press_center
تقديم : عمرو الليثي
تاريخ الحلقة: 30/10/2008
الضيوف :
المستشار حسني عبد الحميد مساعد المدعي العام الاشتراكي
اللواء فاروق المقرحي مساعد وزير الداخلية لإدارة الأموال العامة الأسبق
عمرو الليثي : بسم الله الرحمن الرحيم مساء الخير جليطة وسفالة وقلة أدب وحقارة دي يمكن تكون أقل أوصاف أقدر أصف بها تصريحات العنصري الإسرائيلي ليبرمان رئيس حزب إسرائيل بيتنا ضد مصر ورئيسها مرة تانية و ثالثة أو عاشرة يخرج علينا الوزير الإسرائيلي السابق ونائب الكنيست ليبرمان لسب مصر وشعبها ورئيسها . ليبرمان هو نفس الوزير اللي هدد من كام سنه بإعادة احتلال سيناء وضرب السد العالي سفاهة هذا الرجل تجاوزت كل الحدود مش ممكن نكتفي المرة دي كمان باعتذارت أو كلمات ترضية وضروري نوقف هذا الأحمق عن حده ولازم يعرف أن إسرائيل عمرها ما كانت بيته أو بيت أمثاله وان فلسطين هي أرضنا العربية وبيتنا العربي وأن الجحيم هو المصير المحتوم ليه ولأمثاله من الصهاينة العنصريين عن تصريحات العنصري ليبرمان عن مصر وزعيمها معنا على الهاتف عضو مجلس الشعب المصري والكاتب الصحفي مصطفي بكري أستاذ مصطفي مساء الخير
مصطفي بكري : مساء الخير أستاذ عمرو
عمرو الليثي : كيف تنظر لتصريحات ليبرمان ضد مصر هذه المرة أستاذ مصطفي
مصطفي بكري : أولا هذه ليست هي التصريحات الأولي التي يدلي بها افيجور ليبرمان وهو مؤسس حزب إسرائيل بيتنا ليبرمان الذي جاء الى الكيان الصهيوني عام 1978 وأسس حزب إسرائيل بيتنا عام 1979 لن يتردد لحظة عن شن العداء ضد العرب وضد المسلمين وضد مصر على وجه التحديد هذا الكلام الذي أطلقه في الكنيست الإسرائيلي والذي تهجم فيه على السيادة المصرية إنما لا يعبر فقط عن مجرد جنون لفظي أو خروج عن المألوف أو سفاهة القول لكن بالفعل يعبر عن حقد دفين تجاه كل ما هو عربي كل ما هو مصري ليبرمان يطالب الرئيس مبارك بضرورة زيارة إسرائيل والا وهذا الكلام بالفعل يخرج عن الأعراف الدبلوماسية ومن ثم يتوجب الرد على أمثال هؤلاء بكل قوة يعني حقيقة أنا لم أري مثلا الخارجية المصرية استدعت السفير الإسرائيلي للاحتجاج ولم أري الحكومة المصرية أصدرت بيانا قويا هذا الهجوم الذي شن ضد رئيس مصر هو هجوم على كل المصريين وهو هجوم غير مبرر وغير موضوعي ويمارس من خلاله ليبرمان نوعا من الابتزاز السياسي الذي آن له أن يتوقف
عمرو الليثي : طيب في تقديرك كيف يمكن الرد على هذه الإهانات وهل تعتقد أن اعتذار الرئيس الإسرائيلي شيمون بيريز يكفي ؟
مصطفي بكري : هذا الاعتذار ليس كافيا ما جري هو في الكنيست كان يتوجب محاسبة ليبرمان وإحالته الى التحقيق واتخاذ إجراء ضده في مواجهة هذه التصريحات من قبل الكنيست الإسرائيلي ذاته ولكن التحدث بأن ذلك نوعا من الحرية وحرية القول التي أدلي بها تحت قبة الكنيست هو كلام مرفوض ويجب أن يعرف ليبرمان وغيره أن علاقات إسرائيل كلها مهددة من خلال هذا التطاول السفية الغير مبرر ولذلك أقول بالفعل أن الرد الحقيقي يجب أن يأتي من مصر بإجراء محدد لمواجهة العلاقات مع إسرائيل
