى المدارس انه هناك من كان يرغب فى البحث عن فرصة للتدريب ومن يعمل فى التدريب لا يشعر بهذه الازمة كبيرا ام من يخرج الى العمل عليه ان يحاول ان يبقى فى هذه الوظيفة
سحر ناجى :الان فى احدى المؤسسات هل بتحسى انك انت مهددة بانك تفقدى وظيفتك فى اى وقت الا انه فيه اعداد كثيرة هتتقدم للوظيفة واذا ما كنتيش هتبقى يعنى مؤهلة كويس ممكن تفقديها
كارو :انا محظوظة بعض الشئ اعلم اننى سوف ابقى فى وظيفتى لمدة قادمة ولكننى اعرف ان هناك من يعملون ويبحثون عن عمل مرارا وتكرارا ويحاولوا ان ينظموا الامور فايتم الاستغناء عن العاملين مؤقتا ويزيد العبئ على العاملين بشكل تام
سحر ناجى :حسام عايزة اعرف بالنسبة لمصروضعها ازاى الازمة الاقتصادية العالمية مست سوق العمل بمصر ؟
محمد : يمكن لاحظنا بشكل كبير يمكن فى الشركات المتأثرة بالتعاملات الاقتصادية العالمية والشركات المالتى ناشيونال والمتعددة الجنسيات ان قامت شركات كثير منها بتسريح فى العمالة ووجدنا ناس كثير بتفقد وظائفها او كمان فيه بيبدأوا فى تقليل المرتبات وكمان بسبب الازمة المالية العالمية كمان اثرت على سوق العمل بشكل ايضا تأثير نفسى بحيث ان الكل اصبح متخوف من ان هو تحصل عنده ازمة حتى لو معندوش وجدنا بعض المصانع والشركات بتهدد العاملين عندها ان هيحصل فصل لو ما التزمتوش فى عملكم هنلجأ للتسريح اذا جاءتنا الازمة او اصابتنا فى تأثير نفسى كمان يمكن كثير
سحر ناجى :عموما هنشوف موضوع التأثير النفسى ده اكثرمع الشباب الالمانى لما هيكلمونا عن مدى تأثرهم بالازمة المالية العالمية ودورالاعلام فى تضخيمها اوفى تحجيمها وفى نفس الوت مخاوفهم بتتلخص فى ايه وببساطة ازاى شايفين ان التشاؤم ممكن يزيد من الركود وان التفاؤل هو السبيل الوحيد للخروج من الازمة نشوف مع بعض ونرجع
مذيع : يدخل ارفد مكتبة الجامعة حيث يدرس الاختبارات المقبلة وهو طالب ادارة اعمال فى جامعة برلين الحرة ارفد يعلم ان الازمة المالية العالمية تركت اثرا سلبيا على سوق العمل فى المانيا لذا فهو يشعربالقلق حول الحصول على وظيفة فى المستقبل
ارفد :لا يكون سهل على ايجاد وظيفى بعد انهاء دراستى فوضع الشركات ساء كثيرا بعد الازمة كما ان العديد من الموظفين تم الاستغناء عنهم وهم ينافسون اليوم للبحث عن وظيفة جديدة كما لا يملكون خبرة مهنية لا تتوافر لديهم
مذيع : بعد حصولها على الشهادة الثانوية قامت مى بالتدرب لدى جريدة محلية فى برلين وبعد انتهاء التدريب قامت الجريدة بالاتفاق على العمل الحرمعها ستقوم مى اليوم باعداد تقرير حول الملصقات المنتشرة فى المدينة وبعد عملها لاكثر من عام فى مجال الاعلام اختلفت نظرتها الى الازمة المالية
مى :اعتقد ان الاعلام يعطى لهذاالموضوع اكثر من اهميته لانه يحتاج دائما الى مواضيع جديدة انا اعتقد ان هناك عمل يكفى الجميع وان الحالة افضل بكثير مما يزعمة الاعلام
مذيع :يقرأ جون يوما الصحف للتعرف على اخرانباء الازمة المالية لان عليه بعد الانتهاء من الدراسة التعاون بشكل خاص مع تبيعتها شأنه شأن الكثيرين من طلبة الاقتصاد لكنه بقى حتى الان بعيدا عن اثارالازمة
جون :هم اشبة بأثار الازمة بسبب مساعدتها المالية كما تمكنت لحسن الحظ من الاحتفاظ بوظيفتى خلال العطلة الصيفية لكنى متأكد من ان الحال مختلف للكثيرمن الناس
