أ/أحمد حمروش عضوتنظيم الضباط الأحرار-السفير اليمني/عبد المنعم الشميرى-اللواء/ صلاح محرزى نائب رئيس المخابرات د/عبدالقاد...

press_center

مروالليثى : مساء الخير وكل عام وأنتم بخير اليوم وعلى مدار عدة حلقات قادمة سوف نقوم باستعراض حصاد حلقات برنامج اختراق عن عام 2009 يمكن احنا بدأنا بدرى شوية السنة دى لكن ده راجع إلى إن احنا قدمنا عدد من الملفات الهامة التى حرصنا فيها على التوثيق ؛ توثيق كل ما جاء بها سواء التوثيق من خلال شهود العيان أو التوثيق من خلال المستندات لتكون بمثابة شهادة على أحداث ما جاء من فى تلك الملفات الهامة وكان نتاج هذا المجهود الضخم والعمل المتواصل هوحصول برنامج اختراق على جائزة مصطفى وعلى أمين الصحفية والتى تعتبرمن أهم وأرفع الجوائزالتى تمنح للأعمال الإعلامية واليوم سوف نبدأ بتقديم أول كشف حساب عن بعض الملفات التى تناولناها ولكن بعد الفاصل
فاصل
عمروالليثى : حرب اليمن كانت نقطة فاصلة فى تاريخ مصر حيث حملها البعض مسئولية ما حدث فى نكسة يونيو 67 فكان لزاما علينا أن نفتح تلك الملفات الحساسة فى تاريخنا المعاصر وطرحنا جميع التساؤلات على شهود العيان الذين عاصروا تلك الفترة سواء من اليمنيين أو من المصريين وقمنا بتوثيق كل المعلومات فتعالوا معنا نتذكر أهم ما جاء فى ملف حرب اليمن
فاصل تقريرى
المذيعة: من أرض اليمن إنطلق العرب الأوائل ينتشرون فى الأرض باعثين حضارة خالدة هؤلاء جميعا أبناء النبى قحطان إبن سيدنا هود عليه السلام ويقول ابن خلدون فى كتابه "المبتدئ والخبر" إن قحطان هوأبو اليمن كلها وانعكس الصراع على كرسى الخلافة فى اليمن كسائرالأمصارالإسلامية تعاقب عليها ولاة رسول الله صلى الله عليه وسلم والخلفاء الراشدين من بعده ثم الولاة الأمويين والعباسيين والأيوبيين والعثمانيين نجحت غزوات العثمانيين المتلاحقة فى اقتطاع بعض المناطق الساحلية لليمن لكنها لم تستطع أن تبسط هيمنتها الكاملة على اليمن إلى أن خرجوا منها نهائيا فى الحرب العالمية الأولى عام 1918
أ/أحمد حمروش : تركيا كانت تريد أن تحتل كل المنطقة العربية وأنا أذكر أن إبراهيم باشا ابن محمد على كقائد القوات المصرية فى ذلك الوقت قال : إننى أريد أن أحارب إلى حدود بلاد لا يتكلم أهلها العربية يعنى كانت فكرته إنه يبقى فيه فعلا تجمع عربى
فاصل تقريرى
المذيعة : إلى أكثر من ألف عام حكمت اليمن على المذهب الإمامى الكهنوتى الذى ادعى أصحابه أن لهم الحق الإلهى فى حكم اليمن وحولوها إلى سجن كبير محاط بأسوار عالية لم يستطع الشعب اليمنى عبوره طوال هذه الألفية وكان الإمام أحمد وابنه البدر آخر سلاطين الأئمة حكم اليمن بالحديد والنارحارب كل من حاول نصيحته بالإصلاح والعدل لدرجة سادت فيها سياسة قطع الرقاب لكل من تسول له نفسه الوقوف فى وجه الإمام معترضا أو موجها أو ناصحا ويكفى للدلالة على ذلك ما قام به الإمام أحمد من قتله لثلاثة من إخوته إضافة إلى الآلاف من أبناء الشعب اليمنى المغلوب على أمره
أ/أحمد حمروش : الإمام أحمد ده كان مثال للتخلف يعنى لوكانوا عملوا تمثال للتخلف كان هيبقى الإمام أحمد وجميع الأئمة دول
أ/عاصم الدسوقى : وطبعا هو كان بيمارس الهيمنة من الوضع الهيمنى الدينى إن هو إمام والإمام طاعته واجبة الإمام عند هؤلاء الناس تفسرها كلمة موجودة يقول لك دى دعوة هو مش مجرد إمام كده ؛ إمام صلاة لا دى دعوة يعنى هو عليه أن يحافظ على المذهب الزيدى ، دعوة وهو له الأمر وعلى الجميع الطاعة
السفير/عبد العزيزالسنجرى : الأمام أحمد كان قد ابتعث بعض الشباب فى بداية يعنى التنادى بالتعليم إلى مصروبعضهم فى عصرأبيه ابتعثوا إلى العراق فعادوا ينادون بثورة معلومات بإصلاح للحكم فى اليمن