عمرو الليثي : باشكر الأستاذ مصطفي بكري وبصراحة أعتقد بان العرب مطالبين في التوقيت ده بالذات بموقف موحد للتصدي لكل الإهانات التي يتعرضوا لها سواء كانت إهانات لفظية أو عسكرية ومنها الغارة اللي قامت بها لقوات الأمريكية على مدينة البوكمال السورية يوم الأحد الماضي وكان نتيجتها 22 قتيل وجريح كلهم من المدنيين والحجة كالعادة ضرب أعضاء من تنظيم القاعدة والحقيقة أن كل كلمات الإدانة والرفض مهما بلغت قوتها هتفضل مجرد كلمات لا هتودي ولا هتجيب وتعتبر مجر تنفيس عن أراء الناس وغضبهم أما الموقف الرسمي العربي اللي ممكن يغير السلوك العدواني لأمريكا أو الصهاينة فعلى ما يبدو لسه مؤجل لأجل غير مسمي الموضوع التاني اللي فارض نفسه على كل الناس في مصر اليومين دول هو موضع الدكتور رءوف محمد العربي الطبيب المعتقل في السعودية المحكوم علية بالسجن و1500 جلدة بتهمة حيازة مواد مخدرة طبعا الحكم صدمنا كلنا في مصر وخلى نقابة الأطباء تتحرك وتطالب بتدخل أعلي السلطات في البلد للإفراج عن الطبيب المعتقل المشكلة أن الموضوع دة جه في نفس الوقت اللي اتفجرت فيه مشكلة بعض الكوافيرات المصريات مع الكفيل الخاص بهم في الرياض وكمان في نفس الوقت اللي زادت فيه استغاثات أكثر من 300 مصري محتجزين في سجن التراحيل في مطار جدة عن كل القضايا دي معنا على الهاتف سيادة السفير أحمد رزق مساعد وزير الخارجية للشئون القنصلية سيادة السفير مساء الخير
السفير أحمد رزق : مساء الخير عمرو بيه أهلا وسهلا بحضرتك
عمرو الليثي : أين وصلت محاولات الإفراج أو على أقل تقدير وقف تنفيذ الحكم الخاص بالدكتور رءوف محمد
السفير أحمد رزق : يعني سفيرنا في الرياض حضرتك قام بالاتصال بالخارجية السعودية وقدم التماسا في هذا الصدد وقنصلنا العام في جده أيضا قابل مسئولين في أمارة مكة المكرمة وقدم التماسا نفس الالتماس تحدثت شخصيا مع المحامي طبيب رءوف واتفقنا على التقدم في خطوات خطوة التقاضي الأعلى وهي اللجوء الى مجلس القضاء الأعلى السعودي دى قناة قانونية بنطرقها وهناك مساعي أخري بيتم اتصالات يتم بمقتضاها اتصالات بين البلدين
عمرو الليثي : طيب سيادة السفير موضوع الكوافيرات المحتجزين برضو واللي لجأ عدد منهم للسفارة المصرية بالرياض أيه اخبارهم ومين الجهة المسئولة عن سفر هؤلاء من غير ضمانات لحقوقهم
السفير أحمد رزق : هناك نوع من التحايل من جانب بعض سماسرة العقود ومن جانب بعض الكفلاء والذين لهم مصلحة من استقدام بعض السيدات المصريات للعمل تحت مظلة غير حقيقية كعاملة كوافير أو موظفة أو مثل هذه الأمور لكن دعنا حضرتك نتحدث عن الجانب العملي في هذا الموضوع تم تسفير أو إنهاء مشكلة 2 منذ حوالي شهرين وهم الآن موجودتين في مصر في كمان 2 تم يعني الإفراج عنهم على ذمة قضية للأسف مرفوعة من صاحبة العمل المواطنة السعودية تتهمهم بالسرقة لمحاولة عرقلة سفرهم هناك 5 سيدات أخريات موجودات في نفس المشغل 4 منهم لجئنا الى القنصلية لأنهم يعني تشجعن بالإجراءات التي تقوم بها القنصلية وهم الآن فعلا موجودين تحت رعاية القنصلية مع المواطنتين الاخريتين يعني في 6 دلوقتي
