اغلاق الشريط الاخبارى

‏برنامج مشاهدة محتويات الانترنت‏

شعار أخبار مصر

‏برنامج مشاهدة محتويات الانترنت‏

‏برنامج مشاهدة محتويات الانترنت‏

أبطال 57357 يتحدون السرطان ويتفوقون في الثانوية العامة

أبطال 57357 يتحدون السرطان ويتفوقون في الثانوية العامة

تاريخ النشر

استطاع أطفال مستشفى سرطان الأطفال مصر 57357، تحدي الصعاب، واجتياز امتحان الثانوية العامة، شأن الأصحاء، وذلك خلال معركتهم الضارية مع السرطان، وأدخلوا الفرحة على قلوب أهاليهم وقلوب كل من بهذا الصرح العظيم، بنجاحهم وتفوقهم فى الثانوية العامة.. وتكمن وراء كل واحد من أبطالنا قصة حقيقية، وأناس دعموهم، من الأهل والأصحاب، ووراءهم دعم كبير من 57357 ، التى وفرت لهم أعلى مستوى من الرعاية الصحية والنفسية، وتعلموا فيها كيف يكونون أبطالا فى مواجهة المرض؟ وكيف يتمسكون بأحلامهم رغم كل الظروف؟.

مريم : "كنت بذاكر فى جلسات الكيماوي.. والممرضات بيراجعوا معايا"

" مع الإيمان والعزيمة والاصرار مفيش مستحيل.. أقوى درس فى مدرسة 57357"

مريم مصطفى من الإسكندرية، كانت بطلة ألعاب قوى، وكانت فى الصف الثاني الثانوي، عندما اكتشفت فجأة اصابتها بورم فى الغدد اللمفاوية والرقبة والرئة...

تقول مريم : "بدأت العلاج وقت الامتحانات، كنت بذاكر خلال جلسات الكيماوي، وكانوا الممرضات أصحابي بيسمعوا لي ويراجعوا معايا ، كنت باخد الجلسة 12 ساعة وأرجع اسكندرية بالليل، أنام وأصحى أروح الامتحان، وكان أصدقائي فى ورشة العلاج بالرسم بيتصلوا كل امتحان يطمئنوا على، رحلة العلاج كانت طويلة، لكن الحمد لله كل الناس كانوا بيدعمونى ، من المستشفى ومن أهلي وأصحابي فى المدرسة لحد ما وصلت الثانوية العامة، مش ممكن انسى حضن سمر وشيماء من الورشة لما بدأت رحلة علاجي، وإعجاب أماني والدكاترة بالباروكة لما وقع شعري، ومش ممكن أنسى يوم ما حليت وحش فى امتحان فى تانية ثانوى، وكنت منهارة، وفوجئت بأصحابي المتطوعين بيكلموني طول اليوم يخففوا عني، احنا فى 57357 كلنا أسرة واحدة، بنخفف عن بعض ونشجع بعض".

باسم موسى: نجحت فى الدراسة وهزمت المرض وبدأت هواية جديدة

"المرض غير حياتي كلها ، لكن مقدرش يهزمني، صحيح اضطريت أبعد عن أكثر حاجة كنت بحبها وناجح فيها، وهي رياضة "كيك بوكسينج"، لكن الحمد لله اتعلمت فى مدرسة 57357 ، إن المحنة ممكن تكون خير، وأن المرض مش نهاية العالم، وإنى ممكن أبدأ هواية جديدة، وأحبها وأنجح فيها أكتر، أصل 57357 مش مجرد مستشفى، دى مدرسة كبيرة".

"باسم موسى" من الإسكندرية، بدأ حكايته في 2017، وكان وقتها فى نهاية الصف الأول الثانوي، وبطل "كيك بوكسينج"، شعر فى أحد الأيام بألام خفيفة في الكتف الأيسر، عالجها الأطباء فى البداية باعتبارها تمزق بالأنسجة نتيجة اللعب العنيف، واستمر باسم فى تدريباته حتى فوجئ بعودة الألم بعنف مع تورم بالكتف، وضعف بأعصاب اليد، وفى مستشفى للعظام بالإسكندرية، اكتشف مدير المستشفى وجود ورم بالمفصل، ليتم تحويله فورا لمستشفى 57357.