فاصل
السفير/عبد العزيزالسنجرى : طبعا بدأت الثورة تتأجج فى نفوس الناس
أ/ عاصم الدسوقى : أول المحاولة كانت سنة 48 لكن لما فشلت بتاعت 48 إتكررت فى سنة 55 و57 و 59 لكنها كانت بتفشل
الكاتب/ يوسف شريف : المسائل تعقدت فى العلاقات بين مصرواليمن بعد فض الاتحاد بتاع الجمهوريات ده وبدأ الأحرار اليمنيين يفدوا إلى مصر ويتكلموا فى صوت العرب ؛ يشرحوا الأوضاع والمظالم اللى موجودة فى اليمن
فاصل تقريرى
عمروالليثى : قبل وفاة الإمام أحمد زارالبدرالرئيس عبد الناصرفى القاهرة وكان البدر متحمسا للحركة العربية التحررية وداعيا للعلاقات الوثيقة مع الاتحاد السوفيتى
مذيعة : كان البدرابن الإمام يتزعم حركة إصلاحية داخل اليمن ويردد فى مجالسه الخاصة أنه ليس معجبا بطريقة والده فى إدارة الدولة ويتمنى أن تتاح له الفرصة لإجراء إصلاحات كبيرة داخل اليمن تحقق المساواة والعدل بين طبقاتها وكثيرا ما عبر عن إعجابه بالثورة المصرية والرئيس عبد الناصربصفة خاصة وأنه إذا حكم سيتبع مبادئ الثورة المصرية داخل اليمن واستطاع أن يكون لدى القاهرة سمعة طيبة بخلاف أبيه جعلت السلطة تعقدعليه الآمال فى قيادة اليمن إلى الحرية والمساواة إلى ان ناصرت الحكومة المصرية الأمير بدرجعلت والده لا يثق فيها خوفا من عزله وتنصيب ابنه بدلا منه لدرجة جعلته ينزل من مركبه الخاص عند مروره بمصرفقابله عبد الناصرداخل المركب وبجانب عبد الناصرالمؤيد للبدر كانت الأحرار القدامى فى اليمن المعارضين للإمام والموجودين فى القاهرة وروؤا أيضا أن الأمل فى الإصلاح هو البدر أما دون المعارضين من الشباب الأحرار فيرون أن التغييرفى اليمن يجب أن يكون تغييرا جذريا بقيام ثورة شاملة
أ/عبد الرحمن البيضانى : خوف الرئيس عبد الناصر إن لا أمل مطلقا فى إصلاح اليمن إلا بقيام تحويل اليمن إلى جمهورية فوجدت إن الرئيس يعنى يفوجئ مثل هذا الكلام لكن الرئيس عبد الناصريعنى لم يعلق على كلامى لاحتمالات إنه وجد إن شئ محرج إن رئيس دولة يتكلم عن ثورة فى دولة احتلت عن طريقه فاستنى دقيقة فكلم أنورالسادات -السيد أنورالسادات رحمه الله وكان وقتها المؤتمرالعام الإٍسلامى أرسلت إليك الأخ عبد الرحمن البيضاوى استمع إليه التقيت بالسيد أنورالسادات ففتحت هذا الموضوع معه ووجدت فيه استجابة وروح ثورية غيرمتوقعة أنا لم أتوقعها
فاصل تقريرى
عمروالليثى : بعد أسبوع واحد من وفاة الإمام أحمد تولى الإمام بدر الملك وعندها قام قائد الجيش عبد الله السلال بالانقلاب ضده وكان البدرقد عين السلال قائدا للجيش والحرس الملكى
فاصل
الفريق/عبد المحسن كامل : لما قامت الثورة فى اليمن كان عندنا الوزير المفوض بتاعنا على ما أعتقد كان اسمه محمد عبد الواحد وكان اتصاله على طول بأنور السادات فطلب من أنور السادات يرسل أى مجموعة بسيطة من قوات رمزية مصرية علشان يقولوا احنا اللى ساعدنا اليمن قلت له فعلا اتخذ أى قرار على مستوى غيرنا يعنى القوات المسلحة يعنى ياخذ القرار فعلا
فاصل
صوت جمال عبد الناصر : بدأ العدوان على دولة اليمن من الشمال إلى الجنوب وأرسلت تطلب من مصر أن تعينها على أعداء الثورة العربية ، على الاستعماروعلى الرجعية ورغم هذا صممنا على أن نقوم دورنا التاريخى ، دورنا النضالى ، دورنا الثورى وذهبنا إلى اليمن لمساندة ثورة اليمن ضد الاستعمار والرجعية
عمروالليثى : هل ساهمت عملية فشل الوحدة بين مصر وسوريا فى دعم الثورة اليمنية ؟
عبد الرحمن البيضانى : هى جزء من الأسباب يعنى جزء من أسباب الدعم أو المناخ السياسى العام أولا احنا كنا متفقين على الثورة من قبل انفصال السلطة ومن قبل الوحدة السورية لكن اللى شجع أكتر على مصر إنها تتفق مع اليمن هو المناخ العربى العام الذى ساد فى تلك الأيام بعد الانفصال السورى