عمرو الليثي : هل دول متوقع أن يرجعوا قريب أن شاء الله ؟
السفير أحمد رزق : أن شاء الله 4 الاخريتين دول ما فيش مشكلة بشأنهم دي مسائل اجرائيه لكن بالنسبة للتنين ما زلن على ذمة قضية وفي مواطنة للأسف موجودة خامسة زي ما فهمت من قنصلنا العام موجودة في المشغل لكن هي تفضل البقاء
عمرو الليثي : طيب أخر موضوع سيادة السفير هو موضوع المئات المحتجزين في مطار جدة إيه مشكلتهم وعددهم كأم بالظبط وامتي هيتم إعادتهم لمصر؟
السفير أحمد رزق : قنصليتنا في جدة أفادتني منذ أيام قليلة عن عدد الموجودين هناك موجود بالنسبة للمتخلفين عن العمرة حوالي 260 في خبر لسه مطلعينه النهاردة إحنا هناك منهم حوالي 250 في طريقهم الى مصر بس بعد إنهاء إجراءاتهم من سجن الترحيلات في جدة وهم في طريقهم على العبارة دهب يمكن يكونوا وصلوا في هناك أخرين محجوزين على ذمة قضايا وحضرتك تعلم أن هذا يستغرق بعض الوقت لكن اللي بيطمنئنا أن القنصلية تتابع يوميا مثل هذه الحالات وتنهي إجراءات الذين انتهت التحقيقات معهم وتصعد الأوراق اللازمة والقنصلية على متابعه دائمة مع القنصلية السعودية في هذا الشأن
عمرو الليثي : عظيم باشكر سيادة السفير أحمد رزق وبالحقيقة أنا هفضل أطالب في هذا البرنامج بإجراءات ومواقف جادة لحماية كرامة وحقوق المصريين في الخارج مش معقول كل يوم والتاني تسمع عن إهانات وأحكام ضد مصريين هنا وهناك وأنا هنا مبتهمش جهة معينة بالتقصير لكن بوجه كلامي لكل الوزارات والجهات المصرية من الخارجية الى القوي العاملة حتي رئاسة الوزراء والكل مطلوب منه مواقف واضحة تحافظ على كرامه المصريين وحقوقهم الموضوع الثالث الليلة دي بداية كانت برضوإهانة للكرامة لكنه للأسف تحول لجريمة بشعة ارتكبها مدرس معدوم الضمير غير سوي نفسيا وراح ضحيتها الطفل إسلام عمرو اللي عمره 11 سنة عقابا ليه لعدم عمل الواجب معقولة معقولة يكون العنف في حياتنا وصل المرحلة دي وصل لحد مدارسنا ويرتكبه المدرس اللي بنقول أنه كاد أن يكون رسولا تلاميذ مدرسة سعد عثمان الابتدائية بالإسكندرية زمايل إسلام أصيبوا بالفزع والرعب ماكانوش مصدقين المنظر اللي بيحصل قدمهم ولا مصدقين أن حكم الإعدام هو العقاب هو اللي بيتم تنفيذه علشان معملوش الواجب معانا من الإسكندرية على الهاتف الأستاذ عمرو بدر الأب والد إسلام أستاذ عمرو احكي لنا ايه اللي حصل بالظبط ؟
الأستاذ عمرو : اللي حصل بالظبط أني أنا جاء لي تليفون من صديق لية زوجته شغالة مدرسة في المدرسة ايوة يا حاج مجدي صديق للعائلة قلت له ايوة في أية يا حاج مجدي قالي روح لإسلام المدرسة روح المستشفي إسلام تعبان شوية لما رحت المستشفي لقيت ست سبع مدرسين هناك طبعا أنت والد التلميذ عمرو قلت لهم أيوه يا جماعة قالولي هو تعب في المدرسة ووقع وجبناه هنا قلت لهم جزاكم الله كل خير واخد بال حضرتك متشكر يا جماعة طيب أنا أشوفه لقيت واحد بيقولي هو بيشتكي من حاجة في قلبه قلت له ابني معندوش حاجة في قلبه ابني بيلعب في أكاديمية كورة فلمهم أنا واقف أكثر من ساعة واخد بال حضرتك فلقيت دكتور طالع بيكتب الحالة بتاعت ابني مش عارف ايه في