مذيع :اشترك جون واربد فى مشروع قاما فيه بطبع كلمة ثقة باللغة الانجليزية على القمصان كمحاولة لمواجهة اثار الازمة المالية كما قاما بتصميم موقع الكترونى وتصوير فيلم للدعاية لمشروعهم الذى لاقى نجاحا ملحوظا ما جلعهما يحصلان على المركزالرابع فى المسابقة
جون :الكل متشاءم فى الوقت الحالى وهذا يؤدى فى رأيى الى الركود لذا يحاول مشروعنا بث روح التفاؤل وهو كما اعتقد السبيل الوحيد للخروج من الازمة
مذيع :اتفق اربد وجون ومى على تناول الغداء سويا الثلاثة اصدقاء منذ ايام المدرسة ومن خلال مناقشتهم حول الازمة المالية والتأثر بها تدركنى ان ثلاثة هم يتمتعون بميزة يمكنهم استغلالها
مى :بالطبع تعد الازمة قضية مهمة لكنى اعتقد انها فى طريقها للتلاشى وانا اؤمن اننا كشباب يمكننا تعلم الكثيرمنها واحداث تغيرات تزيل عنها الخوف من تكرارالازمة
مذيع : تقريرالوضع الاقتصادى فى المانيا مستقبلا يعتمدعلى جهود شباب كهؤلاء الثلاثة فهم مفعمون بالحماس لمواجهة جميع التحديات
سحر ناجى :مى اكيد ناس كثير من اللى سمعت التقريرده عايزة تسألك جبتى آراءك دى منين يعنى فلورين وارفد متخوفين ان هما لما يتخرجوا ما يلاقوش فرص شغل انتى شايفة ان هناك عمل يكفى الجميع وان الحالة افضل بكثير من الصورة اللى بتظهرها وسائل الاعلام ليه
مى :من خلال عملى كنت اتعامل مع كثير من المؤسسات والشركات فى برلين والعام الماضى سألتهم عن وضعهم وكيف هى تصوراتهم لتغيير الوضع واستمعت الى اراء ايجابية كلها واعتقد اننا فى المانيا نتعرف على هذه الازمة من خلال الحكومه وهم يحاولوا ان يحذروا من ذلك قد تكون مجال صناعة السيارات هوالاكثر تأثرا ولكن الاناث الطبيعيين فى المتوسط لم يتأثروا او يعانوا من هذه الازمة كثيرا اذ انهم ليسوا متداخلين فى التجارة العالمية
سحر ناجى :عايزة اعرف سارة هل انت شايفة بتوافقية فى الراى من ان الاعلام ممكن يكون مضخم من الامر شوية ؟
سارة :هو انا هتكلم عن نفسى شوية من خلال عملى انا تقدرى تقولى انا شغالة بالقطاعى مفيش مثلا شغل اخاف ان انا مثلا يمكن ما يحتجونيش لفترة معينة ان هما عندهم ضائقة مالية فممكن ان هما يطردونى فى اى وقت فيعنى بسمع ناس كثير ممكن يتأثروا بالموضوع ده
سحر ناجى :يعنى ممكن تقعدى فترات من غير شغل وتدورى على شغل ساعتها ما تلاقيش صح ولا لأ ؟
سارة :الضبط
سحر ناجى : يعنى معنى كده انك انت مقتنعة ان فية ازمة مالية عالمية كارول عايزة تضيف حاجة ؟
كارول : هناك كثيرمن الشركات هنا فى المانيا تعمل فى اوقات مختصرة او قللت من اوقات العمل مما يعنى الاقل من العمل ولكن هذه الامكانية تعنى ان يتنازل بعض الموظفين عن جزء من
مرتباتهم نتيجة للتقليل من ساعات العمل وهذه الطريقة استدعمها ايضا يدعممها مكتب العمل والشركات واعتقد ان الحكومة هنا تحاول ان تستفيد من هذه الازمة وهو ما قيل قبل ذلك ان الحكومة تساعد الشركات لاجتياز هذه الازمة انا ممكن اضيف من واقع خبرتى الشخصية انا اشتغلت لفترة فى شركة حوالى ست شهور فى شركه ليها علاقة بالبورصة علاقة مالية احنا بعد الازمة المالية بدأ يعمل عملية قطع فى المرتبات فنزلت بنسبة 50% فى نزلت بقت 10% فده فى حد ذاته قلل كثير من الدخل ومع ذلك فضلوا يحافظوا على نفس مواعيدالعمل وده اللى يتنافى الى حد ما مع اللى حصل فى الوضع الالمانى دى فى جزئية الجزئية الثانية موضوع التسريح العمل بدأ يحصل مش ا لشركة اللى كنت شغال فيها بس على المستوى الاخربالنسبة لاصدقائى اللى بيشتغلوا فى نفس المجال بالفعل حص لهم تسريح وده يصعب المجال امام الناس اللى لسة متخرجين ان هما يشتغلوا فى الشركات اللى لسة شغالة لحد دلوقتى فى مجال