الفريق/عبد المحسن كامل: ما أقدرش أقول إنها كانت سبب إنما علاقتنا الدولية ما كانتش حلوة وكان فيه حاجات اقتصادية بتتحكم فينا كمان فتصورى أنا ما أعرفش إذا كان صح وللا لا اللى هو جمال عبد الناصر فكر إنه يخرج من القمقم اللى كان فيه فى مصر ويطلع بقى على اليمن اللى هو كان بيساعد على قيام ثورة اليمن
فاصل
الفريق/ عبد المحسن كامل: مفيش شك إن أنا كان نفسى إن اليمنيين هم اللى يتولوا العملية لإن احنا بنستنزف يعنى أنا فى رأيى هناخد إيه من اليمن
أ/عبد المولى الشحيرى : القبايل كانوا بيقاتلوا لأنهم أولا من ورائهم أنهار من الأموال الملكية والذهب فى اليمن عرف ما عرف قبل التاريخ الذهب اليمنى لأن كل الملكيات قد فتحت ذهبها وكانت الذهبية والفضية المشهورة يعنى العملة السابقة القديمة مارى تريزا فكانت موجودة فى اليمن ورجال القضائى بالمال يقاتلون فطبعا الجيش المصرى وجد نفسه يقاتل القبائل الذين هم مع الملكية
عمروالليثى : سيادتك شايف إن القوات المصرية تورطت فى حرب عصابات مع القبائل اليمنية؟
الفريق/عبد المحسن كامل : آه
عمروالليثى :إزاى ؟
الفريق/عبد المحسن كامل : أولا يعنى احنا مش بس إزاى حرب اليمن دى كان هدف كتير سيئ على القوات المسلحة المصرية
فاصل
عمروالليثى : هل أخطأت القيادة المصرية فى تقدير الوضع الداخلى فى اليمن القائم على الصراع القبلى؟
أ/عبد الرحمن البيضانى : لا لم تخطئ القيادة المصرية إطلاقا ثم كان متفق عليه إن عندما تقوم الثورة اليمنية سنحتاج إلى دعم عسكرى مصرى وهذا ما سبق أن اتفقت عليه مع الرئيس عبد الناصر بالضبط يوم 6 يونية سنة 1962 وبعد مناقشات طويلة عريضة وبعد اتفاقات أخرى ثنائية مع الرئيس أنور السادات لمدة 9 سنوات تقريبا وكنا نعلم أن عندما أقول كلام للرئيس السادات سيصل إلى أذن الرئيس عبد الناصر وعندما يقول الرئيس عبد الناصر أى شئ للرئيس السادات أعلم أنه سيصل إلى أذنى
عمروالليثى : يعنى يا فندم أقدر أقول أن القيادة ؛ قيادات الثورة اليمنية هى اللى ألحت وطلبت من القيادة المصرية إرسال قوات عسكرية إلى هناك ؟
أ/عبد الرحمن البيضانى : طبعا بدون ذلك ما كان أى يمنى يجرؤ أن يفعل شئ
فاصل تقريرى
المذيعة: وتبين أوجه الدعم المصرى لليمن فى عملية صلاح الدين تلك العملية التى قام بها المراسل الصحفى جمال حمدى هرب خلالها 18 طنا من الأسلحة والذخيرة لليمن
أ/ نرمين القويسنى : عمل خطة إن هو خلاهم لما دخل السلاح يدخله فى الظلمة ويغطوا السلاح ده كله أولا نقلوا السلاح ده على جمال
فاصل موسيقى
أ/ نرمين القويسنى : هم كانوا اتنين يعنى ما كانوش عدد كبير قوى لكن الجمال اللى كانت كتيرة والحمولة كانت كتير وهم 3 أفراد اللى عملوا العملية
فاصل لقطات صور للصحفى جمال حمدى
عمروالليثى : هل كان هناك وضع محدد لدور القوات المصرية التى تذهب لدعم ثورة اليمن يعنى كان مطلوب إيه من القوات المصرية طلبتم إيه من الرئيس عبد الناصر عشان يبعت قوات مصرية لكم؟
أ/عبد الرحمن البيضانى : الهدف الرئيسى هوإقناع الشعب اليمنى أن هنالك دولة كبرى ذات سمعة طيبة فى العالم العربى تقف معنا ، ثانيا إلى أن ننشئ جيش يمنى حديث يجب أن نستعين بدولة عصرية مثل مصر على الأقل لحماية صنعاء العاصمة
أ/أحمد حمروش : جمال عبد الناصر شخصيا هو اللى قال لى إنه طلب منه فصيلة أثرية واضطر إنه يخليها 70 ألف نتيجة بعثة كومر الأمريكية دية اللى جت
فاصل
عمروالليثى : رأى الرئيس جمال عبد الناصر أنه أبلغ تأييد مصرى للثورة الوليدة أن يأتى من خلال زيارته لليمن والالتقاء باليمنيين وجنود مصر هناك .