عضلة القلب وغيبوبة فبقولة حضرتك أنت ايه اللي أنت كتبته أديني تفسير على اللي أنت كتبته ده قالي ما فيش تفسير قلت يعني ايه ما فيش تفسير على اللي أنت كتبته ده طيب ابني حد ضربة باليد في صدره قلي لا قلت له طيب ابني خد كدمة في ظهره أو حاجة أو خبطة على دماغه قلي ما لوش تفسير عندي وحسيت أنه فيه حاجة غلط بالنسبة لأبني فاتصلت بوالدته طبعا ماكنتش قلت لولدته أي حاجة وماكنتش مديها خبر عن أي حاجة قلت لها تعالي انا تعبان شوية في المستشفي هاتي الفلوس معاكي وتعالي فالمهم جت لقيتني واقف في المستشفي في أيه يا عمرو قلت لها ما فيش حاجة دفتر التامين الصحي بتاع إسلام ابني قلت لها تعالي بس هنشوف الولد كل ده وحضرتك أنا مدخلتش شفت أبني لأنه في العناية المركزة ودخلت العناية المركزة وطبعا يا رب منظر ربنا ما يحكم على حد أبدا لقيت ابني نايم على السرير خراطيم طالعة ن مناخيره خراطيم طالعة من فمه أجهزة شماله ويمينه حاجات طلعة من أيده ومحاليل الله فوجئت أن خالته جت قالت لي ابنك الأستاذ ضربة وفي ولد جارنا هو اللي حكي لي الموضوع وضربه بالشلوت في صدره يا عمرو ابنك الحق الولد يا عمرو هيموت مننا يا عمرو أتصرف رحت طالع على طول خذت الصول من المستشفي بالتقرير الطبي بتاع ابني ورحت على قسم المنتزه طلعت لضابط المباحث ضابط المباحث قالي أتفضل خدو ووديه الى نائب المأمور نائب المأمور كتب المحضر بنفسه الصراحة وضابط المباحث قالي رقم التليفون بتاع المكتب أهو بلغني بحالة الولد أول بأول ده ابننا ومتقلقش من حاجة فأنا لما رحت المستشفي قلت اشوف ابني فيه أيه شلوت أيه بقى اللي اثر فيه ده قلبت جسم الولد لقيت فيه كدمات في ظهر الولد ففوجئت بالدكتور حتي كاتب في التقرير الكدمات دي رحت جاري على القسم تاني قلت له يا باشا حضرتك ابني في كدمات في جسمه مش مكتوبة في التقرير قالي صدقني مافيش حاجة متقلقش روح بس بلغني بحالة الولد فوصلت المستشفي لقيت جالي بعدها بربع ساعة المستشفي لما جانئ المستشفي خدني وشاف ابني وشاف الحالة وقالي تعالي معايا أنا عاوزك روحت لقيت رائد رئيس المباحث يا جماعة ده ابننا متقلقوش الراجل قال كلمتين يعني كده وبعد كده دخلنا مكتب قلنا بس استريحوا في المكتب عشان عندي أتليفون أنا قعدت في المكتب مستني فوجئت أن جالي تليفون واحد زميل لي عند المستشفي وأنا قاعد في المكتب بيقولى البقاء لله يا عمرو ابنك مات أنا انهرت طبعا ابني يعني هقولك ايه يعني مش قلبي حجر هقولك اية يعني قلبي ميت أن أنا مببكيش لا ببكي بس لازم ابقى صلب وربنا هيثبتني أن شاء الله
عمرو الليثي : أن شاء الله
الأستاذ عمرو : وبعد كده ضابط المباحث طلع للطفل عشان يتأكد من ضربة الشلوت والحاجات ديه عديلي خده وراح بيت طفل الطفل قال على كل حاجة حصلت بالضبط لضابط المباحث حتي أنا طلبته في الشارع لأنه هو طالب شهادة الطفل وطالب الأطفال يشهدوا ضابط المباحث اسمه حازم أمين هو اللي خد شهادة الطفل وأنا حاجة ألهمتني أني أنا سمعتهم بيقولوا المركز الطبي مركز القدس الطبي في الراس السودة رحت رايح على المركز قابلني الدكتور اللي هناك