سحر ناجى : طب جون فى التقرير قال ان هو لم بشعر بالازمة المالية لان اهلة هما اللى بيقوموا بالانفاق لية اهلك لم يشعروا بالازمة المالية دى نقطة النقطة الثانية ايه هى الطبقات اللى فى المانيا اللى اتأثرت بالازمة
جون : ولدى موظفان وهم يمولان دراستى العمل اثناء الصيف الذى اقوم به رغم اننى استطعت ايضا الاحتفاظ بهذه الوظيفة الصيفية تساعدنى على تمويل نفسى بعض الشئ
سحر ناجى : طيب عايزة اروح برضه لاربد وجون فى التقرير ليكم مشروع بيهدف لامكانية تحقيق نجاحات حتى وسط الازمة ازاى شايف ممكن الواحد يحقق نجاح وسط ازمة جون المسألة باكملها كانت مشروع فى الجامعة مشروع للمؤسسات ففكرنا معا مالذى يهم المجتمع فى الوقت الحالى وكان الموضوع هو الازمةالاقتصادية الحالية وفكرنا ما الذى يمكن ان نفعلة نظرا للسواد نوع من التشاؤم فى المجتمع لذا فكرنا ان نذهب فى الاتجاة المختلف الجميع يفكرون اننا مهددون بفقدان الوظيفة لذا فكرنا ان نضع شعار ننشر به بعض الثقة والتفاؤل بعض الشئ لنخرج مع الناس من هذه الازمة فى هدف من اختياركم لكلمة ثقة كنتوا عايزين تقولوا بيها ايه ؟
اربد :بالطبع كان هذا مقصود لان الثقة تعنى الامان والناس كانت تشعر بالتشاؤم نظرا للازمة الاقتصادية واذا كان بامكاننا ان ننشر الثقة والتفاؤل بشكل او باخر حتى لوكان عن طريق الازياء والملابس حتى فى اوقات الازمة المالية وننشر هذه الثقة
سحر ناجى : يوديت ليكى رأى قد يكون الامر غريبا عندمانقول لاننا لم نتأثر بشكل شخصى ولكن اكبر من تأثر بالازمة او الموضوع قد يكون فيه نوع من الصدمة لان الناس تعتقد انها تعيش بالثقة ونرى ان الدولة وعموما الدول والحكومات تخضع لديون كثيرة اذا علينا ان نتساءل كيف هو الحال فى الاعوام القادمة وهذه هى رغم ذلك تأثرها بالازمة العالمية شخصيا ؟
سحر ناجى :مى شافت اننا كاشباب يمكننا تعلم الكثير من الازمة المالية وايضا احداث تغيرات عديدة للاجابة على سؤال يودت فى الاعوام القادمة انت شايف ده ممكن يحصل وازاى الحقيقة ان ده الحل الوحيد احنا دلوقتى بنواجه ازمة اكيد الازمة دى كل اثاراتها حتبقى سلبية بس يمكن الاثر الايجابى فى وجهة نظرى ان هى زى نداء او جرس انذار بيوجهنا لاية اللى هيحصل بعد كده وانا شايف ان اللى مش هيفكر او مش هيكون عندة حتة الابداع او هيبتدى يشوف هو ناوى يعمل ايه مش هيقدريعيش هو دى زى حاجة بتنبهنا ان احنا المفروض نعمل ايه بعد كده لازم نفكر لو ما فكرناش مش هنقدر نكمل انت عارف انك انت دلوقتى قلت نظرية اقتصادية من ضمن النظريات اللى هى تطورالاقتصاد ان مع الازمة بيجى دائما الابداع والتطوير لكن خلينى دلوقتى هشوف واقع تأثير الازمة المالية العالمية على الشباب فى مصر وخاصة اللى بيشتغلوا فى القطاع الخاص ازاى اصبح سوق العمل دلوقتى ومتطلباتة بعد هذه الازمة نشوف ونرجع ثانى
لم يبق محمد ذات الاربعة والعشرين عاما منأى عن الازمة المالية فقد خسر جميع مدخراتة التى بلغت 80000 جنية مصريا والتى كان محمد يستثمرها فى بوصة مصرية محمد كان ينوى تحقيق مشاريعة المستقبلية بهذه الاموال لكنه الان مضطرا الى اعادة حساباته