فاصل تقريرى
لقطات من نشرة الأخبار اليمنية حول زيارة الرئيس جمال عبد الناصر لليمن فى العيد الكبير
عمروالليثى : الرئيس عبد الناصر زار اليمن ليه؟
الفريق/عبد المحسن كامل : أنا كنت أياميها فى اليمن
عمروالليثى : وقال لك إيه لما قابلك وقلت له إيه؟
الفريق/عبد المحسن كامل : هو طبعا كان بيحاول مع اليمنيين إن هم اللى يقودوا اليمن وبلاش المصريين يعنى خرج المصريين والزعماء اليمنيين هم اللى يقودوا البلد بدون الاستعانة بالمصريين ده اللى كان بيحاول جمال عبد الناصر يعمله وبعدين حتى لما كان جمال عبد الناصر بيكلمنى فى المكتب كان بيقول لى وأنا بجيب سيرة إسرائيل ومش إسرائيل قال لى أنا لا أفكر فى إنى أصعد عملية إسرائيل دى قبل 1970 وآجى فى سنة 1970 هشوف الموقف الدولى عشان أشوف هل أقدر أعملها وللا ما أقدرش أعملها
لواء/ صلاح محرز : قابلت عبد الحكيم عامر الراجل قابلنى مقابلة كويسة الله يرحمه وفوجئت قلت بقى ده هيكلمنى عن الأوضاع ومين قال ومين ما عملش فلقيته فجأة بيقول لى يا صلاح الكتيبة 2 وكان موجود معاه أنور السادات حتى قال له أقعد إسمع اللواء صلاح المقدم صلاح قال إيه ، قال لى الكتيبة 14 مشاة تدرجت وبيقول إنها فقدت روحها القتالية مش عايزة تحارب طلب قائد يقود الكتيبة دى ويقدر يرد روحها المعنوية ويحارب أنا ما أعرفكش أرشح لك عثمان نصار، الفريق مرتجى، عبد المنعم العسلى قال شد حيلك يا صلاح ده كمين ووقعنا فيه نطلع منه بكرامتنا ، نطلع منه يا صلاح بكرامتنا ما نطلعش والعالم بيضحك علينا
فاصل
الفريق/عبد المحسن كامل : اجتمعنا وكان من ضمن الموجودين الرئيس أنور السادات لا الرئيس أنورالسادات جه متأخر شوية فالرئيس جمال عبد الناصر شاور عليه وقال أهو كله من ده وذكرعبارة مفيش داعى لذكرها هو اللى ورطنا فى عملية اليمن واستنى بقى نحاول نخرج من عملية اليمن إزاى مع الاحتفاظ بالبرستيج اللى هى السمعة بتاعت مصر اللى كانت بتأثرعلى كل القارة .
فاصل
عمروالليثى : ما هى أهداف التدخل السوفيتى فى العملية اليمنية ؟
أ/عبدالرحمن البيضانى : يرد على هذا السؤال الفريق صلاح الحديدي مدير المخابرات الحربية حيث نشر فى مجلة روزاليوسف بتاريخ 9 يولية ، 9 يونيه 1968 قال إن الاتحاد السوفيتى كان يسعى إلى المياه الدافئة فى خليج عدن وجنوب شرق أفريقيا على أشلاء القوات المصرية ضع خط تحت كلمة أشلاء ، على أشلاء القوات المصرية واليمنية معا
لواء/صلاح محرز : الاتحاد السوفيتى كان يهمه تدخله إن مصركانت بتقوم بدور ينزع النفوذ الأمريكى اللى موجود فى اليمن
فاصل
د/رفعت يونان : عبد الحكيم عامربرضه كان لا يريد الانسحاب من اليمن بالنسبة لرأى الاتحاد السوفيتى ، الرئيس السادات كان له أصدقاء من الثواراليمنيين فبرضه كان له رغبة فى الوجود المصرى فى اليمن لحين القضاء على الملكية
فاصل موسيقى
أ/عبد الرحمن البيضانى : الرئيس عبد الناصرلما التقيت معاه قال لى أنا مصمم رغم هذه الرسالة على استعادة القوات المصرية بالكامل وفعلا عادت يوم 23 مايو 1963 يعنى بعد أشهرمن هذه الاتفاقية عادت واحتفلنا بها فى مصر
صوت مذيع : أيها المواطنون الأحرارالسلام عليكم ورحمته الله وبركاته تحية للأبطال العائدين منتصرين ، تحية لشجعان اليمن الذين دافعو عن الكيان العربى والذين ضربوا أروع الأمثلة فى البطولة والتضحية والخداع ، ينطلق الهتاف عاليا ناصر ناصرويقترب الرئيس جمال عبد الناصر من السوادان ليكون على بعد بضعة أمتار من أحبائه وأبنائه وإخوانه الذين دافعوا عن الكيان العربى وعن القومية العربية وعن حرية الشعب اليمنى
فاصل أغنية عبد الحليم حافظ فى احتفالية مصر بالعائدين من اليمن
عمروالليثى : لماذا أصرالمشير عبد الحكيم عامرعلى عودة القوات المصرية لليمن بعد عودتها لمصروذلك عقب لقاؤه خراشوف فى موسكو
أ/عبد الرحمن البيضانى : هذا يسأل عنه المشير عبد الحكيم عامر لأنه
عمرو الليثى : تصورك أنت؟
أ/عبد الرحمن البيضانى : تصورى أنا
عمرو الليثى : آه
أ/عبد الرحمن البيضانى : إن الاتحاد السوفيتى يعتمدل على المشير عامر وكان المشير عامر بيحاول إن هو يحل محل الرئيس عبد الناصر وأنا عرفت أخيرا يعنى سنة 63 عرفت إن الذى كان يحكم مصر كان عبد الحكيم عامر وليس عبد الناصر
عمروالليثى : الكلام ده على مسئوليتك؟
أ/عبد الرحمن البيضانى : على مسئوليتى .