قاللي البقاء لله الله قلت له أنا والد التلميذ اللي جالك الصبح هنا قاللي البقاء لله قلت له حضرتك اللي كنت موجود الصبح هنا قاللي لا ده زميلي كان موجود في الصبح الدكتور محمد محمود صادق مدير المركز الطبي هو اللي كان موجود قلت له طيب ممكن حضرتك تتصللي بالدكتور أحمد أو أنا عاوز أروح له بيته قاللي لا أتصلك بيه على الخط الأرضي أتصللي بالدكتور أحمد كلمني جزاه الله كل خير قلت له يا دكتور أحمد أنا طالب منك الشهادة ابني لو جاي على رجله ماشي قوللي ابني جاي بيتنفس قاللي اللي يخصلك قدام ربنا وقدم ضميرك دي شهادة حق هتسأل عنها يوم القيامة قلها قاللي يا أستاذ ابنك كان الصبح جيلي متوفى يعني بص حضرتك من الساعة 10 ابني متوفى
عمرو الليثي : لا حول ولا قوة إلا بالله
الأستاذ عمرو : فبقوله سبب الوفاة أيه يا دكتور أحمد قاللي لا دي أنا مقدرش أحدد لك سبب الوفاة أية أنا مش دكتور طبيب شرعي أنا مش طب شرعي
عمرو الليثي : أستاذ عمرو عاوز اعرف منك أيه كان رد الفعل من قبل المدرسة ووزارة التربية والتعليم على اللي حصل لإسلام
الأستاذ عمرو : حضرتك ما كنش فيه أي رد فعل ولا مدير جاني ولا ناظرة جتلي ولا أي حاجة أنا رحت لقيت الإخوة المدرسين ست سبع مدرسين منهم الفراش موديين ابني للمستشفي المفروض من اللي يرأس الناس دي تعالي أنت عرفت البيت تعالي عزيني حتي أحنا مش ناس همج حنا ناس مؤمنين وموحدين بالله أحنا مش هناخد حد بذنب حد واخد بال حضرتك يعني مفيش أي رد فعل أنا مش عاوز حد يعزيني بس أنا بقول لحضرتك يا أستاذ عمرو أنا متأسف الناس دول أنا هرفع عليهم دعوة وأنا معاهم لآخر نفس أنا مش هضيع حق طفل لا حول له ولا قوة تخيل انت حط نفسك مكاني لو أنت أبوة أنا عاوزك تقعد مع نفسك دقيقة حس الإحساس ده
عمرو الليثي : أنا حاسس بيك والله صدقني أنا حاسس بيك جدا
الأستاذ عمرو : أنا بدعي ربنا من وقت للتاني وأنا ساجد وأنا ماشي في الشارع وبقول يا رب ثبتني وأديني أجر الصابرين بس أنا لو فرط في حق أبني كل يوم تلميذ عندنا حضرتك هيموت يمكن ربنا حطني في الاختبار ده ده ابني جزء من الكل فأنا أي عيل بعد كده يرضي يسيب حقه
عمرو الليثي : محدش يرضي أبدا انك تسيب حق ابنك يا أستاذ عمرو بدا
الأستاذ عمرو : لو أنا مجبتش حق ابني
عمرو الليثي : حق ابنك حقنا كلنا وده ابننا كلنا
الأستاذ عمرو : لو أنا مجبتش حق ابني بعد كده أي طفل هيحصل له حاجة ذنبه هيبقي في رقبتي أنا ربنا هيحاسبني على كده
عمرو الليثي : أستاذ عمرو مين في رأيك اللي بتحمل مسئولية اللي حصل لإسلام
الأستاذ عمرو : حضرتك أنا بحمل المدير المسئولية والناظر المسئولية وجلال معوض المسئولية ووزير التربية والتعليم بحملة المسئولية لأني طبعا أنت حضرتك عشان تخش مدرسة حكومية بتاخذ الأذن عشان تخش
عمرو الليثي : جلال معوض ده اللي هو وكيل وزارة التربية والتعليم في الإسكندرية يا أستاذ عمرو
الأستاذ عمرو: مضبوط سيادتك
عمرو الليثي : عموما يا أستاذ عمرو أحنا معاك وده لبنك وابننا كلنا
الأستاذ عمرو : الله يرضى عنك يا أستاذ عمرو
عمرو الليثي : أنا بعزيك وبعزي والدته البركة فيكم وربنا يصبركم ويصبر أمه