محمد :بعد الازمة ما حصلت بعد الخسارة موضوع زواجى طبعا اتقدم للامام قوى بس فى الفترة دى الواحد هيعيد اولوياته والاولوية الواضحة جدا فى الفترة دى موضوع الشغل الواحد بيركز فى عملة ويبنى قدراته اعلى عمل رانيا كمديرة لحملات دعاية لدى شركات للاعلانات فى القاهرة والتى تعانى ايضا من تبعات الازمة الاقتصادية فقد تراجع عدد الطلبيات التى تحصل عليها الشركة بشكل كبير مقارنة بالعام الماضى ولهذا السبب زادت اعباء العمل عليها
رانيا : بقى فى تحديات اكثر فى الشغل بقى لازم اشتغل ساعات اكثر مفروض اطلع افكار علشان المكان اللى انا فيه فيه كذا حد بيدورعليه بعد اللى حصل فى الازمة المالية وبقيت اجيب اكل من البيت بعد ما ا لاسعار ارتفعت جدا فا مبقدرش اجيب اكل من برة فبقيت اجيب دلوقتى من البيت
تجلس مروة التى تعمل كمراسلة لاحد القنوات الخاصة بمصر فى غرفة التحرير مع زملائها لتناقش معهم التقارير التى سيبثونها فى حلقة اليوم كانت مروة تهدف للحصول على مرتب اعلى والتقدم مهنيا لكن الازمة المالية انعكست على هذه المساعى
مروة: اتأثرت بالازمة الاقتصادية فى مرتبى كان المفروض مرتبى يزيد زيادة محددة بس لما حصلت الازمة اتوقفت القناة فالبتالى فضلت فى شغلى لا مرتبى زاد ولا رحت القناة الجديدة
محمد فى طريقة للقاء عمل وهو يعمل كخبير مالى ويقدم خدماته الى الشركات خلال عملية التخطيط يحب محمد وظيفتة كثيرا ويقدربشكل خاص قيمتة خاصة وان الكثيرمن الشباب فى مصر فرصة ايجاد وظيفة مماثلة
محمد : نسبة البطالة بيننا كشباب عالية قوى احنا خلاص متخرجين already عندنا كفاءات انه بيعلى من امكانياته علشان يوفر لنفسة فرصة عمل لكن فى المقابل الشركات الكبيرة بتعمل عمليات تسريح فايه المطلوب مننا احنا كاشباب نساعد فى حل ازمة البطالة
مذيعة : تهتم مروة خلال اعداد تقريرها بسؤال المواطنين عما اذا كانت اسعار المواد الغذائية قد ارتفعت فى الاونه الاخيرة وقد قدمت بالفعل تقارير عديدة حول الازمةالمالية بعد التأكد من نقطة واضحة
مروة : تأثير الازمة الاقتصادية مكنش علي انا بس كان على الشباب اللى زى من خلال شغلى نزلت غطيت فى المحلات مع الناس لقيت ان الاسعار كمان ارتفعت الناس بتشتكى من ارتفاع الاسعاربسبب الازمة ا لاقتصادية
مذيعة :مروة ورانيا ومحمد يحاولون التغلب على مصاعب الازمة المالية وينظرون بتفاءل الى المستقبل
سحر ناجى : احمد كنت تنوى تحقيق مشاريع كثيرة بفلوسك اللى راحت فى البورصة قول لى ازاى اعت حساباتك بعد الخسارة ؟
احمد :هو طبيعى اى شاب فى مصر لما بيخلص بيبقى عايز يحضر البيت والشقة الى اخرة علشان موضوع الزواج فا بيشتغل بالاجراءات اللى ماشية لكن بعد الخسارة فى مطلع الحياة بدأ الواحد يعيد طريقة التفكير بتعته يعيد ترتيب اولوياته
سحر ناجى : ازاى عملت ايه اشتغلت شغلانه ثانية ولا عملت ايه؟
محمد : ده اللى حصل
محرر بالموقع الموحد للهيئة الوطنية للإعلام
أكد الشيخ إبراهيم جاد الكريم عضو مركز الازهر العالمي للفتوى الالكترونية أن مقومات المجتمع وصلاحه يقاسان بأخلاق أبنائه.
كشف الدكتور هشام عبد اللطيف عبد الحليم، الأستاذ المساعد بالمركز القومي للبحوث،في لقاء خاص ببرنامج "صحتك في ماسبيرو" المذاع عبر...
في حلقة جديدة من برنامج "رقائق الإيمان" المذاع عبر موقع "أخبار مصر"، استعرضت الأستاذة ميادة منير، عضو مركز الأزهر العالمي...
أكد الشيخ إسلام محمد ضيف الله، عضو مركز الأزهر العالمي للفتوى الإلكترونية، على العظمة والمكانة الخاصة التي توليها الشريعة الإسلامية...