د/عبد القادر حاتم : لالا أوافق طبعا عبد الناصركان بيعمل توازنات فى داخل البلد وليس شخص واحد هوعبد الناصركان عنده عبد الحكيم عامر كان ماسك له الجيش وعلاقته طيبة بالجيش إلى آخره ولكن كان له رأى فى القيادات فى قيادته فى أُثناء المراحل اللى هو مسكها لكن كان بينظرله كصديق إلى آخره فإذن فكرة إن هوبيحكم كان بيدى له بعض السلطات لكن مش بيحكم مصر اللى كان بيحكم كان عبد الناصر
فاصل
عمروالليثى : ما سرتحول عبد الناصر؟
أ/عبد الرحمن البيضانى : ما تحولش هو اللى تحول عبد الحكيم عامر
عمروالليثى : لكن الذى أعطى القرارببقاء أواستمرارالقوات المصرية فى اليمن هو رئيس الدولة هو الرئيس جمال عبد الناصر؟
أ/عبد الرحمن البيضانى : أنا لا أعرف
عمرو الليثى : يعنى انت عايز تفهمنى حضرتك أن بقاء القوات المصرية فى اليمن كانت دون موافقة الرئيس عبد الناصر؟
أ/عبد الرحمن البيضانى : على الأقل كان بإلحاح من المشير عبد الحكيم عامر وكان الرئيس
عمروالليثى : كان بإلحاح من عامر لكنه كان بموافقة عبد الناصر؟
أ/عبد الرحمن البيضانى : عبد الناصر بيقود الأستاذ وجدى قنديل بيقول له إن 62 الطائرات نزلت بيتك.
عمروالليثى : طب أنا عايزتفسير من سيادتك لهذا الاختلاف أوهذه الازدواجية فى التعامل مع الموقف؟
أ/عبد الرحمن البيضانى : بعد الانفصال السورى– المصرى فى سنة 61 تحولت القيادة إلى المشيرعبد الحكيم عامر بالكامل حسب ما فهمت من كل مصادرنا وأصبح الرئيس عبد الناصر عبارة عن رئيس دولة لكن الذى كان يحكم فعلا هو عبد الحكيم عامر ثم إذا لم تصدقنى إٍسأل خبراء السياسة المصرية
اللواء/ صلاح محرزى : لا لما قررسحبها سحبها ، لما قررسحبها سحبها لما قرر سياسة النفس الطويل حصل الانسحاب تدريجى وبقت كل منطقة بننسحب منها بنسلمها للإخوة اليمنيين
د/رفعت يونان : الخسايركانت كبيرة جدا كبيرة جدا فى اليمن ؛ خساير مادية وخساير فى الأرواح وخسايرمالية الرصيد بتاعنا راح فى اليمن
أ/عاصم الدسوقى : فى66 تقريبا فى إبريل جهاز المخابرات الأمريكية رفع تقريرأمن قومى للرئيس الأمريكى وقتها بيقول له فيه إيه بيقول له إن استمرارالقتال فى اليمن قد يؤدى إلى إنهاك القوات المصرية ويؤدى إلى إثارة أزمات اقتصادية داخل البلد وده يشجع المعارضة السياسية فى مصر إنها تقوم بانقلاب أو بشئ ما ضد الثورة معناها إن من مصلحتنا استمرار هذا الاستنزاف الموجود بالقوات المصرية.