الأستاذ عمرو : انتوا ناس محترمين
عمرو الليثي : وإحنا معاك لغاية ما تأخذ حق ابنك أن شاء الله
الأستاذ عمرو: جزاك الله كل خير يا سيدي
فاصل
عمرو الليثي : الموضوع الأخير كان التحرك السريع والحاسم اللي قامت به وزارة الصحة امبارح بالتفتيش على العديد من المستشفيات الكبرى خصوصا بعد قرار وزير الصحة بإغلاق مستشفي مصر الدولي والتحقيق في المخالفات التي تم اكتشافها فيها عن حملة وزارة الصحة معانا على التليفون الدكتور سعد المغربي رئيس الإدارة المركزية للمؤسسات العلاجية
عمرو الليثي : دكتور سعد مساء الخير
دكتور سعد: مساء الخير يا فندم
عمرو الليثي : أية حقيقة المخالفات لتي تم اكتشافها في مستشفي مصر الدولي
دكتور سعد : مستشفي مصر الدولي جت شكوى من هيئة طبية أجنبية بتشتكي لنقيب أطباء مصر أنه حدث مضاعفات لمريضه من أصل يمني عملت عملية زرع كلى في مستشفي مصر عند طبيب ذكروه بالاسم نقيب أطباء مصر حولها للأستاذ وزير الصحة وزير الصحة حولها لي فإحنا شكلنا لجنة من الوزارة وراحت مستشفي مصر الدولي وفحص ملف المريضة اليمنية ده الى عملت عملية في مستشفي مصر الدولي وفحصت المستشفي بالكامل واللجنة اللي راحت ديه بعد ما فحصت المستشفي طلبت لجنة مكافحة الوزارة وطلبت المعامل المركزية في الوزارة للتأكد من سلامة غرفة العمليات وغرف العناية المركزة وغرفة الأسطره في المستشفي طبيب اللجان دية بعد ما فحصت وحددت أن غرفة العمليات وغرف العناية المركزة وغرف اسطره القلب في حاجة لإتباع أساليب مكافحة العدو كما ينبغي لأن الأسلوب المتبع أقل من المستوي المطلوب
عمرو الليثي : وبناءا عليه قفلتوا المستشفي
دكتور سعد : وبناءا علية حفاظا على المرضي اللي بيترددوا على المستشفي
عمرو الليثي : قفلتوا المستشفي
دكتور سعد : لا قفلنا غرف العمليات وغرفة العناية المركزة وغرف اسطرة القلب لإعادة علشان المستشفي تعيد تجهيزها
عمرو الليثي : ده عظيم يا دكتور إذا كانت دي حالة المستشفيات الكبيرة تفتتكر ازاي وضع المستشفيات الى بيرحها الغلابة وفين التفتيش على المستشفيات دي
دكتور سعد : أنا هقول لحضرتك حاجة التفتيش موجود على مستوي الجمهورية يكفي أننا هقول لحضرتك إحصائية السنة اللي فاتت إحصائية السنة اللي فاتت 2007 تم إغلاق 1258 منشأة طبية في مصر كلها بس إحنا حضرتك بردة مع الإعلام بتعامل بحرص ليه لأن إحنا بغلقها مش بقصد الإغلاق إحنا بنغلقها لحفظ رفع المستوي
عمرو الليثي : لا بالعكس أنا عاوز أقولك حاجة أنتوا تغلقوها وأي مستشفي مخالف تغلقوها لأني أرواح الناس مش ببلاش يعني الأسبوع اللي فات عندنا مستشفي مات فيها 2 وقبلها في مستشفي ثانية مات فيها أربعة وادي أمبارح مستشفي مصر الدولي فبالعكس إحنا بنشد على أيدكو أنكم تستمروا يا دكتور
دكتور سعد : وبعدين حضرتك مفيش حد فوق القانون ولا في حد كبير وحد صغير
عمرو الليثي : المفروض كده