بدأ باسم جلسات الكيماوى، ثم أجرى جراحة تغيير مفصل، ثم استكمل الجلسات، ورغم شفاء الورم، إلا أنه أصيب بصدمة حينما أخبره الطبيب بعدم قدرته على العودة للعبته المفضلة "كيك بوكسينج"...

يقول باسم: "طبعا كانت صدمة كبيرة، مكنتش عارف استوعبها، لكن فى الوقت ده كنت باستعد لامتحانات نهاية العام، وفى لجنة مستشفى 57357، اكتشفت وجود 32 مريض غيرى فى نفس السنة، وتعارفنا بمساعدة الأطباء والتمريض، وأصبحنا أصدقاء، وعرفت قصصهم وتعلمت منهم، واصبحت المستشفى كأنها بيتى، وكل العاملين أصدقائي، وفى ورشة العلاج بالرسم، اكتشفت إنى مش عايز أرسم، لكن ميس "أماني" و"سمر " شجعون أدور على هواية تانية، فاتجهت للموسيقى، وحبيت الجيتار، وبدأت دورات تدريبية، وكانوا فى الورشة دايما بيشجعوني على المذاكرة وعلى الهواية الجديدة، ود. غنيمى أكد لي أن عزف الجيتار هيقوى اعصاب ذراعي، وفعلا أعصاب الكف والذراع رجعت زى الأول، والحمد لله بقيت عازف ممتاز، ونجحت فى أولى وثانية ثانوي، وبدأت الثانوية العامة، وخلال الدراسة انتهت فترة العلاج، وبدأت المتابعة، والحمد لله نجحت بمجموع 85.6 %؜ ، وإن شاء الله هدخل كلية هندسة وأكمل أحلامى".

فاطمة: فى 57357 اكتشفت موهبة الرسم وبحلم بكلية الفنون

"رحلة علاج فاطمة أحمد فوزي كانت قاسية وطويلة، بدأت عام 2012 وكان عمرها 11 سنة".

تقول فاطمة : " الحكاية بدأت بوجع فى الركبة، وصعوبة فى المشي، وبعد الأشعات اكتشفوا ورم فى الركبة، العلاج كان طويل، والحالة صعبة، بدأت العلاج بـ 6 جلسات كيماوي، وبعدها جراحة لإزالة الورم، وبعدها 12 جلسة جديدة، وجراحة جديدة لتركيب مفصل، لكن الورم كان شرس، وفى عام 2016 اضطر الأطباء لجراحة بتر، كانت مرحلة صعبة، لكن كل الناس فى المستشفى ساعدوني، وشجعونى أشارك فى ورشة العلاج بالفن، واكتشفت إني باحب الرسم، واكتشفوا فى الورشة إنى موهوبة، وحسيت إني بابدأ مرحلة جديدة، وبدأت أحلم بكلية الفنون الجميلة، وركزت فى الرسم والمذاكرة، وشاركت فى معارض مع المستشفى ومنها معرض بدبي، وكنت فى منتهى السعادة، لما شفت الناس بتشتري رسوماتي، والحمد لله نجحت فى الثانوية العامة، بمجموع 60%؜، وبحلم بكلية فنون أو تربية فنية، ورغم إني أنهيت العلاج، وباتابع فى فرع 57357 بطنطا، لكن علاقتى بورشة الرسم فى 57357 بالقاهرة مستمرة، لأني بدأت معاهم تحقيق أحلامي، ولسه أحلامي كتير".

الأبطال كثيرون، عبد الرحمن حازم 93.6 %، ياسين محمد 55.6 % ، نهى عادل 82.7 % ، آية إيهاب اللقاني 86.1 % ، أمير محمد الشيمي 88.5 %، خالد عمرو سرايا92.7 %.

وهنأ المستشفى الناجحين المقاتلين في بيان له، وقال: "أولادنا فى 57357 ، صغار بأعمارهم ..لكن أبطال وقدوة بعزيمتهم وإصرارهم".


  • #كلمات متعلقة

‏برنامج مشاهدة محتويات الانترنت‏

أضف تعليق

الموقع غير مسئول عن محتوى التعليقات و نرجو الإلتزام باللياقة في التعبير

‏برنامج مشاهدة محتويات الانترنت‏

فيديوهات

‏برنامج مشاهدة محتويات الانترنت‏

‏برنامج مشاهدة محتويات الانترنت‏

‏برنامج مشاهدة محتويات الانترنت‏

Complementary Content