اللواء/صلاح محرزى : لولا الجندى المصرى كان انتهى بكارثة اليمن كلها بالكامل
فاصل
عمروالليثى : كانت أحداث الاسماعيلية فى 25 يناير عام 1952 بمثابة المحرك لتغيير نظام الحكم فى مصر من الملكية إلى الجمهورية وأيضا كانت شاهدة على بسالة الشرطى المصرى وانفردنا فى اختراق باستضافة اللواء مصطفى رفعت أحد الضباط المحاصرين داخل مديرية أمن الاسماعيلية ليروى لنا تفاصيل ما جرى فى تلك الساعات الصعبة فتعاولوا نتذكر ماذا قال اللواء مصطفى رفعت
فاصل تقريرى
المذيعة : لعبت الشرطة المصرية دورا كبيرا ومهما فى الحركة الوطنية المصرية على مدار تاريخها فعندما رفضت مصر الإنذار البريطانى فى مايو من عام 1882 استمرت 28 بارجة حربية بريطانية تصب نيرانها على المقاومة بينما ظل المصريون شعبا وجيشا وشرطة يواجهون القنابل بصدورهم دفاعا عن ترابهم الوطنى وظل الجيش والشرطة جسدا وتنظيما واحدا وظلت ثورة المصريين تشتعل ضد الحكم الأجنبى وهم يخوضون معركة التحرير وبرز دور الشرطة المصرية أثناء الثورة الشعبية عام 1919 بقيادة سعد زغلول عندما انتفض المصريين مطالبين بحق بلادهم فى الاستقلال فتصدت لهم القوات العسكرية البريطانية وأصدرت أوامرها بتجريد رجال الأمن من أسلحتهم ولم يتوفق تد فق الدم الوطنى فى عنوق الشرطة المصرية ففى حرب عام 48 قدمت الشرطة تضحيات كبيرة لدعم تالكجهود الحربى لحماية ظهرالقوات المصرية فى فلسطين وقامت بكافة أعمال المخابرات ومع اشتعال المقاومة ضد الاحتلال البريطانى فى القناة أصبحت الشرطة المصرية هى العدو الأول للاحتلال بعد أن أصبح السلاح الوطنى لحرمان القواعد البريطانية من العمالة المصرية وكان قرار الاحتلال هو نزع سلاح الشرطة المصرية وفى سلسلة من المواجهات المسلحة مع قوات الاحتلال قدمت الشرطة المصرية عشرات الشهداء وهكذا كانت الشرطة المصرية على امتداد الحروب التى خاضتها مصرمن حرب عام 56 عندما انخرطت فى صفوف المقاومة إلى حرب أكتوبر عام 73 عندما كانت عنصرا أساسيا فى إعداد الدولة للحرب كانت سندا وسدا منيعا لحماية الجبهة الداخلية
عمروالليثى : فى عام 1950 كانت مصر فى حالة سياسية مليئة بالصراعات فقد جاءت حكومة الوفد إلى السلطة على غير رغبة الملك فاروق ودخل رئيس الوزراء النحاس باشا فى مفاوضات مع الانجليز للجلاء عن مصر واستمرت لمدة 20 شهرا ولكنها لم تسفر عن شئ ولذلك قرر النحاس باشا ابتداء معاهدة 36 ولم يكن الملك فاروق راضيا عن هذه المعاهدة
أ/جمال الشرقاوى : الملك فاروق ما كانش راضى عن هذه المعاهدة وحول بأفكاره إنه يعطلها وفعلا أرسل وهو فى أوروبا فى الصيف بيصيف بعت للنحاس باشا قال له وقف وما تمشيش فى الحكاية دى لكن النحاس باشا أصر ورجع الملك فاروق فنصحه البعض قالوا له هتقوله لا هيصرعلى موقفه خليه يمضيها ويتحمل هو نتائجها
عمروالليثى : بإلغاء معاهدة 36 أصبح الوجود الإنجليزى فى منطقة القناة احتلال غير مشروع وأدرك الشعب المصرى أنه لن يحصل على حريته إلا عن طريق الكفاح المسلح وبدأ الطلبة والعمال والمثقفون وجميع فئات الشعب فى الذهاب لمنطقة القناة لمقاومة الاحتلال الإنجليزى
سعد زغلول : عزيزالمصرى راح فتح كتائب التحرير طلبت عزيزالمصرى خدت بندقية ألمانى سليمة وكويسة بدل ما كنا بناخدها لما تبقى باضت وكنا بندى بنادق للحرامية خدنا وجيه أباضة ورحنا وزارة الداخلية واستلمت 12 بندقية مش بس كده فوجئت باتنين جايين باعتهم سيادة وزير الداخلية ضباط شباب فى البوليس
عمروالليثى : فى ذلك الوقت ضباط بوليس ثائرون قرروا السفر إلى القناة للاشتراك فى العمليات الفدائية وكان من بينهم البيكباشى صلاح ذو الفقار واليوزباشى صلاح دسوقى واليوزباشى مصطفى رفعت .
اللواء/مصطفى رفعت : احنا قلنا إننا مش أقل من دول ورحنا كاتبين طلب لمديرالكلية احنا عايزين نروح نرتب العساكروإزاى نخليهم يأمنوا الهجوم بتاع القوات البريطانية
عمروالليثى : انطلقت المقاومة من كتائب الفدائيين ضد القوات البريطانية فبدؤوا يهاجمون المعسكرات ويشعلون النار فيها .