دكتور سعد : أنا هقول لحضرتك حاجة أمبارح أول امبارح مقفول مستشفي في العريش مقفول مستشفي في كفر الشيخ أنا هقول لحضرتك معلش هو الإعلام جايز بيبقي مسلط على نوعيات معينة من المستشفيات ولكن حضرتك في الحملة بتعاعتنا مش ده أجراء روتيني ولكن لما تيجي شكاوى أة لازم نتيقن من هذه الشكاوى ولو كانت الشكاوى دي حقيقية حضرتك مفيش كبير عليها
عمرو الليثي : بشكر الدكتور سعد على مداخلته وأعتقد أن الصحة والتعليم في بلدنا بالإضافة إلى قضايا تانية كثير زى الفقر والعشوائيات والعدالة الاجتماعية لازم هيكون لها مساحة مهمة في المؤتمر السنوي للحزب الوطني اللي هيبدأ أعمالة صباح غدا السبت واللي نظار كل المراقبين السياسيين في انتظار ما سوف ينتج عنه المهم أني القائمين على الحزب والمؤتمر يسمعوا أراء الناس ويعرفوا مشاكلهم وهمومهم الحقيقية وأن يتحول شعار العدالة الاجتماعية إلى حقيقة واقعية في كل لتشريعات والقرارات اللي بتخدها الحكومة على الناس تحس بجد بالتقدم والنمو الاقتصادي والأرقام اللي بتتكلم عنها الحكومة تصبح حقيقية بدل ما هي شبه خيال ونبدأ حلقتنا الليلة دي عن عبارة عن حديث مطول مع واحد من أشهر رجال الإعمال الهاربين خارج مصر واللي تجاوز هروبه ال 25 سنة وكان واحد من أوائل من اتهموا بالهروب بقرض البنوك وصاحب قضية الفراخ الفاسدة الشهيرة واللي البعض بيقول أنها كانت السبب في زيادة الفشل الكلوي من لندن حاورنا توفيق عبد الحي رجل الأمن الغذائي في السبعينات من القرن الماضي وحديث عن حجم القروض اللي أخذها وهرب ومبررات هروبه وأسباب عدم عودته حتى الآن رغم صدور أحكام ببراءته منذ سنوات عن هذه الموضوعات وغيرها من الأسرار والمفاجآت هتكون حلقتنا الليلة دي لكن بعد الفاصل
عمرو الليثي : من العاصمة البريطانية لندن أحييكم وأفتح معكم ملف أحد الهاربين وهو ملك الفراخ الفاسدة المتهم بجلب 1400 طن فراخ فاسدة المتهم بإفشاء إمراض الكلي في مصر المتهم بتهريب 450 مليون جنية من بنوك مصر معي ومعكم من لندن الهارب توفي عبد الحي من داخل فندق سلفريدج في شارع اكسفرد في لندن معي ومعكم المليونير الهارب فتي التنمية المدلل الأستاذ توفيق عبد الحي أهلا بيك
توفيق عبد الحي : أهلا بيك يا أستاذ عمرو بس أنا مش مليونير هارب ولا فاسد
عمرو الليثي : والله دي الألقاب اللي أطلقوها عليك أنا مش جايبها من عندي دي ألقاب قيلت عنك في الصحافة وأنت عارفها وأنا عارفها مضبوط
توفيق عبد الحي: قيلت أيوه بس هي مش صحيحة
عمرو الليثي : هنشوف بقي في الحوار إذا كانت صحيحة أو غير صحيحة
توفيق عبد الحي : اتفضل
عمرو الليثي : أستاذ توفيق يعود لك الفضل والسبق بأنك أول رجل الإعمال الهاربين من أكثر من ربع قرن عام 82 احكي لي بقي كيف كانت ظروف هروبك من مصر
توفيق عبد الحي : هو الواضح أن حضرتك مش متابع صحافة ولا التليفزيون
عمرو الليثي : وضحلي أنت بقى
توفيق عبد الحي: ولا متابع الكتب
عمرو الليثي : ولا يهمك وضحلي أنت بقى
توفيق عبد الحي : المسئول عن مصر في الوقت ده كان اللواء نبوي إسماعيل نائب رئيس وزراء وزير الداخلية
عمرو الليثي : مسئول عن مصر وللا عن
توفيق عبد الحي : عن الأمن في وزارة الداخلية
عمرو الليثي : مسئول عن الأمن في وزارة الداخلية عن الأمن كويس قول لي في وزارة الداخلية يعني وضحلي كده كان وزير الداخلية مينفعش وزير الداخلية يبقي مسئول عن مصر