أحد شهود العيان : أول عملية قمنا بها كان فى شارع محمد على تانى مرة ضربناهم فى مقرش منطقة مقرش ، تالت مرة ضربناهم فى كفرأبو سويلم
أ/سعد زغلول : كان وجيه أباظة القائد بتاعنا المباشرقال انتوا فى بطن الجسر وامنع المواصلات كل ما تفوت عربيات انجليزى وبتاع كنا نحتل المعسكرات الكبيرة زى التل الكبيروالقصاصين وأبو صوير كلها ضربناها
اللواء/مصطفى رفعت : وابتدينا برضه نتصل بالفدائيين كانوا الفدائيين بقى بيشتغلوا هناك هاب آزارت يعنى كل واحد فى حتة ده بيضرب فى الحتة دى وده بيضرب فى الحتة دى نظمنا بقى العملية
عمروالليثى : كان في عشوائية؟
اللواء/مصطفى رفعت : برافو عليك كان فيه عشوائية يعنى اتنظمت بقى العملية ، لما تنظم العملية بيبقى الحصيلة بتاعتها أوالناتج بتاعها بيبقى أكتروأقسى فالانجليز بقى يتجننوا
عمروالليثى : ازدادت العمليات الفدائية وانتشرت لتشمل بورسعيد والسويس وامتدت إلى المعسكرالبريطانى فى التل الكبيرفى ذلك الوقت كان اليوزباشى عبد الكريم درويش ضابط الاتصال داخل المعسكر يساعد الفدائيين فى عمليات كثيرة
اللواء/عبد الكريم درويش : جانى تليفون أذكر حدثتين يمكن قريبتين إلى ذهنى آلو عبد الكريم درويش أنا وجيه أباظة ، عاوز إيه يا وجيه عامل إيه واحشنى ، قال عاوز نلتقى فى الباكر صباحا ، رحت المركز قال لى والله أنا معايا مجموعة من الفدائيين أنا ضابط شرطة هوقائد جناح سلاح الطيران المصرى والمجموعة اللى معاه طلبة جامعة قال لى عايزين نعمل حاجة جوة المعسكر حاجة يعنى طبعا معروف عملية فدائية جوة المعسكر فى الوقت المناسب راح السينيما اللى بيجتمع فيها الضباط فى أوقات التسلية والراحة والترويح كان هدوء تام وشامل لازم أقول لحضرتك إننا ألزمنا المتآمرين معنا موظفين وعمال مصريين بيشتغلوا فى هذه السينيما الأولاد حطوا اللغم دبسوه تمام ، تمام رجعنا انفجر اللغم فى السينيما
عمروالليثى : وسط تصاعد حدود المقاومة الشعبية قررالانجليز القضاء عليها عن طريق التخلص من قوات البوليس التى تقوم بدعم الفدائيين والتخطيط لعملياتهم سرا وفى سبيل ذلك قاموا بمحاصرة مدينة الإسماعيلية ومقرالمحافظة
اللواء/عبد الكريم درويش : يوم 25 يناير 1952 كانت ابتدت المواجهة راح اتنين ضباط إنجليز إلى الصاغ شريف العبد اللى هو كان ضابط الاتصال الرئيسى فى منطقة القناة فى معسكر فايد فى الإسماعيلية وأبلغوه إن القيادة البريطانية اتخذت قرار بترحيل جميع قوات الشرطة اللى موجودة فى منطقة القناة وعليه إبلاغ حذر إلى قيادته
اللواء/مصطفى رفعت : ورحنا على المحافظة اللى كان فيها حوالى 800 عسكرى نصهم من الخرزان ونصهم من كتيبة اسمها الأنفيلت يعنى بداية قوية كويسة إيكسهان واقف والأركان حرب والهيصة كلها ، بص لى إكسيهان كده وقال لى انت رايح فين قلت له داخل جوة قال لى تعمل إيه ، قلت له الله ده شغلى جوة انت إيه اللى جابك
فاصل
عمروالليثى : طلب أيكسهان قائد القوات البريطانية من الضباط والعساكرالمصريين تسليم المحافظة والخروج منها وتسليم الأسلحة لكن طلبه قوبل بالرفض
اللواء/ مصطفى رفعت : قلت له لما تقعد 50 سنة دى أرضنا المفروض إنك انت اللى تمشى مش احنا اللى نمشى المهم الكلام اللى اتقال لى 5 دقايق إن ما طلعتش هضرب قلت له وأنا 5 دقايق إن ضربت هضرب ما أنا رايح بقى ياقاتل يا مقتول دخلت جوه بقى العساكر يعنى لقيت العساكرالحقيقة يعنى الشهادة لله يمكن كانوا زينا أوأكتر من ناحية الوطنية
فاصل
عمروالليثى : فى هذا الوقت اتصل فؤاد باشا سراج الدين وزيرالداخلية بمقر المحافظة فى الإسماعيلية وتحدث مع الضابط المسئول لمعرفة تطورات الأمر
اللواء/ مصطفى رفعت : حوالى الساعة عشرة ونص حداشرلقيت عامل التليفون بيقول لى سيادة الوزير عايزك طبعا سيادة الوزير ما يعرفش مصطفى رفعت لما هو إتكلم قال له إيه اللى حاصل فقال له يا فندم ده الانجليز بتضرب ومش عارف إيه والكلام ده قال له هات لى الضابط اللى موجود اللى كان موجود كنت أنا كلمته انت مين قلت له أنا الملازم مصطفى رفعت إيه الأحداث اللى عندك قلت له كذا وكذا وكذا
أ/ ياسين سراج الدين : قال له طيب انتوا الأسلحة بتاعتكوا أسلحة من أيام عرابى يعنى حاجة فهتحاربوهم إزاى ؟
اللواء/مصطفى رفعت : قلت له مش هنسلم إلا جثث هامدة قال لى لا دول الكلمتين اللى بيطلعوا بهم دايما
أ/ ياسين سراج الدين : فقال لى فؤاد باشا أنا قلت له إذا كان ده رأيكم ربنا معاكم لان قال لى أنا ما رضتش أتحمل القرار ده لوحدى يعنى هم اشتركوا معايا فيه
اللواء/ مصطفى رفعت : أنا خرجت من هنا ومدفع راح ضارب راح واخد عامل السويتش بالسويتش وانقطع الاتصال به نهائى
عمروالليثى : مع ازدياد حدة مقاومة البوليس المصرى كانت تزداد شدة القصف الانجليزى لمقرالمحافظة وبدأت الإصابات تزداد بين أفراد البوليس المصرى .