توفيق عبد الحي: والله هو الحقيقة اليومين دول المسئول عن مصر هو وزير الداخلية
عمرو الليثي : لا
توفيق عبد الحي: بس خلينا نتكلم
عمرو الليثي : يعني أتفضل
توفيق عبد الحي : خلينا نتكلم
عمرو الليثي : أتفضل طيب الكلام على مسئوليتك إحنا في لندن قول اللي أنت عاوزه
توفيق عبد الحي : أنا بقول اللي أنا عاوزه في أي مكان
عمرو الليثي : طيب أتفضل
توفيق عبد الحي : لكن تعالي نشوف اللواء نبوي إسماعيل في كتابه نبوي يتذكر قال أنا أنه توفيق خرج عادي لأني ما كنش مطلوب لأي حاجة وما كنش علية أي حاجة وأنا كان خروجي عادي جدا بدليل أني أنا خارج بباسبور مختوم من الجوازات المصرية ومسافر عادي خالص ما فيش أي هروب المسألة
عمرو الليثي : يعني أنت مش هارب
توفيق عبد الحي : هاب ازاي يعني أيه هارب
عمرو الليثي : طيب مرجعتش مصر ليه
توفيق عبد الحي : نرجع أيه المشكلة
عمرو الليثي : لا أنت جاي النهارده تقوللي ارجع أنا كل الفترة دي تقول لي جاي النهاردة أرجع أنا بتكلم من 82 أنت قاعد بره مصر بتعمل أيه هربان ولا مش هربان
توفيق عبد الحي : بشتغل مش هربان ولا حاجة بشتغل عندي شغل كثير جدا بشتغل حققت نجاحات معينة اسبها وارجع لمجرد إنني اسكت الصحفيين
عمرو الليثي : مش أنت بتحب البلد دي المفروض
توفيق عبد الحي: بحبها جدا
عمرو الليثي : طيب ما ترجع يا أخي عشان خاطر يعني تساعد ها وتديها أفكارك وآراءك
توفيق عبد الحي : ما أنا خرجت علشان الأفكار دي يعني أفكاري مش متلائمة مع أفكار اللي كانوا موجودين
عمرو الليثي : اللي هم مين
توفيق عبد الحي : يعني يا أستاذ عمرو لما نقعد أربع سنين نشتغل في العاملين في الخارج ونبدأ نفتح في البلد دي ما هي موجودة كانت في سنة 81 و82 لو تذكر يعني وبعدين يصدر قرار من السيد رئيس الوزراء في أول شهر يتعين فيه منع سفر العمالة الفنية الخارج طلبت موعد عاجل ورحت له فورا قلت له يا فندم ازاي حضرتك يا دكتور تطلع قرار حضرتك كنت معانا وإحنا بنموت نفسنا ونطلع رحلات للخارج علشان العاملين في الخارج اللي هم معيشين البلد دلوقتي اللي بيدخلوا 8 مليار دولار قلي مش شغلك وسبت مكتبه ومشيت هل ده يبقي متسق مع فكر الموجود اللي أنت بتتكلم عليه أقعد مع مين أقعد مع واحد لغي قرار كان المفروض النهاردة
عمرو الليثي : خلينا نسمي الأسماء بمسمياتها من تقصد برئيس الوزراء في ذ
محرر بالموقع الموحد للهيئة الوطنية للإعلام
تناول الشيخ إبراهيم جاد الكريم عضو مركز الأزهر العالمي للفتوى الالكترونية خلق التواضع، مؤكداً أنه من الأخلاق الإسلامية الرفيعة التي...
وجه الشيخ محمود عويس محمود عضو مركز الأزهر العالمي للفتوى الإلكترونية رسالة هامة للمسلمين حول الاستمرارية في العبادة بعد انقضاء...
وصف الشيخ السيد عرفة عضو مركز الأزهر العالمي للفتوى الإلكترونية ليلة العيد بأنها "ليلة الجائزة" وواحدة من أجمل الليالي التي...
تحدث الشيخ عبد الله سلامة عضو مركز الأزهر العالمي للفتوى الإلكترونية، عبر فيديو ببرنامج "زاد الصائم" على موقع أخبار مصر،...