اللواء/مصطفى رفعت : الموقف مش عاوزأوصف لك يعنى ما تشوف عندك 70 ، 80 قتيل وللا جريح وللا بتاع وده اللى بيزعق وده اللى بيصرخ والمية ضربت المواسيرانت عارف المية لما تيجى على الجرح تكويه يعنى بقيت عامل زى اللا شعورى إطلاقا قلت أخلص وأطلع امسك إيكسهام ده من زمارة رقابته أو أدى له رصاصتين وهيدينى رصاصتين وهننتهى وأخلص من العذاب اللى أنا فيه ، أنا طالع العساكر بقت تشد فىَّ هيضربوك هيموتوك تعالى خليك معانا قلت لهم خارج خارج وخرجت أول ما خرجت وقف الضرب وأنا خارج كده شوية لقيت واحد جنرال كبيرراجل يعنى كبارة كده غيرإكسهام وقف وخبط رجليه فى الأرض وراح معظك و أنا بحالى بقى بدمى بالبهدلة اللى أنا فيها رحت واقف أنا كمان ورحت معظم له
عمروالليثى : كانت الساعة كام؟
اللواء/مصطفى رفعت : حوالى 6 مساءً احنا ابتدينا من 6 صباحًا
عمروالليثى : 12 ساعة ضرب؟
اللواء/مصطفى رفعت : آه الذخيرة انتهت بقى والعساكر قعدت جوة بقى الله الله منتظرين قضاءهم الراجل قعد يكلمنى كلام والله يعنى خلانى وقفت انتوا عملتوا اللى عليكم وانتوا زيادة من اللى عليكم وانتوا مش شغلتكم إنكم تعملوا كدة قلت له والله احنا لنا طلبات
فاصل
عمروالليثى : قال اليوزباشى مصطفى رفعت شروطه لإنهاء ما يحدث قالت القوات البريطانية فى منطقة القناة
اللواء/مصطفى رفعت : فقلت له العلم بتاعنا هيستنى زى ما هو قال لى خلاص ده بقى اللى هوالجنرال بتاع منطقة القناة كلها إكسهام كان بتاع الإسماعيلية قوات الإسماعيليةقلت لهع احنا مش هنرفع إيدينا ومش هنخرج رافعين إيدينا والسلاح هنسيبه جوه قال لى خلاص آى أجريه (agree I ) وآخرحاجة بقى قلت له تدينى وعد فى ورقة إنك انت تعاملنا باحترام أنا خفت بقى مسكونا الانجليز يعنى بهدلونا بهدلة
عمروالليثى : كلمة شرف إنك انت.....
اللواء/مصطفى رفعت : آه إنك انت يعنى هتعاملنا بشرف والله قال لى not with delete with full delete يعنى بمنتهى الوطنية ودخلت بقى قلت للعساكر بقى مفيش فايدة وأنا اتفقت معاه على كذا واحنا لازم نطلع بصورة مشرفة وانت عارف أنا كنت فى كلية البوليس يعنى شغلتى العسكرية واقتنعوا فى الآخروقفنا طابور مظبوط وطلعنا طابور مظبوط ما طلعناش بقى هبل كده لا طابورمظبوط وكل حاجة وسيبنا السلاح جوة ومن غير رفع إيدينا و أول ما طلعنا بقى ضرب البروج والتحيات وكان يعنى منظر يعنى ربنا أكرمنا في الآخر طلعنا بشرف وبحاجة كويسة كده
فاصل عبارة عن كلمات لبعض المسئولين الانجليز
عمروالليثى : نتابع معكم باقى حصاد برنامج اختراق فى الأسبوع القادم إن شاء الله فتابعونا